السلام عليكم
مبدئيا كده لازم نعرف ان كل الشركات اللى احنا فيها ماركت ميكر
يا شباب شركات الفوركس تنقسم لنوغين فقــــــــــــــــــــــــــــــــــط
شركة فى الانتر بانك ودى الشركات العملاقة اللى هيه فعلا ECN او شركات ميكر زى شركاتنا
يعنى ايه ماركت ميكر !!
يعنى شركة مش فى الانتر بنك يعنى شركة غير مرخص ليها بدخول الانتر بانك
بمعنى ان الشركة بتعمل الاتى :
1- بتاخد السعر من الممول الاساسى ليها "الديلر" وتعرضلك السعر الى يناسبها واسبريد يناسبها
2- هتعمل "هولد" او امساك لصفقتك وتفتح واحدة مضادة لكل صفقة تفتحها
هل الكلام دا مخالف !!
لا طبعا دا قانونى جدا لان ببساطة الشركة مش انتر بنك يعنى هتديك اسعار من السوق مش هتديك اسعار السوق مباشرة وواخدة رخصة
ثانيا الصفقات هتمر عليها الاول مش الى الديلر
وكل شركاتنا من النوع دا
اما اختصار STP الى هوه تمرير السعر فبالتاكيد الشركات هتمرر السعر لكن لما يمر عليها الاول مش مباشرة
طيب والديلنج ديسك !!
معظم الكلام اللى انا ذكرته فوق هو الديلنج ديسك والشركة اللى تقول انا مش ديلنج يبئه لازم تكون فعلا مش بتعالج صفقاتك او تفتح صفقات مضادة وهتمرر كل صفقاتك مباشرة بدون متعاكسك
لكن هتفضل ماركت ميكر بالتاكيد
طيب والماركت ميكر نفسه بينقسم لنوعين :
تجزئة ونوع مؤسسى
التجزئة اللى هيه احنا معظمها فيها والمؤسسى هى البنوك والمؤسسات الضخمة
اذن الماركت ميكر مش عيب ولا نصب لانك باختصار مش داخل السوق الحقيقى
انما بيتعرضلك الاسعار والاسبريد اللى بيجيلك من البروكر اللى بيعرضلك سعره او بياخده من ديلر
طيب والنوع التانى من البروكر ECN
دا بروكر مربوط بالانتر بنك ومعاه رخصة بالانتر بنك
ودا عالم تانى من التداول بيحتاج راس مال ضخم بجانب ان الموضوع عرض وطلب
يعنى انته بتفتح شرا وامرك بيتمرر الى العالم الالكترونى للبنوك والكبار وبيتنفذ فورا طالما فى بائع بسعرك
والعكس
يعنى يا اخوانا باختصار لو انته مش انتر بنك يبئه انته تبع ماركت ميكر
والعكس
طيب وايه حكاية تمرير الاسعار والمقاصة وخلافه !!
الشركات اللى احنا فيها معظمها تجزئة بتدور على ممول للاسعار
الممول يديها السعر وهيه تعرضه ليك بجانب الاسبريد وصفقاتك بتمر عليها الاول
ولو اعلنت انها مش بتتحكم فى صفقتك "نو ديلنج" ربما تصدق لكن فى كل الاحوال هتمر عليها اولا
وفى شركات بتفتح صفقات ضدك او معظمهم بيعمل كده لكن فى كل الاحوال اوامرك هتمر عليهم ومفيش حاجة اسمها هتمرر سعرك للسوق / ازاى ونا مش ECN
طيب والشركات الكويسة ايه شروطها !!!
اولا متفتحش صفقات ضدى
متحجزش الصفقات الخسرانه لنفسها عشان تكسب من خسارتى
متحركش الاسبريد والاسعار وفقا لمصلحتها فقط
تمررها للديلر بدون معالجة
والشروط دى برضه معناه ان الشركة هتفضل ماركت ميكر لكن محترمة
لان الماركت ميكر هو تجزئة مش انتربنك يعنى مش بياخد صفقة للشبكة مباشرة
والله المستعان
* ملحوظة // شركات الماركت ميكر نفسها ممكن تدخل الانتر بنك وتشترى رخصة حقيقية (معظمهم بينصب) ووقتها بتعرض عن حسابات ECN لكن الحسابات الاخرى هتفضل ماركت ميكر يعنى هتفضل تحت عباءةو الشركة طالما انته مش حسابك انتر بنك