|
أكسيبرت استراتيجيه رقميه سهله
1 مرفق
السلام عليكم,
ندخل في الموضوع علي طووووول و انا بدور علي استراتيجية ممكن تكون مربحة, وجدت في المنتدي استراتيجية د.فؤاد و فكرتها سهلة و مش معقدة و الاستراتيجية ممكن تجدوها في اللينك ده استراتيجيه رقميه سهله وربحها مضمون 100%+رينكو طبعا قعدت قريت ال 278 صفحة و وجدت ان خلاص مفيش متابعة ليها. بس عجبتني فكرة الاستراتيجية فعملت ليها اكسبيرت, طبعا لو حد دخل و شاف الورشة هيلاقي اكتر من اكسبيرت و كان بيشتغل علي الرينكو او يعتمد علي المؤشر يرسم الخطوط. الاكسبيرت المرفق بيشتغل علي الشارت العادي من غير اي تعديل و مش محتاج اي مؤشرات و هو بيرسم الخطوط. طبعا محدش يجرب علي الحساب الحقيقي, اللي يجرب ديمو بس طبعا ممكن يكون في تعديلات كتير او اافات في الاكسبيرت و انا ان شاء الله هحاول اعملها علي قدر المستطاع الاكسبيرت في المرفقات, و كل اللي بطلبوا منكم انكم تصلوا علي سيدنا محمد و تدعولي ربنا يوفقني و تدعوا لوالدي ربنا يرحمه و مستني اي تعديلات في الاكسبيرت |
رد: أكسيبرت استراتيجيه رقميه سهله
اللهم صلى وسلم عليك يارسول الله بارك الله فيك اخى الكريم ورحم والدك واسكنه فسيح جناتة وشكرا لك اخى الكريم لنفع اخوانك تحياتى لشخصك الكريم |
رد: أكسيبرت استراتيجيه رقميه سهله
ربنا يكرمك ان شاء الله بس المشكله لازم حضرتك تدينا فكره عامه عن الاستراتيجيه الهدف والاستوب متى الدخول والخروج على اى فريم كل دى اسئله مهمه عشان نقدر نتابع الاكسبرت لان لو الاسئله دى مش معروفه هنتبعه ازاى وهنعرف فيه خطأ ولا لأ وشكرا على مجهودك
|
رد: أكسيبرت استراتيجيه رقميه سهله
شكرا احضرتك , و ربنا يبارك فيك و يكرمك ان شاء الله. و نستفيد جميعا من الاستراتيجية
|
رد: أكسيبرت استراتيجيه رقميه سهله
اقتباس:
|
رد: أكسيبرت استراتيجيه رقميه سهله
السلام عليكم.
الاستراتيجية زي ما قلت, هي للدكتور فؤاد. و هي سهلة و بسيطة ان شاء الله. المفروض بنرسم خطوط افقية المسافة بينها 25 نقطة يعني مثلا لو سعر EURUSD سعره 1.12935 هنشيل اول 3 ارقام من اليمين و تبقي 1.12000 و نرسم خطوط بقي كل 25 نقطة يبقي عند خطوط 1.12000 , 1.11750 ,1.12000,1.12000,1.13000,1.12750,1.12500,1.12250,1 .11250,1.11500 طبعا عدد الخطوط اكتر. و المفرو الاستراتيجية علي شارت الرنكو بتقول الاتي لو في شمعة رنكو اخترقت اي خط من اسفل لأعلي و قفلت فوق الخط ,فان السعر هيستمر حتي يصل للخط او المستوي الاعلي يعني المفروض نشتري و العكس لو في شمعة اخترقت مستوي من اعلي لاسفل و قفلت تحت الخط , فأن السعر سوف يهبط حتى يصل للمستوي الاقل يعني المفروض نبيع الاستوب لوس بتكون المستوي الاعلي في حالة البيع و المستوي الاقل في حالة الشراء و التاك بروفيت بتكون المستوى الاعلي في حالة الشراء و المستوي الاقل في حالة البيع الاكسبيرت المرفق في اول مشاركة, بيشتغل علي الشارت العادي دقيقة واحدة , و برده هيقوم برسم الخطوط بخصوص الاستوب لوس و التاك بروفيت , انا مثبتهم زي ما شرحت فوق المستوي الاعلي و الاقل. طبعا ممكن اخليهم متغيرات برة و ده هيكون في التعديل القادم ان شاء الله. لو في حاجة مش واضحة ممكن اعيدها بطريقة تانية ان شاء الله. ملحوظة: انا ارفقت الاكسبيرت في اول مشاركة حتى قبل ما اشرح الاستراتيجية, و ده علشان انا مش غرضي تشويق او كثرة مشاركات, انا اللي عايزة نطور الاكسبيرت بافكار حتى نستفيد جميعا ان شاء الله. و اخيرا لا تنسوني بدعوة بظهر الغيب و دعوة لوالدي رحمه الله. |
رد: أكسيبرت استراتيجيه رقميه سهله
شكرا اخي ممكن طريقة تركيب الاكسبريت وتشغيلة علي المنصة
|
رد: أكسيبرت استراتيجيه رقميه سهله
اقتباس:
حضرتك بتفتح المنصة . بعد كدة قائمة file بعد كدة open data folder هتلاقي فولدر اسمه mql4 هتفتحوا بعد كده فولدر اسمه experts هتنسخ الاكسبيرت اللي في اول مشاركة فيه. بعد كده ترجع للمنصة . و تفعل المتاجر الالي , و تفتح الشارت الدقيقة. هتروح لقيمة ال Navigator بعد كده تعمل كليك يمين علي expert advisor و بعد كده تختار refresh هتلاقي الاكسبيرت اسمه MN_RML_Renko_Scalp هتسحبه و تحطه علي الشارت بنفس الاعدادات الاساسية من غير اي تغير هيشتغل ان شاء الله. |
