اف اكس ارابيا..الموقع الرائد فى تعليم فوركس Forex - المركزى المصرى يطبع المزيد من اوراق النقدية

- منتدى الاخبار و التحليل الاساسى (https://fx-arabia.com/vb/forumdisplay.php?f=7)

المركزى المصرى يطبع المزيد من اوراق النقدية

السلام عليكم و رحمة الله وبركاته.,
هل حصل احدكم على مال من البنوك فى الاسبوع الاخير؟
هل حصل احدكم على معاشه من البنك او هل استعملتم ماكينة الصراف الالى فى الاسبوع الاخير؟
هل حصلتم على تحويلات بنكية فى الفترة السابقة؟
هل لاحظ احدكم شيئا فى المال الذى حصل عليه؟

بعد فترة ثلاثة ايام من البحث فى البنوك المختلفة و التى تربطنى بالعديد منهم صلة صداقة او نسب ايضا فقد صرحوا ان كل النقود التى تصل للبنوك من البنك المركزى المصرى جديدة (لنج) و استعمال اول مرة و مسلسلة و مرقمة,
ذهبت بالامس لاحصل على بعض المال من حسابى المصرى فحصلت على اموال مسلسلة فى استك واحد.
كما اننى قابلت شخصا حصلت منه على مال ايضا فكانت المفاجاة ان المال ايضا على الزيرو و مسلسل.,
تأكد لى ان المركزى المصرى يطبع اوراق نقدية بغزارة لاننى اتصلت باصدقاء لى فى القاهرة و المحافظات و اكدوا لى نفس الكلام كما ان المعاشات التى تم تحصيلها من اصحاب المعاشات و المتأخرات و رفع الاجور الذى يتم بشكل مستمر فى كل القطاعات المصرية المختلفة يؤكد ان المركزى المصرى قد يستمر فى طباعة المزيد من اوراق البنكنوت.,
لقد صرح الدكتور سمير رضوان وزير المالية انه سيتم استعمال الاحتياطى النقدى للبلاد من اجل دفع عجلة الاقتصاد الحالية و محاولة حل الازمة الراهنة متشبها بسياسة امريكا فى طباعة اوراق النقد بكثرة فى الفترة الاخيرة..,

من المتوقع اذن ان يتخطى الدولار/ جنيه مصرى حاجز الستة جنيهات نظرا للتضخم الذى سيحدث متوقعا من الطباعة و ايضا من معدلات النمو المنخفضة و تصل من 3.5% حتى 4% حسب حديث الدكتور سمير رضوان وزير المالية فى انخفاضا عن معدلات النمو السابقة (البائسة) من 7%

اذن اعتقد انه من غير العقل تحويل الدولار كودائع الى جنيه مصرى بداعى اننا بدأنا مرحلة الاستقرار فالعملية مبكرة جدا لهذا القرار لذا نصيحتى بالحفاظ على الودائع الادخارية بالدولار و عدم تحويلها الى جنيه مصرى و يمكن ايضا تحويل الودائع المصرية الى دولارية بعد كسر حاجز الستة جنيهات و لعملية قصيرة الامد.
التواجد فى عملة الدولار سيعفى المخاطرة فى الاستمرار فى عملة ستعانى بكل تأكيد من تضخم متوقع مع ارتفاع متوقع فى الاسعار لفترة قصيرة..

على فكرة موضوع ان قناة السويس تتحول بالجنيه المصرى و المناشدات و النداءات ان الدولار حيكون ب نص جنيه اشبه بمن يريد ان يسجل هدف بيده من المرمى الاخر لان هذا قد يزيد الطلب قليلا و لكن لن يتم البحث عن العملة لانه سيتم استعمال هيئة قناة السويس كشركة صرافة تحويل بين الدولار و الجنيه و تحصل على جنيه و مصاريف التحويل ثلاثة قروش.,
لن يمكن زيادة الطلب على الجنيه الا بزيادة ضخمة فى الانتاج و هو ما يمثل (بعيد عن شنب الحكومة) التى تريد اطعام 85 مليون و الفائض يتم تصديره فى دولة عجزت عن تصنيع اقطانها و بترولها و غازها الطبيعى و باعت انتاجها للمحالج و الشركاء الاجانب للبترول و صدرت الغاز الى جارتها اللدود بابخس الاثمان و اعلى الرشاوى.

