|
استفسار عن افضل طريقة مجربة ومضمونة للسحب وللايداع
السلام عليكم انا دلوقتي فاتح حساب ديمو وهستمر عليه فترة (لحد اخر الشهر تقريبا) لحد ما يكتمل التعليم بتاعي على الفوركس والميتاتريدر بس كنت عايز اعرف ايه احسن طريقة وتكون متجربة للسحب وللايداع !؟ لاني عرفت ان في طرق كتير بس انا كنت عايز اعرف طريقة مضمونة ومجربة من احد الاعضاء .. يا ريت حد يفدني و شكرا |
رد: استفسار عن افضل طريقة مجربة ومضمونة للسحب وللايداع
اهلا يا غالي والله كل الطرق مضمونه اذا كانت الشركه مضمونه يعني انا اتعامل مع التحويل البنكي ومبسوط فيه :) |
رد: استفسار عن افضل طريقة مجربة ومضمونة للسحب وللايداع
شكرا صديقي الغالي على الرد السريع :) بس انا كنت عرفت ان يوجد بعض المشاكل في التحويل البنكي بالدولار بالنسبة للبنوك داخل مصر وخارجها .. هل الكلام دا صحيح ؟؟ |
رد: استفسار عن افضل طريقة مجربة ومضمونة للسحب وللايداع
اقتباس:
ويفضل يكون حسابك فى البنك بالدولار الامريكى , وتقدر تستقبل عليه الاموال بمنتهى السهوله , كما يمكنك فتح بطاقات الانترنت واستخدمها فى السحب والايداع وهذا الموضوع سيفيدك كثيرا الى كل من يواجة مشكلة فى التحويلات البنكية الان خطوات الايداع بالفيزا تقديرى لك |
رد: استفسار عن افضل طريقة مجربة ومضمونة للسحب وللايداع
لا توجد اي مشكلة في التحويلات لكن في البنوك داخل مصر عندما يسالك الموظف عن سبب التحويل قول له هشتري حاجه من بره او هبعتهم لواحد قريبي علشان ظروف المعيشة اوعي تذكر فوركس نهائي لان للاسف الموظفين مش عارفين يعني ايه فوركس تلاقيه عملك فيها عم البتاع ويقولك ممنوع ومش عارف ايه |
رد: استفسار عن افضل طريقة مجربة ومضمونة للسحب وللايداع
الف الف شكر اخواني الكرام على افادتكم بس انا كان برضه عندي استفسار .. ازاي افتح حساب ليا فالبنك عشان لما اجي اسحب ارباح .. ولو فتحت بطاقة انترنت انا قريت ان هما مش هيبعتوا مبالغ اكبر من المبلغ اللي فتحت بيه الحساب طب لو انا عايز مبلغ اكتر هعمل ايه !؟ |
رد: استفسار عن افضل طريقة مجربة ومضمونة للسحب وللايداع
بالنسبة لفتح الحساب هتروح اي بنك وتقوله انا عايز افتح حساب بنكي بالدولار الامريكي وتكون معاك البطاقة الشخصية طبعا وتقدر تستقبل علي الحساب كما تريد من اموال اما بالنسبة لبطاقة الانترنت لها شروط خاصه بكل بنك في بنوك مش بتسمح اساسا باستقبال فلوس عليها لكن يوجد فيزا انترنت بنك بلوم دي شغال كل حاجه عادي جداا لو كنت هتشتغل مع شركة FXDD هيكون حل المشكلة بسيط تقدر تودع امواك بواسطة فيزا انترنت وتستلم ارباحك بواسطة الحساب البنكي وده متاح في بنك عادي |
رد: استفسار عن افضل طريقة مجربة ومضمونة للسحب وللايداع
طب معلش انا عارف اني طولت عليك بس سؤال اخير : ايه هو الحد الادنى اللي المفروض يكون موجود في الحساب البنكي بالدولار لو الحساب في البنك الاهلي او اي بنك تاني !؟ .. يعنني لو مثلا انا فتحت حسابي الحقيقي في fxdd بالحد الادني مثلا اللي هو 250$ المفروض احط كام في البنك عشان الحساب ميتقفلش !؟ |
رد: استفسار عن افضل طريقة مجربة ومضمونة للسحب وللايداع
50 دولار لو في البنك الاهلي المصري وتقربيا نفس المبلغ في اي بنك اخر برده اسال الموظف المسئول في البنوك الاخري ملاحظه اقل مبلغ في لفتح الحساب في البنك الاهلي 600 دولار لكن في بنك مصر ممكن تفتح حسابك من اول 50 دولار وبرده شوف البنوك التانيه لكن مسالة اقل مبلغ للايداع في البنك الاهلي 600 دولار ده موضوع رخم شويه لو معاك 600 دولار روح البنك الاهلي علشان هو معاملته كويسه لكن لو مش معاك انصحك بنك مصر او القاهرة او باركليز تحت امرك في اي استفسار اخر |
رد: استفسار عن افضل طريقة مجربة ومضمونة للسحب وللايداع
ربنا يخليك ليا يا غالي على الافادة .. والف الف شكر ليك .. تحياتي :) |
| الساعة الآن 02:29 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com