اف اكس ارابيا..الموقع الرائد فى تعليم فوركس Forex

بسم الله الرحمن الرحيم
اولا الموضوع دا انا عملته علشان فيه ناس كانت بتسال عن الاندرويد هنا فى المنتدى
ثانيا علشان المسابقة ^_^
ثالثا ودى الاهم لمتابعة الاسعار او عمل صفقات معينة عن طريق الموبايل عندك حلين

الحل الاول
وهو انك تنزل الميتاتريدر الخاص بالشركة اللى انت حسابك فيها على موبايل ولازم يكون سمارت فون يعنى شغال باندرويد او سمبيان اوه اس زى الايفون على حسب دعم الشركة للموبيلات وهنشرح دلوقت برنامج الميتاتريدر على الموبيلات التى تعمل بنظام الاندرويد لشركة اف اكس دى دى لان هوا دا الميتاتريدر اللى مجربة
اولا دا لينك البرنامج

FXDD MT4 droidTrader

اللينك دا من الماركت والماركت دا برنامج موجود فى كل الاجهزة اللى شغالة باندرويد
والبرنامج بتاع الماركت دا بتنزل من عليه اى برنامج انت عايزه للاندرويد
مميزات برنامج الميتا تريدر هوا ميتا تريدر 4 فى شكل بسيط لمتابعة الصفقات والاسعار
وتقدر تقفل اى صفقة اوتدخل اوردر زى ما انت عايز
تحط امر معلق او تعدل اوردر وهاكذا
عيوبة ان التحليل عليه صعب

صور للبرنامج من الموبايل

https://lh4.ggpht.com/iLTBjUY3raxgtl...jL2NHMoUBpitb0

https://lh4.ggpht.com/BLjp08gC6U1s8W...zrE2tq-vJOPcng

https://lh3.ggpht.com/6TD7mWuL_9OPCB...ex7tzo18anzyqA

ملحوظة البرنامج فيه شارت للشموع بردة

الحل التانى

علشان تتابع الاسعار هوا انك تربط الموبايل بالميتاتريدر اللى على الجهاز فى البيت
بمعنى ان هيكون عندك الميتاتريدر اللى فى البيت على موبايلك الاندرويد
وكانك قاعد على جهازك فى البيت
ونفس الشارتات اللى انت فتحتها على الجهاز هتلاقيها على الموبايل
ونفس الترندات والدعوم المقاومات
يعنى بتكون متصل بالميتا تريدر اللى على جهازك فى البيت
ودا فيديو فية الشرح سهل جدا
بيشرح ازاى تعمل كل حاجة من الاول خالص
الى النهاية

دا رابط المشاهدة

ودلوقت مش باقى غير رابط تحميل البرنامج من الماركت بردوا
ودا اللى هيتسطب على الموبايل

MT4 Remote 1.0

ورابط البرنامج اللى هيتسطب على الجهاز واللى هتشوف شرحه فى الفيديو

http://www.mt4remote.com

ودى صور من البرنامج على الموبايل

https://lh4.ggpht.com/CuIPvxcIR0y_HS...Evbm_ovtJpiq4Q

https://lh4.ggpht.com/yp2FatqlKEmez9...hc9Z6AwMW39eOw

https://lh6.ggpht.com/vqJTzD8riYPEF8...-LEaX2jpDg5XeT

ملحوظة رفيعة

لازم جهازك اللى فى البيت يكون متصل بالنت
ويكون الميتا تريدر مفتوح على جهازك فى البيت

طبعا هتقولى هوا انا هسيب الجهاز مفتوح واخرج !!
علشان اقدر اتابع من عليه هقولك ايوه مش بدل ما تقعد جنب الصفقة فى البيت ^_^ متكدر وانت عايز تخرج
ويبقى احنا كدا حلينا مشكلة بمشكلة http://fxhorus.com/forums/images/smilies/biggrin.gif

لا فيه حل لموضوع الجهاز ده

وهو انك تأجر سيرفر VPS
بحوالى 20 دولار شهريا
وهوا عبارة عن جهاز بس بيشتغل 24 ساعة
وبتأجره عن طريق مواقع بتقدم الخدمة دى
والناس اللى شغالين باكسبرتات عارفين موضوع السيرفر دا

او انك تشترك فى خدمة هنا فى المنتدى هنا تقريبا ب 5 دولار فى الشهر

ملحوظة اخيرة فيه نسخة تانية جديدة من برنامج
MT4 Remote

لكن لسه ديمو يعنى تحت التجريب ( للى حابب يجرب النسخة الجديدة موجودة على موقع البرنامج)

تحياتى