اقتراح
 

السلام عليكم جميعا .. احب اهنيكم اولا بالشهر الكريم ربنا يعوده علينا وعليكم كمان وكمان بالخير واليمن والبركات
ثانيا حابب اقولكم ان شهر رمضان فرصة عظيمة للتقرب من الله وانا مش قصدي بكلمة التقرب الى الله هو الطاعات فقط لا كمااان التقرب الى الله بمعرفة الله حق المعرفة ودا من خلال طرق كتيرة منها طريقة بسيطة وسهلة علينا كلنا هيا اسماء الله الحسنى
لو كل يوم مثلا ناخد اسم من اسماء الله الحسنى ونعرفه كويس مثلا لفظ الجلالة الله : Wikimedia Error) وهكذا كل يوم اسم من اسماء الله الحسنى
ثانيا معرفة النبي صلى الله عليه وسلم عن طريق ان احنا نقرأ في سنة الحبيب المصطفى عليه افضل الصلاة كل يوم شوية في السيرة نتعظ منها ونستفيد من الدروس والعبر اللي فيها وفي كذا كتاب ممكن ارشحلكم كتاب زي كتاب مختصر سيرة الرسول للشيخ محمد بن عبدالوهاب وسيرة ابن هشام
ثالث حاجة بقى ودي حاجة مهمة لازم نتلقى الرسالة اللي بعثها الله الى نبيه اللي تعتبر حلقة الوصل بين السماء والارض بس المرادي بقى بتدبر وتامل مش لازم قد ايه تختم القران اهم حاجة انك تتدبر وتتعظ وانت بتقرا القران
واخيرا احب اقولكم شكرا على مروركم الكريم وربنا يجعله في ميزان حسناتكم
اسيبكم عشان اروح اتسحر
:)

رد: اقتراح