|
الترندات
مش عارف ليه بحس انى برسم الترندات غلط اما بعملها على فريم 4 ساعات واجى اعدلها على الساعه والربع ساعه وهكذا بحس ان شكلها غلط ايه ابسط طريقه لرسمها
|
رد: الترندات
انك ترسم الترند على الاربع ساعات وتلتزم فيه على الاربع ساعات ؛)
|
رد: الترندات
الورشة التعليمية الرسمية لتعليم رسم واستخراج الترند من الشارت والمتاجره عليه Trend Line
هنا اتعلم و اسال بس بالنسبة اذا رسمت ترند على الاربع ساعات لا تعدله على الربع ساعة فبالربع ساعة قد تكون هناك شمعات هي ذيل شمعة للاربع ساعات اي إذا رسمت ترند على الساعة عدله على الساعة و اذاعلى اليومي عدله على اليومي و هكذا |
رد: الترندات
يعنى معلش انا مبتدىء ولسه بتعلم اما اكون عايز اشتغل اسكالبينج احنا بنعمل الترندات علشان نعمل قناه للسعر انا شفت الدكتور اسامه بيعمله على اربع ساعات ويعدله على الباقيين علشان يعمل قناه للسعر ولا انا فهمت غلط
|
رد: الترندات
اقتباس:
ده ترند واضح وصريح http://www.fx-arabia.com/vb/uploaded...1431067519.png لو انا عايز اعمل عليه قناة هاعملو على نفس الشارت ونفس الفريم مش هاروح لغير مكان زي كده http://www.fx-arabia.com/vb/uploaded...1431067648.png وخد النصايح دي يا حبيبي وقول احمد بزمانه قال ؛ 1- لما تشتغل على فريم خليك عليه يعني اربع ساعات اربع ساعات/ يومي يومي /ساعة ساعة/ ما تطلعش لبرا ..,, الا لما تفهم ماهو الفريمات اطلع لمحل ما انتا عايز لانو وقتها هاتعرف تتعامل مع الفريمات بشكل طبيعي اكتر 2- في الشركات مثلاً انا بحلل على fxdd وبدخل صفقات على exness ,, ده الغلط بعينه يا معلم عشان لكل شركة مزود عملات مختلف فخليك مع شارتك سواء بالنسبة للشركات وسواء بالنسبة للفريمات وسواء بالنسبة للازواج يعني انا لما افتح اليورو ين هاشوفه صاعد بس لما اشوف اليورو دولار هاشوفه هابط ,, طيب انا هادخل على اساس ان اليورو صاعد ولا هابط؟؟؟ كبعاً الاجابة لا صاعد ولا هابط لانو باليورو دولار هاتعامل معه بناءاً على هبوطه فادخل بيع واليورو ين هادخل بناءاً على صعوده شراء بالتوفيق يارب وفي أي حاجة خليك ملتزم بالشارت نفسه يعني شارت التحليل لازم يكون هو هو يلي بنيت عليه كل معطياتك وهاتدخل بناءاً على معطياتك فقط |
رد: الترندات
بس فى السكالبينج بيفضل انك تشتغل على فريم الربع ساعه صح وتعمل فيه القناه والترند وكله صح؟
|
رد: الترندات
اقتباس:
بالضبط يا غالي الربع ساعة هو فريم مستقل يمكن الاعتماد عليه لوحده واكيد الشغل معاه هايكون للسكالبينغ واعمل عليه قنوات ترندات دعوم ومقاومات اي حاجة تريدها حضرتك شغال وهيشتغل |
رد: الترندات
متشكر ليك يا باشا بس انا شفت فيديو فيه الموفينجات 55 و 200 وفيديو تانى فيه 100 و 200 على اى اساس اخترنا وليه غيرناهم تانى
|
رد: الترندات
اقتباس:
