|
هام لعملاء اف اكس ارابيا واف اكس دي دي
السلام عليكم ورحمة الله
عملاء اف اكس ارابيا الكرام واف اكس دي دي نود التنويه عن الاتي ان اي عمليات ايداع عبر الكروت الائتمانية الخاصة بشركة اف اكس دي دي سيكون السحب علي الكروت الائتمانية ايضا http://www.fx-arabia.com/vb/uploaded...1369778693.jpg بمعني عميل قام بايداع عبر فيزا او ماستر او اي كارت اخر سيتم سحب اصل المبلغ علي الكارت اما الربح يمكنك السحب عبر السحب البنكي مثال : قام عميل بايداع 1000$ وقام بالتداول واصبح الحساب 1200$ يمكن للعميل سحب ال200$ عبر التحويل البنكي اما 1000$ يمكن للعميل سحبهم علي الكارت الذي تم الايداع به وذلك نظرا لما قام به الكثير من العملاء في مصر في الاونة الاخيرة من ايداع عبر الكروت الائتمانية والسحب عبر الحساب البنكي للحصول علي دولارات للاستفادة من اسعار الدولار في السوق السوداء المصرية وهذا يعرض الشركة الي مسائلات قانونية لان الاصل في عمليات الايداع والسحب هو استخدام نفس الوسيلة في الايداع والسحب نرجو من العملاء الكرام مراعاة التعديلات واتباعها وبالتوفيق للجميع باذن الله مع تحيات ادارة اف اكس ارابيا |
رد: هام لعملاء اف اكس ارابيا واف اكس دي دي
اكيد هذا الأمر يبقى قانوني .. شكراً على التنويه |
رد: هام لعملاء اف اكس ارابيا واف اكس دي دي
كل يوم FXDD بتزيد احترامها لعملائها أكتر و أكتر :) |
رد: هام لعملاء اف اكس ارابيا واف اكس دي دي
تمام تسلم ايدك بس عاوز اسأل عن شويه حجات
انا بستخدم فيزا نت بنك العربي الافريقي وهي اساسا مفهاش امكانيه للسحب ايه الحل في الموضوع ده لو حبيت اسحب شكرااااااا |
رد: هام لعملاء اف اكس ارابيا واف اكس دي دي
طيب انا دلوقتى ايداعى بيتم عن طريق كارت فيزا البنك العربى الأفريقى ولا يمكن السحب منها !! مثال : قام عميل بايداع 1000$ وقام بالتداول واصبح الحساب 1200$ يمكن للعميل سحب ال200$ عبر التحويل البنكي اما 1000$ يمكن للعميل سحبهم علي الكارت الذي تم الايداع به فما الحكمة فى ذلك !؟ يعنى الـ 1000$ رأس المال لا يحق لى سحبهم !!!!!!!!!!! واظل مجبر على تركهم حتى و أن أحتجت لهم !! اى عدل هذا !! :( |
رد: هام لعملاء اف اكس ارابيا واف اكس دي دي
اقتباس:
لا والله يعنى بفرض عامل ايداع بـما يعادل 10000 ألاف جنيه مصرى بفيزا البنك العربى الأفريقى وهى لا تقبل السحب واحتجت لرأس المال يقولوا لى خد الـ 200 دولار اللى حققتهم !!:1 (88): |
رد: هام لعملاء اف اكس ارابيا واف اكس دي دي
اقتباس:
اولا دا كلام ما يمت للموضوع بصله . يعنى ايه شركه اف اكس ددى تعمل قانون علشان العملاء المصريين بتوع السوق السوده ..دا ظلم وافتراء على الاخوه المصريين . والمفروض الموضوع دا يتعدل ويتحزف الكلام اللى مكتوب عن السوق السوده . بدليل اولا الشركه اصلا بتمنع استرداد رأس المال عن طريق كرت الفيزا . ما لم يتم على عمليه الايداع شهر .. والكلام دا كل الناس هنا عارفينه واتاقشنا فيه وحتى الدكتور اسامه ادخل وقال انه ممنوع تسترد رأس مالك على الكارت ما لم يمر عليه شهر .. والموضوع لسه موجود فى المنتدى ممكن حضرتك تقراه . وتفهم ان دا قانون قديم مش مخصوص علشان المصريين بتوع السوق السوده ثانيا . دا قانون موحد على جميع الدول والشركات مطبقاه من زمان ومطبق