سؤال ؟؟؟؟
 

السلام عليكم و رحمة الله و بركاته
انا مش عارفه اتبع اداره لرأس المال صارمه لكذا سبب
الاول انى لو مثلا حددت هدف 10 نقط فبمجرد ما الاقى بروفيت 5 نقط مثلا اقفل الصفقه خوفا من ارتداد السعر
ثانيا مش عارفه احدد البروفيت و الستوب و ممكن اكسب عدد من الصفقات تضيعها خساره واحده
هو المفروض اعمل ايه؟
و سؤال تانى اذا سمحتم
فى حالة الزوج EUR/USD مثلا
اذا كان الاخبار فى صالح الدولار
الصفقه بتكون بيع ولا شراء
وشكرا

رد: سؤال ؟؟؟؟
 

رد: سؤال ؟؟؟؟
 

اهلاااا بيكى معانا
من الواضح انك لسه فى صف المبتدئين الى احنا وقفين فيه لسه
واضح جدا ان الاخطاء الى عندك كلها من انك مش عارفه تقرئى الشارت كويس
......بصى اداره المال العربيه يعنى عندنا بتقول انك متدخيش صفقات ب اكتر من 10 فالميه من راس المال
وفاليوم متخسريش اكتر من 5 فالميه من اجمالى راس المال (دى اعلى ارقام موجوده)
......اما اداره راس المال الغربيه بتقول انك تتبعى قاعدتين
الاولى /انك متخسريش الفلوس لان عدم الخساره لوحده مكسب
يعنى انا لو شاكك فى صفقه هدخلها وهخسر 20 دولار مثلا
يبقى الافضل اروح اعمل اى حاجاه وفالاخر انا الى كسبان 20 دولار من غير معمل اى حاجه
القاعده التانيه / هى انك تفضلى فاكره القاعده الاولى
والمتاجره بطريقتهم معتمده على حاجه اسمها ريسك ريورد
يعنى لو هخاطر فانى هخسر واحد دولار بس لو كسبت هكسب 3 دولار يبقى الصفقه دى تستاهل المخاطره
دا بالنسبه لاداره راس المال
تعالى نتكلم باه فالاسباب الى انتى قلتيها
...............................................
الاول لوحددت هدف 10 نقط بخاف وبقفل على 5
مهما كنتى بتستخدمى من مؤشرات وغيره مفيش مؤشر هيقلك العشر نقط دول هتوصلى لهم
بنسبه 100 %وفعلا كتير من التجار لقوا نفسهم سعات يوصلوا ل 9 وبعدين يرجع ل5 وميزدش تانى
وخصوصا المناطق الى بتكون بعيده اوى عن متوسط السعر ( انا عن نفسى بسميها سحبه زى البحر مبيسحب كدا السعر ياخدك
لمكان جميل ويفضل يزيد ومره واحده تلاقيه سحب نفسه ومرجعش المكان دا تانى طبعا كلنا عرفين المشاعر الى بتمر بيها فالوقت دا)
فظهر حاجه اسمها استراتيجيه للتعامل مع الاماكن دى (الى انتى مش بتبقى واثقه ان السعر يوصها) وهى :
انك تقسمى العقود الى هتدخلى بيها على 2
يعنى ناويه تدخلى الصفقه دى بواحد دولا
يبقى اعملى واحده بنص دولار وكمان واحده بنص دولار
ولما ال 5 نقط الى انتى عاوزاهم يجوا اقفلى واحده وسيبى التانيه
يعنى انتى ضمنتى مكسب
وسبتى التانى للحظ
..................................................
تانى حاجه مش عارفه احدد البروفت والستوب
دى بقى ملهاش علاج غير انك تتعلمى الشموع من تانى
لان الاوامر دى بتتحدد من الدعوم ومن المقاومات
يعنى انا عندى مقاومه فوق السعر ب 10 نقط مثلا وانا داخل شراء يعنى مستنى السعر يطلع واعلى طلوع له هيكون عند المقاومه الى هتصده
يبقى هحط التاك بروفت عند المقاومه دى
طيب والستوب لوز ؟
هشوف اى دعم تحت السعر واحط عنده الستوب لوز يعنى مكان هيسند السعر ويرجعه تانى
هنا باه الشطاره مش فانك تعرفى الكلام دا
ولاكن فانك تعرفى تحددى الدعوم والمقاومات صح
طيب ودى اعرفها ازاى ؟؟
عن طريق انك تعرفى تقرئى الشموع كويس
.................................
موضوع انك تكسبى صفقات تضيعها واحده ....ممكن يكون عادى جدا وممكن يكون لانك بتصبرى على الخساره
على حسب طرقتك
.......................................
موضوع الدولار لو الاخبار فى صالحه
الزوج اسمه يورو ...امام ...دولار
هنا الكلام هيتوقف على انك داخله بيع ولا شراء
بمعنى ...
لو داخله شراء ...يبقى انتى هتشترى اليورو ادام انك تبيعى الدولار
لو داخله بيع ....يبقى هتبيعى اليورو ادام انك تشترى الدولار
وعلى اساس الكلام تحددى يعنى لو تمن الدولار بيعلى يبقى ادخل بيع (يعنى بيع لليورو ادام انى بشترى الدولار علشان لما يعلى اكسب النقط دى)
وطبقى انتى العكس
............................................
والتجار لقوا ان الاخبار مش بتاثر على الزوج التاثير المنطقى فمظم الاوقات
يعنى سعات تيجى اخبار حلوه على الدولار وتلاقيه بيقل؟؟؟؟؟؟؟؟؟؟؟؟؟؟؟؟ايه الجنان دا
فطلعوا باكتر من استراتيجيه للاخبار هقلك واحده منهم سهله
وهى انك ساعت متعرفى خبر
ادخلى قبله ب3 دقائق واعملى اوامر معقله 10 نقط تحت السعر و 10 نقط فوق السعر
والسعر لو طلع او نزل هيفعل امر فيهم
وتبقى تلغى الامر الى متفعلش
تحياتى

Re: سؤال ؟؟؟؟
 

ما شاء الله ده كلام محترفين مش مبتدئين
بارك الله لك و جزاك كل خير

رد: سؤال ؟؟؟؟
 

Re: رد: سؤال ؟؟؟؟
 

شكرا استاذ احمد
انا شفت الفيديو قبل كده و هو مفهوم لكن التطبيق صعب
لكن ان شاء الله هاحاول تانى و ربنا المستعان
وجزاك الله خيرا

رد: سؤال ؟؟؟؟
 

اجابات تدل على الاحتراف ما شاء الله .. بالتوفيق اخوتي :)