أهلاً يا دكتور
هل سيتم شطب البورصة نهائياً ؟
حدد بنك الاستثمار العالمى مورجان ستانلى
يوم 28 مارس موعداً لبحث شطب مصر من مؤشراته
والمؤشر بينصح صناديق الاستثمار اللى بتسترشد به
وبتكون توصياته من نوع " اشترى فى بورصة دولة كذا "
ومورجان ستانلى بيشطب ضمن قواعده
اى بورصة تتوقف لمدة 40 جلسة متتالية
ولو حصل ومفتحناش هيكون له تاثير سلبى
على رؤوس الاموال الاجنبية المستثمرة فى مصر
الأمر الذي يقود إلى معدلات بيع كبرى مع بدء التداول مجدداً
ليس بدافع من عدم استقرار الأوضاع السياسية في البلاد لكن نتيجة لفقدان الثقة.
كمان تجميد أرصدة عدد من كبار رجال الأعمال المصريين في البورصة
أفقد السوق ثاني أنشط شريحة متداولة فيها
لأن المستثمرين الأفراد الموجودين والمؤسسيين
مش هيشيلوا السوق لوحدهم و فى الفتره دى
تنشيط السوق بالمقدار الكافي وحدهم.
نرجع لمورجان ستانلى الشطب لو حصل مش نهائى
ولكن العودة سيتطلب عامين من الانتظام فى التداولات
و إن شاء الله متفائل خير العودة قريبة جداً ومش هنتشطب
هل انتهت الاسهم بالفعل و ماذا عن مالكى الاسهم؟
هو انا مش فاهم السؤال اوى
و لكن اقدر اقولك ان الاسهم مهما تدنيت قيماتها لا تفنى
اللهم الا اذا تعرضت الشركات لخسائر مجحفة وتم تصفيتها
ومبالغ التصفية غير قادرة على تسديد ديونها
أو لو سددت ميتبقاش حاجة للمساهمين
وهنا بس يبقى قيمة السهم تساوى صفر
ودون اى التزام عليه لسداد الديون
واجراءات التصفية دى طويله ومعقده
ويستلزم اعلان افلاس وحاجات كده
و الحمد لله الكلام ده مش وارد فى اسهمنا
لان القيم الدفترية للاسهم جميعها محترمة نفسها
وهنا وجب التنبيه
ان انخفاض القيمة السوقية للسهم على نشاط الشركة محدود
وفى بعض الحالات معدوم