|
المعتمدين على تحليل الاندكسات
السلام عليكم شباب ,,
طبعاً تحليل اندكسات ازواج الين كان علي صعب علي لفترة منيحة وحاولت افهمو بس لفترات متقطعة وكنت اوصل لمرحلة اقرب وبعدها اسكر المنصة وانشغل بغير شغلات المهم الكلام القادم موجه لـِ"محلليل الاندكسات" و الناس يلي مابتعرف موضوع الين ,, باختصار :"لمن يهمه الأمر" اكيد في ناس بتعرف موضوع الين بس انا كشخص حابب انقل تجربتي اليوم حاولت ادرس موضوع اندكس عملة الين (jpy) وما اطلع الا وافهم القصة بالتحليل العادي للاندكسات متل زوج eurusd الكل بيعرف اذا كان اندكس الدولار قوي وصاعد معناها زوج اليورو دولار رح يكون امام هبوط بمقدار قوة الدولار مع الاخذ بعين الاعتبار قوة اتجاه اليورو اندكس بس بالنسبة لأزواج الين بكون الموضوع مختلف تماماً يعني اذا usdjpy موجود عالشارت وبدنا نعمل تحليل للاندكسات لازم ناخد بعين الاعتبار انو قوة jpy اذا كانت للصعود يعني زوج usdjpy صاعد وليس هابط واذا كان الjpy صاعد والusd هابط يعني زوج usdjpy رح يكون بحالة عرضية نوعاً ما وتكون بالغالب منحازة لطرف العملة الاقوى واذا jpy هابط والusd هابط رح يكون الزوج امام هبوط قوي ,, موفقين جميعاً يمكن هالكلام يكون لبعض الناس غير مهم ويمكن لبعض الناس قديم ولكن في أول الموضوع كتبت "لمن يهمه الأمر " |
رد: المعتمدين على تحليل الاندكسات
طبعاً الكلام هاد بيشمل ازواج eurjpy /gbpjpy
ازواج الين الباقية مثل cadjpy /chfjpy ,, ما عملت عليهن تجربة ولكن اتوقع نفس المفعول |
رد: المعتمدين على تحليل الاندكسات
يعني انت تعتمد على التحليل على مؤشرات العملات
و التجارة على ازواجها هل يمكن ان تقول لنا ما نسبة نجاح الاستراتيجية :1 (27): و شكرا |
رد: المعتمدين على تحليل الاندكسات
يسعد مساك اخي ,,
هية مؤشرات العملات ليست الصح كما أنها ليست الخطأ ,, لو عندك أسلوب تجارة جميل وصحيح وحلو وبيشتغل أكيد يعني لو عندك أسلوب تجارة بيكون متل الشباك على واقع السعر بالنسبة الك وبيسمح تشعر بالسعر شعور فأنا بنصحك تستعمل الاندكسات يعني مابدي أكبّر من حجم الاندكسات ولكن صدقني الاندكسات هو حالة بتشبه علم الغيب بالسعر (من دون دخول الفلاسفة الدينيين لانو ماقصدي شي غلط) يعني بالمختصر (اذا عرف السبب بطل العجب) ولما بتدرس وبتشغل الاندكسات رح تعرف ليش طلع او نزل السعر ولكن طبعاً ارجع واقلك لازم يكون معك اسلوب تداول بيسمحلك تتعامل مع السعر (الازواج) ومع الاندكسات والاندكسات مفيدة كتير كتير كتير "لو عندك وقت زيادة" حاول تدرس الاندكسات لانو الاندكسات بتحكي واقع الاسعار وبتعرف اسباب الحركة يعني اكسسوار منيح للتداول هو الاندكس |
رد: المعتمدين على تحليل الاندكسات
مساء الخير حماده بك أحلى شغل الاندكسات وتقدر تتوقع حركة الزوج بسبب الاندكس قبل تحرك الزوج نفسه اسبوع موفق حبيبى.. |
رد: المعتمدين على تحليل الاندكسات
اقتباس:
بالضبط والله انا بحب اتعامل بالاندكسات كتير يعني شغل عميق الاندكسات ومفيد اسبوعك اخضر يارب مهندسنا الغالي :) |
