|
كل ده ولسه مش واخدين بالكم
بسم الله الرحمن الرحيم
اوجه الشكر الى الدكتور اسامة عادل لسماحه ببقاء هذا الموضوع فى المنتدى العام لبضعة ايام وعدم نقله بسرعة الى الاستراحة كالعادة فى اى موضوع خارج الفوريكس وذلك لاهمية الموضوع ولاعطاء الاسلام حقه المهضوم كما اوجه ايضا هذا الرجاء الى السادة المشرفين عندما ظهر الاسلام منذ 16 قرن تقريبا وقف له اعداءة بجميع انواعهم واتبعوا معه جميع الاساليب الممكنة لقتل الدين الحق ولكن الاسلام انتشر فى العالم كله وكون اكبر امبراطورية عرفها الانسان طب تيجى نشوف وسائل اعداء الاسلام لمحاربته : اولا : الغزو والقوة العسكرية غزوات وحروب منذ ايام الكفار والفرس والروم مرورا بالحملات الصليبية والتتار وانتهائها بالاستعمار الاجنبى فى القرن 19 النتيجة : انتصار الاسلام الساحق بالرغم من قلة العدد والسلاح امام الجيوش التى واجهها المسلمون هل تعرف لماذا انتصر الاسلام امام الجيوش الجبارة التى كانت ضعف العدد فى الافراد والاسلحة ؟!!! سأترك الاجابة لقائد الجيوش الرومانية عندما سأله هرقل قيصر الروم نفس السؤال وقال لهم لماذا ينتصرون عليكم اليسوا بشرا مثلك ؟!! فرد عليه قائد الجيوش : انهم بشر ولكنهم ليسوا كالبشر الذين نعرفهم ! انهم رهبان بالليل وفرسان بالنهار انهم يصلون ويصومون ولايشربون الخمر ولايزنون ولو سرق ابن ملكهم لقطعوا يده ومامنهم من احد الا ويتمنى ان يموت قبل اخيه ! نعم قوة الاسلام والعقيدة هى التى هزمت اعداء الاسلام هى التى هزمت التتار هى التى طردت المستعمرين من البلاد الاسلامية نعم الغزو العسكرى يشعل العقيدة الاسلامية فى قلب المسلم وهنا كانت الفكرة الشيطانية للقضاء على الاسلام وهى خلع الاسلام من قلب المسلم يعنى بالعربى مسلم فى البطاقة بس تعالوا نشوف عملوها ازاى اولا : دفن الازهر الشريف الازهر هو حصن الاسلام المنيع وحامى حماه فى العالم الاسلامى وحامى اللغة العربية من الانقراض وهى لغة القرأن الكريم وضع محمد على يده على اوقاف الازهر وكان للأزهر اوقاف لاتحصى عاش منها كريم النفس رافع الرأس يقول كلمة الحق مهما كان تأثيرها على الحكام ولكن بعد استيلاء الدولة على الاوقاف بدأت تتحكم فى ارزاق العلماء حتى خضع الدين لأمور السياسة والحكام و اصبح اغلب من يمسك منصب كبير فى الازهر مثل المفتى مثلا وغيره يقولون ويفتون بما يريده الحكام واعداء الاسلام وطبعا هذا واضح فى عصرنا الحالى ملحوظة : خش على جوجل واكتب على جمعة قبل الكرسى وبعد الكرسى محمد على الذى حارب اخوته فى شبه الجزيرة العربية وساعد كثيرا على القضاء على الخلافة الاسلامية فى تركيا محمد على الذى ساهم فى انتهاء الاسلام بجميع اشكاله فى مصر عن طريق بعثاته لاوروبا لكى يأتى بجيل من الكتاب والسياسين العلمانيين هذا هو محمد على الذى اخذنا فى كتب التاريخ فى المدارس انه مؤسس مصر الحديثة هو فعلا له دور كبير فى تأسيس دوله حديثة ولكن دوره اكبر فى هزيمة الاسلام مثل كمال اتاتورك محرر تركيا العظيم كما اخذنا فى المدارس كمال اتاتورك منع الحجاب وألغى اللغة العربية وقتل اى مسلم لديه مصحف وجعل تركيا علمانية من الدرجة