|
ايه اتغير فيك بعد الثورة ؟!! بتحب مصر؟!!
السلام عليكم أولاً أشهد الله وملائكته الرقيبين عن يميني وعن شمالي .. أني أحبكم في الله .. وأنني أحب بلدي مصر وأحب كل الوطن العربي والإسلامي وأحب الإنسانية جمعاء .. ولا أكن بحقد أو كره أو ضغينة أو بغضاء لأي شخص أياً كان سوى من تعدى على حرمة من حرمات الله .. أما بعد؛ كل واحد فينا شارك في ثورة 25 يناير بمصر سواء شارك بنفسه فيها وتحمل تبعاتها أو حتى شارك فيها بقلبه أكيد تغيرت فيه أشياء معينة .. هذا الموضوع لمن يحب هذه البلد العظيمة مصر .. أود أن نجمع الأفكار في هذا الموضوع والتي يمكننا بها النهوض بمصرنا الحبيبة في أي مجال ممكن .. هناك العديد من الأفكار أكيد في رؤسكم كانت في السابق محض خيال بسبب القيود والظلم والفساد نريد هذه الأفكار أن تتجمع هنا ونصل معاً إلى أفكار ننهض بها بأنفسنا وبأوطاننا الغالية .. يا ريت محدش يبخل على مصر ..، |
رد: ايه اتغير فيك بعد الثورة ؟!! بتحب مصر؟!!
والله اتغير فينا حاجات كتير اولها واهمهاا كرامتنا الدوليه رجعتلنا يا نوراج الاول تتعرف انك مصري بره لو داسو على الواحد بالجزمه عارفين ان بلدو مش هتعملو حاجه دلوقتى تحس انك فعلا بقت انسان بجد وتقدر فى اتخن مكان فى العالم تقول انك مصر ومتتكسفش ----------- الحاجات اللى عملتها من ساعه الثوره لميت شباب المنطقه وصحابى ونزلنا على حلوان وبنضفها شارع شارع والحمد لله وربنا يديم عمل الخير اهو حتى بنساهم باى حاجه نقدر نعملها ( بينا هتبقى مصر احلى باذن الله ) |
رد: ايه اتغير فيك بعد الثورة ؟!! بتحب مصر؟!!
شوف الصورة الاخيرة في توقيعي .. ده اهم حاجة كسبناها احترام العالم لينا .. وزي ما قال يحيى في المشاركة السابقة .. دلوقت المصري ليه احترام وكرامة ضاعت من زمان .. ((( المصري معروف بجبروته :D )) بس خايف من اننا نتحول الى دولة علمانية لادين لها تحمها قوانين وضعية بالنسبة للافكار لي عودة .. بس حبيت اهني نوارج على الموضوع المتميز تحياتي |
رد: ايه اتغير فيك بعد الثورة ؟!! بتحب مصر؟!!
الواحد بقى حاسس ان البلد بقت بتاعتنا احنا مش بتاعتهم
وان البلد الخير هيفضل فيها ليوم الدين مهما حسينا ان مفيش خير +++++ الامل +++++ اللى كن معدوم من الحياة الموضوع رائع :1 (105): وهو ده العادى من ارابيا |
رد: ايه اتغير فيك بعد الثورة ؟!! بتحب مصر؟!!
السلام عليكم ورحمة الله وبركاته احنا بالفعل اكتسبنا كل اللى الاخوة قالو عليه فى الردود وان شاء الله من سوف ياتى الان سيعرف ان الشعب هو الاهم ويعرف ان الشعب يستطيع ان يبقيه او يخلعه من مكانه وهذا شىء جيد بالنسبة لى |
رد: ايه اتغير فيك بعد الثورة ؟!! بتحب مصر؟!!
بجد احنا كنا محتاجين اوى للثورة دى
البد كان حالها رايح فى ستين داهية ظلم فساد نهب فقر جهل بطالة تعليم مفيش طب مفيش ديمقراطية مفيش عدالة مفيش حرية مفيش حقوق انسان مفيش مش عارف كنا حنعيش ازاى فى البلد دى لومكتش قامت الثورة الحمد لله الواحد دلوقتى يقدر يفتخر انه مصرى و عنده كرامة و ان شاء الله المستقبل افضل بكثير لمصر |
رد: ايه اتغير فيك بعد الثورة ؟!! بتحب مصر؟!!