على فكرة التعاقدات الاخيرة التى تمت فى قطاع الغاز و التنقيب على البترول عقود لمدة ادناها 15 عاما و حتى 25 عام و تم توقيعهم فى عهد البائد سامح فهمى وزير البترول و هو ما يعنى ضعف العملة المصرية قطعا و حصول الشريك الاجنبى على ثروات البلاد عقدين قادمين على الاقل.

اتمنى يكون التوقع صحيح و مفيد و انا تحت امركم فى اى استفسار
الله كريم,

رد: المركزى المصرى يطبع المزيد من اوراق النقدية

فعلا انا سحبت من يومين من البنك الوطنى المصرى و فعلا طلعلى فلوس لسة طازة لنج

رد: المركزى المصرى يطبع المزيد من اوراق النقدية

اللي شفته جديد فعلاً رزم ورقة 20 جنيه !!

وربنا الهادي ..

ويا رب يكون القادم أفضل ..،

رد: المركزى المصرى يطبع المزيد من اوراق النقدية

انا بقى مسحبتش :1 (69):علشان كده مشفتهاش :1 (82):

شكرا يادكتور على التقرير ابداع بلاحدود

رد: المركزى المصرى يطبع المزيد من اوراق النقدية

شكرا للردود الرقيقة..
احذروا على ودائعكم بالجنيه

رد: المركزى المصرى يطبع المزيد من اوراق النقدية

شئ متوقع و بديهى ان يحدث هذا فى هذه الايام
و تنبيه فى وقته من حضرتك

رد: المركزى المصرى يطبع المزيد من اوراق النقدية

يعني يا دكتور الاموال الي بيتم طباعتها مفيش مقابل ليها ذهب...........!!!!!!!

رد: المركزى المصرى يطبع المزيد من اوراق النقدية

لا معتقدش
اعتمادا على الاحتياطى من النقد الاجنبى
لكن ذهب
عبد الناصر باعه من سنين و من ساعتها و احنا الدولار اللى كان بنص جنيه بقى الدولار بستة جنيه

رد: المركزى المصرى يطبع المزيد من اوراق النقدية

اقتباس:

المشاركة الأصلية كتبت بواسطة د.أسامة عادل (المشاركة 120281)

ممكن توضيح اكثر

رد: المركزى المصرى يطبع المزيد من اوراق النقدية

مشكور يادكتور على المعلومة والتنبيه

رد: المركزى المصرى يطبع المزيد من اوراق النقدية

حلوه الفلوس اللى بتخرفش دى :D

رد: المركزى المصرى يطبع المزيد من اوراق النقدية

الحل ايه بقى ..... :1 (8):
العجلة لازم تدور من تانى
ربنا يستر
معلش يا دكتور انا مش فاهم موضوع النقد الاجنبى :1 (54)::1 (54):
انا عارف ان الذهب هو بيكون مقابل العملة مش عارف اكتر من كدة
ياريت لو توضيح

رد: المركزى المصرى يطبع المزيد من اوراق النقدية

اقتباس:

المشاركة الأصلية كتبت بواسطة m.youssif (المشاركة 120285)

ممكن توضيح اكثر

اهلا يا يوسف.,
التوضيح هو ان بعض الدول تستعمل الغطاء الذهبى و بالاضافة الى احتياطى النقد الاجنبى فى البنك المركزى او ما يسمى بالدولرة و هو ربط عملة البلاد بالدولار كونه العملة الاقوى كملاذ امن.
يتم حجز جزء من الغطاء النقدى و طباعة اوراق النقد بدلا من منه.
المفروض ده اللى بيحصل عشان يكبح جماح التضخم و لكن مش عارف بقى فى دول بتطبع فلوس على مزاجها فطبعا بيعمل تضخم فوق الخيال مثل زيمبابوى.
تحياتى يا غالى
الكويت مثلا فكت ارتباطها بالدولار و عملة سلة عملات و منها اليورو و من ساعتها و امريكا نازلة ضرب فى منطقة اليورو عشان محدش يعمل كده تانى :)

اقتباس:

المشاركة الأصلية كتبت بواسطة Fx boy (المشاركة 120343)

العجلة تدور من تانى ده امر اساسى و طبيعى.
و الذهب بيوضع مقابل العملة او الغطاء النقدى الموضح فى المشاركة الاولى.
ربنا يسهل و العجلة تدور و انا عن نفسى متفائل و لكن على المدى الطويل,
معافاة الازمة الحالية لن تكون قبل سنة او اثنين على الاقل.
من يستطيع ان يبقى صامدا السنتين دول اعتقد انه سيرتفع مع الانفتاح المتوقع القادم على مصر..

