|
اخــــوكــم عــمـــر مــحــتـــاج نــصــائــحــكــم و رايــكــم
السلام عليكم و رحمة الله و بركاته اولا انا احب اشكر دكتور اسامة و بشمهندس نادر و محمد نوراج و مافيا فوركس و ناس كتير انا متابع المنتدي و مشاركاتهم و لكن مش بشارك لاني كنت مستني اخلص لحد اخر حلقة نزلها دكتور اسامة فربنا يبارك فيهم ( زعلان بس من محمد نوراج لانه طلع اهلاوي ههه !!! ) مش هطول عليكم بس انا اخوكم عمر و هبقي مشارك معاكم الفترة الي جاية بشكل كبير ان شاء الله انا دلوقتي الحمد لله عارف يعني ايه فوركس و عارف يعني ايه دعم و مقاومة و ترندات و مؤشرات و شموع يابانية يمكن لسة معرفش التحليل الاساسي او التحليل النفسي لكن دلوقتي انا مشكلتي اني مش عارف اطبق يعني انا شفت فيديو للتحليل الفني لكن مش كل المعطيات بلاقيها صعب اني الاقي ترند يكون صحيح ولما بلاقيه بيكون الترند علي ارتكازين اتنين بس ولو علي تلاتة يبقي لسة قدامة فترة كبيرة جدا عبال ما يوصل او يتكسر + مش عارف الخطوات دة صح و لا لا لاني حاسس انها صعبة علي شوية 1- اني اشوف التحليل الاساسي 2- اشوف التحليل النفسي 3- احدد المقومات و الدعوم و الفيبوناتشي و الموفينجات 200 و 55 زي ما دكتور اسامة قال علي الويكلي و الدايلي 4- دة بقي السؤال ...... ؟ اعمل ايه انا عايز اعرف ازاي افهم الشارت انا فاهم الشموع و فاهم الترند هابط او صاعد لكن مش فاهم ازاي اخد بقي الخطوة اني افتح الصفقة منين و احدد الاهداف الي فين و الستوب فين باختصار عايز افتح صفقة عن تحليل اعمل ايه ؟ يعني اتمني تعتبروني اخ بينكم و عايز نصيحتكم هل دلوقتي خطوة اني اشوف ورشة و اتدرب عليها ؟ هل في كتاب معين تنصحوني بيه ( انا قريت كتير جدا و شفت فيديوهات كتير جدا و بقالي تقريبا 3 شهور بجرب علي حساب تجريبي بس صفقات مش عن تحليل مجرد تجارب ) باختصار قلولي اعمل ايه الخطوة الي جي بشكل عملي بلاش اقرا و جرب و اتعلم و النصائح العامة انا عايز اقراء كذا او ادخل ورشة كذا او ناقصك كذا لان انا حاسس اني تايه و اسف اني طولت عليكم ربنا يبارك فيكم و يا رب مكنش رخم في اول موضوع افتحة و مكنش تقلت عليكم بس انا حاسس اني بين ااخواني هنا . |
رد: اخــــوكــم عــمـــر مــحــتـــاج نــصــائــحــكــم و رايــكــم
والله انا كنت زيك بالظبط من شهرين بس لقيت الحل الى بيه حطيت رجلى على اول الطريق وربنا يسهل
بص يا باشا فى البدايه بلاش تعقد نفسك بميت مؤشر وميت استراتيجيه دور على استراتيجيه سهله بتعتمد على مؤشرين او ثلاثه بالكتير ادرب عليها كويس اوى وادخل بيها شويه شويه هاتلاقى نفسك بتفكر تضيف وتعدل وتجرب ولو عايز تشتغل كلاسيكى بس يبقى موفنج مع دعم ومقاومه وترند اشترى بعد كسر الترند الهابط وبيع بعد كسر الترند الصاعد وبرود اشترى بعد لمس دعم وبيع بعد لمس مقاومه ملحوطه انا برسم دعوم ومقاومات بمساعده مؤشر الزجزاج والله الموفق |
رد: اخــــوكــم عــمـــر مــحــتـــاج نــصــائــحــكــم و رايــكــم
