اف اكس ارابيا..الموقع الرائد فى تعليم فوركس Forex - طلب اكسبيرت من مهندس الاكسبيرتات نادر باشا

- منتدى المؤشرات و الاكسبيرتات (https://fx-arabia.com/vb/forumdisplay.php?f=6)

طلب اكسبيرت من مهندس الاكسبيرتات نادر باشا

السلام عليكم يا احلي منتدي واحسن ناس
نادر باشا انا كنت قريت عن اكسبيرت يستخدم لاقفال الصفقات المفتوحة مرة واحدة
ارجو منك رفعه علي المنتدي
وجزاك الله كل خير

رد: طلب اكسبيرت من مهندس الاكسبيرتات نادر باشا

اقتباس:

المشاركة الأصلية كتبت بواسطة haithem_hhsh (المشاركة 10820)

السلام عليكم يا احلي منتدي واحسن ناس

نادر باشا انا كنت قريت عن اكسبيرت يستخدم لاقفال الصفقات المفتوحة مرة واحدة
ارجو منك رفعه علي المنتدي
وجزاك الله كل خير

هيثم باشا ...مراحب ... أحييك عل الموضوع القوى والأفكار التى تنفعنا جميعا .
فية يا هيثم سكربت وفيه اكسبرت .... تمام ..
بالنسبة للسكربتات الموجودة فى كل المنتديات فيها غلطات ومش شغالة للأسف
بالنسبة للأكسبرتات موجود منها كتير وبطرق مختلفة ولأهداف مختلفة ... تعال بقى احنا نظبط واحد لأف اكس أرابيا ...جاوب لى على الكلام ده وننفذه وأى واحد له رأى ياريت كمان يفيدنا .

1- نعمل سكربت وللا اكسبرت ... السكربت يشتغل مرة واحدة بدبل كليك كل ماتحب تشغله تعمل علية دبل كليك وكدا اسرع طبعا لأن مش هتحتاج تظبط خصائص أكسبرت وتفعله وأعدادات عامة وكدا ...لكن الأكسبرت بيفضل شغال علطول وممكن يشتغل مثلا على ادارة رأس مال معينة وبذكاء ...مثلا لو زادت البيبات الخاسرة عن كذا أغلق جميع الصفقات او أذا كسبت كذا بيب اغلق جميع الصفقات وهكذا .

2- طرق أختيار الصفقات المطلوب أغلاقها :

- أغلاق كل شئ التريدات الفعالة والمعلقة .
- أغلاق الفعالة فقط.
- كل العملات أم العملة على الشارت الحالى فقط .
- الخاسرة ام الرابحة ام كلاهما
- الخاصة بأكسبرت معين ام كل الصفقات .
- ممكن كمان وقت فتح الصفقة نحدد ان كان السكربت أو الكسبرت مسموح له يغلقها ام لا .

المطلوب منك تجيب على كل ذلك ... أو تتخيل ماتراه او تريده ولكن بالتفصيل كما ذكرت لك وان شاء الله أجهزه لنا كلنا ...وياريت الجميع يشارك كمان لأنه موضوع مهم .

رد: طلب اكسبيرت من مهندس الاكسبيرتات نادر باشا

الله على الأفكار الجاااااااااااامدة

بجد فكرة ممتازة

وهتفيد الكل

ابدأوا على بركة الله ..،

رد: طلب اكسبيرت من مهندس الاكسبيرتات نادر باشا

اقتباس:

المشاركة الأصلية كتبت بواسطة م.نادر فيليب (المشاركة 11016)

طبعا احنا عايزين الاسرع نادر باشا
بمعني مثلا عندي اكتر من صفقة في الحساب عشان اقفلهم وانقل لحساب تاني واقفل الصفقات المفتوحة فيه بياخد وقت والوقت دا بيخسرني شوية بيبات لا بأس بها
بالنسبة لاسكربت ولا اكسبرت وايهم اسرع دي انت اللي تقدر تحددها يا برنس ، انا اولا مرة اسمع عن الاسكربت :)

2- طرق أختيار الصفقات المطلوب أغلاقها :

- أغلاق كل شئ التريدات الفعالة والمعلقة .

لا ،، المعلقة مفيش منها مشكلة عندي

- أغلاق الفعالة فقط.

بالظبط ،، اغلاق الفعالة

- كل العملات أم العملة على الشارت الحالى فقط .
- الخاسرة ام الرابحة ام كلاهما

كل الموجودة والفعالة مش الشارت الحالي فقط

- الخاصة بأكسبرت معين ام كل الصفقات .

كل الصفقات الموجودة يا غالي

- ممكن كمان وقت فتح الصفقة نحدد ان كان السكربت أو الكسبرت مسموح له يغلقها ام لا .

