|
فكره دعوه للدكتور اسامه ياترى ممكن؟
السلام عليكم ورحمه الله وبركاته
انا عضوه جديده فى منتدى اف اكس ارابيا وليا الشرف طبعا كل اللى اقدر اقوله انى لست من جيل الشباب لكنى اتعلم الفوركس مع الشباب وعندى احفاد على فكره بس فكره العمل من النت والفوركس اعجبتنى وبقالى 3شهور لسه باتعلم دى اهم حاجه عايزه اقولها وسبب دخولى منتداكم انى شوفت محاضرات الدكتور اسامه فى منتدى اف اكس اوبن والحقيقه انى زى ناس كتير بتبحث عن العمل من النت ووجدت الفوركس مجال جديد وجربت اتعلم وكل خبرتى الى الان من كتاب الفوركس للمبتدئين ومحاضرات الدكتور اسامه ولسه فى نصفهم وطبعا لا استطيع عمل ايداع للتداول ولازم ابحث عن منتديات تقدم بونص المهم وجدت شركه اف اكس اوبن وكان لازم اتعلم اعمل صفقات عشان اقدر اسحب البونص والفضل بصراحه للدكتور اسامه فى هذا التعليم ولازلت احاول المتابعه وجدت النهارده احد الاعضاء يقدم فكره استضافه محترف فى الفوركس فى المنتدى والاعضاء تسال ونستفيد كلنا ووجوده هايعمل تشجيع لناس كتير ولا شك سوف يثرى المنتدى لقينا المشرف بيقول المهم الدكتور يوافق بصراحه انا فكرت ارسل رساله خاصه لكن مشاركاتى لا تسمح قولت خليها دعوه على الملا وانا وحظى مش عارفه رأى الدكتور ايه بس اكيد هاكون سعيده لو كنت انا السبب فى حاجه زى كدا لا اعرف قوانين المنتديات لكنى اعرف ان انتم تساعدون كل من يطلب المساعده واكيد الدكتور عارف ان محاضراته على النت وفى كل المنتديات بس اللقاء هايسعدنا كلنا ونبقى اول منتدى يعمل كدا ياترى ايه رأى الدكتور اسامه فى الفكره دى ؟ |
رد: فكره دعوه للدكتور اسامه ياترى ممكن؟
مرحباً وأهلا وسهلا فيكي معانا
وأكيد المشرفين هيوصلوا طلبك للدكتور لكن لو توضحي اكتر شو أفكار حضرتك علشان نوصلها له و مرحباً فيكي بأي سؤال وبأي وقت |
رد: فكره دعوه للدكتور اسامه ياترى ممكن؟
اهلا وسهلا فيك اختي اسيا اولا شكرا على كلامك الجميل وهذا وسام على صدورنا ثانيا الدكتور لن يتأخر عن فائده الاعضاء والناس الطيبيبن الي مثلكوا وان شاءالله اي شيء تطلبوه تلاقوه محقق بس نحن عاوزين افكار منكوا وما هي الاشياء المهمه والتي تساعدكم على التعلم تحياتي |
رد: فكره دعوه للدكتور اسامه ياترى ممكن؟
انا شايفه الناس هناك عايزين مثلا يطرحوا اسئله على الدكتور
مثلا نرتب مثلا محاضره ساعه ونعلن عنها والدكتور يرد على الاسئله وعندى فكره تانيه ممكن نثبت موضوع للدكتور اى وقت يدخل ويرد على الناس ولو كل اسبوع حسب وقته او برضو لو حضراتكم تشوفوا اى تصور ممكن اوصله للمشرفين الناس هناك ردود ونشاط بس اكتر عشان البونص واغلب الشباب مفيش شغل ودا سبب الحركه الكتير هناك لكن اللى بيتعلم بييجى منتدى زى اف اكس ارابيا للتعليم بجد يعنى انتو اغنى مننا وبتساعدونا واحنا مضطرين نركز هناك عشان البونص خصوصا سهوله سحب البونص سبب مهم اكرر شكرى لسرعه الرد |
رد: فكره دعوه للدكتور اسامه ياترى ممكن؟
شكرًا جزيلا على كلام حضرتك الحلو عن منتدانا وثقتك به
هذا المنتدى هو بيت كل الأعضاء. وكل من هو تحت صرحه فوظيفتها هي انار طريقه لتعلم علم الفوركس والمنتدى وظيفته انه يرعى كل طالبين علم الفوركس وتوصيله بشتى الطرق المتاحه أما بكتب أو فيديو أو مواضيع أو ترجمه كتب ومواقع بخصوص الأسئلة هو بالفعل أي حد بيسال هنا بالمنتدى أما بالقسم الخاص أو بطرح موضوع عن سؤاله بتتم إجابته من قبل المشرفين واللجنه الاستشارية في اسرع وقت ممكن ،، أضافه إلى إجابات الأعضاء وتفاعلهم وإبداء رأيهم لكن لا يمنع بان نطرح الفكره على الدكتور خصوصاا لو هناك سبب أكثر من مجرد أساله حتى يكون اللقاء أكثر أفاده للجميع ،جاري توصيل اقتراحك للدكتور |
رد: فكره دعوه للدكتور اسامه ياترى ممكن؟
شكرا استاذ معاذ وفى انتظار الرد
|
رد: فكره دعوه للدكتور اسامه ياترى ممكن؟
السلام عليكم فكرة جيدة لتواصل مع الاعضاء المبتدئين في هذا المجال زي حلتنا اتمنى ان يوافق الدكتور اسامة عليها ولو لمرة في الاسبوع ليعطي نوع من الاضافة و الزخم للمنتدى هناك دائما المزيد و الجديد في عالم الفوركس الخطير و الرائع في نفس الوقت |
رد: فكره دعوه للدكتور اسامه ياترى ممكن؟
اقتباس:
مساء الخير احنا اعملنا كذا ويبينار تعليمي وكان ناجح جداً خصوصاً رمضان السابق .. وان شاء الله سوف تتكرر الويبينارات التعليمية لاحقاً باذن الله .. تحيتي |
رد: فكره دعوه للدكتور اسامه ياترى ممكن؟
اقتباس:
هاتشجه الناس اكتر على الاسئله وكمان دا عباره عن لقاء لو كان محاضره مثلا او موضوع والدكتور يرد على اسئله الناس اكيد هايسعد ناس كتير انها اتعرفت على الدكتور عن قرب وارجو انه يقدم لينا الخدمه دى |
| الساعة الآن 04:03 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com