 |
 |
|
 |
|
اولا حمداا لله علي سلامتك يا دكتور لاني كنت قلقان عليك من نزولك امس و انا كنت متاكد ان الرد من قوات الامن هيكون عكس اللي قالوه من عدم الرد
ثانيا : لان في الاعداد الكبيره بتجد ناس مش هدفها التظاهر بتكون في وسطكم حتي من الامن نفسه و ايضا من يحرض علي العنف فبتكون العواقب وخيمه
ثالثا : انا علي استعداد للخروج في سبيل مصر لكن لا اسمح لنفسي ان يزايد اي احد بي في سبيل مصر يعني كل الكوادر اللي طلعت سواء كانوا رؤساء احزاب او جماعات او نقابات يريدون ان يضيفوا لانفسهم اكثر ما يضيفوا لمصر
رابعا : من عام 1919 لم تاتي اي ثوره بشئ جيد او لصالح مصر و اخر قائد لثوره محترمه كان سعد زغلول لما الاقي سعد زغلول هطلع وراه
خامسا : لي مطالب و رسائل اريد ان اصلها الي المسؤلين و رغم اني لم اخرج يوم 25 و مع ذلك انا سعيد لان جميع المسؤلين عرفوا ان للمصرين صوت و يقدروا علي كل حاجه المره اللي جايه مش هتكون باعلانات هتكون عفويه و طبيعيه و هيكون قائدها الشعب نفسه و مش هتخلي علي اخضر او يابس
الضرائب اللي عامله تنزل علينا و كاننا جثث هامده و لن نتحرك -
= زيادة فواتير الكهرباء و الغاز و المياه و التلفون
= التامين الصحي اللي عايزين يلغوه من علينا كمان و هما يتفسحوا بالتامين الصحي و فلوسنا في امريكا
= الاشخاص الذين لا يقهرون و زي الحديد لا يجدوا من يردعهم و يسنوا قوانين كما يشاؤا
= الشاب في وادي و الحكومه في وادي و لا حاسين بينا
سادسا - العواقب من هذه الوقفه هتكون وخيمه علي الاقتصاد المصري رغم عدم الحصول علي الجدوي المطلوبه منها و اولها هبوط حاد للبورصه المصريه اليوم و ثانيها هروب الاقتصاد الاجنبي و السياحه و سوف نري العواقب
سابعا : طلب لكل واحد خرج يكتب لنا و يجاوب علي الاسئله دي و تكون رساله للجميع عن مطالبنا
( اعمل نسخ للاسئله و اصف الاجابه ) اذا كنت بتحب مصر و هيكون التغير من هنا- منتدانا و تاكد انك مؤثر و رايك له قيمه و هيتسمع من هنا ورايح ابتدي من هما ) |
|
 |
|
 |
سارد بكل عفوية.
على الرغم من ان البعض لامنى من فتح هذا الموضوع فى المنتدى و لكننى اولا لا اخاف احدا كما اننى استحى ان اتحدث فى وادى و الدنيا كلها فى وادى اخر فنحن كمنتدى تربطنا علاقات اخوية ممتازة اكثر من علاقات العمل و البيزنس و الفوركس فنحن كمنتدى يعنى اعضاء تعرف بعضها البعض و نتقابل و يجب ان نقف بجوار بعضنا فى كل الشدائد.
1- من ناداك علشان تنزل يوم 25 ؟
صفحة كلنا خالد سعيد و حركة 6 ابريل و طبعا مصر.
2- نزلت الشارع علشان مصر و لا علشان شخص دعاك ؟
علشان مصر لانى معرفش اى حد من الناس اللى دعيتنى.
كان فى دعوة و حسيت انها صادقة و محدش عايز يركب على اكتافنا فنزلت و دى اول مظاهرة حقيقية انزل فيها فى حياتى.
3-كان رد فعلك ايه لما لقيت ناس بتاجر بنزولك ؟
ولا اهتميت ولا يشغلونى انا نازل ادافع عن حقوقى و حقوق اسرتى و حقوقنا كلنا و محدش تاجر بنزولى و لو كان فى حد تاجر تبقى تجارته خاسرة لان الله يعلم ما فى القلوب و يعطى على قد النوايا.
4- كم واحد نزل معاك ودعيته للوقفه الاحتجاجيه ؟
اربعة نزلوا معايا وو اخدت وعود من ناس كتير لو استمرت كلنا حننزل..البداية كنت لوحدى اساسا لكن لما لقونى نزلت جم نزلوا معايا.
5- فيه حد فيهم اعتقل او اصاب ؟
الحمد لله لا و لكن انا تعرضت لاختناق من الغازات و لكن اشعر بالفخر لركلنا مخبر كان يتعدى على انثى و تهجمنا عليه و اوسعناه ضربا حتى طلع يجرى.
6- ايه مطالبك من مصر ( المسؤلين ) ؟ سؤال اجباري
نفس مطالب جمعية التغيير.
7- كنت عايز تغير مين من المسؤلين ؟ و عايز تجيب مين بداله ؟ ( اختياري )
عايز اشيل الحكومة و الفساد و لكن اعين مين ربنا يعين اللى يصلح,
احنا غيرنا من نفسنا ووعد ربنا لينا انه يغيرنا طالما احنا حاولنا نغير,
ربنا مش حيخلف وعده ابدا.
8 - مصر ايام الملكيه افضل ام الان ؟ - مش هلفت نظرك لسعر الجنيه المصري ايام الملك كان كام و الان كام -
لم اعش ايام الملكية و لا اعتقد انت اخى يسرى و سمعنا عنها خيرا و لكن لا افضلها لوجود انحلال كبير فى الدولة انذاك.
افضلها ديموقراطية طبيعية زى اى بلد نضيفة فى العالم.
9 - ايه رايك لو مصر ترجع مملكه تاني و يبقي صوتك مسموع و ليك راي ؟ و نبطل تكسير و مظاهرات و مزايدات و يبقي امل كل واحد انه يبقي رئيس وزاره و نفضي لمصر ؟
احنا مش بنكسر وبالعكس الامن تعامل معنا بعنف و بقسوة و الوم فى ذلك المتخاذلين اللى لم ينزلوا و اعتذر لمن يقرا هذا الكلام و يشعر به على نفسه,
لقد توسلت لى زوجتى و حمايا و حماتى ووالدى ووالدتى و اختى بعدم النزول و لكننى نزلت
النصر او الاعتقال او الشهادة و الثلاثة يشرفوننى.
10- هل تري ان الوقفه اتت ثمارها ؟
اكيد اتت بجزء من ثمارها اكبر ثمرة هو صرخة شعب فى وجه حاكمه لم يكن قادرا ان ينطقها مسبقا و الان نطقها.
تحياتى يا يسرى باشا