الموضوع مش محتاج كلام ولا تحليل ولا احصائيات ولا اى شئ
الموضوع محتاج الكل ينزل للشارع ويكلم ويصرخ ونكون ايد واحدة للتغير الحقيقى
واعتقد التوانسه فتحوا الباب واتمنى ان السياسين القذرين مايضحكوش على الشعب كالعادة ويرمولوا عضمة وينفذوا مخططهم
من فترة كنت بكلم انا واحد صاحبى
وضربتله مثال :
شايف الشخص النكرة اللى واقف هناك ده
ملوش اى قيمة لا كلمة مسموعة ولا حتى منظر يعمله قيمة شويه بين البشر
نكرة
بس صدقنى قول مايمسك سلاح ويبدا يقتل ويتحول لشر ويبقى سفاح
هيكون هو اهم راجل وحديث الساعة
متستهونش بالضعف فى ثانية غضب يتحول لأنتقام مايهموش اى شئ غير انه يثأر لروحه الميتة بفعل فاعل
صدقونى مافيش اى حاجة هتتغير الا اذا احنا غيرناها بأيدينا
ولا حد من كلاب مصر المسعورةهيهمها لا نسبة بطاله ولا ثروات مهدرة ولا نهب ولا سلب
مدام هم اللى متحاكيمن فى كل شئ وكل شئ ليهم
وهما اقوى شئ فى البلد دى
وعلى رأى المثل المصرى
يافرعون من فرعنك
ملقتيش حد يصدنى
التوانسه انتفضوا مع العلم انهم افضل حالا من المصريين
فى مستوى المعيشة والبطاله ومستوى الفقر
اتمنى العدوى التونسية تنتشر بسرعة قبل ماتموت
ونقول ياريتك يابو زيد ماغزيت
وسلمولى على مصر ام الدنيا
الا لولدها جوزها زعلان منهم اوووى
ومش هيصبهم الا ميخليهم عبرة للزمن
كفاية ان صفات الشعب الطيب طمست
وحل محلها الغش والجشع والأفلاس الأخلاقى الا من رحم ربى