رد: المركزى المصرى يطبع المزيد من اوراق النقدية

الله ينور عليك يا دكتور
وشكرا لردك :1 (105):
الموضوع ده عموما بتاع البنوك المركزية وطباعة العملات
محدش يعرف عنه حاجة
خااااااااااااااالص :1 (54):

رد: المركزى المصرى يطبع المزيد من اوراق النقدية

اقتباس:

المشاركة الأصلية كتبت بواسطة د.أسامة عادل (المشاركة 120395)

والدي بيقول ان التاريخ بيعيد نفسه وبالظبط " من الناحية الاقتصادية " وان الايام الجاية دي هتبقي نفس ايام بداية الانفتاح الاقتصادي ايام السادات

ربنا يسترها يارب الايام الجاية دي
من وجه نظري والله اعلم هتبقي صح ولا غلط ان الحكم علي اي حكومة او اي رئيس هيجي الفترة الجاية دي هتبقي من الناحية الاقتصادية اولا والمشكلة ان اغلب الناس مش هتستوعب حالة التضخم اللي الرئيس او النظام ده بيحاول يعالجها والكلمة اللي هتتقال ان مفيش حاجة اتغيرت وربنا يستر ومندخلش في دوامة معالجة مشاكل التضخم بطبع المزيد من الاوراق المالية

ويارب تكون وجهة نظري غلط ويارب يكون في نوع من التوعيه ويارب الناس تتفهم ده وتقبله

الف شكر ليك يادكتور والف شكر لتوضيحك

رد: المركزى المصرى يطبع المزيد من اوراق النقدية

الفلوس اللي اخدتوها كده فلوس زي دي
Incompatible Browser | Facebook

رد: المركزى المصرى يطبع المزيد من اوراق النقدية

اتوقع طباعة المزيد من اوراق النقدية فى سبيل استحواذ الحكومة على اسهم البورصة لمنع البورصة المصرية من الانهيار,
اتوقع كمان ارتفاع الدولار امام الجنيه المصرى
السعر الحالى للدولار 5.92 - 5.95 و اعتقد ان تجاوز الستة جنيهات اصبح امرا لا مناص منه,
لكى الله يا مصر
لكى الله يا مصر

رد: المركزى المصرى يطبع المزيد من اوراق النقدية

لا اتفق معك يا دكتور بهذه النظرة التشائمية

هذه الازمة حسب توقعي ستبدأ بالتلاشي خلال شهرين وذلك بسبب دخول اشهر السياحة

ونعلم جميعا انها احدى اهم روافد الخزينة من النقد الاجنبي لذلك حتى لو هبط الجنيه اراها فرصة

للشراء خصوصا اذا بلغ لو جديد.تحياتي يا كبير

رد: المركزى المصرى يطبع المزيد من اوراق النقدية

ان شاء الله بداية النهاية

رد: المركزى المصرى يطبع المزيد من اوراق النقدية

طيب يا لو فعلا طبعوا .. هل هينزل خبر رسمي بكدا ولا بتتعرف ازاي .......؟؟لأن موقع البنك المركزي المصري في غاية السوء ولا يمكن الاستفادة منه في شيء

رد: المركزى المصرى يطبع المزيد من اوراق النقدية

ان شاء الله ازمة وهتعدى
ياما دقت على الراس طبول

رد: المركزى المصرى يطبع المزيد من اوراق النقدية

بس دى ازمة عنيفة
ربنا يسترها

رد: المركزى المصرى يطبع المزيد من اوراق النقدية

اقتباس:

المشاركة الأصلية كتبت بواسطة د.أسامة عادل (المشاركة 124773)

بس دى ازمة عنيفة
ربنا يسترها

انا ابتديت اقلق
:1 (46)::1 (46):
لو ممكن يا دكتور
تعملنا موضوع مقروء عن ميزانيات الدولة والعملات والبنوك المركزية
عشان يكون فى دراية بالموضوع ده يا دكتور