اف اكس ارابيا..الموقع الرائد فى تعليم فوركس Forex

اف اكس ارابيا..الموقع الرائد فى تعليم فوركس Forex (https://fx-arabia.com/vb/index.php)
-   الارشيف (https://fx-arabia.com/vb/forumdisplay.php?f=8)
-   -   تقرير اليوم بامر الله تعالى (https://fx-arabia.com/vb/showthread.php?t=6894)

Wigan 22-02-2011 06:56 PM
تقرير اليوم بامر الله تعالى
 
السلام عليكم

زلزال فى نيوزلاند بجانب قيام مؤسسسة موديز ب تخفيض درجة ائتمان اليابان الى Aa2 او Aa1 مش فاكر - والتسبب ف قوة الدولار

انخفاض معدل اقتراض الحكومة الانجليزية بافضل من المتوقع

عضو اخر من المركزى الاوربى يشجع رفع الفائدة وصاروخ اوربى يصل ل 130 بوينت وصولا "من وقت الخبر " الى 3700

البترول ارتفع 6.5 $ بسبب احداث ليبيا اللهم ثبتهم واعنهم على الظالم امـــــــــــــــــــــــين

البعض بيحذر من سلبيات رفع الفائدة خصوصا على ايلرندا والبرتغال واليونان واسبانيا / بجانب ارتفاع الضرائب

ارتفاع مؤشر ريتشموند الامريكى بجانب ارتفاع ثقة المستهلكين لاعلى مستوى منذ 3 سنوات

مدير الموقع 22-02-2011 07:30 PM
رد: تقرير اليوم بامر الله تعالى
 
مهرجان كبير فى السوق,
اليورو ارتفع بعنف و الدولار ين هوى هو الاخر بسبب خفض التصنيف..,
شكرا للتقرير لانى كنت بدور على سبب طيران اليورو فى ظل وقوف الباوند فى مكانه.
شكرا بجد

معاذ عودات 22-02-2011 07:39 PM
رد: تقرير اليوم بامر الله تعالى
 
شكرا يا باشا ..على التقرير
اعتقد وحسب الحدس بتاعي :1 (72):
ان اليورو الى 1.3900

Wigan 22-02-2011 07:58 PM
رد: تقرير اليوم بامر الله تعالى
 
ما شاء الله
الدكتور وصياد الفوركس منورين الدنيا مش الموضوع

للاسف يا دكتور كل واحد عايز يرفع عملته يخبطله تصريحين تلاته ويخلع واحنا اعصابنا تبوظ

اقتباس:
شكرا يا باشا ..على التقرير
اعتقد وحسب الحدس بتاعي http://fx-arabia.com/vb/images/smilies/1%20%2872%29.gif
ان اليورو الى 1.3900
شرفنى مرورك الكريم يا غالى بس اختلف معاك قليلا الى اشعار اخر لان السعودية ضخت كميات كبيرة من البترول ورفعت الانتاج وبكده الدولار هيخف الضغط عنه شوية

بجانب كده رفع الفائدة مستحيل وهيفرمل التقدم الاقتصادى ف اوربا دا غير ان ايرلندا لسه موصلتش لحل نهائى
واعتقد طالما مرسسة التمويل الاوربى لمنطقة اليورو ETFS هتدخل كمشترى للسندات لاول مرة مينفعش ترتفع تكاليف الاقتراض الا باستقرار الامور

اعتقد اليورو اخره 3740 او 80 لغاية شهر 3 باذن الله

Ҳҳ ĐŔ. ĄнмεĐ ҳҲ 22-02-2011 08:19 PM
رد: تقرير اليوم بامر الله تعالى
 
شكرا يا باشا

وجهد تشكر عليه بجد وتفسير رائع للي حصل النهاردة

تحياتي ..

Wigan 22-02-2011 08:37 PM
رد: تقرير اليوم بامر الله تعالى
 
انخفاض عائد السندات الامريكى لعشر سنوات نتيجة سباااق لشراء السندات الامريكية "العائد عكسى مع سعر السند "

قرب انتهاء الجزء الثانى "والاخير ربما" من برنامج التخفيف الكمى ف شهر 3 ومعتقدش ان هنشوف الجزء الثالث خصوصا بعد ارتفاع الاسعار الامريكية منذ بداية العام ودى اشارة لعودة الدولار وبقوة (( التخفيف الكمى هو ضخ المليارات ف الاقتصاد الامريكى لتحريك الركود وتحفيز الاقتصاد والقروض لكن سلبياته هو ارتفاع الاسعار وانخفاض ف قيمة الدولار ))

Wigan 22-02-2011 08:42 PM
رد: تقرير اليوم بامر الله تعالى
 
اقتباس:
المشاركة الأصلية كتبت بواسطة Ҳҳ ĐŔ. ĄнмεĐ ҳҲ (المشاركة 113534)
شكرا يا باشا