العفو يا حبيبي شوف هيا الموفينجات لو حطيت 999 و 700 هايشتغل معاك ولو حطيتهم 100 و 60 هايشتغلو معاك بردو واي شخص بيحط الموفينجات يلي هو حاببها بالنسبة للدكتور ,, هو شافها مفيدة او ذوات ارقام نفسية يمكن مش متذكر الدرس كويس ولكن ال 55 وال 200 هيا وفق نظرته كانت الانسب وال100 مع 200 هيا ارقام نفسية وكمان هيا تاخد نسبة اسعار لشريحة كبيرة يعني الاول بيحسب 100 شمعة والتاني بيحسب 200 شمعة فهو سعر لشريحة كبيرة من الزمن فممكن يكون محترم اكتر من جهة السعر بينما فعلياً أيا موفينج بيشتغل مع السعر بالنسبالي مثلاً بستعمل 35 و 200 ومش عارف ليه بس حبيت الارقام دي الصراحة وممكن مع الايام اغيرهم وممكن لا ,, انا اساساً مش بعتمد المؤشرات لذلك الشغلانة واقفة على اعتمادك انتا وحسب رؤيتك للارقام اللي بتعجبك او بتشوفها قوية |
رد: الترندات
بس مثلا يا ريس اما الدكتور اتكلم عن السكالبينج قال بنستخدم البولنجر والموفنجات والترندات اوقات بلاقى الموفنجات بره البولنجر خالص هل ده عادى وليه معنى معين
|
رد: الترندات
اقتباس:
|
رد: الترندات
امال ايه الاعتماد الرئيسى
|
رد: الترندات
اقتباس:
الاعتماد الرئيسي بيكون على حركة السعر .. ازي يعني ؟؟ يعني انا شايف السعر بيتحرك هاتعامل معه ازاي؟؟ اما بالترندات واما بالدعوم والمقاومات او غير ادوات برسمها انا بناءاً على حركة السعر ,, يعني انا شايف السعر عمل قمة او مقاومة ,,, المقاومة بحد ذاتها هيا حركة السعر هاستفيد منها ازاي ؟؟؟ هارسم عنديها مقاومة لو اخترقها السعر واغلق فوقيها هاعتمد عليها ,,, ليه ؟؟؟ عشان السعر قلي اعمل كده يا احمد عن طريق حركته يلي عملتلي مقاومة يعني السعر بيتحرك انا بشوف بيتحرك ازاي وبتعامل مع حركته بينما المؤشرات بتعتمد على مقدار حركته يعني النقاط اللي بيعملها السعر بس الشغل الصح هو الاعتماد على حركة السعر مش مقدار حركة السعر ,, *حركة السعر هو السلوك يعني الهبوط والصعود ,,, تشكيل المقاومة وتشكيل الدعم ,, مقدار حركة السعر ,, يعني السعر اتحرك كام نقطة لذلك انا ماليش علاقة بتحركه لان السعر ممكن يتحرك اليوم 700 نقطة وبكرة هايتحرك 100 طيب انا حسابي هنا تمام ومربح؟؟؟ اكيد لا عشان بعد بكرة هايكون عندي فجوة في التعامل بين ال 700 نقطة وال100 بينما لو اشوف السعر اتحرك ازاي وكسر مستويات عشان يزو المستويات التالية ولا لسا ,, هنا الشغل الصح لانو لو السعر عمل 100 نقطة ولا 999 نقطة هايتحرك نفس الحركة يلي هيا الانتقال من مستويات الى مستويات تانية |
رد: الترندات
اشكرك جدا احمد بيك عندى استفسار تانى انا لو عملت ايداع ب 50 دولار والرافعه 1.2000 كام هيكون حسابى وهقدر اتاجر بكام وايه فايده الرافعه فى الحاله دى
|
رد: الترندات
اقتباس:
شوف اخي اكون معاك صريح ومش هاعطيك جرعة امل مزيفة ,,, انتا لو عملت ايداع بمليون دولار دلوقتي وصرت تدخل بعقود 0.01 هاتخسر المليون كلها عشان انتا لسا ماعندكش الخبرة الكافية في التعامل مع السوق ,, خلينا نعتبر الفوركس مهنة زي اي مهنة في الدنيا زي المكنسيان مثلاً ,, اكيد المكنسيان لو كان في كتاب و فيديوهات عن المهنة دي وجالنا راجل حب يتعلم المهنة دي وتابع الفيديوهات وقرا كل الكتب ,, وجينا للتطبيق العملي ,, اكيد 100% الزلمة ده مش هايعرف يفك برغي عشان ملوش تجربة عملية في المجال ده وهنا نفس الشيء ,,, لو ايدك ما خدتش على المجال ده هاتخسر لذلك عندك حلول متعددة وكله