هو السؤال مش المقصود منه الخبر ده بالذات على اد ما هو سؤال فى الأقتصاد لنقطة انا مش فاهمها هحاول اشرح بطريقة تانيه
دلوقتى التضخم زى ما انا فاهمه هو زيادة الأسعار عن حدها الطبيعى وفى نفس الوقت لا يوجد زياده مقابله فى الدخل فالى بيحصل ان القوه الشرائيه لنفس العمله بتبقى أقل
مؤشر ال CPI بيبقى ليه رقم ولنفترض فى حالتنا انه 4.5% الى انا فاهمه ان الرقم ده كل اما يزيد كل اما يزيد مستوى التضخم يعنى الأسعار تبقى اغلى على الناس والعكس صحيح كل اما يقل كل اما يبقى الأسعار مظبوطه
ليه لما بيقل ل 4.2% ده يبقى سىء على العمله ؟؟؟ المفروض ده معناه ان الأسعار بقت أقل وده يبقى كويس للعمله
ولا أنا فاهم الرقم بالعكس ؟؟؟ او بمعنى تانى كل اما الرقم يقل كل اما الأسعار تكون زادت أكتر مثلا ؟؟؟ علشان كده تاثير نزول الرقم سىء على العمله ؟
اتمنى اكون قدرت اوصل السؤال واذا كان فيه كتاب كويس فى الأقتصاد بيشرح الأمور دى اتمنى ذكره
وشكرا لكل من شارك معى