استراتيجية ممتازة مجربة 5 اشهر تحتاج لاكسبيرت
 

السلام عليكم ورحمته الله وبركاته

الاستراتيجية جمعت فيها بين التحليل الفنى والرقمى وحققت معايا نتائج ممتازة وصلن 700و800 نقطة فى الشهر 60% و70% من الحساب لكن يعيبها ان لابد من المتابعة اللصيقة للشاشة وانا على استعداد لعرضها بس لو ابديتم التعاون معى فى تنفيذ الاكسبيرت لها

رد: استراتيجية ممتازة مجربة 5 اشهر تحتاج لاكسبيرت
 

رد: استراتيجية ممتازة مجربة 5 اشهر تحتاج لاكسبيرت
 

الاستراتيجية تعتمد على التحليل الفنى والتحليل الرقمى

احنا محتاجين نبرمج الاكسبيرت للطريقة الرقمية بس وهى سهلة ان شاء الله كل ما تعتمد عليه هى طريقة الهيدج
الطبيعى فى اى حد بيتاجر بالطريقة السليمة انه يضع استوب لوز لكن الكثير بيشتكى من كثرة ضرب الاستوب لكن طريقتى تعتمد على الهيدج فعلى سبيل المثال :

دخلت صفقة على اليورو دولار شراء على سعر 1.1200 بعقد 1 استاندر وهدف 20 نقطة ونضع 2 عقد استاندر سيل استوب على بعد 15 نقطة اما السعر يجيب هدفنا او يفعل عقد السيل استوب وساعتها هيكون هدفنا 1.1975 للصفقتين ومنقفلش الصفقة الخاسرة وبكده هنكون على ربح عشر نقاط طيب لو السعر طلع تانى ل 1.1200 ندخل ب3 عقود هيبقى مجموع عقود الشراء 4 والبيع 2 طب لونزل ل1.1985 ندخل ب5 بيع ويبقى مجموع البيع 7 الشراء 4 ولو طلع السعر ل1.1200 ندخل شراء ب7 يبقى الشراء 11 والبيع 7 والفرق هيكون 4 عقود لصالح الشراءوهكذا
يعنى باختصار بنحزم السوق فى 15 نقطة بين خطين واحد بيع وواحد شراءوتكون على الشكل التالى

البيع 1 -3 -7 -11 -15

الشراء2 -5 -9 -13 -17
ستلاحظون الفرق كل مره بيزيد عقد واحد فقط لذلك هى امنه ومخاطرتها بسيطة على عكس المضاعفات التقليدية 1-2-4-8-16-32 المهلكة للحساب
الطريقة لم تنتهى بعد وجارى شرح طريقة الدخول السليمة لتجنب الكثير من المضاعفات لكن لن اطيل اكثر من ذلك للاستيعاب وللرد على استفسارتكم

رد: استراتيجية ممتازة مجربة 5 اشهر تحتاج لاكسبيرت
 

السلام عليكم .. قصدك تقول في كل مرة يزيدوا عقدين مش عقد واحد بحسب
ما هو موضح .. بس في الحالة دي الهدف لازم كل مرة يكبر شوية وإلا أنا غلطان عشان
يعوض الفرق .. والخوف في الحالة دي انه التذبذب يستمر والهدف يبعد جدا ويبقى من الصعب
الوصول له .. رجاء مساعدتي في التوضيح لو أنا غلطان ..
تحياتي

رد: استراتيجية ممتازة مجربة 5 اشهر تحتاج لاكسبيرت
 

الموضوع محتاج شرح بالصور لاانى مش فاهم الصراحه

رد: استراتيجية ممتازة مجربة 5 اشهر تحتاج لاكسبيرت
 

لا هنا انا بتكلم عن فارق العقود بين البيع والشراء فى كل مرة مفيش مشكلة هشرحها تانى بس والنبى ركزوا شويه ياجماعة لان انا عارف ان الموضوع صعب شويه وبالنسبة للتزبزب له حل عندى انشاء الله بس خلينا فى شرح الفكرة الاول