أهلا يا عم نوراج منور
أحبك الذي أحببتنا فيه و جزاك الخير كل الخير تسلم يا نوراج موضوع قيم و مهم و ان شاء الله الخير قادم لكن كما وقفتم وقفة رجل واحد ضد النضام لا بد من التعاون و العمل بيد واحدة من أجل النهوض نسأل الله أن ييسر أموركم كلها لا تنسوا العمل الجماعي هو الحل بالتوفيق و السداد |
رد: ايه اتغير فيك بعد الثورة ؟!! بتحب مصر؟!!
انا معكم فى كل ما قرات الى الحين ومع الثورة وبالفعل مصر كانت بحاجه لمثل هذة الثورة ولكن لدى بعض الاسئله اتمنى احد يرد على فيها
1 - لمن قال ان نصف الشعب يعيش تحت خط الفقر هذا الكلام لا يمت للحقيقه بصله انا بنزل مصر كل سنه لمده 45 يوم كمثال عندما احب اروح اتغدى فى مطعم مثل قريه عبد الوهاب واكيد كل من فى اسكندرية يعرفها القريه كبيرة جدا واعتقد ان عدد الطاولات اللى فيها اكثر من 100 طاوله بما فيها الجزء الخاص بالاسماك المهم اكثر من مرة يطلبون منى الانتظار بالسيارة حتى تفرغ طاوله لى لان جميع الطاولات مشغوله اوكى قسم بالله انى كنت ارى بعيونى فى ناس حساب طاولاتهم اكثر من 600 جنية .الجزء الثانى لما اطلع الساحل الشمالى ما احصل حجز مارينا بكبرها ما حصلت حجز فيها بالرغم ان اليوم فيها تكلفته فوق 1000 جنية العين السخنه بالقاهرة نفس الحال كذلك مطاعم مصر فين يا جماعه الناس اللى عايشه تحت خط الفقر 2 - الثورة من قام بها الشعب ولكن من خطط لها مجهول لنا الى الان والايام القادمه سوف تكشفه لى ما سالتهم انفسكم من هو وما هى نوايه الحقيقية 3 - راح مبارك وسياتى غيرة هل سيكون افضل لمصر ؟ 4 - فى تقرير يفيد بان مصر بتخسر من يوم قيام الثورة كل يوم مليار ومائه مليون جنيه فى 25 يوم تبقى خسارة مصر كم يا شباب الى الان 5 - متى ستكون الانتخابات ومن المرشحين 6 - نتكلم الكلام المفيد راحوا اللى شبعوا والباقى معروف ما فى داعى نكمل 7 - اتمنى الاجابه على الاسئله ولكم الشكر المهم فى الموضوع ان الردود اللى فى الموضوع مع احترامى للجميع تقول انا الحين اقدر اقول انى مصرى واعتز انى مصرى من متى واحنا ما نعتز باننا مصريين لماذا هذا الكلام هل تريدون اقناع انفسكم بان الثورة هى التى جعلتك تعتز بانك مصرى للاسف هذا تفكير غير سليم مع احترامى للجميع .وفى نهاية كلامى اتمنى لمصر الازدهار والرقى ولكن ما حدث اعتقد اننا سنحتاج الى فترة طويله لكى نصل الى هذة الامنيه |
رد: ايه اتغير فيك بعد الثورة ؟!! بتحب مصر؟!!
اقتباس:
تمت الاجابه |
رد: ايه اتغير فيك بعد الثورة ؟!! بتحب مصر؟!!
