يا اخى حرام عليك اللى بتقوله ده
انت لو مصرى مش هتقول كده
انت لو مصرى هتقول طالما الريس اعلن انه مش هيترشح تانى لفترة رئاسة ده كافى جدا يبقى كده خلاص هيسيبها و يتشرح شخص اخر
يبقى كل الناس ترجع بيوتها لان كل المطالب اتحققت يعتبر
ناس هتقولى فاضل قانون الطوارىءو حل مجلس الشعب
هقولكو فى الوضع الحالى مينفعش قانون الطوارىء يتحصل لان البلد فى حالة فوضى يبقى لازم يقبض على البلطجية دول و على المسجونين بعد ما يخلصهم ويرجع البلد للامان هيلغى قانون الطوارىء
بالنسبة لحل مجلس الشعب مينفعش لان مادتين 76 و 77 فى الدستور المصرى هيتغيرو و مش هيتغيرو غير باجتماعات مجلسى الشعب و الشورى
يعنى لو حلهم المادتين دول مش هيتغيرو يبقى ازاى هيترشح رئيس جديد فى الانتخابات الجاية؟
ارجوك يا اخى كفاية الخراب اللى حل عالبلد ارجوكم تفكرو بالعقل و تحكمو عقلكو فى الموضوع كده نفذ كل المطالب يبقى نروح البيت ونشوف حالنا و حال البلد اللى خربت بجد
و ارجو من كل اخوانا العرب انهم يدعمونا مش يسخنو الشعب يا اخى