المشاركة الأصلية كتبت بواسطة Amir Issa اختلف معكم جمله وتفصيلا لمعرفه كيف يفكر النظام الفاشى الفاشل عليكم قراءه ما بين سطور الديكتاتور مبارك اولا / تعديل الماده 76 و الماده77 وبالتالى نستفيد من هذا اولا : فتح الطريق للترشح للرئاسه فيستطيع (الدكتور ايمن نور او البرادعى او محسن بتاع الكبده انه يرشح نفسه وفق ضوابط محدده) ثانيا :تحديد المده الرئاسيه لفترتين زى ما كان الدستور بتاعنا بينص ايام السادات وقبل وفاته بعامين ونزولا عن رغبه الشعب(كده وكده طبعا) قام بفتح المده الا انه لم يتحدث عن نص الماده 80 وبالتالى لا يوجد اشراف قضائى وبالتالى اللى هينجح فى الانتخابات هو محسن بتاع الكبده زى انتخابات مجلس الشعب والشورى ثانيا / انه سيحاسب ويعاقب كل من خرب ودمر وساهم فى الخراب ومع ملاحظه انه لم يتطرق الى قانون الطوارىء وبالتالى سيكون من خرب هم شباب 6 ابريل والاخوان واصحاب وجروبات الفيس بوك المحركين للثوره وهيسحلهم فى الشارع ثالثا / الرئيس المحبوب المفدى والمعتزل للسلطه من الان ستقوم مظهرات عند انتهاء ولايته تطالبه بالترشح مجددا وسيقوم هو نزولا على رغبه الشعب بالترشح (لسه حصله فى اليمن) والاهم من يفسد فى البلاد لمده 30 عام لم ولن يصلحه فى 6 شهور برضه التحرير موجود مش بعيد و الكورنيش و شارع ابوقير مش موجودين. لكن لو استمر الوضع على ما هو عليه من ترهيب المحتجين و القاء قنابل عليهم فيجب على الجيش التدخل و عزله فورا.. عامة لو تركنا مناصرى مبارك سيكون انتصارا للمحتجين ضده لانه سيكشف الضعف العام من هذه التظاهرات مقارنة بالمليونية و يكون فضح نفسه بيده ووقفنا نزيف الدم بين ابناء الوطن, تحياتى يا باشا