تلخيصا لكل كلامك
1-نظام حسني نظام فاسد <<< مين قال غير كدا ؟
امال احنا كنا بنعمل ايه يوم 25 ويوم الجمعه ويوم الثلاثاء ؟
انا كنت فى المظاهرات وبهتف يسقط النظام
مكنتش قاعد فى البيت وبتمنى
2- توريث الحكم <<< ما دا كان مطلب من مطالبنا انه عدم التوريث
وخلاص انتهي تم تعيين رئيس للجمهوريه وجمال مش هيدخل انتخابات خلاص
يعنى انت بتتكلم فى كلام كان قبل 25 دلوقتى انتهي
ودي احد الاصلاحات اللى حصلت بسبب الثورة دي
3- الصور التي تنقلها القنوات من ميدان التحرير <<< مين قال ان الجزيره كاذبه فى الصور دي
الصور دي حقيقيه في فعلا ضرب بين المؤيدين والمعارضين
ودا على العربيه والسي ان ان والبي بي سي كمان مش الجزيره بس
لكن فى حاجات تانيه بتحصل على الجزيره
منها مثلا انهم يمسكو بلطجى ويطلعوه على الشاشه
ويجيبو واحد من ميدان التحرير يقولك انه اتعرف على البلطجي دا
والراجل يقول دا بلطجي من دار السلام انا عااارفه
طيب هاتلى بلطجي وانا اقولك دا من امبابه وانا عارفه ايه المشكله يعنى ؟
4- عدم تدخل السلطات للحؤول دون وقوع القتال << مين اللى هيتدخل ياباشا
ما الشرطه انسحبت خلاص ودلوقتى اللى ماسك البلد هو الجيش واحنا اللجان الشعبيه
الجيش ميقدرش يتدخل لان دا مصري ودا مصري هيضرب فى مين ؟
5- السكوت على الحكومه رغم فسادها << لاحول ولا قوة الا بالله
دا كله وبعد كدا برضو بتقولو علينا ساكتين ؟
امال اللى كنا بنعمله دا كله كان ايه ؟
احنا عايزينه يكمل الكام شهر اللى فاضلين فقط
مش يمد بعدها كمان فتره
شوف الكلام كويس
6- بالله عليكم اية ثقة في جيش يقوده اصدقاء درب حسني مبارك وهم موالين للنظام و جيش ممول من طرف الامريكان و مسير من طرفها ايضا... <<< لحد هنا بقي واقولك ستوب الف مره
كلو الا الجيش
ازاى منثقش فى الجيش ؟
يكفى انه من اول ما نزل لليوم مفيش ولا تعدي واحد على فرد من الشعب
الجيش من الشعب مش جايبينهم من امريكا واسرائيل
بالنسبه للتمويل فدي معاهده
تمويل الجيش المصري مقابل عدم شرائه اسلحه من الاتحاد السوفيتي
يعنى دي لينا وليهم ياباشا
يعنى هعملك تخفيض وبونص مقابل انك تشتري من عندي مش من برا
المفروض انك شغال فوركس وشايف حاجات من دي كتير
خلاص مبارك انتهي
مبارك قدامه 6 شهور اعتبروه بيسلم فيهم السلطه للشخص اللى يخلفه
الشخص دا احنا هنختاره بالانتخاب
فكرو في المستقبل
مبارك لو مشي النهارده ايه اللى هيحصل ؟
هل فساد 30 سنه هيتصلح فى 24 ساعه ؟
اى عقل يقبل هذا التفكير