اف اكس ارابيا..الموقع الرائد فى تعليم فوركس Forex - استفسار شباب بخصوص افضل بنك يصدر ديبيت كارد يتعامل في الفوركس

اف اكس ارابيا..الموقع الرائد فى تعليم فوركس Forex (https://fx-arabia.com/vb/index.php)

- منتدى تداول العملات العالمية العام (الفوركس) Forex (https://fx-arabia.com/vb/forumdisplay.php?f=2)

- - استفسار شباب بخصوص افضل بنك يصدر ديبيت كارد يتعامل في الفوركس (https://fx-arabia.com/vb/showthread.php?t=41183)

faridns

30-07-2014 04:53 PM

استفسار شباب بخصوص افضل بنك يصدر ديبيت كارد يتعامل في الفوركس

السلام عليكم

كنت اريد معرفة افضل بنك تتعاملوا معة و تحولوا لشركات الفوركس عن طريقة و يصدر بطاقات debit card اي المطبوع عليها اسم العميل و ليس الجفت كارد ,, انا كنت في بنك nsgb و تم غلق حسابي في البن من فترة و سألت في بنك كريدي اجريكول لم اجد الا جفت كارد متوفرة لديهم و ايضا كريدت كارد و انا لا اريد ان اتعامل ببطاقة ائتمانية الصراحة

اتمني ممن لة تجربة شخصية و يتعامل مع بنك يوفر لة ديبيت كارد و يتعامل بحرية مع شركات الفوركس ان يساعدنا و شكرا لكم مقدما

alaa67

30-07-2014 05:21 PM

رد: استفسار شباب بخصوص افضل بنك يصدر ديبيت كارد يتعامل في الفوركس

شوف ياسيدي انا بعد قرف بنك كريدي والعربي الافريقي اللي علي طول السيستم واقع
عملتها في بنك بيريوس وبتاخد البطاقه وعليها اسمك وتاني يوم حولت اللي انا عايزه وزي الفل مافيش اي مشاكل وبعدها بيومين سحبت باقي الفلوس من ماكينه البنك
والموضوع كله بالبنك حوالي نصف ساعه بياخد حوالي 30جنيه فتح حساب وتقريبا 30جنيه اواقل تمن البطاقه

faridns

30-07-2014 05:36 PM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة alaa67 (المشاركة 728600)

شكرا يا علاء علي ردك السريع

انا بستلم البطاقة بعد اد اية من يوم فتحي للحساب ,, و بالنسبة لتحويل الفلوس من الحساب الجاري للبطاقة نفسها لازم اروح البنك و لا عندهم اونلاين ؟ و بالنسبة لتحويلات الفوركس البنكية عادي عندهم و لاممكن يرخموا ,, و شكرا مرة تانية علي مساعدتك يا باشا

alaa67

30-07-2014 05:50 PM

رد: استفسار شباب بخصوص افضل بنك يصدر ديبيت كارد يتعامل في الفوركس

باقولك نصف ساعه معاك البطاقه ورقم حسابك وكل حاجه تمام وتاني تعمل التحويل تسحب فلوسك انت حر
تحول للفوركس تشتري اللي يعجبك من النت براحتك

faridns

30-07-2014 05:55 PM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة alaa67 (المشاركة 728618)

انا كنت اعرف ان الديبت كارد و الكريدت كارد في اي بنك بتاخد فترة اسبوع لانة بيعمل بطاقة عشانك مخصوص و مطبوع عليها اسمك ,, انت ازاي بيدهالك مطبوع عليها اسمك ؟؟ و لا هي بتبقا موجودة عندهم في البنك بطاقات كتير و بيديك واحدة برقم لان لو كدة حتبقا زي الجفت كارد بالظبط نفس الفكرة

faridns

30-07-2014 05:57 PM

رد: استفسار شباب بخصوص افضل بنك يصدر ديبيت كارد يتعامل في الفوركس

سؤال صغير يحسم النقطة دية ,, انت شرط تفتح حساب في البنك عشان تاخد البطاقة و لا بتشتريها لوحدها؟؟

faridns

30-07-2014 07:16 PM

رد: استفسار شباب بخصوص افضل بنك يصدر ديبيت كارد يتعامل في الفوركس

في انتظار باقي ارائكم

magdyabdo

31-07-2014 01:56 AM

رد: استفسار شباب بخصوص افضل بنك يصدر ديبيت كارد يتعامل في الفوركس

اضيف صوتى لصوتك انا فاتح حساب مع qnb وقالولى انهم مش بيقبلو التحويلات من شركات الفوركس
فمحتاج بنك يكون بيقبل التحويلات من غير ما افتح معاهم حساب جاري وحد ادنى 2000 جنيه والشغل ده

faridns

31-07-2014 02:25 AM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة magdyabdo (المشاركة 728723)

لان انتا طلبك غيري ,, اللي انت عاوزة دة سهل ,, و عن تجربة روح بنك كريدي اجريكول حتطلع بطاقة ب 50 جنية تقريبا و بتستلمها في نفس اليوم و و بتعمل فيها ايداع تقريبا ليك يوميا تعاملات ب 8000 جنية و تقدر تستعملها في شركات فوركس كتير و ددية في ناس كتير في المنتدي بيستعملوها اسمها جفت كارد

