أبطال ليه ؟؟؟ أنا عايز أفهم
يا أخى أنا مش مع تأييد مبارك أكيد ولكن خلينى أقولك ان أولا ده شرعيا لا يجوز و المتظاهرين دول هما السبب فى الفتنة دى هتقولى انت بتخرف هقولك لأن بكل بساطة هما سمحوا لأن ناس تندس فى وسطهم وان الناس أول ما تشوف ده أى حد له مصالح هيزيط فى وسط الناس دى
وبعدين ما الرجل قال مش هترشح تانى عايزين ايه ؟؟؟
الناس اللى بتقول قانون الطوارىء هيجيلك ريس جديد واطلب اللى انت عايزه
يا جدعان فى حاجة اسمها أولويات هل ان احنا نحمى نفسنا من نار الفتنة أهم دلوقتى وللا الأهم ان الريس يمشى
وخلينى أقولك معلش حتى لما الناس طلعت تطالب طالبت بحاجات فرعية هتقولى ازاى ؟ أقولك المفروض ان الناس كانت المفروض تطلب ان شرع ربنا يطبق فى البلد مش تغير مواد معينة وبس لأن لو طبق شرع ربنا هينصلح بقية الحاجات اللى الناس بتطالب بيها أكيد على أثر تطبيق شرع ربنا
أخر حاجة هقولها عايز أقول للناس ان فى قاعدة فقهية بتقول ان لو ان النهى عن المنكر هيترتب عليه منكر أكبر منه فلا يجوز النهى عن المنكر ده
يا رب الناس تهدى شوية