رد: أكسيبرت استراتيجيه رقميه سهله
طب سؤال تانى لو سمحت انت ليه عدلت فى الاستراتيجيه وخلتها على الشارت العادى مش الرينكو.................................هل فيه هدف ولا بتجرب ولا لقتها احسن معلش اسألتى كتير بس عشان اتابع معاك وتنا شغلت الاكسبرت على السرفر بس الحاجات دى مهمه عشان اقدر اديك تعليقات على الاكسبرت ان شاء الله تكون كويسه والناس تستفاد منها
|
رد: أكسيبرت استراتيجيه رقميه سهله
طيب بوص يا سيدى اول غلطه انه مثلا المفروض لما يكسر 1.3000 المفروض يدخل بيع صح ولا ايه على حسب شرحك , الاكسبرت دخل باى يعنى بيدخل خطا دى الغلطه الاولى
الغلطه التانيه لما بيدخل باى اوسل بيحط التيك بروفت صح لكن بيحط لاستوب خطأ ودايما بيحطه 0.50500 |
رد: أكسيبرت استراتيجيه رقميه سهله
اقتباس:
وبرده عندى استفسار هل الشمعه لازم تقفل تحت الخط بالجسم كله عشان الاكسبرت يشتغل ولا بمجرد الكسر الاكسبرت بيدخل |
رد: أكسيبرت استراتيجيه رقميه سهله
اقتباس:
انا شخصيا بحب الرينكو لأن الشارت بيكون واضح بس الاستراتيجية غالبا بتشتغل علي اكتر من زوج في نفس الوقت , تقريا 6 ازواج, كدة هتفتح 12 شارت تاني حاجة بيكون في تأخير في الرينكو delay و ده بيخلي فتح الصفقة متأخر (الكلام ده موجود في الورشة اللي فيه الاستراتيجية في اول مشاركة) تركيب الرينكو و الشغل عليه صعب لناس كتير, و بياخد من resources الجهاز و خصوصا مع كثرة عدد الازواج تاني سبب بالنسبالي ده الاهم. و انا اصلا اول نسخة من الاكسبيرت عملتها كانت شغالة علي الرينكو, بس النتائج كانت مش مبشرة اوي, انما لما اشتغلت علي الشارت العادي النتائج افضل. شغلت الاكسبيرت النسخة الاولي علي سيرفر بس النتائج مش كويسة الصراحة. النسخة الثانية اللي بتشتغل على الشارت العادي من امبارح مشغلها علي سيرفر . لو في اي حاجة مش واضحة اسأل و ان شاء الله اقدر اجاوب |
رد: أكسيبرت استراتيجيه رقميه سهله
اقتباس:
و بالنسبة للغلط في فتح الصفقة , لو ممكن ترفق صورة بس توضح لأاني من امبارح مجرب الاكسبيرت و بيفتح صح , ممكن اكون مش مظبط الحالة دي فاعدلها في النسخة الجاية. |
رد: أكسيبرت استراتيجيه رقميه سهله
1 مرفق
السلام عليكم.
ده تعديل في النسخة السابقة في الاكسبيرت. الستوب لوس و تايك بروفيت أيضا شروط الدخول اتغيرت علشان بدون الاخلال بالاستراتيجية, علشان لو في رالي تلحق تفتح معاه الاكسبيرت في المرفقات. و مستني الاقتراحات و التعديلات ان شاء الله و اخيرا لا تنسوني بدعوة بظهر الغيب و دعوة لوالدي رحمه الله. |
رد: أكسيبرت استراتيجيه رقميه سهله
|
رد: أكسيبرت استراتيجيه رقميه سهله
طبعا سبحان الله الصفقه كسبت بس مش ماشيه مع الشروط ولا انا فهمت خطأ
|
رد: أكسيبرت استراتيجيه رقميه سهله
يبدوا ان الشروط معكوسة
بمعنى انه لم تتوفر شروط الشرا يدخل بيع و العكس ممكن ترفق الاكسبيرت مفتوح الكود لعل احد المبرمجين يساعدنا |
رد: أكسيبرت استراتيجيه رقميه سهله
اقتباس:
الواضح من الصورة انو فتح الصفقة قبل الكسر علشان شرط كنت حاطو مش مظبوط. انا هعدل الاكسبيرت و انزل نسخة معدلة تانية . |
رد: أكسيبرت استراتيجيه رقميه سهله
1 مرفق
السلام عليكم.
دي نسخة تالتة من الاكسبيرت تم تعديل كود شروط الدخول . و ان شاء الله تكون مظبوطة. ارجو تجريبتها و لو في اي مشاكل اعدلها ان شاء الله و اخيرا لا تنسوني بدعوة بظهر الغيب و دعوة لوالدي رحمه الله. |
رد: أكسيبرت استراتيجيه رقميه سهله
اقتباس:
الشروط مش معكوسة لأاكثر من سبب :D اول حاجة ان الاكسبيرت مش شغال على الشموع بمعني لازم يدخل صفقة كل شمعة فلو مش تحققت شروط بيع يدل شراء او العكس تاني حاجة الصورة المرفقة, الصفقة حصلت قبل القطع الخط اصلا, و في اخر نسخة في المرفقات ممكن تلاقي اخر نسخة بعد التعديل شكرا |
رد: أكسيبرت استراتيجيه رقميه سهله
استراتيجة رائعة جدا شكرا جزيلا على مشاركتها
|
| الساعة الآن 08:07 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com