اقتباس:
اولا : شكرا على الرد ثانيا : ياريس كل دوله فى العالم فيها الفقير والغنى مع انى لم ارى بحياتى كلها 44 سنه لم ارى احد جالس بجحر فى مصر كما تقول حبيبى روح القاهرة وشوف الحى الخامس و شوف الرحاب وشوف التجمع الخامس والقصور اللى فى وشوف الشروق وشوف حى الاشجار كل مدينه من دول ملاكها فوق المليون نسمه وتقول لى ناس عايش فى جحر اموت واعرف ليه بتكتبوا هذا الكلام خسارة والله انا لما اشوف مذيع فى التليفزيون ولا مقاله فى النت تكتب هذا الكلام على مصر بتجنن وللاسف مش عاوز اتكلم اكثر من كده احتراما لقوانيين المنتدى . ارحمونا من هذا الكلام لو حتى صحيح فهى نسبه لا تذكر بالنسبه لعدد الشعب ما نقول 50 % عايشين تحت خط الفقر ولا ايه |
رد: ايه اتغير فيك بعد الثورة ؟!! بتحب مصر؟!!
اقتباس:
لن اطيل معك الجدل فى نسبة عدد الفقراء الى اجمالى الشعب فهذه أشياء من الصعب عليك ان تلمسها انت كسائح يأتى للاستمتاع!! لكن خلاصة القول ان الفقر ليس شيئا سيئا ولو كانت الحكومة فقيرة كباقى الشعب نتيجة لقلة موارد الدولة لكان شيئا عاديا ولكن المشكلة اخى الكريم فى الفساد وما تبعه من استنزاف موارد الدولة فى التفاهات والمحافظة على كرسى الحكم ولو ضاع الشعب وأكل الفقراء من صناديق القمامة فى الحقيقة انا لا أجد مشكلة فى الفقر وإنما المشكلة الاكبر فيما يعانيه الفقراء من العيش فى أماكن قذرة وملوثة .. لا يمر عام أو اثنين حتى افقد مريضا من اقاربى او معارفى بسبب مرض السرطان والذى انتشر فى مصر بسبب أهمال الحكومة للزراعه ومياه الشرب وارى كم يعانى هذا المريض جسديا وماديا حتى يلقى ربه .. فما بالك إذا كان هذا المريض من اسرة فقيرة ولا يجد ما ينفق؟ فى المرة القادمة عندما تأتى الى مصر وتذهب الى الاسكندرية .. اسأل عن المناطق الفقيرة والق نظرة وعندنا تذهب الى مارينا والعين السخنة تحدث مع العاملين هناك وليس مع نزلاء الفندق .. وستعرف حينها ما هى نسبة الفقر فى مصر تحياتى |
رد: ايه اتغير فيك بعد الثورة ؟!! بتحب مصر؟!!
اقتباس:
مع كل احترامى لك اخ احمد بس انزل الريف المصرى وانت تشوف انزل الاماكن الشعبية فى القاهرة وانت تشوف امشى فى شوارع القاهرة وانت تشوف اقف على المخابز وانت تشوف روح اقاسم الشرطة وانت تشوف حاول تخلص ورقه من احد فى المرور وانت تشوف حاول تشترى سيارة اجرة او نقل تشتغل بيها او تشغلها وانت تشوف اركب المواصلات العامة وانت تشوف شوف قصور وفلل الناس المسئولين شوف اللى حصل فى الانتخابات وشوف التضليل والغش والتذوير وشوف احمد عز وهو بيستفز الشعب المصرى والمرشحين انا متغرب زيك بالضبط والحمد لله بنزل مصر كل سنة ثلاث مرات بعيش فى مصر اربع شهور فى السنة وكنت حاسس لو بطلت سفر مش هلاقى اكل الوقت انا فعلا بفكر فى التقاعد لانى حسيت انى ممكن اجتهد واحصل مقابل اجتهادى اما زمان كان صعب فى ظل المحسوبية والغش الثورة رجعت كرامة المصرى بره فعلا ولو كنت انت انسان حافظ كرامتك زى كتير من المصريين فى الخارج بس مش كفاية لان نظرت الناس لك هى الى تغيرت وليست نظرتك لنفسك احنا كنا بنعتز باننا مصريين ولكن الشعوب الاخرى وخصوصا العرب منهم عرفوا من هم المصريين الان وانا شعرت بها فعلا بمجرد عودتى الى من مصر واخيرا لنعمل جميعا على حب هذه البلد الجميل الراقى ونسعى لنجعله فى مقدمة البلاد وليبدا كل واحد منا بنفسه |
رد: ايه اتغير فيك بعد الثورة ؟!! بتحب مصر؟!!
