طارق بيه تحياتى ... شوف يا برنس هكتب لك الخوارزمية Algorithm وأنت أكتبها بأى لغة بعد أذن صاحب الموضوع :
1- أولا يا روئة وأنت بتاخد الأنبوت input تخده على أنه حروف مش أرقام يعنى المتغير variable اللى هتستقبل فيه المدخلات input يكون متغير حرفى character وهنسمية مثلا As ( أنا بكتب لك بالأنجليزى علشان وانت بتدور فى اى لغة تلاقى علطول الدوال اللى هتساعدك )
تمام ؟ ... لية بقى متغير حرفى لسببين الأول انك ممكن تنىحتاج ان المدخلات يكون اول رقم فيها صفر زى مثلا 065065 اللى بتمثل حرفى aa بالأنجليزى ولو كان المدخل عددى مش هيشوف الصفر الأول وبالتالى مش هتعرف تفصل كل 3 أرقام لوحدهم لأن الرقم هيبقى كأنه 65065 ... تمام ؟
السبب التانى ان باقى الدوال اللى هنستعملها فى الخطوات الجاية بتشتغل على المتغيرات الحرفية مش الرقمية ودة فى كل لغات البرمجة تقريبا ( شكلك كدا اصلا بتعمل نظام تشفير لقاعدة البيانات ... ما علينا )
2- تانى حاجة نشوف طول المتغير الحرفى اللى أستلمناه كمدخلات كام حرف Length وغالبا اسم الدالة هيكون Len أو Length أو Len$ . ونخزن الطول فى متغير عددى نسمية مثلا L . وبيكون شكل الأمر قريب من L=Len(As)
3- نتأكد أن L بيقبل القسمة على 3 طبعا وناتج القسمة Y لأن دة اللى هنكرر به معالجة التلاتات من الحروف وألا هنرجع لليوسر رسالة خطأ Error message نقول له عيب عليك كدا يا برنس وناخد مدخل تانى منه .
4 - فيه دالة بتاخد اول عدد معين x من الحروف من شمال أو يمين أو وسط المتغير الحرفى وغالبا أسمها بيكون right() أو rightchr() أو Left أو mid زى ما انت عاوز التلاتة غالبا بيكونوا موجودين وبيكون شكل الأمر كدا Ascut=Mid(As,z*3,x وفى حالتنا x هتساوى 3 تلت حروف من وسط الكلمة بداية من الحرف z*3 طبعا فى اول loop هتكون z =0 وهنكرر اللوب دى Y مرة .... يعنى لغاية لما z=Y يعنى لغاية لما z*3=L .
5 - هنحول المتغير الحرفى Ascut (لأنه جزء من متغير حرفى فبيكون طبعا متغير حرفى ) هنحوله لمتغير رقمى بدوال بيكون اسمها vartomnum أو vartodouble أو chrtodouble ممكن تدور فى help اللغة على change character to number or double number
وسمى الرقم الجديد AscutNum
6- ال 3 أرقام اللى خدناهم فى المتغير AscutNum هنجيب لهم الأسكى كود المقابل بدالة أسمها chr$(AscutNum) أو VartoChar (AscutNum) حسب اللغة دور فى ال Help بتاع اللغة على get character from ASCII
7 - اكتب الحرف الناتج .
8 - أرجع كمل اللوب loop من خطوة 4 تانى لحد ما ال z=Y
9- تمت .
* فيه أكتر من طريقة وكل لغة ولها مميزاتها اللى ممكن تساعد اكتر من كدا بس الطريقة دى تمشى مع كل اللغات تقريبا .
* ممكن مش أقدر ارد على اى استفسار فى المنتدى بسرعة ... لو حبيت تسأل فى اى حاجة رقم تليفونى مع اسامة .