فى الشركات الخاضعه لل fsa .. و nfa .. ودا متعلق بسياسه منع غسيل الاموال ثالثا تروح تدخل على موقع شركه اف اكس دىدى واف اكس سليوشن وتعرف ان دا قانون ماله دعوه بالمصريين رابعها . مش علشان كام عميل مصرى الشركه راح تعملهم قانون خاص خامسا الشركه اصلا ملههاش اى علاقه بسعر الصرف المحلى سادسا مفيش دولارات فى البنوك علشان ناخده نبيعها فى السوق السوده .. لما بيجينا تحويل بالدولار بناخد فلوسنا مصرى لان مفيش دلورات فى البنوك الا فى حالات معينه جدا صراحتا الموضوع استفزنى بشده .. دا اسائه لينا كمصريين . ان الى كاتب الموضوع يفترى بالشكل دا ويقول الشركه عملتلنا قانون لوحدينا واللى يستفز اكتر ان فى ناس تتطبل للموضوع وتقول دى نقطه كويسه لاف اكس ددى وان الشركه بتزيد احترامها للعملائها واللى يستفز اكتر واكتر ان الرد دا يتحزف لوحده . من غير ما الموضوع يتعدل او اصلا يتحزف تحياتى للمشرفين والاداره |
رد: هام لعملاء اف اكس ارابيا واف اكس دي دي
اقتباس:
ولو الوقت عدا حتسحب اكيد علي البنك مافيش مشكلة يعني اللي الكارت بتاعه بيسمحله يسحب عليه لمده 30 يوم من الايداع او 60 يوم مثلا لو مر الوقت ولم يقوم العميل بالسحب اكيد حيسحب علي البنك عادي جدا بدون اي مشكلة المقصود بالكلام ان طالما الكارت الخاص بك يمكنك الاستلام عليه سيتم التحويل لك عليه اي كارت ائتماني بيكون ليه مده بعد الايداع تستطيع ان تسحب اصل مبلغ الايداع عليه مره اخري اكنك اشتريت منتج ورجعته تاني فلا داعي للقلق المقصود ان في عملاء تقوم بالايداع عبر الكريدت وتطلب سحب بعدها بيوم علي البنك لغرض ما اقتباس:
الكارت يمكنك السحب عليه اصل المبلغ في الفترة المسموحة باستراجاع المال عليه الخاصة بكل بنك او عملية الrefund ولو الوقت عدا حتسحب اكيد علي البنك مافيش مشكلة يعني اللي الكارت بتاعه بيسمحله يسحب عليه لمده 30 يوم من الايداع او 60 يوم مثلا لو مر الوقت ولم يقوم العميل بالسحب اكيد حيسحب علي البنك عادي جدا بدون اي مشكلة المقصود بالكلام ان طالما الكارت الخاص بك يمكنك الاستلام عليه سيتم التحويل لك عليه اي كارت ائتماني بيكون ليه مده بعد الايداع تستطيع ان تسحب اصل مبلغ الايداع عليه مره اخري اكنك اشتريت منتج ورجعته تاني فلا داعي للقلق المقصود ان في عملاء تقوم بالايداع عبر الكريدت وتطلب سحب بعدها بيوم علي البنك لغرض ما |
رد: هام لعملاء اف اكس ارابيا واف اكس دي دي
اقتباس:
دعني اشرح لك بعض الامور في هدوء لان ردك يحمل الكثير من التعصب والهجوم الغير مرغوب فيه نحن نتناقش سويا ونتبادل الاراء ففضلا اعرض وجهة نظرك باسلوب اهدأ من ذلك بخصوص ما كتبته فيمكنك مراجعة ماكتبت في الرد السابق عن امكانية سحب اصل المال فكما ذكرت ان العميل الذي لا يمكنه سحب المال علي الكارت بعد فترة معينه سيسحب علي الحساب البنكي وهذا المتعارف عليه يعني محدش قال ان اصل المال مش حيقدر العميل يسحبه ولكن لا يقوم العميل بالايداع اليوم بالكريدت ويطلب غدا السحب علي البنك وبالطبع نحن نعلم من يقوم بذلك وبالطبع المعظم من مصر لان البلاد الاخري تستقبل علي الكريدت دون مشاكل او معظمها دون مشاكل فمحدش قال ان الشركة عاملة قانون مخصوص لمصر ولكن ده تاكيد علي الامر وعلي جدية التنفيذ والعمل به ففضلا لا تقوم بتأويل كلام لم نقم بكتابته بخصوص سحب دولارات من الشركة علي حساب بنكي دولاري انت تقول ان مافيش دولارات وبتاخود الفلوس مصري لو بتتعامل مع حساب دولاري وسحب عليه فلوسك لا يمكن للبنك ان يقوم بتغير العملة دون اذنك وهذا في مصر لان في دول الخليح شئ اخر فعلي اي بنك تتحدث انت؟؟؟ انت مصر ايضا ان هذه اساءه للمصريين وان الشركة عملت قانون مخصوص واوضحت لك ان هذا تاويل من جانبك لا ادري من اين اتيت به بخصوص الاساءة للمصريين هذه ليست اساءة ولكن قوانين يجب ان تحترم وتتبع من قبل الجميع مصريين او خليجيين او من اي دولة كانت وتم ذكر ( عملاء من مصر ) لان من قام بها عملاء من مصر وهذه حقيقة وجب التنويه عليها ولكني لم اذكر ان الشركة عملت قانون خاص كما ذكرت لي ملحوظة بخصوص الاعضاء التي ذكرت عليها انها داخله تطبل اولا اشكرك علي زوقك جدا ثانيا اتمني كما قمت بكتابه رد يحمل الكثير من الهجوم والاسلوب الغير مرغوب فيه فضلا اترك كل عضو يذكر رأيه هو عشان الموضوع مش عاجبك يبقي اللي عجبه بيطبل !!! لا تعليق مع الشكر |
رد: هام لعملاء اف اكس ارابيا واف اكس دي دي
السلام عليكم. والله انا مكنتش عايز احكي تجربتي مع الشركه دي لكن الاخ اللي دخل وقال ان احترامها لعملائها بيزيد يوم عن التاني وكلام عسل اوي اللي فكرني بكلام بالروح بالدم نفديك يا ريس. والاخ اسلام يمكن يحصله حاجه لما احكي اللي حصلي بس عشان الناس تعرف واولهم خدمه العملاء احنا بنتعامل مع مين وبيعملونا ازاي
اللي حصل اني اودعت في الشركه دي 7550 دولار اول الشهر عن طريق 2 فيزا # كنت مضطر لان واحده الليمت بتاعها 7 مصري في اليوم والتانيه 5 # وانا كنت مستعجل وكلي حماس للتداول. بدأت وفي يومين وفي اقل من اسبوع الل بعد الايداع ربنا من علي بربح 5762 دولار عن طريق 40 عقد استاندرد الل حصل اني اثناء اسبوع التداول اتعرضت لظروف خاصه لا يوجد مجال لذكرها خلتني مضطر اني اسحب كل المبلغ اللي في الحساب واحط عليهم من جيبي كمان. بعت طلب السحب وشوف بقي الكلام الل بيتقلي واحده واحده وده علي مدار اسبوعين بعدد رهييييب من الميلات اول حاجه. خد بالك احنا حنسحب منك البونص. طب ليه يا عم الحاج. اصل انته ما اقعدتش راس المال 3 شهور. طب انا متقليش الشرط ده من الوكيل كل بوانص الدنيا بتبقي بعدد عقود ستاندرد وانا عديتها. قلك لا فيه شرط في الموقع انته مقرتهوش. طبعا طلع الشرط مكتوب والوكيل مقليش عنه حاجه... قلت في داهيه البونص تاني حاجه. خد بالك احنا حنرجعلك ايداعك علي الفيزا وارباحك علي البنك. طب ليه يا عم الحاج. قلك اصل المصريين حراميه وبيتاجروا في العمله عن طريق انهم يودعوا وتاني يوم يسحبوا ويستفادوا من فرق سعر الصرف بين البنك وبره ( طبعا اتقلتلي مش كده من الشركه بس اللي الوكيل مشكور كلمني وقلي نفس الكلام المكتوب فوق وطبعا تتفهم كده ) . طيب انا راجل متاجر ب 40 عقد استاندرد يعني باين اوي ان ده حد مش دماغه انه يعمل كده. وبعد محايلات من الوكيل معاهم قلك خلي فلوسك 45 يوم واحنا نحولك فلوسك وارباحك علي البنك مع بعض اللللله.!!!! يعني مفيش مشكله انهم يجوا مع بعض . انتوا بس مستفدتوش كفايه فعايزين الفلوس تقعد اكتر عشان عدد عقود اكبر او يمكن اخسرهم كلهم وتبقي مصلحه وجت مني . طبعا انا مضطر زي ما قلت اني اسحب لاني محتاجهم فعلا وحخسر اني محولهم بقيمه 7 وقرشين او تلاته وحسحبهم علي سته جنيه 97 .. يعني بيقلولي قيمه ايداعي. اضطريت اوافق اعمل ايه التالته تابته. اتفرج بقي واضحك او دمك يتحرق. اتقلي اعمل طلبين سحب. واحد ب 7550 ودول يرجعوا للفيزا والتاني ب 5262 . الله طب ليه يا ريس هوه انا مش كسبان 5762 .