1- يكون الوقت ده متفرغ يعنى مش بتحلل و انت وراك حاجة او فى حاجة متابعها
2- بتشوف لو فى اخبار قوية على زوج العملات اللى ناوى تدخل عليه فقط للمتابعة لكن مش بنعتمد على الخبر لانه ممكن يكون مشبع
3- تفتح شارت العملة من الفريم الشهرى لغاية فريم الساعة و تحدد الدعوم و المقاومات القريبة من السعر حسب كل فريم
4- تحدد اتجاه العملة على كل فريم عن طريق اغلاقات الشموع
(يعنى السعر اخترق مقاومة .... يبقى رايح لاول مقاومة بعدها او اول ترند هيقابله)
5- حدد انت داخل هدفك كام من الصفقة
لو هدفك مثلا 50 نقطة يبقى تشوف فريم ال4 ساعات اتجاهه ايه و تنتظر نقطة دخول جيدة على فريم الساعة
لنفرض ان فريم ال 4 ساعات السعر اخترق مقاومة و اغلق فوقها
تروح فريم الساعة و تنتظر اعادة اختبار اقرب دعم او لمس ترند و تدخل
هدفك اول مقاومة تقابلك و ستوبك تحت اول دعم ب 25 نقطة مثلا
وهكذا لو هدفك اكبر تبدأ تبص على الفريمات الاكبر و تتابع ايضا الفريمات الاقل
6- متدخلش اى صفقة معتمد على اغلاق شمعة اقل من شمعة الساعة
7-حاول تختار الصفقات اللى هدفها اكبر من ستوبها
8- انتظر يا هدف يا ستوب
بالتوفيق ان شاء الله