الاولى بعد ان كانت منبع الخلافة الاسلامية فهمونا فى المدارس ان الاتراك كانوا محتلينا !!! تعرفوا ان المستعمرين الاجانب لم يدخلوا العالم الاسلامى الا بعد سقوط الخلافة الاسلامية هل تعلم ان اليهود كانوا يريدون دخول فلسطين منذ عام 1800 ميلادى ولم يستطيعوا الدخول الا بعد سقوط الخلافة العثمانية اخذنا فى فى المدارس اننا احفاد الفراعنة الفراعنة قتلة الانبياء ومثال الظلم والافتراء درسنا ابطالهم والابطال الاوروبيين ولم ندرس ابطال الاسلام الا فى عدد قليل من الصفحات تعرف عملوا ايه فى التعليم فى مصر ؟ تعال نشوف : اعتبروا مادة الدين لا تضاف للمجموع وجعلوا كتاب الدين من اصغر الكتب بالنسبة لباقى المواد اعطونا فى التاريخ الحضارات الفرعونية وحضارة اوروبا بالتفصيل ولم يعطونا شىء عن الحضارات الاسلامية وضع كلمة العرب والعروبة مكان كلمة الاسلام والمسلمين جعلوا المسلم يتعصب لكلمة عربى اكثر من كلمة مسلم واثاروا النزعة القومية فى بلاد الاسلام وظهر هذا فى حرب العراق مع ايران 1980 فالاثنان مسلمون بل وبدأت العراق الحرب ولكن وقفت جميع الدول العربية الاسلامية مع العراق لانه عربى مع ان الله سبحانه وتعالى قال فى القرأن بما معناه ان لو طائفتان من المسلمين اقتتلوا فقاتلوا التى بدأت اولا هذا اذا لم ينفع الصلح زرع التعصب لأى شىء تافه حتى ننسى التعصب للأسلام مثل كرة القدم الواحد بيتعصب للاهلى وفريقه اكتر من مذابح المسلمون فى كل مكان خسرنا معظم الدول العربية وكرهنا الجزائر وتونس والمغرب بسبب كرة القدم اقسم بالله واحد صديقى قال لى لو اسرائيل بتلاعب الجزائر انا هشجع اسرائيل أبى رجل شيخ كبير ممن يقومون الليل ولكن امام مباراة لفريقه افاجىء بكمية الشتائم التى تخرج من فمه لاحول ولا قوة الا بالله اصبح نجوم المجتمع وقدوة ابنائنا وبناتنا الان هم الفنانون والمغنيين والراقصات ولاعبوا الكرة !!!!!! حد يعرف احمد زويل اخذ جائزة نوبل عن اى موضوع ؟ محدش ملاحظ ان الافلام العربية القديمة الابيض واسود كانت كلها من عمل وانتاج اليهود وغير المسلمين وان معظم الممثلين الاوائل كانوا غير مسلمين ولو مش مصدق اتفرج على التتر بتاع اى فلم قديم تعرف ان النساء منذ ظهور الاسلام كانوا منتقبين حتى عام 1920 تقريبا ! نعم لمدة 14 قرن والنساء المسلمات كانوا منتقبين حتى جائت صفية زغلول وخلعت النقاب كأول سيدة تدعوا لتحرير المرأة بعد عودتها من فرنسا وجاء من بعدها قاسم امين الذى دعا الى تحرير المرأة طب تعال للاسلام فى العصر الحديث الحكومة عملت فيه ايه ؟ حد شاف فلم عربى ظهر فيه مسلم بلحية وعلامة صلاة وفى الاخر مطلعش منافق وكذاب !!! وانا صغير كنت امشى فى الشارع ولو وجدت شخص بلحية كثيفة وعلامة صلاة ويرتدى جلابية والله كنت بخاف منه وببعد عنه شوفت الاعلام وعادل امام اثروا فيا ازاى !!! مناهج التعليم الازهرية اصعب مناهج تعليمية على مستوى مصر واكثر الجامعات اللى مش واخده حقها فى جامعات مصر علشان الناس تقولك ازهر ايه ياعم ؟!!! ومحدش يدخل عياله الازهر طب تقدر تقولى اشمعنى شهر رمضان هو الشهر الوحيد الذى يتحول الى شهر التلفزيون والخيم والشيشة !!!! شهر رمضان شهر الصيام والعبادة وليلة القدر تحول الى شهر المسلسلات و الاكل وحاليا وبعد الثورة اصبح الهجوم على المسلمين من كل جانب علشان اللى ماسكين البلد مش عايزين الاسلاميين مهوه طبيعى لما يكون اغنى ناس فى البلد همه الراقصات والفنانين والمغنيين والمذيعين وهالة سرحان ودينا وباقى الكتاب العلمانيين يبقى طبيعى يهاجموا الاسلام ولو حد ذكر الاسلام اول شىء بيذكره هو احكام الاسلام مثل قطع اليد والرجم طب متذكر يا اخى العدالة والكرامة والاخوة المساواة والزكاة افتكر عمر بن الخطاب عندما جاء له احد النصارى ليشكى له الظلم الذى وقع عليه من احد ابناء الصحابى عمرو بن العاص وجاء بهم كلهم وأمر النصرانى ان يضرب ابن عمرو بن العاص بل وابوه ايضا اذا كان يريد عندما حكيت هذه القصة لأحد اصدقائى قال لى وانا ايه ضمنى ان الاسلاميين الان هيعملوا ما فعله عمر بن الخطاب والصحابة ؟ رديت عليه وقلتله يعنى انت مبدئك انك ترشح العلمانيين والوسطاء المسلمين بدلا من الاسلامين علشان انت مش ضامن انهم يكونوا 100% فى دينهم !!!!!! وهترشح العلمانيين اللى صفر % فى دينهم وواحد يقولى انا مش هرشح الاخوان علشان انا معرفش ايه اللى جواهم وانهم عايزين الكراسى والحكم وبس يعنى انت تعرف باقى الاحزاب ايه اللى جواهم !!! كلام موجه اعلاميا فى عقول الناس منذ عشرات السنين الشيخ فلانى له مقطع على اليوتيوب بيقول فيه كلام متعصب ؟؟؟ طب الشيخ ده له عشرات الكتب ومئات الفيديوهات والاف الخطب حضرتك تركت كل ده ولم تقرأه وكل اللى تعرفه عنه هو مقطع الفيديو ده وبس !!! حملة موجهة من الاعلام عن طريق الصحف والمجلات والبرامج التفلزيونية تتصيد مواقف الاسلامين واخطائهم ولم ارى برنامج واحد يقول شيئا عن اخطاء حزب الوفد او الاحرار او حزب اخر عندما يتم شتم الاسلام فى اوروبا مثل الدنمارك وفرنسا لانجد الحكومة تفعل شيئا وعندما يسب الشيعة السيدة عائشة رضى الله عنها لانجد رد من الحكومة والرد الوحيد ان الحكومة اغلقت القنوات الدينية بحجة انها تهاجم الشيعة وتثير الفتنة بيننا وبينهم !!!! يعنى القنوات الدينية لما دافعت عن السيدة عائشة وهاجمت الشيعة اثارت الفتنة !!! فاكرين اخر حرب بين اسرائيل وحزب الله وسائل الاعلام فى مصر والسعودية ودول الخليج ماذا قالوا ان حزب الله ليسوا مسلمين بل هم شيعة كفرة ولا يجوز مساعدتهم او الوقوف بجانبهم !!! ولما نكون عايزين نشوف ونسمع أراء الناس فى المسائل الدينية او ترشيح الاسلامين نجد أراء الكتاب والمذيعين والفنانين !!!! طب بالذمة ماذا سيكون رأى هؤلاء ؟!!! العالم كله يخاف الان من ان يمسك الاسلاميين زمام السلطة فى مصر انا شخصيا لا يفرق معى اى حزب يحكم مصر ولكنى اريد الذى سيعطينى الامان والكرامة وفرص العمل من غير سرقة وكوسة الذى يحفظ كرامة مصر امام العالم ويحفظ كرامة المصرى خارج مصر نعم للديمقراطية والحرية واى شىء اخر لا يغضب الله فالمجادلين الان ليس على السنتهم الا: الدين فى الجامع وليس فى السياسة احنا فى القرن الواحد وعشرين وفى حاجات معينة لو هنمشى رأى الدين فيها هنكون جهلة الحضارة والتراث والعلوم والتحضر والرقى