المشاركة الأصلية كتبت بواسطة م.نادر فيليب مساء الخير على الجميع .... نفسى أفهم مين قال أن اليابان عاوزة تضعف عملتها ؟؟؟ .... يا جماعة لازم نفهم مش كله حفظ حفظ .... أعترف .... أنا قلت كدا من سنتين ... وأفتن .. أسامة كمان قال كدا ... ومستر سامى كمان ... كلنا قلنا كدة وأنا عرفت من ناس اكبر منى وعلشان كدا قلت نفس الكلام ... وبعدين لقيت المكوجى والبواب فى الشارع بيقولوا لى أصل الذهب بيمشى مع الأسترالى يعنى الناس كلها بقت عارفة ان الكندى مع البترول دويتو واليورو مع الباوند اما الذهب والفضة فمع بعض فى مركب واحد ... والحكاية بقت حفظ مش فهم ... كل أتنين حتى لو مش شغالين فوركس يتقابلوا يقولوا اصل الين والأوزى (حريفة بقى يقولوا أوزى مش يقولوا أسترالى زينا ) والكندى و.... بدل ما يقولوا الأهلى والزمالك .... مش مهم بقى قلنا أمتى ومين قال ... المهم علشان تبقى متاجر ناجح تفهم قلنا كدا " لية " أو عرفنا أزاى ؟؟؟؟ أقول لكم الحكاية بأختصار ... فية برامج وناس شغالة كل لحظة تشوف مدى ارتباط العملات ببعضها وأرتباط العملات بأسواق اسهمها وأسهم غيرها وعلاقة الأسواق ببعضها فيما يسمى inter-market interference ( أنتر- ماركت أنترفيرانس ... التداخل بين الأسواق ) ويطلعوا معامل الأرتباط بين كل الحاجات دى وأسمه correlation factor ( كو ريليشن فاكتور ) ... وبعدين يلاقوا الأوزى مرتبط بالدهب فيفكروا ... لية؟ واية سر الأرتباط دة وكدا .... زى مثلا الين دلوقت لية عمال يطلع يا عمو ؟؟ ... عمال يطلع علشان اليابان عاوزة تشترى حاجات غير اللى أتكسرت وأتبهدلت عندهم فى الكوارث بتاعتهم ودى بمليارات الدولارات يعنى المحصلة عندهم هتكون أستيراد أكتر فى وقت معين وتصدير أكتر فى وقت تانى يبقى من مصلحته الين = 100 دولار وهو بيشترى علشان يعرف يشترى ولما يشترى شوية يسند شوية ويوازن بين كل ده يعلى .. ينزل .. يثبت ... يعمل اللى فى مصلحة بلده .... مش هيفضل علطول ينزل قيمة الين كدا بالوراثة لأ بيدرس ويحسب صح وينفذ بعد كدا ..... الله يبقى بيضحكوا علينا بقى !!!! لأ كل حاجة لازم تبقى تحت الكونترول ... مين قال انه مش بيتدخل دلوقت فى قيمة الين ؟؟؟ ممكن بيخفض بس بمعدل معقول فى وقت أو بيحافظ على معدل صعود معين ... هو وسياسته ومصلحة بلده أولا والأتفاق مع السياسة المالية الدولية لل 6 التانيين ثانيا ... وهكذا ... طيب أجيب معدل الأرتباط منين ؟؟؟ أتفضل .... حاليا هو كدا ... كل ما الرقم قرب ل 100 الأرتباط بيزيد والعكس ... والرقم السالب معناه أرتباط عكسى يعنى لو زوج طلع التانى ينزل .. ودمتم .... رمضان كريم . مرحب استاذ نادر وشكرا لمداخلتك ولكن هذا كلام الاقتصاديين انا اتذكر عندما اكد المركزى ان اليابات ليس بمصلحتها ان يبقى الدولار اقل من 83 وبعدين قوة الين حتاثر بالسلب على صادراتها ومش حتعرف تنافس جيداومش حيعجب المصدريين والشركات الكبرى المشكلة كما ذكرها ايضا المركزى اليابانى(مش حفظ ) بقى ملطشة قدام الجميع مجتش على الين اليابانى . اضافة اليابان ماتزال متاثرة بالزلزال وصعب تشتغل تطبع ين وتبيع ماهو بياثر على التضخم ياكبير . اخر همسة بالنسبة لمعامل الارتباط بين العملات اعتقد خلاص راحت عليه وكان متواجد موضوع للاخ ابو معاذ تقريبا لهذا وخاصة(الكيبل والزعيم ) وايضا( الكيبل والمجنون ) واخيرا فى مشاركة الاخ طائر الشمال جزاه خيرا جاب تقرير عن المسوليين بياكدوا انهم حيتدخلوا لان اليابان متاثرة بعملتها يعنى مش حفظ ياكبير ولا ايه رايك نورت ياكبير والاختلاف فى الراى لا يفسد فى الود ابدا ابدا