يا سلام دا دلع علي الآخر كده

المطلوب منك تجيب على كل ذلك ... أو تتخيل ماتراه او تريده ولكن بالتفصيل كما ذكرت لك وان شاء الله أجهزه لنا كلنا ...وياريت الجميع يشارك كمان لأنه موضوع مهم .

وياريت يكون بشكل عام يسمح بالتغيير فيه
يعني وقت اكون عايز يقفل كل الموجود الرابح والخاسر معا ،، او احدهما ، بحيث اكون قادر اني اعدل فيه
ويكون لكل الصقفات المفتوحة مش الشارت الحالي فقط

ردي في الاقتباس وكمان شوية ملحوظات في الاخر يا غالي ومنتظر معاك راي باقي الشباب اكيد عندهم افكار احسن مني

رد: طلب اكسبيرت من مهندس الاكسبيرتات نادر باشا

اقتباس:

المشاركة الأصلية كتبت بواسطة haithem_hhsh (المشاركة 11105)

وياريت يكون بشكل عام يسمح بالتغيير فيه

يعني وقت اكون عايز يقفل كل الموجود الرابح والخاسر معا ،، او احدهما ، بحيث اكون قادر اني اعدل فيه
ويكون لكل الصقفات المفتوحة مش الشارت الحالي فقط

ردي في الاقتباس وكمان شوية ملحوظات في الاخر يا غالي ومنتظر معاك راي باقي الشباب اكيد عندهم افكار احسن مني

ماشى يا بوب هنعمل 3 أسكربتات علشان أسرع ونسهر عليهم يكونوا موجودين الصبح ...
close all
close winner
close loser
وكلهم فيهم خاصية الدلع :"- ممكن كمان وقت فتح الصفقة نحدد ان كان السكربت مسموح له يغلقها ام لا"

رد: طلب اكسبيرت من مهندس الاكسبيرتات نادر باشا

اقتباس:

المشاركة الأصلية كتبت بواسطة م.نادر فيليب (المشاركة 11414)

يا سلام يا برنس
مفيش احسن من كده والله
منتظرين ابداعك يا باشمهندس ارابيا :1 (105):

رد: طلب اكسبيرت من مهندس الاكسبيرتات نادر باشا

الله ينور
هيثم باشا
و شد حيلك يا هندسه
اسكربت
او
اكسبيرت

كله من ايدك زى الفل

رد: طلب اكسبيرت من مهندس الاكسبيرتات نادر باشا

يا ترى الاكسبيرتات خلصت ولا لسة يا بشمهندس عشان هيثم ده حبيبنا و منقدرش ناخره طلب..,
تحياتى يا نادر..,
فى الانتظار
الله كريم.,

رد: طلب اكسبيرت من مهندس الاكسبيرتات نادر باشا

اقتباس:

المشاركة الأصلية كتبت بواسطة Samy (المشاركة 11803)

الله ينور
هيثم باشا
و شد حيلك يا هندسه
اسكربت
او
اكسبيرت

كله من ايدك زى الفل

اقتباس:

المشاركة الأصلية كتبت بواسطة د.أسامة عادل (المشاركة 11838)

نسيب الباشمهندس يشتغل براحته عشان يطلع لنا حاجة زي الفل كده ان شاء الله
شكرا علي تأييدكم للفكرة يا غاليين :1 (77):

رد: طلب اكسبيرت من مهندس الاكسبيرتات نادر باشا

اقتباس:

المشاركة الأصلية كتبت بواسطة د.أسامة عادل (المشاركة 11838)

يا الله ...المدير العام للموقع .... وقعة بيضاء

اقتباس:

المشاركة الأصلية كتبت بواسطة haithem_hhsh (المشاركة 12816)

نسيب الباشمهندس يشتغل براحته عشان يطلع لنا حاجة زي الفل كده ان شاء الله

شكرا علي تأييدكم للفكرة يا غاليين :1 (77):

أيوة يا عمنا الحقنى احسن هيقطعونى .... طبعا قولت لك مش هأتأخر واتأخرت ...معلش عديها المرة دى .
أتفضل أكسبرتين ... الأول : لأغلاق الصفقات الخاصة بعملة الشارت الحالى .
الثانى: لأغلاق جميع الصفقات المفتوحة لأى عملة .

مع ملاحظة : 1- اوردرات البندنج لن تلغى .
2- يفضل وضع أكسبرت اغلاق أى عملة على اسرع عملة تغييرا (سواء لها صفقة مفتوحة ام لا ).
3- متقلقش مش ناسى طلبات الأكسبرت المدلع ...حنسمية كلوس فل أوبشن احسن close full option ... لكن هنحطه فى موضوع لوحده.

الأكسبرتات فى المرفقات