اف اكس ارابيا..الموقع الرائد فى تعليم فوركس Forex

السلام عليكم جميعا
قبل اي شيء اسمحولي اقدم التحيه الي هذا المنتدي اللي اتربيت فيه وتعلمت الفوركس من كل شخص وضع ولو حتي مشاركه واحده
حقيقي منتدي بيختلف عن اي منتدي اخر اشتركت فيه , قمه في التعاون و الادب بين اعضاءه و ادارته .
365 يوم من الفوركس في الحساب الحقيقي و زيهم كان دمو , ماذا ربحت من الفوركس ؟؟؟؟ لا شئ لكن الحمد لله لا خساره .
اقتنعت تمام ان الموضوع مش صعب لكنه مش سهل , الموضوع محتاج دراسه حقيقيه سواء قني او اساسي , مش صعب انك تحقق ارباح خرافيه لكن الموضوع مش مجرد نماذج تدخل عليها او خبر تستناه من الشهر للشهر.
جربت كل طرق التجاره التي يتخيلها عقل ( اخبار - برايس اكشن - نماذج- مؤشرات - اكسبيرتات - اليوت - خفافيش و فراش :1 (41): ) و استنتجت الاتي :-

1 - تحديد الهدف من الفوركس
-هل هو تحقيق المليون من 100 دولار
- هل هو انك عايز دخل ثابت
- هل هو جنان و خلاص
انك تعرف هدفك قبل ما تدخل في الموضوع هيوفر عليك نص الطريق و الخساير كمان , اياك تفكر انك من يوم و ليله هتبقي مليونير لان الموضوع مش بيمشي كده خااااااااالص, واياك تفتكر انك هتحط الفلوس من هنا كل شهر هيجيلك راتب من هنا

2- سمعت كتير عن ادارة رأس المال و كنت بضحك علي الكلام ده في الاول و كنت بقول ده كلام نظري و خلاص الواحد يدخل مادام واثق و الملايين حتلعب
ولكن طبعا كنت مجنووووووون :1 (41): سر اللعبه انك تفضل جواها هتلاقي نفسك مع الوقت عرفت الامور بتمشي ازاي و توقعك لحركة السعر من غير حتي مؤشرات

3- ما اراه افضل صفقات التجاره هي صفقات الانتراداي . فانت تري اين يذهب السعر اليوم وتروح معاه
الاسكالبينج مربح ولكنه مهلك , السوينجات حبالها طويله و قد يتغير الاتجاه بسبب حدث ما و تخسر
طبعا دي وجهة نظر شخصيه هناك من هو ناجح في الطرق الاخري

4- ابحث عن اسلوبك انت في التجاره لا تستخدم اسلوب احد حتي لو مربح لانك مش هتتقنه الا بعد فوات الاوان , وسهل انك تكتشف طريقه و قد تكون ابسط مما تتخيل بس الشطاره انك تكتشفا
انا عن نفسي لسه مابقتش شاطر :1 (41):

5- العلاج النفسي : في كتير بيقول ادخل بمبلغ زايد عن الحاجه عشان ما تزعلش عليه
بصراحه تفكير غريب جدا ماهو حاجه من اتنين يا حبقي داخل عشان اخسر يا اما معايا فلوس يبقي حدخل ليه اصلا
اللي بيدخل الفوركس اكيد مليون في الميه الفلوس دي هو تعبان فيها و نفسه يزودها , طب ايه علاقة ده بالعامل النفسي ؟ اقولك لما بتدخل صفقه بيبقي حاجه من اتنين لو كسبانه الاعصاب تقوم بالواجب و تقفل بدري بدون ماتحقق الهدف و لو خسرانه هيبقي رد فعلك يا هتخاف و تقول كفايه كده خساره و بعدها سعرك يحقق هدفه يا اما تصبر بالزياده علي امل ان السعر يرجع و يعوض و ابقي قابلني لو رجع . ده العلاج اللي بتكلم عليه
لازم تهيأ نفسك انك داخل تجاره مكسب و خساره , لكن للاسف مش بالكلام الموضوع صعب و اخد مني وقت طوييييييييييل .
6- الدراسه : لازم تدرس اقتصاد لازم تفهم يعني ايه حركة عمله , اسباب كتيره جداااااا بتاثر و كله بياثر علي كله اعرف ايه علاقة العملات ببعضها .......... مجال الدراسه ده لوحده محتاج سنين عشان تعرف الدنيا ماشيه ازاي و بصراحه المنتدي هنا قايم بالموضوع ده علي اكمل وجه .

7- الايمان : حب ما تعمل حتي تعمل ما تحب ..... بصراحه الواحد نشف من كتر ما سمع الجمله دي .. انا شايف ان الفوركس ده الشغلانه الوحيده اللي الواحد يعمل ما يحب من الاول كده , عشان تدخل الفوركس لازم تكون مقتنع تمام بيه من الاخر كده بتحبه . لازم تكون مؤمن انك قادر تنجح فيه مايكونش نيتك ان تدخل و لو مشي الموضوع يبقي تمام و لو لا يبقي قدر و نصيب لانك لو نيتك كده يبقي حتخسررررررررررر .

8- خطه بديله : في فرق كبير اوي بين الخطه البديله و العناد في الفوركس . قبل ما تدخل صفقه لازم تبقي عارف انت بتعمل ايه و تحدد و انت بتدخلها لو خسرت ايه خطتك , هل هتقفل و خلاص ويبقي خيرها في غيرها و لا ليك خطه معينه ؟
الفكره كلها انك لو مش مخطط هتلاقي نفسك متغاظ انك خسرت و تبقي عايز تنتقم من الوحش الشرير و تلاقي نفسك ماعرفتش و تتغاظ اكتر و هكذا لحد ماتلاقي نفسك باي باي.

9- ورقه و قلم : اجمل حاجه و من فات قديمه تاه - حط كل ملاحظاتك في ورق و علقه قدامك عشان ما تسرحش مع نفسك و تنسي اللي مخطط ليه

10- نظرية الاحتمالات : احسن اسلوب هو انك تجيب ورقه و تعمل خانتين واحده بيع و التانيه شراء . و تحدد فيها اسباب الشرا و اسباب البيع و تعملها نسبه و تناسب و الكفه الارجح ادخل معاها بس تبقي ارجح بقوه اعمل كده في عشر صفقات و شوف النتيجه و حتدعيلي .
اخيرا احيي كل عضو في المنتدي و دي حكايتي مع القوركس واتمني اكون استفدت من اللي كتبته قبل ما انتو تستفيدو . ووحشتنا مسابقات اربيا و اف اكس دي دي