و ماذا بعد تعلم الاساسيات؟
 

صباح الخير. اتمنى ان الكل بصحه و سعاده.

انا تابعت الويبينارات اللي دكتور اسامه عملها و كانت لطيفه جدا و اتعلمت منها كتير، و بعدها تابعت ويبينارات اجنبيه كتير جدا و قريت كتير عن مؤشرات و نماذج سعريه و تحليلات اساسيه.

و بعد تقريبا 8 او 9 شهور، لقيت حاجه غريبه قوي! أنا حاسس اني عندي معلومات كتيره عن حاجات كتيره، لكن مش قادر اني استعمل المعلومات دي عمليا في السوق. بافتح التشارت و باحس اني تايه.

الاحساس ده عامل كأني فضلت اتعلم اني اصنع عربيه , و بعد مصنعتها اكتشفت اني مش باعرف اسوق!!

حد مر بالتجربه دي؟ ياريت لو فيه نصايح او معلومات عن الخطوه التانيه عندكم اكون شاكر جدا

شكرا على الوقت و المجهود

رد: و ماذا بعد تعلم الاساسيات؟
 

اعتقد كلنا مرينا بكدا .
المشكلة ان الانسان بطبعه بيميل للتعقيد حتى مع الامور السهلة و بما ان الفوركس ملوش حتى الان منهج دراسي واضح يمكنك من اتباعه فدا بيخليك تتوه في بحوره .
لكن اجابة على سؤالك هو شخصيتك فانا لاحظت ان علم الفوركس بيخدم كل الشخصيات و الاذواق بمعنى المغامر و الحريص و المندفع و المتأني ... الخ
وجة دور انك بعد تحصيل كل المعلومات و الافكار دي تشوف المتلائم مع شخصيتك و تتخصص فيه زي مثلا هتعمتد على التحليل الفني ؟ و لا الرقمي و المؤشرات و لا الكلاسيكي و لا .... الخ
وربما تعمل مكس بينهم
تاني خطوة تبدأ تشوف موقع توصيات محترم او موقع بيديك صورة واضحة يوميا عن السوق او تتابع مع المنتدى و تشوف يوميا خطوط المقاومات و الدعومات و ترسمهم على الشارت و تبدأ تتابع و تحلل على الديمو لغاية لما تلاقي ان نسبة توقعاتك الصحيحة بدأت تفوق نسبه توقعات الخاطئة و تحليلاتك .

وفي النهاية و عملا بحكمة المحترفين " لا تعقدها و دعها بسيطة "

بالتوفيق

رد: و ماذا بعد تعلم الاساسيات؟
 

رد: و ماذا بعد تعلم الاساسيات؟