اف اكس ارابيا..الموقع الرائد فى تعليم فوركس Forex - فكرة مشروع بناء عمارة بالمشاركة

- استراحة اف اكس ارابيا (https://fx-arabia.com/vb/forumdisplay.php?f=10)

- - فكرة مشروع بناء عمارة بالمشاركة (https://fx-arabia.com/vb/showthread.php?t=35896)

فكرة مشروع بناء عمارة بالمشاركة

السلام عليكم و رحمة الله و بركاته
ازيكم يا شباب

و الله انا عندى فكرة زملاء ليا عملوها و نفسى اعملها يا عالم ممكن يكون فيها الخير
الفكرة عن ان نكون مجموعة من 6 او 7 افراد و نشترك فى شراء ارض و يقوم المقاول ببنائها بنسبة مشاركة 50 % يعنى لو العمارة 12 دور بــ 24 شقة يبقى احنا 12 شقة و هو 12 شقة

او نشترك مع مقاول عنده ارض جاهزة و ندخل بنسبة 50 % من ثمن الارض و يبقى برده نسبة المشاركة 50 % او لو هندفع اقل من 50 % تبقى نسبة المشاركة 40 % لـــ 60 % مثال انا كلمت مقاول قالى انه عنده ارض فى المطبعة فيصل مساحة 400 متر يعنى يطلع الدور 3 شقق هيا تمنها مليون و نص لو دخلنا مشاركة 50% ناخد 18 شقة على عددنا يعنى كل واحد مش اقل من 3 شقق و الله المشروع كويس جدا و انا نفسى اعمله اديكم شايفين اسعار الشقق و غلوها الرهيب طبعا المقاول ده مثال لكن الفكرة فى دماغى و انا نفسى انفذها

انا معايا 2 من زملائى معايا و مستنيين نشوف عددنا يبقى كام عشان نقدر نتفق و نشوف المكان و نحدد فقولت اعرض عليكم الموضوع يمكن حد يحب يستفسر او يدخل معانا الموضوع

فى انتظار اى استفسار لو حبيتم

اخوكم محمد

رد: فكرة مشروع بناء عمارة بالمشاركة

فكرة جيدة

لكن ماذا عن تسجيل الحصص بالعمارة هل ستكون من البداية موثقة ومسجلة وموضح حصة كل شخص من البداية

كما يرجى توضيح راس المال المطلوب اجمالا بحيث يعرف من هو مهتم براس المال المطلوب اذا كان العدد 6 او 7

رد: فكرة مشروع بناء عمارة بالمشاركة

اقتباس:

المشاركة الأصلية كتبت بواسطة jamal khalil (المشاركة 581003)

فكرة جيدة

لكن ماذا عن تسجيل الحصص بالعمارة هل ستكون من البداية موثقة ومسجلة وموضح حصة كل شخص من البداية

كما يرجى توضيح راس المال المطلوب اجمالا بحيث يعرف من هو مهتم براس المال المطلوب اذا كان العدد 6 او 7

اكيد طبعا كله هيبقى موضح و مسجل بعقد المشاركة نعرف هتتبنى كام دور و كل فرد هيبقى ليه كام شقة و يتكتب

الحصة طبعا هتختلف باختلاف ثمن الارض لكن احنا عايزين منطقة سعر المتر فيها وسطى نقدر عليه يكون المبلغ الاجمالى فى حدود 700 الف كاقصى حد ان شاء الله سواء اشترينا احنا الارض او شاركنا مقاول

انا كنت كلمت شركة كبيرة بتبيع اراضى و بتعمل مشاركات اللى هو صاحب الارض اللى انا سبق و ذكرته ممكن يكون عنده كتير بس الاهم نوافق على افكرة و نجمع بعض و ربنا ييسر كل امورنا ان شاء الله

رد: فكرة مشروع بناء عمارة بالمشاركة

و انا بكرر 700 كحد اقصى يعنى لو اقل يبقى كويس طبعا او مثلا اتنين يشتركه مع بعض و يدخله بواحد و يقسمه الشقق ما بينهم بس الظاهر معانا فى التعامل يكون شخص واحد اللى اسمه هيسجل فى عقد المشاركة ان شاء الله

رد: فكرة مشروع بناء عمارة بالمشاركة

جمعه مباركة ان شاء الله