![]() |
إحترف التحليل الأساسي== التيسير الكمي Quantitative Easing
بسم الله الرحمن الرحيم التيسير الكمي َQE Quantitative Easing ذا كوانتي تيتف ايزنج http://www.fx-arabia.com/vb/uploaded...1401891716.jpg هو طباعة فلوس من الفراغ وضخها في الاسواق بمعني ان لما تسمع تيسير كمي تعرف ان البنك المركزي قرر انه يطبع اموال وينزلها السوق وطبعا البنك مش هايتعب في حاجة لما يبطع شوية فلوس ( ما هو عنده الماكينات والاوراق والاحبار وكل شيء ) بقي شئ واحد فقط وهو امر محافظ البنك المركزي بالطباعة ) ماشي كدا لحد الان . دا معني كلمة تيسير كمي طيب ازاي بتتم العملية دي بقي وليه بتتم وتفصيلها ايه انا اقولك بسهوله لما بيكون الفترة اللي ماسك في محافظ البنك المركزي الدولة. هي فترة بداءت في مرحلة الركود والانكماش يعني الاقتصاد بداء يتراجع ويدخل في مرحلة ضعف فايبداء البنك المركزي الاول في فرض سياسة نقدية توسعية عن طريق اللعب علي معدل الفائدة كما ذكرنا سابق في شرح السياسة النقدية التوسعية وهو ان البنك الامركزي يقوم بتقليل نسب الفائدة لتحفيز البنوك التجارية داخل الدولة علي الاقتراض وتسهيل الحصول علي العملة والحصول عليها بتكلفة اقل منه وبالتالي لما تقترض البنوك التجارية بنسب فائدة اقل هاتبداء تقرض الاشخاص والشركات والمصانع بنسب فائدة اقل فالتالي هاتساعد في النشاط وفي مساعدة الاقتصاد والدفع به من حالة الركود الي حالة الانتعاش مرة اخري طيب لحد الان الامر طبيعي ومافيش جديد . فين دور التيسير الكمي بقي دور التيسير الكمي مش دلوقتي دور التيسير الكمي بيبداء في حالة واحدة فقط وهي :- لما تكون مستويات الفائدة عند اقل مستويات وليكون مثلا نمسك الدولار ونسبة الفائدة علية 0.25% صح ماشي الكلام ومازال وضع الاقتصاد في هذه الظروف سئ والعملة مش قوية امام باقي العملات في الحالة دي البنك المركزي مش هايقدر يقلل نسبة الفائدة عن ذلك 0.25% لانها تكاد تكون في اقل اقل مستوياتها وهي ال0.25% والبنوك التجارية الدخلية في الحالة دي بتخاف من اقراض الاشخاص والشركات والمؤسسات وووو نظرا للوضع الاقتصادي السئ وخوفها من مستقبل الاقتصاد وبتخاف برده تقترض من البنك المركزي وايضا بالتالي مش هاتودع عنده نظرا لنسب الفائدة القليل او المتدنية وبالتالي يزداد الوضع سؤ http://www.fx-arabia.com/vb/uploaded...1401891716.png يعمل ايه البنك المركزي ؟ يبداء دور التيسير الكمي http://www.fx-arabia.com/vb/uploaded...1401893217.png وهو انه يبداء يطبع فلوس وضخها في الاسواق وطبعا مش بيوزعها علي الناس لا يبداء في شراء السندات الحكومية والغير حكومية وبالتالي يبداء يقلل من قيمتها ويزيد قوة الشراء عليها ويبداء في شراء الديون المعدومة والعقارات المرهونه وغيرها من المزادات وبالطريقة دي هو بيشتري طبعا معظم الحاجات دي من البنوك والشركات فا بالتالي لما يعدم دين لبنك ويعوضه بفلوس فا هو كدا بيجدد نشاط البنك ويحفزة انه يقرض اشخاص اخرين وشركات وهكذا وكمان لما بيشتري السندات بيقلل الضغط والفائدة عليها وبالتالي هايجذب المستثمرين الاخرين عشان في المستقبل الاسعار دي بتزيد وطبعا لو نظرنا من وجهة نظر البنك والمحافظ فاهو بيشري اصول وسندات من فراغ وبيطرحها في الاسواق فاهو بينعش الاقتصاد لفترة ولاكن من وجهة نظر المستثمرين فهو بيزود الطين بله وبيفتح طريق لا نهاية له من التضخم لان زي ما احنا عارفين ان التضخم هو زيادة اسعار السلع والخدمات والمنتجات وهي بنفس الجودة يعني الدولار بيشتري نفس الخدمة بس بتكلفة اعلي يعني الفلوس موجودة كتتييير بس مالهاش قيمة وهو ده اللي بيعمله البنك المركزي لما بيطبع فلوس ويضخها في السوق ومافيش تغير في الوضع الاقتصادي اكيد بيذود الوضع سؤ |
رد: إحترف التحليل الأساسي== التيسير الكمي Quantitative Easing
شكرا ...
بس ياريت الاداره تجمع كل المواضيع بموضوع واحد تشتتنا شويه |
رد: إحترف التحليل الأساسي== التيسير الكمي Quantitative Easing
شرح رائع تسلم ايدك |
رد: إحترف التحليل الأساسي== التيسير الكمي Quantitative Easing
مساء الخير سيد بوجي احد اهم المصطلحات الاقتصادية تداولاً بالولايات المتحد الامريكية واليابان و اوروبا خلال الفترة الماضية وربما منذ سنتين هو التسهيل الكمي ، خصوصاً بعد استخدامه من طرف البنك الفيدرالي الامريكي ، هذا المصطلح هو الذي كان يتحكم باقتصاد العالم ويترقب المستثمرين مجرد تلميح بتخفيضه او زيادته ، وكما نعلم حالياً الولايات المتحدة بمرحلة تقليص تدريجي لتسهيل الكمي شهرياً او حسب الوضع الاقتصادي وهذا يؤثر مباشرة بحركة الدولار بكل وكل السوووق . لاااايك يا بوجي اقتباس:
هلا عورتاني انا شايف كده افضل حتى لا يختلط الامر على الكثيرين . وان شاء الله يقدر يعمل احمد فيديو او دورة مرئية مجمعة في المستقبل هنا لكي يستفيد الجميع :) تحيتي |
رد: إحترف التحليل الأساسي== التيسير الكمي Quantitative Easing
من غير فيديو الشرح ممتاز جدا
بس في مواضيع راحت عليه بحاول ادور عليها بصفحات قديمه شكرا يا ابو حميد |
رد: إحترف التحليل الأساسي== التيسير الكمي Quantitative Easing
شرح ممتاز جدا :)
الى الامام عزيزي :) |
رد: إحترف التحليل الأساسي== التيسير الكمي Quantitative Easing
اقتباس:
تحياتي مرفوع للاهمية |
الساعة الآن 12:43 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com