سيدى الفاضل و اخى الكريم كل الاحترام و التقدير لشخصكم و نحن هنا فى خدمتكم على قدر ما اعطانا الله من علم و من وقت
و هنا ايضا و فى المقام الاول للإستزاده من وافر علمكم و جميع الاحباب هنا
..................
اخى الفاضل اذا ما تم اغلاق السعر كاسراً دعم او مقاومه على الفريمات الكبرى
فالرؤيه هنا تكون قد اتضحت معالمها على اللونج او الميديم تيرم او على المدى البعيد و المتوسط
و لكن الكسر تظهر ملامحه على الفريمات الاقل اولاً
بمعنى اننا على الشارت الشهرى الذى وضعته لسه ما زال على اغلاق شمعه
هذا الشهر 15 يوما
مش معقول لسه هاستنى اغلاقها علشان اتحرك
ال 15 يوم دول
عندى فيهم شمعتان ويكلى
او 15 شمعه دايلى
استعين بأيهم
و اذا كانت الويكلى اكثر تأكيدا
فإن الدايلى ايضاً لها وزنها
عن نفسى اتعامل مع الدايلى
و ان كنت انظر و ارقب الفريمات الأبعد
...................
تعالى بقى يا ريس للسؤال العسل
و كثيرا ما يسأله اهل الرقمى للكلاسيكيين امثالنا
ما الذى سيوقف السعر من مقاومات اذا ما تم كسر هاى تاريخى حيث لا مقاومات اعلاه
و ما الذى سيوقفه من دعوم اذا ما تم كسر للو تاريخى حيث لا دعوم اسفله
اعتقد اخى الفاضل
اننا هنا ممكن ان نستعين بشئ من اثنان
نماذج الهارمونيك
و معنا اساتذه هارمونيك و ان كنت انا لا استعملها
و المستويات التكميليه لفيبوناتشى الاعلى من مستوى ال 100
مثل مستوى 120
و مستوى 161.80
و لها احترامها و ممكن تكون دليل فيما فوق ال 100% فيبوناتشى
و إن كان مستوى 120 ليس من نسب فيبوناتشى
الا انه مستوى مؤثر كمستوى ال 50
........................
إذن ممكن حضرتك بالنسبه للاسترالى
نرسم فيبوناتشى تصحيحى للترند الهابط الذى يبدأ من الهاى التاريخى السابق
( يوليو 2008 )
سنجد ان 0.9848 التى وصلنا اليها فى 1/10/2010
تمثل ال 100 % فيبوناتشى
و ما فوقها ننتظر مستوى 120% عند مستوى 1.06 تقريبا يعنى بعد 768 نقطه تقريبا
لماذا العشرين فى المائه التى فوق ال 100% كبيره جدا كده ( 700 نقطه )
لأن الفيبو مرسوم على الشهرى و يبدأ من الهاى 0.9848
و ينتهى عند اللو 0.6006 هبوط الازمه الماليه
و ستجد اننا بنتكلم فى فرق 3842 نقطه
العشرين فى المائه منها 768 نقطه اجمعها على 0.9848 ينتج 1.0616
و هو السعر الذى يمثل 120 فيبوناتشى
.........................
طبعاً مش ممكن هنتعامل مع الشهرى و ننتظر هذه المقاومه البعيده جدا
عندك فيبوناتشى و اتعامل معاه على الفريمات الاقل
بنفس الاسلوب ابدأ برسم الفيبو من اعلى هاى حدث بعده ترند هابط و الى اللو للترند الهابط
هتنتج لديك نسب فيبوناتشى و بها ما فوق ال 100
فإذا ما تم كسر هذا الهاى بهاى اعلى هبط بعده السعر بترند هابط ينتهى بللو اخر
كرر نفس الموضوع كما بالشارت التالى
و هكذا يمكنك ان تحدد
نقاط وقف محتمله كما أسلفت لحضرتك
تظهر عند نسبة ال120 مثلا لم يصل لها السعر من قبل
...............
و عامةً بعد كسر هاى تاريخى و مع تحرك السعر على الشارت
ستظهر لنا تباعا مقاومات و دعوم كثيره
على مختلف الفريمات يتم التعامل معها و على اساسها
...............................
............................................
أساسياً انا معاك فى كل ما ذكرت
و لكن علينا ان نذكر انفسنا اننا امام زوج من العملات و لا نتحدث عن عمله واحده بمفردها
يعنى ممكن تكون كل المعطيات تدل على ضعف عملة
و لكن العمله الاخرى التى معها بالزوج يصيبها هى الاخرى انعدام وزن و ضعف
و ربما بنسبه اكبر و لأسباب اخطر
فتجد الحركه على الشارت حينها فى صالح العمله الاولى و ليس ضدها
رغم ضعفها
و ده برضه ناتج ان الوضع العالمى كله ما زال مقلقاً
...................
و لكن اخى الحبيب
راقب الترند الصاعد الدايلى
و احتمال كسره هبوطاً وارد جداً
لو كسرناه هبوطاً
سنكون من جديد على 0.9848
الخط الحديدى كما اسلفنا القول
و الذى يمكن القول عنه ايضاَ انه يمثل خط عنق لنموذج رأس تقريبا
كما بالشارت
اعتقد بكسره يبقى كفاية كده قوى على الاسترالى صعود
انما غير كده
فالاتجاه صاعد
هذا و الله اعلى و اعلم