اقتباس:
اخى الفاضل انا اهلى عايشين بالريف اساسا انا اللى طلعت من الريف وسكنت فى الاسكندرية ولعلمك الخاص اخى الصغير عايش ومتزوج ولديه ماشاء الله اربعه من الاطفال وموظف بس للامانه لديه مشروع صغير بعد الشغل بيشتغل فيه ما سمعت منه يوما بان ظروفه تعبانه بالعكس لما انزل اجازة وبروح عنده ما شاء الله الدنيا زى الفل . المشكله انكم تعاملتوا معى على انى سائح وهذا الخطىء مع العلم باننى نزلت بسيارتى مرتين لمصر وتعاملت مع المرور والدنيا ما شاء الله زى الفل وكنت اسمع ان المرور بيستغلوا اى سائق لسيارة عليها رقم جمرك قسم بالله فى خلال اجازتى لمدة مرتين متتاليه كل مرة 45 يوم تقريبا لم ارى مثل هذا الكلام بالعكس كم مرة وقفت فى لجنه كل الموضوع بيطلبوا رخصة السوق ورخصه العربيه اكتر من كده مفيش ولا رشوة ولا كلام فارغ ولا استغلال ولا اى شى لا حول الله انا والله استغرب من كلامكم بهذة الطريقة ومع العلم بنروح نطلع تصريح العمل ما شفنا شى هناك بالعكس كل احترام . وكذلك الحال لما استخرجت بطاقة الرقم القومى بخصوص المخابز لا اكذب عليك انا بشترى الخبز من السوبر ماركت وما وقفت فى مخبز منذ اكتر من 20 سنه وعموما من الواضح انكم مش عاوزين تردون على الاسئله التى كتبتها لكم الشكر . |
رد: ايه اتغير فيك بعد الثورة ؟!! بتحب مصر؟!!
اهلا بالشباب..
ماذا تغير!؟ ااااااااااااه لقد تغير الكثير بالفعل :)لقد كنت احد النشطاء السياسيين الذين نادوا بثورة 25 يناير عبر الفيس بوك التى كانت ثورة شباب الفيس بوك ثم اصبحت ثورة شباب مصر ثم ثورة شعب مصر. البداية تعرضنا للكثير من التجريح فى الفيس بوك و الكثير قال علينا شباب الكيبورد و شباب اللوك لوك و كله كلام فشنك و مفيش حاجة حتحصل,ثم كتبت هنا قبل يوم 25 يناير اننى نازل يوم 25 يناير و يبقى هذا الموضوع كذكرى جميلة فى اننا قمنا بالثورة بانفسنا و اننا لم ننتظر مثل الكثيرين حتى شافوا الوضع و بعدها نزلوا فنحن اول من ضرب بالقنابل المسيلة فى يوم 25 ثم عوملنا بعنف شديد فى بداية جمعة الغضب قبل ان يتجاوز عددنا ال 250 الف متظاهر فى الاسكندرية يومها.. ما تغير اننى كان لدى العديد من الاصدقاء الذين لم يتوقعوا ذلك الان اصبحوا اناسا ايجابيين محبين للتغيير. ما تغير ان الشعب المصرى قام بملحمة و قام بعرض راقى و رائع امام العالم كله دفعنا للاحترام. ما تغير ان الكثيرين اصبح ايجابيا و ادرك ان كل شيئ يمكن ان ينصلح حاله اذا ابلغنا عن الشكاوى و الفاسدين. لقد تغيرت اشياء كثيرة لن نشعر بها الان و قبل سنتين او ثلاثة على الاقل و لكن اعدكم ان يكون ذلك عهدا افضل..فسادا اقل..محسوبية اقل..