والتقدم يعنى هوه مفيش تقدم ورقى وتحضر الا عندما لا اطبق شرع الله !!!!! يعنى الرحمن الرحيم الملك العدل القدوس المهيمن النور الهادى المانع الضار الذى خلقك من نطفه لو انت طبقت شريعته فى كل نواحى حياتك اذن حياتك هتكون غلط هتكون انسان جاهل هتكون غير متحضر حياتك هتفشل ومش هتعرف تعيش سبحان الله !!!! اقرأوا كتب التاريخ لكن مش كتب الوزارة والمدارس شوفوا الاسلام والمسلمين كانوا ايه منذ بداية الاسلام حتى انتهاء اخر خلافة اسلامية اعظم الاطباء والعلماء كانوا مسلمين اعظم القادة كانوا مسلمين اكبر امبراطورية فى التاريخ عرفها البشر كانت الامبراطورية الاسلامية من الصين شرقا حتى النمسا شمالا ووسط افريقيا واوروبا الشرقية وفتحوا روما وتوقف المد الاسلامى اخيرا عند فرنسا عندما هزم المسلمون فى موقعة بواتيه هل تعلم ان المؤرخ الفرنسى العالمى القبطى هنرى دى شامبيون قال : لولا انتصار شارل مارتيل الهمجى على المسلمين فى فرنسا لما وقعت فرنسا فى ظلمات القرون الوسطى اوروبا كانت فى العصور الوسطى فى الجهل والظلام فى الوقت الذى كانت فيه الدول الاسلامية فى ازهى عصور التقدم والرخاء 15 قرن من الزمان والعالم الاسلامى اقوى وافضل مجتمع وكان يحتوى على افضل العلماء من جميع المجالات وافضل الاخلاق غريبة !!!! مع انهم كانوا ماشيين على الشرع والدين كما انزل !!!! عرفتوا اعداء الاسلام بيفكروا ازى ؟ وللأسف همه نجحوا بتفوق انهم يجعلونا مسلمين فى البطاقة فقط شوف البنت المحجبة الى ماشية فى الشارع عاملة ازاى ميكاب كامل بلوزة محزقة بنطلون محزق والغريب انك تشوف امها ماشية جنبها بالنقاب والمصيبة لو سألت الام عن مظهر بنتها هترد عليك وتقولك : ده العادى دلوقت ايه المشكلة ؟ وتجد شيخ الازهر يفتى بعدم الحجاب ويمنع فى الجامعات لاحول ولا قوة الا بالله تجد الاب ينهار اذا عرف ان ابنه بيشرب بانجو وتجده عادى جدا لما يعرف ان ابنه بيشرب حشيش لان العادات والتقاليد جعلت الحشيش من زمان شىء عادى وبتاع الملوك !! مع ان الاثنين مخدرات والاثنين بيقتلوا خلايا المخ تجد الاب عادى جدا لما يعرف انه ابنه مرافق بنت وتجده مهموم لما يعرف ان ابنه بيصلى فى الجامع وبيسمع خطب وملهوش فى قلة الادب بل ممكن ينصحه ويقوله : عيش حياتك المشكلة الاكبر لما تجد ان الذى يجادلك فى دينك مسلم مثلك لان الذى يجادلك لو كافر انت اصلا مش هتسمعه اما لو مسلم فطبيعى انك هتسمعه ويمكن يقنعك اصبحنا عايشين فى الخطأ لكن لا نرى اننا خطأ انا عايز اعرف ايه المانع لما الشريعة الاسلامية تطبق على جميع نواحى الحياة نقطع ايد السارق نجلد الزانى وشارب الخمر يرد المجادلين ويقولوا ايه ياعم الجهل والتخلف ده ؟ يعنى احكام الله جهل وتخلف !!!!! واحد تانى يقول ده كان ايام زمان بس مينفعش دلوقت ليه ياسيدى همه الناس زمان كان بيطلعلهم ايد مكان اللى بتتقطع كانوا ناس زينا وبشر برضه وبعدين انت لو مسلم محترم اى لاتشرب الخمر ولا تزنى ولا تسرق اذن لماذا انت خائف ؟ الموضوع كبير جدا واساليب محاربة الاسلام منذ القدم كثيرة وتحتاج الى شرح تفصيلى لذا ان شاء الله كل اسبوع سأكتب فى هذا الموضوع ان شاء الله وواحدة واحدة منذ ظهور الدين الاسلامى حتى يومنا هذا وستجدوا الموضوع فى الاستراحة ان شاء الله لانى مش هتقل على الدكتور اسامة فى كل موضوع انه يفضل فى العام هضع امامكم ومن كتب اليهود نفسهم واعداء الاسلام خطط موضوعه منذ اكثر من قرن لمحاربة الاسلام ملحوظة : انا لست سلفى ولا اخوان بل واقولها وانا حزين اننى اكاد ان اكون ملتزم ولكنى ادرك جيدا اننى يوم القيامة سيسألنى ربى ويقول ماذا فعلت لنصرة دينك ؟ ماذا فعلت للدفاع عن دينك ؟ فأسأل الله ان يتقبل منى هذا الموضوع وان يوضع فى ميزان حسناتى امين |
رد: كل ده ولسه مش واخدين بالكم
ارد قبل ما اقراء والتعديل بعد 1 دقيقة علشان محدش يسبقني انا قراءت 6 سطور وعجبوني
wait |
رد: كل ده ولسه مش واخدين بالكم
للاسف ملحقتش التعديل
عاما الرد السلام عليكم الموضوع جميل جدااا وحماسي وعجبني اوي اوي اوي وبيحاكي الواقع فعلا ونزعنا من الأمة الأسلامية الكبيرة الي القوميات والأعراق والفرقة ولاكن فيه شوية حاجات كدا اولا ايران يقال انها دولة غير اسلامية ويدعم ذلك اكبر علماء الدين عندنا والتبرير سب زوجة النبي عليه افضل الصلاة والسلام والطعن في عرض النبي وسب اصدقاء النبي عليه افضل الصلاة والسلام وايضا المصحف بتاعهم مختلف عن مصحف عثمان لانهم اصلا بيكرهوه سيدنا عثمان دي نقاط هامة جدااااااااااااااااااااااااا اقتباس:
بسم الله الرحمن الرحيم {وَإِنْ طَائِفَتَانِ مِنْ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ } [سورة الحجرات: 9] اقتباس:
اقتباس:
اخيراااااااااااا بقا كل كلامك صح ماعدا التعديلات دي بس انت فعلا موضوعك جامد وجبار ما شاء الله انا اقتعنت بكل كلامك لاني مريت بالدراسة والتعليم وصغر حجم كتاب الدين واقتصارة علي بعض الحاجات القليلة جداااااااا مع ان اصلا المفروض التعليم بتاعنا يكون مبني علي القراءن والسنة علشان بتربي الأبناء علي الفضيلة والقيم والأخلاق جملة تلخص كلامك كلووووووووووووو عمر بن الخطاب ( نحن قوما اعزنا الله بالأسلام فا أن ابتغينا غيرة أزلنا الله ))) وشكراااا |
رد: كل ده ولسه مش واخدين بالكم
نقطة اخيرة واعتزر انا ناوي فعلا من زمان ارشح الأسلاميين بس لو لقيت حد نزية وبيخدم واكثر خبرة اكيد طبعا هرشحو ومش هرشح الاسلاميين
عمر بن عبد العزيز حب يعين قائد للجيش كان قدامو واحد فاسق والتاني صالح بس الفاسق كان كفأ وكان بارع في الحرب راح معين الفاسق وقال فسقة لنفسة وبراعته لنا اذا لو فيه واحد كويس ومحترم وبيخدم وكفأ افضل من الأسلاميين فا الأفضل نرشحو |
رد: كل ده ولسه مش واخدين بالكم
اقتباس:
اقتباس:
وعموما بارك الله يا اخى لمشاركتك معى ولتوضيحك اشياء اضافية |
رد: كل ده ولسه مش واخدين بالكم
جميل كلامك لحد ترشيح الاخوان انا فعلا مع عدم ترشيحهم ساكون اول من يرشحهم لو فى حد زى سيدنا عمر هو ايلى هيحكم هتقولى وانت تضمن العلمانى جواه ايه اقوللك على الاقل العلمانى لما هيغلط هتقدر تنتقده وتقدر تقوله حرام ايلى بتعمله لكن للاسف الشديد الاخوان احيانا يداروون التعصب وراء الدين يعنى لو مسك واحد من الاخوان وقاللك بكره مفيش فن ولا بنوك ولا جامعات عشان الاختلاط مش هنقدر نقوله ايه ده لاانه هيقول كل ده حرام مع ان من وجهه نظرى ان الاسلام ابسط من كده بكتير وكل شئ فى الدنيا حلاله حلال وحرامه حرام اما العلمانى هنقدر نقوله لا واسف على الاطاله
