أزياء الثورة .. بلوفر شفيق .. بورنس العادلى .. وأخيرا وليس بآخرا بدلة طنطاوى !!
اللي يسيب الثورة ويذاكر يبأة بيبيع صاحبه (أنا الوسواس القهري)
يعنى ايه الشعب المصرى⋆
يعنى الظابط يبقى واقف فى الكمين و يعدى عليه الواحد سايق العربية و يقوله
ايوه كده يا باشا نورتوا الشارع ربنا معاكوا هو ده اللى احنا عايزينه نورتونا
ولما الظابط يقولة طب ممكن الرخص
يقولوه عمروكواااااااااااا ماحاتتغيرواااااااا
وائل غنيم على صفحته الشخصية: المجلس العسكري أصدر بيانا إعلاميا رسميا عن أحداث مبارة كرة قدم (رسالة 32)، بينما وصلنا خبر صدورإعلان دستوري جديد عبر مداخلة تليفونية عابرة
تصحيح: حوار حقيقي بين إعلامي وعضو من أعضاء المجلس العسكري يوم 27 سبتمبر:
الإعلامي: حضرتك يا فندم عايزين أي معلومات عن الاعلان الدستوري اللي سمعنا انه هيصدر النهاردة؟
اللواء: الإعلان صدر فعلا من يوم 25 سبتمبر واتنشر
الإعلامي: نزل ازاي ده مفيش أي وسيلة إعلام نشرته
اللواء: والله دي مشكلتكم احنا فعلا نشرناه
الإعلامي: نشرتوه فين حضرتك؟
اللواء: في جريدة الوقائع المصرية
معلومة من ويكيبيديا: أسست جريدة الوقائع المصرية في عصر الوالي
محمد علي في القاهرة عام 1828م
طبعا الصحفيين لو كانوا شايفين شغلهم كان المفروض ينزلوا الفجالة كل يوم يسألوا على العدد الجديد
جلال عامر
أخشى أن نذهب إلى «انتخابات قديمة» و ثورة جديدة