السندات تعهد من المدين بدفع القرض الى الدائن بالاضافة الى دفع فوائد دورية
يعنى شركة مثلا عايزة 100 مليون جنيه عشان تشترى معدات او توسع من نشاطها ومش معاها سيولة كافية
فى الحالة دى بتصدر سندات "اوراق دين على الشركة" وكل سند بيكون بسعر معين زى مثلا 100 ج والسند له مدة مثلا سنة او 5 او 10 ، وكل سنة او ست شهور الشركة بتدفع فوايد على كل سند لحامل السند " 1 % مثلا لغاية 6 % حسب مدة السند"
الشركة بتعلن عن السندات وبتكلف بنك ما ببيع السندات"الاصدار" ومن خلال حصيلة البيع الشركة بتقبض سيولة نقدية تصرف بيها على مشروعاتها
نفس الكلام برضه زى امريكا والحكومات لما بتكون عايزة تسد العجز فى الموازنة بتصدر سندات واذون خزينة عشان تمول العجز وبتدفع فوايد على السند
المحافظ هى مجموعة استثمارات متنوعة بيقوم بيها بنك او صندوق استثمارى زى مثلا بنك بيستثمر فى السوق وبيضارب فى البورصة وبيشترى سندات كل دا اسمه محفظة ولكل عميل له محفظة
يعنى مصطفى له محفظة فى البنك او عند الصندوق الاستثمارى الفلانى المحفظة دى فيها سندات واسهم ومعادن ثمينة الخ وكللها للاستثمار والمضاربة