وجهد تشكر عليه بجد وتفسير رائع للي حصل النهاردة

تحياتي ..
العفو يا دكتور شرفنى مرورك الكريم

Wigan 22-02-2011 08:48 PM
رد: تقرير اليوم بامر الله تعالى
 
ازدياد مخاطر تخفيض ائتمان اسبانيا بتزيد الضغوط على اليورو ووصل الى 3637 بعد ملامسة 3703
بجانب انخفاض شهية المخاطرة //

انخفاض اسعار النحاس ((مؤشر لنمو الاقتصاد الصينى والعالمى والصناعة خصوصا ))

Wigan 22-02-2011 08:59 PM
رد: تقرير اليوم بامر الله تعالى
 
اكمالا لمسلسل "الليلة عيد " خرج علينا توكر عضو المركزى الانجليزى بتصريح خلاصته ان التضخم اصبح مشكلة وان الاسعار هتواصل الارتفاع حتى 2013 وطبعا ارتفاع اسعار وتصريحات = اتجاه لرفع الفائدة !!!!

الواحد مل من التصريحات والتذبذب الشديد ف السوق

Wigan 22-02-2011 10:03 PM
رد: تقرير اليوم بامر الله تعالى
 
تصريح جديد من ميريكل المستشارة الالمانية بخصوص مؤسسة التمويل اللى هتدخل بقوة لشراء الديون الاوربية لمنطقى اليورو
ميريكل دائما وابدا معارضة لاى قرارت ترفع اليورو لان المانيا عايشة على الانتاج والتصدير ولصالحها اليوو لازم ينخفض

- اليورو عاود الصعود بعد التذبذب اللى حصل نتيجة وجهة نظر استاندرد اند بورز ف تخفيض تقييم اسبانيا ودا ضغط سلبيا على اليورو وهبط 50 بوينت تقريبا

-ملحوظة // النحاس هو عصب الصناعة ف الصين وهى اكبر مستورد له وبالتالى متابعته مؤشر قوى للسوق // الدولار زادت قوته من ساعتين بعد هبوط سعر النحاس

Eng.Hamada 22-02-2011 10:03 PM
رد: تقرير اليوم بامر الله تعالى
 
الف شكر ياباشا علي التقرير اللي فهمنا ايه الجنون اللي حصل من امبارح بالليل وربنا يسترها الايام الجاية يارب اللي شكله ايام اخبار بنسبة 90%

Wigan 22-02-2011 10:11 PM
رد: تقرير اليوم بامر الله تعالى
 
مرة تانيه الدولار عاد كملاذ امن بعد ما اصبح اليورو هو الملاذ منذ ازمة مصر اللهم اجعلها اخر الازمات // لكن دا كان مرتبط باخبار الفائدة الاوربية اللى ساعدت على رفعه وفى رايى الشخصى ان دا السبب الوحيد وان اليورو لن يكون ملاذ امن

الملاذ الامن / بينقسم الى قسمين / معادن ضد التضخم وعملات قليلة التكلفة
يعنى المستثمرين وقت الازمات بيتجهوا للدهب للحفاظ على استثماراتهم والمعروف ان الدهب مش بيتاثر بالتضخم وقيمته بتزيد على عكس النقود اللى قيمتها بتقل نتيجة ارتفاع الاسعار / يعنى حضرتك لو معاك الف جنيه من وبيزد سعرة نتيجة ازدياد الطلب العالمى عليه كاحتياطى للبنوك المرطزية

اما العملات اللى تعتبر ملاذ امن هى العملات اللى ملهاش تكلفة يعنى تقدر تشتريها "تقترضها" بدون تكاليف زى الين والدولار اللى فائدة اقتراضهم"الربوى" من صفر الى 0.25 %

Wigan 22-02-2011 10:15 PM
رد: تقرير اليوم بامر الله تعالى
 
اقتباس:
المشاركة الأصلية كتبت بواسطة hebahamada (المشاركة 113562)
الف شكر ياباشا علي التقرير اللي فهمنا ايه الجنون اللي حصل من امبارح بالليل وربنا يسترها الايام الجاية يارب اللي شكله ايام اخبار بنسبة 90%
العفو يا اخت هبه الفوركس بيتاثر بكل شىء حتى لو تريشيه او برنانكى زعلانين مع ستاتهم واحنا الضحايا
وخلاصة الهبوط امس كان بسبب تخفيض مؤسسة موديز"السفاحة" تقييم اليابان الائتمانى بجانب الزلزال النيوزلندى

seragsamy 23-02-2011 11:28 AM
رد: تقرير اليوم بامر الله تعالى
 
الف شكر على التقارير الرائعة

Wigan 23-02-2011 12:13 PM
رد: تقرير اليوم بامر الله تعالى
 
اقتباس:
المشاركة الأصلية كتبت بواسطة seragsamy (المشاركة 113724)
الف شكر على التقارير الرائعة
العفو يا سراج الموضوع رائع بمرورك


الساعة الآن 08:01 PM

Powered by vBulletin® Copyright ©2000 - 2025

جميع الحقوق محفوظة الى اف اكس ارابيا www.fx-arabia.com