|
رد: كل ده ولسه مش واخدين بالكم
اقتباس:
السلام عليكم ورحمة الله وبركاتة استاذ فاروق اولا بالتوفيق ان شاء الله فى طرح موضوعك ومنتظرين بفارغ الصبر ثانيا ليه دايما شايفي المؤامرة على الاسلام والغرب والكلاب والليبرالين الكفرة الفجرة لو فى مؤامرة من اعداء الاسلام علية فليكن دى مشكلتهم ده موجود من قديم الزمااااااااااان المشكلة عندنا احنا مش بنشتغل وبنعمل حاجات كتير غلط ونقول اعداء الاسلام دايما هضربلك مثل بماليزيا ...................وبس خلاص |
رد: كل ده ولسه مش واخدين بالكم
اقتباس:
بأختصار شديد جدااااااااااا محمد بن عبد الوهاب عالم اسلامي مش عارف تاريخو بالظبط لاكنه جة وكان بيدعي للوحدانية بعد ما لقي الناس بقت تحب الدنيا ولية مؤلفات عظيمة اتحداك لو جبتلي كلام فيها غلط كلها عن الصلاة والضوة الصحيح وخلافة دي كتبة كتاب التوحيد - كتاب كشف الشبهات - كتاب الأصول الثلاثة - كتاب شروط الصلاة وأركانها - كتاب القواعد الأرب - كتاب أصول الإيمان - كتاب فضل الإسلام - كتاب الكبائر - كتاب نصيحة المسلمين - كتاب ستة مواضع من السيرة - كتاب تفسير الفاتحة - كتاب تفسير الشهادة - كتاب تفسير لبعض سور القرآن - كتاب السيرة: - كتاب الهدي النبوي - كتاب مسائل الجاهلية: وذكر فيه مئة وإحدى وثلاثين مسألة خالف الرسول صلى الله عليه وسلم فيها معتقدات أهل الجاهلية. اكتر حاجة بكرها في حياتي الناس الي بتقول وهابيين وهما ميعرفوش اصلا يعني ايه وهابيين ولا يعرفو حاجة عن محمد بن عبد الوهاب الي كان بيدعي لتوحيد الله ويعتبر شعره في رأسة احسن مننا كلنا وخد ثقف نفسك بالحتة دي من الويكييديا اقتباس:
|
رد: كل ده ولسه مش واخدين بالكم
كلمة الوهابية يطلقها الشيعة علي السنة ونحن نرددها بلا علم للأســــــــــــــــف وكأنها شتيمة
|
رد: كل ده ولسه مش واخدين بالكم
كل من اخطاء فى الوهابيه فهو قارىء تاريخ فقط وبعيد كل البعد عت العلوم الدينيه السليمه محمد عبد الوهاب من نادى بعدم عباده القبور فضل محمد عبد الوهاب كبير جدا على الامه الاسلاميه بالنسبه للاخوان المسلمين فانا ارشح اى شخص اخر ولا ارشحهم عليكم بقراءه اصول الاخوان المسلمين ولن اتحدث عنهم يكفيك ان تعرف من مؤسسهم وما هى اغراضهم ولا يغرنكم وجوهم المبتسمه ويكفيكم ان تعرفو رايى اهل العلم (اهل السنه) فاسمعو لشيخ الالبانى (شيخ الحديث)الذى لم ياتى احد مثله حتى الان فاسمعو لشيخ ابن العثيمين امام اهل سنه فى عصره فاسمعو لشيخ ابن باز رحمه الله هؤلاء كانو أمه اهل السنه الحقيقين من يتبعون الكتاب والسنه اما الاخوان فانا لا اراهم الا حزب سياسى من الدرجه الاولى يتخفى فى الزى الاسلامى ليس اكثر وكما ذكرت اقراؤ عنهم جيدا رحم الله الشيخ محمد عبد الوهاب وهدى كل من اخطاء فيه بعلم او غير علم وعزرهم بجهلم ان شاء الله |
| الساعة الآن 02:47 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com