رد: المعتمدين على تحليل الاندكسات
تحليل الاندسات مهم جدا و فعلا يمكنك من توقع حركة الازواج
اشكرك علي الموضوع الجميل :) |
رد: المعتمدين على تحليل الاندكسات
اقتباس:
العفو الله يخليك يارب :) |
رد: المعتمدين على تحليل الاندكسات
اهلا فيك اخي الكريم ، طبعا الاندكسات من اهم المؤشرات الموجودة في السوق التي تساعد على التحليل وعلى معرفة مسار العملة القادم طيب هلاء بما انو انت تعلمت عندما يكون الين صاعد فهذا يعني ان الدولار ين صاعد ، يا ريت تفسرلنا هالشي خلي الموضوع يكون مفيد اكثر ، والشباب تستفاد مثلك تحياتي لك |
رد: المعتمدين على تحليل الاندكسات
اقتباس:
هلأ ما اختلفنا انا بعيوني بخدم الشباب والمنتدى اكيد مارح ابخل على حدا وما بخلت بشي تعلمتو الا وفوراً نشرتو هون بس الفكرة انو الحكي هون بالاندكسات اذا بدي احكي عن الين فـَ أجباري بدي اشرح الاندكسات من اول وجديد لأنو الين مو شي جديد يعني أيا شخص بيفهم يتداول بالاندكسات رح يفهم موضوع الين من اول مشاركة الي بهاد الموضوع بس المبتدئ بدو أكيد إعادة تأسيس من الصفر ,, على العموم "أنا" مابعرف إذا في موضوع بالمنتدى بيحكي عن الاندكسات إذا في موضوع من قبل بيشرح الاندكسات فقط الشخص يطّلع عليه ويرجع يقرأ اول مشاركة إلي و أموره رح تصير تمام (اذا شاف وتفاعل مع المنصة لأنو اكيد مجرد النظر على المشاركة مارح يستفيد شي) بينما اذا كان مافي موضوع بالمنتدى بيحكي عن الاندكسات بعيوني بعمل شرح بموضوع منفرد وان شاء الله اتوفق فيه بس لو حدا يخبرنا اذا كان في موضوع ولا مافي ؟؟!!!! مشان ما اكتب شي عالفاضي وحطيت إشارة على كلمة أنا لأنو أنا ما صرلي فرصة وطلعت بينما يمكن يكون بالفعل موجود |
رد: المعتمدين على تحليل الاندكسات
اقتباس:
ما فهمت كيف يعني انوا هية مؤشرات العملات ليست الصح كما أنها ليست الخطأ يعني شو نعمول هلق لحتى نحل المسأله و أنت كاتب بالمشاركه التانيه انها اكسسورات كمان ما فهمت طب هلق شو يعني كيف يعني كيف يمكن نستخدما ولا بلا منا ما بتلزمنا لانا اكسسورات مو فاهم عندك استراتيجيه معينه نشتغل فيا |
رد: المعتمدين على تحليل الاندكسات
اقتباس:
اخي مو صح لما بتعتمد عليها لحالها .. مو غلط لانو لو مشيت معها باسلوب منيح مع التحليل على شارت الازواج ممكن تخدمك خدمة حلوة بالنهاية ومن الرياضيات للعربي عملت مجاز وقلت عنو اكسسوار لانو الاساس هو السعر والمؤشرات والاندكسات وكل شي غيرو هو اضافة او اكسسوار شو مابدك سميه .. باخر المشاركة ركزت انو الاندكسات مفيدين كتير الخلاصة انو لو اعتمدت معهن اسلوب حلو رح يفيدوك لانو في ناس بتتاجر باساليب نافعة او مربحة كيف مابدك سميها بس مابتقدر تحدد حركة الاندكسات وتربطها بالسعر بنفس الوقت لذلك تاركة الموضوع على طرف .. هلأ انا فاتح من الموبايل فـَ ماعم اقدر اعرف اذا حضرتك المحروم يلي بعرفو او شخص تاني مو واضح عندي التفاصيل.. فإذا كنت المحروم نفسو فيعني مين انا لحتى اعطيك اسلوب شغال؟ اتوقع حضرتك اردني صح؟ ههههه الصراحة فتت بالحيط ماعم اعرفك سوري ماعم اعرفك اردني بس شرفني مرورك بكل الاحوال وبرجع بقلك لو كنت المحروم يلي بعرفو فاكيد مو انا يلي ممكن اعطيك اسلوب لانو ما شاء الله عليك اسمك لمّاع |