ايجابية اكثر. الحمد لله لما وصلنا له الان و انا فخور بكونى مصرى و كوننا مصريين و فخور كونى احد شباب 25 يناير. بالنسبة للفقر يا عم احمد فهو موجود و بكثرة فالمناطق الفقيرة هى المناطق الاكثر ازدحاما فانا اسكن فى سموحة ارقى مناطق الاسكندرية و اعمل فى العامرية احد افقر المناطق فيها و ارى الفوارق الضخمة! على فكرة اغلب هذه النسب العالية محجوزة للصعيد حيث هناك الفقر المدقع. 2- راح مبارك وسياتى غيرة هل سيكون افضل لمصر ؟ اعتقد ان اى فرد غيره سيكون افضل لمصر لان مبارك كان فاسدا و كان راسا للافعى السامة فما ان قطعت رأسها انتهى سمها. اى فرد غيره سيكون افضل شرط ان لا يكون فاسدا مثله. 4 - فى تقرير يفيد بان مصر بتخسر من يوم قيام الثورة كل يوم مليار ومائه مليون جنيه فى 25 يوم تبقى خسارة مصر كم يا شباب الى الان و فى تقارير اخرى ان مصر تنهب من 30 سنة مئات المليارات,تنهب فى كل لحظة و فى كل ساعة.,فى تقارير اخرى من المركزى للمحاسبات بان الصناديق الخاصة بها 250 مليار دولار و الكثير من التقارير ليس ذلك وقتها الان و لكن ان نفكر فى خسارة وقتية و ان نفكر فى ان خسارة يومية تساوى كذا فيجب التوقف هو امر غير منطقى نظرا لاننا نبنى مستقبل فاما نبنيه صح او كنا خلينا فى الفساد. 5 - متى ستكون الانتخابات ومن المرشحين الانتخابات فى فترة 6 اشهر على الاقل و المرشحين سنعرفهم و نتعرف على برامجهم فى هذه الفترة و سنختار بانفسنا من نراه الافضل. 6 - نتكلم الكلام المفيد راحوا اللى شبعوا والباقى معروف ما فى داعى نكمل هذا الفكر انتهى منذ زمن بعيد..ان اللى قاعد شبع خلاص و حيجيلنا واحد تانى لسة عايز يشبع!! الفكر ده لم يعد موجودا لان الشعب صحى و ان الاجهزة الرقابية موجودة و البلاغات ستزيد و الشعب عينه فتحت خلاص و لم يعد هناك اماكن لافكار بالية :) تحياتى يا حلوين |
رد: ايه اتغير فيك بعد الثورة ؟!! بتحب مصر؟!!
مساء الخير يا شباب
أستاذ أحمد لي شبعوا رايحين سياحة لأبو زعبل ربك ذو انتقام يمهل و لا يهمل بالتوفيق يا شباب |
رد: ايه اتغير فيك بعد الثورة ؟!! بتحب مصر؟!!
للاسف انا مقيم بالمملكة العربية السعودية من 6 سنين
كنت اتمنى اني اكون موجود في مصر بصراحة انا كنت ضد النظام السابق على طول الخط رئيسا وحكومة والسبب في ذلك اني شفت ازاي الحكومة السعودية بتعامل المواطنين لا والمغتربين برده كويس جدا وتمنيت تكون معاملة الحكومة بالمثل على الاقل قانون الغاء الكرامة المصرية (الطوارئ) ومش حتصدق انا كنت بدعي من 4 سنين واقول يارب ما انزل مصر الا بعد ما مبارك يموت او يمشي والحمد لله ربنا استجاب وانا نازل على شهر رمضان المبارك وحشتوني وحشتوني وفي النهاية مصر تستحق اكتر من كده بكتير ان شاء الله يتممها على خير ويرزقها برئيس كويس تحيا مصر |
رد: ايه اتغير فيك بعد الثورة ؟!! بتحب مصر؟!!
