المشاركة الأصلية كتبت بواسطة mohammed tamara ولكن يا دكتور حضرتك ايه رأيك بالنسبه لانواع الدوجى اللى انا كتبتها دى......انا اتلغبط والله انا عارف يا دكتور انها لوحدها شمعه حيره ....بس انا اقصد ان لو قدرنا ندمج قرائتنا ليها وللشمعه التاليه ليها هل ينفع نبتكر استخدام جديد لها...خاصه انى راقبت الشمعه دى على فريم الدقيقه اكتر من مره وشوفت ان الكلام دا الى حد ما صحيح واتكرر اكتر من مره وماكانش فى اى شموع قبلها....وحتى لو كان فى شموع كنت بلاحظ ( ان بدمج قراءه الدوجى مع الشمعه اللى بعدها) كان بيزود من تأكيد الشمعه اللى قبلها سواء كانت انعكاسيه او لاء انا حاسس ان الدنيا دخلت فى بعض...ياريت تقولى قول فصل فى موضوع الدوجى دا خاصه مع الانواع اللى ذكرتها قبل كده شكرا يا دكتورنا العزيز تحياتى كده انت حتزاول نفسك على الفاضى.. كلهم دوجى طالما الذيول علوية و سفلية و الاجسام صغيرة يبقى دوجى مسميات الشموع الدوجى لن تفرق كثيرا معك يا محمد.. تحياتى يا غالى. المشاركة الأصلية كتبت بواسطة msaleh2000 دكتور اسامه اعتقد انك تقصد هذا العلم هل الرسم صحيح صح و مية مية الله ينور عليك. المشاركة الأصلية كتبت بواسطة وليد السلام عليكماولا احب اشكر الدكتور اسامه على مجهوده الرائع معانا و على سعه صدره لينا و لاسئلتنا و اشكر جميع الاخوة المشاركين معانا و مشرفين منتداناالحبيب و اهنيهم على موقع fxcommission والفكره الهايله دي تاني حاجه انا حاسس اني فاهم و مش فاهم يعنى افهم الشرح كويس بس مش عارف اطبق و كل لما اقعد قدام الشارط معرفش اعمل حاجه و لا ابدأ منين ياريت يا دكتور اسامه تدينى حل للمشكله دي هل المشكله فيا و لا في ايه ؟ المشاركة الأصلية كتبت بواسطة drkarim السلام عليكم أخى وليد ممكن اقولك تبدأ منين لحد ما الدكتور ييجى....ممكن بص يا سيدى انت لو متابع الويبينار يبقى تبدأ من المقدمة تفهمها كويس والدنيا فيها ايه اما ادراة راس المال هتنفذها وانت بتشتغل على حسابك الديمو الاول بعد كده فيه الترندات والدعوم والمقاومات تمسك شارت زى اليورو دولار وتطلع الترندات الصحيحة والقريبة من السعر على فريم كبيرة وبعدين تنزل بيها لفريم الالساعة مثلا وتحددالدعوم والمقاومات الافقية وتشوف أد ايه السعر احترم الترندات والدعوم والمقاومات دى او الكسر اللى حصل حصل ازاى وهل اعاد اختبار هتلاقى الدنيا شوية بانت عندك وعرفت اتجاه الزوج رايح فين وجاى منين نيجى بقى للخطوة التانية تسمع الويبينار بتاع الشموع وتتمرن عليه من الشارت اللى انت رسمت عليه الترندات والذى منه تبدأ الاول تشوف عند الارتدات هل فيه شموع انعكاسية فعلا اتكونت عند ملامسة الترند مع مقاومة مثلا او دعم سابق بعد كده لو قريت النماذج هتلاقى فيه نموذج واضح على اليورو دولار وتشوف اد ايه هو مطابق للشروط وكده بعد كده ومع كل حاجة ناخدها تضيفها على الشارت والدنيا هتوضح معاك أكتر واللى تشك فيه او حابب نتناقش فيه نزله هنا واحنا كلنا اخوات يعنى ممكن تجيب زوج معين وترسم الترندات والدعوم.........وتشوف مع بداية الاسبوع تحركاته وتوقعاتك مشيت مع الحركة ولا كان فيه حاجة غلط طبعا احنا لسه مش اخدنا كل حاجة..