بيصب بمصلحتك يا غالي 1- حسابات التجربيبية 2- بس بالحسابات التجريبية هاتدخل بلا مبالة عشان المال وهمي ومش هاتخسر حاجة ومش هاتخاف على الفلوس لذلك مافيش مصداقية بشعور الديمو اذا عملنا مقارنة بينه وبين الحسابات الحقيقية ,, لذلك انتا عايز تجرب الحسابات الحقيقية 3- في حاجة معظم ما قرأت عن الشباب المبتدئين وانا كنت منهم ,, تغاضو عنها ومع انها مفيدة جداً وهي حسابات السنت ,, وفي الحسابات دي 10 دولار بتشوفها 100 دولار على المنصة طيب هاتعمل ايه دلوقتي ؟؟؟ خد وقتك على الديمو لحدما تاخد ايدك ولما تشوف نفسك قدرت على السوق افتح حساب بالسنت وتاجر ب 10 دولار وهاتكون بالمنصة 100 دولار مش بس 10 لذلك مفيدة هي في موضوع تزويد المتاجر بشعور الحسابات الحقيقية ولكن باقل الاضرار الممكنة اما موضوع الرافعة لازم تعرف انتا هاتشتغل ازاي ؟؟ في ناس بتحب ما تخسرش كتير من حساباتها وبتدخل رافعة 200:1 يلي بتحجز من حسابك تقريباً 25 دولار لصفقات اللوت فيها 0.1 كمارجن (طبعاً نسبة متفاوتة حسب الازواج) وفي ناس بتوثق بشغلها فبتاخد رافعة 2000:1 بتحجز منها 2.5 دولار في صفقات اللوت فيها 0.1 فالرافعة هيا بتحدد قيمة المارجن المحجوز وكلما كبرت الرافعة كلما كان المارجن اقل |
رد: الترندات
يعنى انا لو عملت حساب تجريبى بايداع 50 دولار والرافعه 1.2000 هيظهرلى انى اقدر اتاجر ب 100 الف دولار؟ايه افضل رافعه اختارها وهيظهرلى انى اقدر اتاجر بكام
|
رد: الترندات
بعتذر بشدة اخي عن التاخير ؛؛ هي ال 2000 دولار لكل دولار مش هاتطلعلك بس ده الكلام يلي بيصير ورا الكواليس فعلياً بس انتا قدامك 50 دولار وهاتحسب على اساسهم ,, الرافعة بالنسبة لحضرتك فقط تختص بقيمة المارجن يعني هايحجز منك كام لما تفتح صفقة ؟؟؟ هي دي اللي بتعمله الرافعة وكلما كبرت الرافعة كلما كانت قيمة المحجوز اقل ,, في ناس بتحب يكون قيمة المحجوز كثيرة عشان لما تخسر لا سمح الله ما تخسرش الحساب كلو ويبقى فلوس شوية وفي ناس تحب يا تخسر كل حاجة يا تكسب كل حاجة لذلك بتستعمل الرافعة الكثيرة وفي ناس واثقة من نفسها وبشغلها ومن اسلوبها ومش سآلة على الرافعة سواء حجزت اقل او اكثر لا يهمهم ولكن في بعض الاحيان يحتاجون رافعة عالية عشان يكون قيمة المارجن اقل شو انا برأيي تبقى ديمو وتفتح المبلغ اللي انتا عاوزه بس مبدأياً افتح ب50 دولار ولا تكتر المبلغ عشان تفهم كويس السوق عامل ازاي واختار رافعة 2000:1 مبدئياً واوعدك بعدها ربما هاتفهم الطريقة ان شاء الله |
رد: الترندات
أخى الكريم التزم بالفريم الزمنى اللى بتتاجر عليه ولا تنخدع بالفريمات الأقل فأحيانا الشموع الصاعدة والهابطة على الفريمات الصغيرة تكون ذيول للفريمات الكبرى,, أما اذا كنت تحلل عالفريم الكبير ممكن ترجع للفريم الأقل لتحسين مستويات نقطة الدخول ومتابعة حركة السعر أو إذا كان تحليلك موجى .. تقبل تحياتى :1 (58): |
رد: الترندات
انا لسه بتعلم ارسم ترندات وعايز ملاحظاتكم معايا
http://www.fx-arabia.com/vb/uploaded...1432218896.png |
| الساعة الآن 12:17 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com