السلام عليكم ورحمة الله
لو سمحتم لي التدخل كشاهد عيان بداية انا سوري وهواي مصري و مقيم بالجزائر لما صارت الاحداث الكروية بين البلدين كنت قد اتيت توا من زيارتي لمصر وغالبا ما كنت اسأل الى اي طرف اميل ؟؟ اجيب بسرعة لمصر وحتى بعد احتدام الوضع زاد اصراري وكنت انفق الساعات الطوال اشرح للناس عن اساليب النظام وان كل ما يرونه من ترسانة العار(الامن+الاعلام) كلها من اركان النظام ودائما كان يرفض كلامي ويقولون هل كل اولئك الذين ينادون بالعداء للجزائر هم حكومة ؟اقول انا طبعا والصورة المقابلة التي حدثت هذه الايام فمعظم الناس تركوا اعمالهم وهم يتسمرون امام شاشة الجزيرة ولا تسمع الا كلمة "ربي معاهم" "ربي ينصرهم" اقف بجوار اولئك مبتسما واقول لهم تذكرون يجيبوني بابتسامة ويهزون روؤسهم يعني بالمحصلة اعادت هذه الثورة المجيدة الالفة واللحمة بين ابناء وطننا الكبير من محيطه لخليجه وانا استطيع القول كمراقب سياسي حيادي ان آثار هذه الثورة ستكون كآثار الثورة الفرنسية في محيطها بل لربما اكبر بحكم موقع مصر وحجمها الحضاري واتفق مع الاخوة الذين قالوا انها اعادت للمصري هيبته فقد قرأت البارحة لاحد الاشخاص القادمين من امريكيا انه لما وصل الى ضابط الجوازات واعطاه جوازه رفع الضابط الجواز بيده عاليا منادي بالمسافرين egyptian..egyptian فتعالت الهتافات داخل قاعة المسافرين ودوى التصفيق لذلك الشخص .اعتقد ان هذه القصة ابلغ دليل عن تغير نظرة العالم لمصر . اخيرا اقول لمن يتحدث عن خسائر آنية يكفي ان تعرف يا اخي ان موجودات نزلاء سجن طرة اكثر من موجودات البنك المركزي المصري ؟؟؟؟؟؟؟؟؟؟؟؟؟؟؟؟؟؟؟؟؟؟ وكل التقارير تجمع على وصف هبوط آني وانتعاش مستقبلي دمتم بخير يا رايقين |
رد: ايه اتغير فيك بعد الثورة ؟!! بتحب مصر؟!!
يا جماعة الموضوع خرج برة المضمون الذي فتح من أجله أتمنى من الجميع الالتزام بمضمون الموضوع .. فينك يا نوارج .. انت صاحب الموضوع ولازم يكون ليك كلمة تحياتي .. |
رد: ايه اتغير فيك بعد الثورة ؟!! بتحب مصر؟!!
بسم الله الرحمن الرحيم
أخوانى الكرام انا يمكن منزلتش المظارهات لسببين أولا شغلى عشان و ده ممكن تقولوا انه تقصير منى ثانيا لما حصل حظر التجول كنا بنقف كلنا بالليل عشان نحرس الشوارع و البيوت و ده حسسنى انى لى دور فى اللى حصل و ساعتها حسيت انى فعلا اشتركت فى التغيير و فى الثورة و اللى اتغير فى حاجات كتير منها على الأقل انى بكتبلكم دلوقتى يعنى لو من شهرين الموضوع ده اتكتب عن اننا عايزين افكار عشان نرفع من مصر كنت حكبر دماغى و أقول الناس اللى فاضيه تكتب و فى الأخر مش حيتاخد برأيها لكن دلوقتى خلاص الواحد حاسس ان البلد بلده بجد و تستاهل اى مجهود ممكن يبزله عشان خاطرها لو من شهرين قالوا ان فيه انتخابات رئاسية و ان الرئيس حيسيب الحكم انا مكنتش حروح انتخب لأنى كنت عارف انها رايحه لعلاء مبارك بس دلوقتى خلاص انا عارف ان صوتى بقى مسموع و حيأثر فى اللى احنا حنختاره و بقول احنا المصريين ولاد البلد دى خلاص من انهارده الكل بقى إيجابى كفاية اللى شفناه من الشباب لما جهاز الأمن غاب عننا وقفوا و قالوا احنا فى نقدر نحمى بلدنا من