1-هل يمكنك ان تدخل صفقة بقمية 7 عقود مينى لحساب بالف دولار و برافعة 1:100 فقط؟؟حدد اجابتك بالشرح. لو يورو دولار مثلا الهامش لسبع عقود = 10,000 * 1.2378 * 7 \ 100 = 866.46 دولار وبالتالى هينفع فتح الصفقه 10,000 ده حجم العقد فى الحساب المينى 1.2378 ده سعر اليورو دولار دلوقتى..لحظه فتح الصفقه 7 عدد العقود 100 الرافعه لكن طبعا هييجى مارجن كول فى اقل من خمس دقايق 2- استخرج من اى شارت على اى عملة ترند صاعد رباعى الارتكازات. المجنووون ترند رباعى صاعد على الاربع ساعات ومرتكز على 4 ارتكازات وتم كسره وهبوط المجنون بشكل كبيييير من مستويات 150 الى مستويات 140 ودى فرصه زى ما الكتاب بيقول لاستراتيجية الترند المكسووور :-) 3-ضع توصية تراها ناجحة و اضف تحليلك لسبب التوصية.(لا يهم تحقيق الهدف و لكن المهم شرح اسباب الدخول). شراء الكيبل والسبب ترند هابط على الدايلى تم كسره + الاغلاق فوق مستوى 1.5 واتوقع امكانيه حدوث تصحيح بسيط لاسفل ومن ثم الانطلاق للهدف وهو مستوى 1.53 والاستوب اغلاق يومى اسفل 1.5 (وفى الحاله دى ممكن ندخل بيع) 4-من هو ويليم ديلبرت جان؟ ده اول محلل يستخدم التحليل الزمنى ويربط بين السعر والزمن وليه ارقام وطرق زمنية للمتاجرة منها المربعات السحرية وحقق بيها ثروة كبيرة،، لكن اعتقد طرق جان مش منتشره اوى ومفيش متاجرين كتير بيستخدموها لانها معقده جدا..اى حاجه فى اى مجال سواء الفوركس او غيره لما بيدخل فيه الزمن بتتعقد وليه فى الميتاتريدر فى قايمة جان مؤشرات كده زى الفيبوناتشى مبفهمش منها حاجه بصراحه 5- اذا كان حسابك بالف دولار و مخاطرتك 10% من الحساب و لديك اربعة صفقات تراها جيدة هل ستدخل الاربعة سويا و كم يكون حجم العقد و الرافعة انذاك؟ 10% مخاطرة مقبولة عشان كده هادخل الاربعه مع بعض افضل ما ادخل واحده فقط وتخسر،، وهاقسم المخاطرة على الاربع صفقات بمعنى بما ان المخاطرة 10% يعنى النقطه ب 1$ اقسمها على الاربع صفقات يعنى كل صفقه فيها النقطه هتكون ب ربع دولار وده على اساس رافعه ماليه 1:100 وحجم العقد فى كل صفقه 0.25 مينى = نقطه بربع دولار 6-قم بتصميم مؤشر عبارة عن صورة على الشارت توضح سعر افتتاح اخر شمعة تم اغلاقها و اكتب تحتها اسمك و اسم اف اكس ارابيا. ده لينك تحميل المؤشر aa.rar 7-ماذا تعلم عن خبر Non-Farm Unemployment change??و ما هى اهميته؟؟ هو تقرير التوظيف الامريكى بالقطاع الغير زراعى(الموظفين الامريكيين بدون القطاع الزراعى) وبيصدر يوم الجمعه فى بداية كل شهر وهو من الاخبار المؤثرة والصادقة جداااااااا على حركه العملات..يعنى جه الخبر ايجابى على الدولار نلاقى الدولار ارتفع بشكل كبير،، جه سلبى على الدولار نلاقى الدولار انخفض بشكل كبير..مش زى الاخبار التانيه اللى ممكن تكون ايجابيه جدا على الدولار ونلاقى الدولار برضه بينزل! والخبر ده بيؤدى لحركه السعر بشكل مجنون والمره الوحيده اللى حاولت اتاجر فيها وقت الخبر ده الحساب اتصفر وبقى بالمينص..اه والله بعد ما كان فى 50 دولار بعد الخبر من سرعه تاثيره بقى فيه -5 دولار ومن ساعتها طبعا بقيت اقعد فى مقاعد المتفرجيييييين وقت الخبر ده :-) وده مثال لتأثير الخبر يوم الجمعه 4 يونيو على اليورو دولار - شارت الخمس دقايق الزوج كان بيتذبذب فى حيز ضيق جدا قبل صدور الخبر لأن كل المتاجرين كانوا مستنيين الخبر وبعد كده لما تم صدور الخبر ايجابى على الدولار هبط اليورو بشكل كبير جدا..هبط بالظبط 138 نقطه فى اقل من ساعه ومع نهاية اليوم وصل الهبوط الى اكتر من 200 نقطه والسوق فتح فى الاسبوع اللى بعده على جاب كبير لاسفل لان تأثير الخبر بيكون قوى جدا وتأثيره بيمتد 8-ما هو مستوى فيبوناشى المسمى بمستوي تغيير الاتجاه و ارسم شكل يوضح فيبوناشى على الشارت. مستوى تغيير الاتجاه اللى هو مستوى 100 فى حاله الترند الهابط ومستوى 0 فى حاله الترند الصاعد وكسره يعنى تغيير الترند من صاعد لهابط او العكس ودى صورة مستويات فيبو 9-من هو جون ميرفى؟ من اشهر المحللين فى العالم وليه كتب كتيره لتعلم الفوركس للمبتدئين وللمحترفين ايضا 10-ما هى اقتراحاتك لتطوير المنتدى و مسابقات اف اكس ارابيا.. انا عندى اقتراح واحد حاليا وهو عمل كورسات فوركس لاعضاء اف اكس ارابيا المبتدئين..لان التعليم عن طريق النت ساعات كتير بيبقى صعب لكن لما يكون قدامك حد بيشرحلك وتسأله ويسألك هيكون افضل واسهل كتير