دخلت شراء بعقد والسعر هبط 15 نقطة هندخل بعقدين بيع والشراء مازالت مفتوحة (فارق العقود 1)
صعد السعر 15 نقطة تانى هندخل ب3عقود شراء والبيع مازالت مفتوحة يبقى عندنا 4 شراء و2بيع (فارق العقود 2)
هبط السعر 15 نقطةتانى هندخل ب5عقود بيع والشراء مازالت مفتوحةيبقى عندنا 7بيع و4شراء (فارق العقود 3)
صعد السعر 15 نقطة تانى هندخل ب7عقود شراء والبيع مازالت مفتوحة يبقى عندنا 11 شراء و7بيع (فارق العقود 4)
هبط السعر 15 نقطةتانى هندخل ب9عقود بيع والشراء مازالت مفتوحةيبقى عندنا 16بيع و11شراء (فارق العقود 5)
صعد السعر 15 نقطة تانى هندخل ب11عقود شراء والبيع مازالت مفتوحة يبقى عندنا 22 شراء و16بيع (فارق العقود 6)

وتحت امركم فى اى استفسار

رد: استراتيجية ممتازة مجربة 5 اشهر تحتاج لاكسبيرت
 

الله يعطيك الف عافية عزيزي
مشكور .. تحياتي

رد: استراتيجية ممتازة مجربة 5 اشهر تحتاج لاكسبيرت
 

أخي الكريم فكرتك واضحة وعشان كده باقولك في كل مرة لازم الهدف يكبر
عشان تقدر تعوض فارق النقاط .. لو كانت مضاعفات دبل عادية 1 2 4 8 ما فيش مشكلة
الهدف يبقى زي ما هو لأن نسبة الفرق ثابتة في كل مرة وهي 100%
لكن بطريقتك النسبة بتقل في كل مرة وبالتالي تكبير الهدف برضه في كل مرة ..
جرب أحسبها على نقاط ربح ثابتة وشوف .. جرب احسبها مثلا على آخر مضاعفة حطيتها
وهي 22 شراء و16بيع شوف بتحتاج كام نقطة عشان تعوض الفرق وتطلع كمان ربحان ..
وشوف المضاعفة اللي بعديها بتحتاج كام نقطة عشان برضه تطلع ربحان ..
ولا تنساش التذبذب في 15 نقطة ممكن يحصل لما يدوخنا ..
وممكن تحط الحل بالنسبة للتذبذب عشان نتناقش فيها وتكون الفكرة واضحة للمبرمج
وبالأخير طبعا نتمنى تكون طريقة ناجحة ومين ما يحبش يربح من الفوركس ..
.. تحياتي

رد: استراتيجية ممتازة مجربة 5 اشهر تحتاج لاكسبيرت
 

السلام عليكم اخى الكريم ياسر كلامك مظبوط فعلا لازم الهدف يكبر كل شوية بس مش كتير اوى زى ما انته فاكر ودي ممكن تحسبها يدويا او باءكسبيرت غلق الصفقات على ربح معين زى ما انا بعمل وبالنسبة لعلاج الحركة العرضية او التزبزب هتكون عن طريق مؤشرات (البولينجر باند والبايفوت والفيبوناتشى) كلنا عارفين ان لما بتضيق حدود الباند بتكون الزبزبة ولما بينفرج بيكون بدا الاتجاه وبعدها يكون هدفنا مستويات بايفوت يومى واسبوعى

رد: استراتيجية ممتازة مجربة 5 اشهر تحتاج لاكسبيرت
 

السلام عليكم أخي .. لو ممكن توضح كيف يكون التعامل بالبولينجر والفيبوناتشي والبايفوت مع
مثال من الشارت وعشان أخونا المبرمج تكون الفكرة واضحة قدامه ..
ولو سمحتلي أنا عندي تعديل بسيط في الفكرة بس أحسبها وبعدين
أحطها لو حضرتك سمحت طبعا ..
والغرض من التعديل هو الاستفادة من التذبذب لو حصل وبنفس الوقت
يربح لو وصل للهدف .. طبعا بعد ما تسمح بوضع فكرة التعديل ..
عشان أخونا المبرمج توصله الفكرة كاملة لو حضرتك وافقت ..

تحياتي ..