بس خدنا حاجات مهمة برده انا اشتغلت فرصتين بس الاسبوع اللى فات على الاسترالى والنيوزلندى بالعوم والترندات فقط والحمدلله جابوا ا لتارجت وزيادة يعنى ممكن برده ندخل صفقات ديمو ونطبق ادراة رأس المال لو نقدر ونشوف هنحط الاستوب فين وكده انا عارف انى طولت واتمنى يكون فيه فائدة ولو واحد فى الميه عذرا على الاطالة سؤال رائع و رد اروع. نحن الان نتعلم العلم و بعد ان ننهى الشرح و المعلومات سنبدا فى التطبيق لكل ما تعلمناه لكن الان دورك بعد ان تتعلم كل جزئية من المعلومات ان تسعى لتطبيقها بيديك والا فانك لن تتعلم اطلاقا. عليك ان تراقب الشارت و تفتح حساب ديمو و تطبق الصفقات و تراقب حركة السعر و سترى كيف السعر يحترم كل ما تعلمته بالفعل وواحدة واحدة ستخلق بينك و بين الشارت حالة من التوافق و التوقع الصحيح و هذه الخبرة لان استطيع اكسابك اياها و يجب ان تكتسبها بنفسك.. تعلم طبق اغلط نصحح لقد انتهى دورى بنقل العلم و عليك ان تتمرن و تتدرب و تنقل العلم بدورك تحياتى يا وليد و ان كنت زعلان منك عشان مجتش الفطار .. فاتك اكلة سمك نوووووووووووووية المشاركة الأصلية كتبت بواسطة Hema ربنا يخليك الرسومات جايه فى الطريق متقلقش انا عاوز اقترح عليك حاجه لو عجبتك ضفها للموضوع ايه رايك بعد تحديد الفائز فى اسئلة اى ويبينار تبدأ كل الاعضاء تضيف اجاباتها هنا فى الموضوع عشان نقيم بعض ونصحح لبعض وكدا يعنى مثلا احنا واخدين دلوقتى اسئله على النماذج السعريه بعد الدكتور ما يصححها ويعلن الفايز تبدأ كل الاعضاء تضيف هنا فى الموضوع اجابتها اللى بعتتها للدكتور عشان نستفيد من اجابات بعض واللى عنده اخطاء يعرفها لو الفكره عجبتك ضفها للموضوع فكرة ممتازة جدا فعلا فى طلبات كتيرة انى اصحح اجابات الاخوة لكن صعب جدا انا بيوصلنى اكثر من 50 اجابة و من الصعب انى اصحح لكل واحد اخطائه.. ياريت كل واحد يكتب اجابته هنا سواء قبل او بعد التصحيح لانها حتفيده و الكل حيصحح للجميع فكرة ممتازة و ياريت الكل يطبقها حتكون ليها فوائد عديدة.. تسلم الدماغ العالية اللى قالت الفكرة.. احلى لايك ليها المشاركة الأصلية كتبت بواسطة archiwork السلام عليكم ورحمة الله وبركاته اليورو دولار 20-8-2011 أولا الدعوم 1.4350 مقاومة أفقية +23.6فيبو 1.4270 مقاومة أفقية +38.2 فيبو ثانيا المقاومات 1.4450 دعم أفقى 1.4470 دعم أفقى+ الضفة العلوية للقناة الهابطة الكبيرة 1.4530 مقاومة أفقية يرجى المراجعة والتصحيح من الدكتور والاخوة الكرام [IMG][/IMG] هو الكلام سليم بس انت كده حتطلع دعوم و مقاومات كتيرة جدا جدا و دى حتزغلل عينيك.. اعتمد على الدعوم و المقاومات على الفريمات الاكبر نسبيا عشان تكون اقوى و ليها تعامل قوى مع السعر و بعد كده ابدأ فلترهم على الفريمات الاصغر اما الفيبوناشى فله يوم و حنفصصه بايدينا ان شاء الله المشاركة الأصلية كتبت بواسطة boss999 السلام عليكم عندي استفسار اي خط من خطوط الترند هي الاصح ولماذا الثلاثة صح.. المهم مين اللى يخدم السعر فيهم فى الوقت الحالى للتذكير فاننا يمكن ان نخترق اجسام الشموع مرة واحدة للحصول على ارتكاز اخر و لا يمكن اختراق هذه الاجسام بشكل متكرر لان الاختراق المتكرر يضعف الترند و لا يقويه. اذن الثلاثة صح و ان كان الاصفر هو اكثرهم دقة و قوة و الاخرين ترندات تم كسرها و الاغلاق فوقها و عادت لقوتها مرة اخرى و كما هو واضح الارتكاز عليها فى الشمعة القبل الاخيرة تحياتى يا حلوين على الموضوع الحلو.. فى انتظار المزيد من الاسئلة و ان شاء الله انا و المشرفين و الشباب منقصرش فى اى اجابة. احلى لايك لصاحب الموضوع الله كريم.