اف اكس ارابيا..الموقع الرائد فى تعليم فوركس Forex

يمكن الموضوع عنوانه غريب شويه

لكن لما تعرف هو بيتكلم عن أيه هاتقول حاله نادره فعلا

بالصدفه من كام يوم وأنا في وسط البلد في شغل

واقف مستني مواصلات

لاقيت فجأه رجل خارج من الشارع الجانبي للشارع الرئيسي

وبيسند على عربية بيجرها بأيده وفيها مناديل بيبعها

بيعدي الشارع الرئيسي الي في العربيات ومش همه أي حاجه

تعالوا نشوف الرجل دا شكله أزاي علشان أكمل باقي الحكايه

http://www.arb-up.com/files/arb-up-2008-6/ii457507.jpg

دا الرجل وبجد أتحرجت أصوره في وشه ولما عدى صورت من الخلف

الرجل قدمه مبتورة وبيسند بأيده على الأرض والتانيه على العجله أو العربية الصغيره الي فيها المناديل الي بيبعها

الرجل دا لما بيعدي جيه شاب بيقله حاسب العربيات

قالوا خليها على الله
الشاب قال أنت ممكن تموت في لحظه

قالوا العمر واحد وقول يارب

الشاب رد قالوا طيب قلنا يارب

قالوا يا باشا عندي أتنين ولو قعدت في البيت , هانموت من الجوع
يبقى أنزل أبيع مناديل , وربك هو الي بيرزق , ولا أقعد في بيتنا

الشاب سكت مش أتكلم

راح الرجل قالوا قول يارب

والعمر واحد والرب واحد

ومشي الرجل وأكمل طريقه زي ما أحنا شايفينه في الصوره علشان يبيع المناديل وربنا يرزقه أخر اليوم
ــــــــــــــــــــــــــــــــــــــــــــــــــ ــــــــــــــــ

السؤال :
هل تمتلك نصف هذه العزيمة والتحدي ؟

هل تمتلك نص إيمان هذا الرجل بأن الذي يرزق هو الله ؟

هل تعاني مما يعاني هذا الرجل ؟

هل تسمح لنفسك أن تقف في الشارع وأنت بكامل قواك وكامل الأعضاء

أن تبيع مناديل أو أي شيء آخر في سبيل أن تعمل عمل شريف ؟

أسئله كثيرة روادتني ولكن أقف عاجز عن الإجابة

لأني عندما رأيت هذا الرجل , فنظرت إلى نفسي فوجدت نفسي لا أملك ما يملكه هذا الرجل

ولكني حمد الله على كل النعم الذي وهبني بها

وأدعو الله أن يرزقنا جميعا التقوى , والعافية والايمان بالله