اخى معاذ طبعا الحساب التجريبى لة فوائد مفيش كلام ولكن الحساب التجريبى مختلف تماما عن الحساب الحقيقى انا بدات من عدة اشهر اتمرن على حسابات تجريبية وحققت ارباح خيالة او عدد نقاط خيالة
ولكن عند فتح الحساب الحقيقى واجهتنى الحقيقة وهو الاختلاف الكبير بين الديمو والحقيقى.
واحب اوضح الاختلافات لكى تؤخذ فى الاعتبار
1- اختلاف الحالة النفسية للمضارب( الى ايدة فى المية مش زى الى ايدة فى النار )
2- التهور والغضب عن الخسارة والشعور بارغبة فى التعويض
3- الطمع عند تحقيق مكسب بسيط وحب الزيادة ( يكون فاكر ان الدنيا احلوت )
4- الجدية الجدية ثم الجدية فى التعامل مع الحساب الحقيقى كثيرا ما يفقدها مضارب الديمو
الكلام دا ياجماعة انا مريت بية ممكن اكون سمعتة قبل كدا وناس نصحونى ولكن غصب عننا بننساة لكن لما بتقع فية بتفتكر .
عشان كدا انصح اى حد جديد انة يتمرن كويس على الاستراتيجية بتاعتة على الديمو كانة حقيقى بس كدا هايبقا ناقص انة يدرب ازاى يكون جاد جدا فى المضاربة وكمان يتحكم فى حالتة النفسية ودى مش هايلاقيها على على حساب حقيقى ومن فلوسة الشخصية عشان كدا ياريت اول حساب يكون مبلغ صغير لانك هاتدفعة رسوم دخول عالم الفوركس