ايه اللي نقصهم 500 دولار. جالي ميل وراه قلك بص اعمل طلب سحب ب 7800 والتاني ب 5262 . طيب يا عم الحاج فهمني غيرت كلامك ليه والمره دي راحوا فين ال 250 دولار. ولا حد فدني باي حاجه وبعدها اترد عليه اصل حضرتك اخدت بوانص ب 1908 دولار وعملت عدد عقود مش عارف كام المهم يطلع ليك في زمتنا كده كلام والله متفهمش منه اي حاجه وتحسب انه بقال وعايز يوصلك ان الباقي ده ليك واتفضل خده.وعندي الميل ممكن انشره ولو حد فهم منه حاجه يفهمني. طبعا انا لا اخدت بونص بالرقم ده ولا حاجه وعملت كشف حساب لمده سنه عشان افتكر. اكتشفت اني كنت اودعت في شهر مارس 250 دولار واخدت زيهم وخسرتهم الاتنين يعني الخلاصه انه عايز يحاسبني علي البونص اللي خسرته مع رصيدي بالكامل. عند مين الكلام ده! !!! . مفيش شركه محترمه تعمل كده ولا عندكم في شروط البونص الكلام ده يعني انتم بتشتغلوني بجد. يعني كنت عايزين تطيروا 500 $ لولا اني اخدت بالي كنتم اخدتوهم. دلوقتي 250 $ انا خسرتهم وبتخترعوا قانون مش موجودعشان تخدوا اي حاجه ولو كنتم تبع ال nfa والله لكنت مبهدلكم لكن للاسف وده ياريت تخدوا بالكم منه مالطا زي جزر العذراء زي بلاد الواق واق. كله واحدددد طبعا بعد كل ده اضطريت اني اسحب لاني للمره 15 محتاااجهم. ولسه الباشوات منفذين الطلب امبارح وبعد الحاح ومش كله يعني الارباح لسه متحولتش بيعذبوني بس من غير ادب وكل ده عشان فكرت اسحب .المشكله انه زود 250 $ علي قيمه الايداعات ومش عارف شركه الفيزا حتقبل كده ولا لا واشك انها تقبلهم. لان.انا ايداعي ب 250 $ اللي خسرتهم مع البونص كان في شهر مارس. يعني عدي عليهم 30 يوم من وسع وربنا يستر انا اقسم بالله مش مسامحهم في ال 250 $ اللي سحبوهم مني بدون وجه حق ولا ارجاع الفلوس علي الفيزا وهم يقدروا يرجعوهم علي البنك واخسر وقت وقيمه في الفلوس انا مش مشكله من وجهه نظرهم كل الكلام اللي فوق عندي باميلات ومردتش انشرها عشان بجد محدش ضغطه يعلي ويحجيله جلطه من اللي حيقراه. اقسم بالله العظيم رمضان اللي فات شركه في بلاد الواق واق اودعت فيها 1000 بقوا 7 الاف اخر الشهر سحبتهم في يومين باميل واحدددد . واخر حاجه كنت اتخيلها اني اعرف اسحب ايداعي ومحدش منهم قلي تلت التلاته كام والشركه دي تبع المنتدي هنا والله ما بقول الكلام ده عشان انتقم من دي دي. لاني لو عايز اعمل كده كنت كتبته قبل ما اسحب وانا قلتلهم اني ححكي تجربتي للناس قبل التحويل بس مردتش لكن بصراحه استفزيت جدااااا من كلام الناس اللي شكرت وخلاص . لكن بجد عايز الناس تخد بالها من اللي حصلي ولو حد خسر بونص او جايزه الشركه دي حتخصمه من ارباحه تالت ومتلت غصب واقتدار ومن غير ما تعرف كمان ومن غير ما تخد بالك او حتي او اخدته مش فارقه معاها كتير لانها ماشيه عافيه وسلملي علي القوانين والوكلاء اللي بتجيب حقوق الناس.... واسف علي الاطاله |
| الساعة الآن 08:52 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com