اقتباس:
بجد الف شكر يا وليد شدك مشجع جدا حسسني ان لسة في امل ان شاء الله بس لو سمحت انت شغال علي اي استراتيجية و تنصحني باي استراتيجية اشتغل عليها ؟ و طبعا انا هشتغل كلاسيكي ان شاء الله انا غلبان يا عم مش قد الرقمي او غيره فبالنسبة اني اشتري بعد كسر الترند الهابط هل هي دة استراتيجية الترند المكسور ؟ السؤال التالت معلش بقي انت الي جبته لنفسك و رديت هههه مؤشر الزجزاج الي بيجي مع الميتا تريد صح ؟ لان في واحد انا كنت نزلته لوحده فانت بتستخدم االي مع الميتا تريد و لا حاجة تانية ؟؟ بجد الف الف شكر لردك السريع ربنا يكرمك |
رد: اخــــوكــم عــمـــر مــحــتـــاج نــصــائــحــكــم و رايــكــم
اقتباس:
اقتباس:
وليد البرنس أوجزت وأنجزت كلام فى الجول . |
رد: اخــــوكــم عــمـــر مــحــتـــاج نــصــائــحــكــم و رايــكــم
كلامك رائع يا بشمهندس انا برضه لسه جديد 3 شهور و هادرس فكره حضرتك
و بخصوص كتاب ممكن تقراه انصحك بكتاب جون ميرفى كتاب (التحليل الفنى للاسواق المالية ) لجون ميرفى من افضل الكتب و ابدأ كلاسيكى ابو التحليلات ارتكز على حاجه و استراتجيه سهله و اتعلم غيرها استسهلها ماتستسعبهاش تحياتى ..., |
رد: اخــــوكــم عــمـــر مــحــتـــاج نــصــائــحــكــم و رايــكــم
ربنا يخليك يا مهندسنا العظيم
بالنسبه لموضوع الزجزاج هو الزجزاج العادى الى فى الميتاتريد ارسمه الاول وابتدى ارسم خطوط للقمم والقيعان ابتداء من فريم الشهرى حتى 4 ساعات وبعدين شيله وحط مؤشر يرسم الترند هارفقه هنا هو هايرسم الترند اوتوماتيك وبعدين راقب السعر زى ما قولتلك هاتلاقى العملية مشيت معاك وبالنسبه للإستراتيجيه هارفق ملف فى شويه استراتيجيات والله الموفق http://fx-arabia.com/vb/uploaded/686_01283461143.ex4 http://fx-arabia.com/vb/uploaded/686_01281292692.pdf |
رد: اخــــوكــم عــمـــر مــحــتـــاج نــصــائــحــكــم و رايــكــم
اقتباس:
أنا أستخدم الزجزاج العادى .... ومنتظرين رد وليد ... خللى بالك أكتر واحد يقدر يساعدك هو اللى كان فى نفس المكان قبلك ..... كلنا كنا هنا لكن وليد أقرب واحد . |
رد: اخــــوكــم عــمـــر مــحــتـــاج نــصــائــحــكــم و رايــكــم
اقتباس:
لأ يا عمنا ربنا يجعل لنا من بركاتك ... 3 شهور بس فيهم الزبد 3 ماجيستير و2 دكتوراه ونظرية للشموع السحرية :1 (13): |
رد: اخــــوكــم عــمـــر مــحــتـــاج نــصــائــحــكــم و رايــكــم
اعتقد الموضوع ده ممكن يفيدك لكل مبتدىْ شرح اساسيات الفوركس هو للأخ ( صياد الفوركس ) و اهم شئ فى كل ده هو الشارت لازم تفتح حساب ديمو و تفضل تجرب تجرب لغاية ما هتلاقى نفسك ابتديت تفهم الدنيا ماشية ازاى |
رد: اخــــوكــم عــمـــر مــحــتـــاج نــصــائــحــكــم و رايــكــم
اذا كنت تريد الكلاسيكى و تتعلم بجد عليك بالمكتبة الموجودة فى توقيعى :)
تحياتى يا غالى, |
| الساعة الآن 01:02 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com