غير الشرطة تخيلوا ان ناس مجرمين معانا فى الشارع كانت بتقف معانا عشان نحموا بعض ؟! واحد مجرم زى ده ايه اللى خلاه كده غير البطاله اللى هى كانت من اسباب الفساد من انهارده خلاص مبقاش فيه فساد ولا محسوبية كلنا شايفين و عارفين حقنا و مش حنستخسر حاجه على مصر و بالنسبة للناس اللى شايفه ان الدنيا كانت لونها وردى زى فيلم مرجان أحمد مرجان و ان الشرطة كانت بتعمل عيد ميلاد للمسجونين فياريت ميبصش من الزاوية اللى هو شايفها و ميختارش الأماكن الراقية اللى مينفعش يبقى فيها فقرا و يقول ان الدنيا كانت زى الفل و اننا ملناش حق التغيير بلاش نبقى سلبيين و نرفض التغيير دايما التغيير فى الاول بيبقى صعب لكن فى الأخر الشعب هو اللى كسب و ان شاء الله القادم أحسن أرجو ان محدش يفهمنى غلط اما بالنسبه للأفكار اللى ممكن نعملها عشان نغير مصر أكيد أول حاجه اننا فى اى انتخابات قادمة اننا نروح و نختار المناسب لينا و بلاش نخاف من حد طالما احنا فى الطريق الصح و كل واحد ينضف ايده و بلاش الرشاوى و المحسوبية و كل واحد يبدأ بنفسه بلاش نرمى الزباله فى الشارع بلاش نكسر الإشارة لازم نحترم القوانين و مبنقاش مجبرين على كده بلاش نطبق الربع جنيه و نحطه فى ايد العسكرى عشان ميديناش مخالفه و بعد كده محدش يسكت لظابط لو قالك بطاقتك فين قبلها تقوله انت كرنيه اثبات شخصيتك فين و بلاش الخوف و السلبية اللى كانت مسيطرة علينا و يارب مصر اللى جاية تبقى حلوه بينا ان شاء الله تقبلوا تحياتى |
رد: ايه اتغير فيك بعد الثورة ؟!! بتحب مصر؟!!
السلام عليكم أنا خارج حالا وراجع تاني بعد ساعة إن شاء الله .. عاوزين أفكار يا جمااااااعة شاكر كل ردودكم والتغييرات الجميلة .. لكن منتظر الأفكار .. أروح مشوار مهم كده وأرجع ألاقي أفكار ..، |
رد: ايه اتغير فيك بعد الثورة ؟!! بتحب مصر؟!!
اقتباس:
فرصة ذهبية للاستثمار بالفعل.. اللى عايز يعمل قرشين يعملهم فى الفترة اللى جاية لاننا سنرى الانفتاح الحقيقى, و هنا يجب ان نستغل هذا الانفتاح و هذا المغزى من الموضوع, يعنى ما افكاركم للتغيير بعد الثورة. ما افكاركم للحصول على حياة كريمة فى فرصة لن تتكرر كثيرا على ما اعتقد من صعود قوى فى اقتصاد مصر (اتوقع هذا).. فكروا من الان فى كيفية صنع مستقبل مفيد لك و لاسرتك و لمن حولك حتى تكون ايجابيا بجد, عن نفسى افكر و افكر و ساصل الى شيئ ما مفيد ان شاء الله و لكن ماذا عن الباقين :) تحياتى |
رد: ايه اتغير فيك بعد الثورة ؟!! بتحب مصر؟!!
اقتباس:
الامل رجع للشارع المصرى انا معاك فى كل اللى انت قولته:1 (105): وعايز ازود حاجة اهم حاجة لازم نعملها اننا 1 . نتفائل ونعرف ان المستقبل بتاعنا احنا 2 . نؤمن بقدرات المصريين اللى عملو اللى متعملش |
رد: ايه اتغير فيك بعد الثورة ؟!! بتحب مصر؟!!
اقتباس:
هذا ما أفكر فيه حالياً يا دكتور وأبحث أيضاً .. لم أصل للفكرة حتى الآن لكن آمل الوصول لها قريباً إن شاء الله ..، |
رد: ايه اتغير فيك بعد الثورة ؟!! بتحب مصر؟!!
لازلنا ننتظر الأفكار .. لكن القلب الآن مع إخواننا الليبيين ..، |
| الساعة الآن 11:33 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com