|
استفسار + هوا لسه في حد كدا ف الدنيا
السلام عليكم ورحمة الله وبركاته أولا اعتذر عن اسم الموضوع لأنه مش مُجدي اوي بس انا هتكلم في النقطتين دول واولهمهوا لسه فيه حد كدا في الدنيا : وبمعني أدق هوا اصلا فيه حد زى حضراوتكوا كدا في عالم الفوركس فيه حد زى الدكتور اسامة والمهندس نادر فيليب والمهندس احمد مقدادي (واسف لو فيه غلط في الأسماء) وبجد اكيد الناس كلها كدا بس دول اللي لفتوا نظري بصراحة بس بجد انا لسه جديد في المنتدي وتحت الصفر ومش اكسبريس زى اسمي ولا حاجه هههههههه. لكم كل التقدير والشكر علي مجهوداتكم اللي بجد مينفعش حد يشكر وبس بل يتعامل معكم بالمثل ويقدر يرد لكم ولو جزء من الجميل وهوا عدم إحتكاركم للعلم مهما تكلمت مش هأوافي حد حقه . طيب ليه انا بقول كدا ودا اللي هيخليني ادخل للنقطة التانية : انا بقول كدا لأن اقل تكلفة لكورسات الفوركس ف مصر ودا بعد ما دورت وبحثت كتير عن شركات وساطة واشخاص عادية بتدي الكورس 350 جنية - 550 جنية - 4000 جنية - 6000 جنيه ( ليه مش عارف ) الشركة اللي كنت هشتغل فيها وهيا تابعة لبوسطن ومقرها في القاهره طلب مننا 2500 جنيه ف الكورس والباقي خصم من الراوتب والمبلغ الكلي 4000 جنيه :1 (54): الكورس في اي مكان من دول حوالي 3 ايام - اسبوع - اسبوعين علي الأكثر مما يعادل 6 من 3 إلي 6 محاضرات فقط فرق كبير بين كورسات برا وكورسات بيتي التاني fx-arabia يعني بسأل نفسي ازاي هستفيد من اسبوع في الفوركس ؟ ارجو الأخوة الأفاضل يوضحوا النقطة دي عشان نكون متصلين بالواقع شويه وبالشركات برا وهل هوا نصب ولا ايه ؟وبكل بساطة أدخل هنا آلقي الكورسات كاملة والكمال لله وحده وآلقي شروحات تعتبر برا بفلوس كتير جدا ( بجد مجهود رائع ويجب علي كل من استفاد تكريم الإدارة ) . مش عارف الناس هنا مقدرة حجم الشغل والمجهود المبذول ولا لا فيارب يكون مقدرين انهم بيتعاملوا مع إدارة قوية جدا ويد من حديد لا تختلف عن الغرب في شئ بل اقوي وأخيرا ...., إستفسارات بسيطة : - كم المدة اللي ممكن استغرقها في التعلم للوصول للمضاربة الصحيحة والخبرة الكافية ؟ - أمته اتقدم لشركة وساطه واقولهم انا يا جماعه عاوز اشتغل معاكوا عشان انا بفهم فوركس ( ارجو ذكر المواد العلمية التي مؤهلني للعمل ) ؟ - هل يوجد شركات وساطة في الإسكندرية للتقدم للعمل بها ؟ أرجو ذكر بعضها ولو علي الخاص وياريت تكون تابعة للإدارة او أحد الأعضاء الكرام . فكرة اني اشتغل في شركة وساطة عشان بيدوا مرتبات تبدأ من 2000 جنية في الشهر ودا الهدف انه دخل ثابت وعمل في نفس الوقت . وياريت مش تكون شركة يقولوا عاوزين 4000 للكورس قبل الشغل . - هل يجب ان اكون حاصل علي شهادة خبرة للعمل أم حسابي الوهمي وارباحي من الفوركس تكفي ؟ - هل العمل مع هذه الشركات مجدي ومربح ام العمل الشخصي من المنزل:1 (18): ؟ ارجو ان تكون اسئلتي غير صعبة واسف علي الإطالة ولكن انا متعمد اسألها لاني مش عارف انا كان ممكن يتنصب عليا ولا لا في الشركة اللي كنت هروح فيها . لكم جزيل الشكر تقبلوا تحيتي .. اخوكم مصطفي |
رد: استفسار + هوا لسه في حد كدا ف الدنيا
ما شاء الله .. إيه ده كله؟ بص يا باشا أكتر واحد ممكن يفيدك على حد علمي هو الدكتور أسامة .. وخصوصاً إنك اسكندراني زيه .. ثانياً .. ما أستطيع أن أعدك به .. إنك مش هتلاقي في أي كورس اللي هتلاقيه هنا من علم وتعليم .. المدة الكافية لأن تتقن الفوركس مفيش .. لأنك طول ما انت في السوق بتتعلم لكن مثلا من 6 شهور لسنة ممكن تفتح حساب حقيقي وتبدأ تكسب منه وحسب العلم والممارسة والوقت اللي قعدته على الجهاز .. أما باقي التساؤلات فيجيبك عنها الدكتور وباقي الإخوة إن شاء الله ..، |
رد: استفسار + هوا لسه في حد كدا ف الدنيا
اهلا بيك اخى الفاضل برونتو..