رد: المعتمدين على تحليل الاندكسات
مساء الخير عايز تستفيد من الاندكسات اوي ركز على اندكس الدولار و اليورو .. بهم حركة 60 الى 70 % من حركة السوق .. فالدولار يقود العملات الرئيسية و كذلك الكروسات بشكل غير مباشر .. تقبل تحيتي |
رد: المعتمدين على تحليل الاندكسات
اقتباس:
يا صديقي لهجات بلاد الشام قريبه على بعضها إذا بدك بحكي معك لبناني كمان مو بس سوري شو بك ما كلنا واحد وسمعت الشمس تهمس همس صباح الخير سوريا صباح الخير يا أرض الخير شمسك مين بطفيا تحياتي لك . |
رد: المعتمدين على تحليل الاندكسات
اقتباس:
اول شي بعتذر عن التأخير بالجواب صحيح والله معك حق اخي ممكن نستفيد من أيا شخص حتى لو كان عمره العملي اقل ,, أنا اسلوبي هو واحد بتعامل فيه مع الازواج ومع الاندكسات ومع سوق الفريز كمان هههههه هو اسلوب كاتب عنه من فترة طويلة طبعاً تحضيري الشخصي بس صارت ظروف قاهرة وما قدرت اكتب فيه لا كتاب ولا حتى اعيد تصوير فيديو للشرح بس بكل الاحوال معوض الشرح بالموضوع "حتى مابعرف اذا كان الشرح ممكن يفهم كتير" بس على العموم تفضل اخي الرابط وشوف الاسلوب ,, ورشة أسلوب الأراضي والحدود الصراحة لأ انا بعتمد على الاندكسات بشكل قريب كتير يعني في صفقات بكون داخلها ببصملك بالمليون انو رح تتحقق باذن الله لانو بهمني اعرف شمعة الزوج الحالية لوين ممكن تتوجه + شمعة الاندكسات للعملتين الموجودات بالزوج يعني بالمختصر انا بحلل اخر 10 شمعات كحد اقصى لاني ما بستعمل ترند وهيك امور ,, بستعمل دعوم ومقاومات وبشكل قريب كتير فـَ بقدر ادخل بصفقة منيحة بكون متأكد فيها من الزوج ومن الاندكسات بينما الترند والموجات بالغالب ما بتعطيك معلومة قريبة عن الوجهة الحالية السريعة للزوج ,, بمعنى اخر ممكن يصير عليك كسر نقاط بعدد محترم لو استعملت الترند والموجات بشكل مباشر بينما الدعوم والمقاومات لو بتعرف تستعملها صح بتفيدك وبالاغلب مارح تسكر شمعتك يلي داخل فيها الا وتكون صفقتك ايجابية "لو بتتعامل مع الدعوم والمقاومات بشكل ممتاز" هههه للأمانة بختلف معك كلياً بالنسبة للتحليل الفني,, انا كل انواع التحليل خانوني الا الفني "لما تعمقت فيه بشكل شخصي" والصراحة لو بدخل بنوع تحليل معين غير الفني بيني وبين حالي بعرف انو نسبة نجاح الصفقة منخفض الى متوسط ,, بس الفني غير شكل ,, اي والله يا اخي قول هي اللهجة هية اللهجة البيضة خفيفة نضيفة يسعد اوقاتك يارب اخي والاردن تنهدي لترابه عتابا ودخيل بوابه وعتابه والشرف بزيارته وببعده عنا عَتَبا واردننا يا شمس ماتعرف غياأأأأب |
| الساعة الآن 06:30 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com