اشكرك على كلامك الرقيق فى حقى انا و الاخوة و الحمد لله هنا فى ارابيا لسنا من عينة ادفع لتحصل و الذى منه.. موضوع تعالى خد كورس و اشغلك فى الشركة سمعته قبل كده و طبعا انت عارف الباقى حيكون ايه و مش عايز اخوض فى تفاصيل اكتر.., بالنسبة للكورسات فهى موجودة هنا بدون اى مقابل و هى مجهود عملاق من العمل و من يعطى كورس مقابل لا الومه و لكن يجب ان يكون هناك جديد يساوى المبلغ المدفوع و ليس كلاما مثل الموجود فى عشرات المواقع او موجود لدينا هنا فى الفيديوهات. بالنسبة لسؤالك عن مؤهلاتك للعمل فى شركة وساطة فهو لا يوجد اى شركة وساطة مرخصة فى مصر ترخيص كامل حتى الشركات العريقة فى الخارج تحجم على التواجد فى مصر بسبب عدم وجود تراخيص حقيقية للعمل فى مصر, انصحك بالابتعاد عن هذا التفكير مؤقتا لانه لا يوجد شيئ حقيقى بذلك و انصحك بالتعلم للمتاجرة الحقيقية افضل بكثير, الوقت اللازم اعتقد سنة كاملة من التعلم و المتاجرة و المتابعة حتى يمكننا القول انك تستطيع ادارة حساب حقيقي بنفسك., تحياتى و تحت امرك فى اى استفسار., |
رد: استفسار + هوا لسه في حد كدا ف الدنيا
شكرا لك استاذ محمد نوارج علي ردك :)
ربنا يبارك فيك يا د.أسامة عادل بجد حضرتك كلامك مختصر وبين لي الكثير من الأمور وطبعا من كلام حضرتك ف الدرس الثاني من الكورس الشامل وضحت ان الفوركس مش هوا الشغل الأساسي بل هوا شغل فرعي عشان كدا كنت بفكر بالعمل مع شركة وساطة في المستقبل القريب مش هتفرق مرخصة او غيره ( عاوز اتجوز انا هههههههههههه ) المهم يكون الشغل بدون شروط او فلوس ادفعها هيا دي الفكره .+ ان دخلها ثابت بس شكرا مرا تانيه علي تعاون حضرتك معايا تقبل تحيتي .., |
رد: استفسار + هوا لسه في حد كدا ف الدنيا
طيب ليه شركة وساطة تحديدا؟؟
ليه مايكونش شغلك فى مجال اخر و فوركس معاها.؟ شركة وساطة محتاجة مهارات خاصة :) تحياتى يا غالى |
رد: استفسار + هوا لسه في حد كدا ف الدنيا
ان شاء الله يكون شغلي في مكان آخر ودا بسعي ليه حاليا لاني حديث التخرج + الفوركس كعمل فرعي( بس ليه انا متمسك اشتغل في شركة وساطة) ؟!
اولا مرتب مغري جدا 2500 جنيه اعتقد انهم في ظل الظروف دي بتكون حاجه ممتازه والشغل 4 ساعات يوميا زى ما كلنا عارفين يعني الموضوع بسيط . ثانيا الله اعلم لو انا احترفت واشتغلت مع نفسي هقدر احقق الدخل دا ويكون ثابت معايا ( اكيد محتاج راس مال في الأول وللأسف هوا مش موجود ) . وانا اول مرا اعرف من حضرتك ان شركات الوساطة بتحتاج مهارات خاصة بجد انا لسه مبتدأ وعندي خلفية سطحية عن الفوركس والشركات . ( اكيد الموضوع بيحتاج واحد مثابر) وان شاء الله اقدر اوصل واحقق جزء من احلامي .هبدأ اتعلم واكيد مع الخبره هعرف المفروض اعمل ايه بالظبط واقدر احدد هدفي بسهولة شكرا لتعاون حضرتك يا دكتور |
رد: استفسار + هوا لسه في حد كدا ف الدنيا
تأمر فى اى وقت يا غالى :)
الطريق لسة شوية.. لكن ربنا يوفقك :) |
| الساعة الآن 05:05 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com