بس انا طلبي عشان الشركة اللي بتعامل معاها بتقبل كريدت كارد او ديبيبت كارد فقط و بترفض الكروت دية فلازم يكون في حساب جاري مربوط بالكارت

اتمني ممن لدية مثل هذة البطاقة الشبيهة ببطاقة فيزا انترنت في qnb اللي بتبقا مربوطة بالحساب الجاري يقولنا عليها

magdyabdo

31-07-2014 11:37 AM

رد: استفسار شباب بخصوص افضل بنك يصدر ديبيت كارد يتعامل في الفوركس

طب هل بيديني رقم حساب بنكي عشان احول الفلوس من شركات الفوركس او بنك سكريل عن طريق الحوالات البنكيه ولا بيديك ديبيت كارد بس ؟

faridns

31-07-2014 06:21 PM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة magdyabdo (المشاركة 728803)

لا ملهاش علاقة بالحساب البنكي ,, لو عايز تفتح حساب بنكي دة لوحدة ف كريدي اجريكول 3000 جنية حد ادني و في qnb 50 جنية تقريبا

faridns

31-07-2014 06:21 PM

رد: استفسار شباب بخصوص افضل بنك يصدر ديبيت كارد يتعامل في الفوركس

في انتظار باقي الاراء يا شباب هي كل الناس بتتعامل بالجفت كارد بس؟؟ يا ريت من ستعمل الديبيت كارد يساعدنا

hassan ebaid

31-07-2014 06:37 PM

رد: استفسار شباب بخصوص افضل بنك يصدر ديبيت كارد يتعامل في الفوركس

بص يا باشا الاخ اللى دلك على بيريوس كلامه كله صح
فعلا بتخلص كل حاجه بتفتح الحساب و بتاخد البطاقه عليها اسمك خلال ساعه بالكتير و تطلب منهم تفعيل البطاقه على الانترنت

faridns

31-07-2014 06:42 PM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة hassan ebaid (المشاركة 728896)

ما شاء الله شيء رائع جدا ,, انا حكلم خدمة عملاء البنك دلوقتي و اشوف

بس بخبرتك البنك بيحط ليميت في التعامل بيها و لا بيرخم عليك زي qnb كدة؟؟ و بالنسبة للتحويلات البنكية لاي شركة برة بيدققوا و لا مبتفرقش طالما انت اقل من 10000$ و شكرا جزيلا ليك

Mohamed_Amr

31-07-2014 06:51 PM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة faridns (المشاركة 728898)

ياريت تقولنا نتيجه مكالمتك مع خدمه عملاء البنك
عشان انا كمان عندى حساب فى qnp وعاوز اروح بنك تانى
وبالتوفيق اخى الحبيب

faridns

01-08-2014 03:17 AM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة Mohamed_Amr (المشاركة 728900)

انا كلمتهم و قالولي اني عشان افتح حساب جديد اودع 2000 جنية في الحساب و البطاقة فعلا بتطلع في نص ساعة و مطبوع عليها الاسم و ليميت الاستخدام اليومي لها 5000 جنية و قالي ممكن تقدم طلب في الفرع يرفعوها 12 الف جنية لكنة مش متأكد الطلب دة بيتنفذ مع افتتاح الحساب و لا لازم الحساب يمر علية فترة ,, و قالي ان خدمة الاونلاين في البنك عبارة عن مشاهدة فقط لتعاملات الحساب و لا يوجد بها اي خاصية لتحويل اي مبالغ بين الحسابات و البطاقة ,, و بالنسبة للايداع في البطاقة بتعملة عن طريق الفرع كل مرة و بيسمع فيها بعد 24 ساعة ,, بس الصراحة مش عارف البطاقة ممكن تشيل اد اية نسيت اسأل السؤال بدل ما اروح البنك كل يوم ,, دية كل المعلومات اللي عرفتها لحد دلوقتي ,, و لو في اضافات عن الكلام دة من عملاء البنك يساعدونا بية

sheto

01-08-2014 04:06 AM

رد: استفسار شباب بخصوص افضل بنك يصدر ديبيت كارد يتعامل في الفوركس

:1 (27):
افضل بنك هنا فى مصر بيريوس
بس فى قيود على فتح الحساب بسبب الاقبال على البنك
انا لما فتحت الحساب عملت وديعه 1000 جنية تستحق بعد 5سنوات
وتقدر تشتغل بى الفلوس كلها بعيد على الوديعه ودة اقل حاجة
وهوا فعلا بنك ممتاز على المستوى الشخصى
بالتوفيق ان شاء الله

faridns

01-08-2014 04:12 AM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة sheto (المشاركة 728969)

ما شاء الله

طب ناخد منك سؤالين في السريع كدة بخبرتك

اقصي ليميت للكارت بتاعك وصلتة لكام؟ هل هو ال 5000 جنية فقط و لا عليتة؟؟

هل بيتكلموا بأي صورة عن ان الفوركس مش مفضل في البنك

بالنسبة للتحويل الخارجي و انت بتحول في البنك بيبقا فية اسئلة كتير و لا الموضوع عادي

sheto

01-08-2014 04:21 AM

رد: استفسار شباب بخصوص افضل بنك يصدر ديبيت كارد يتعامل في الفوركس

اللميت معايا 5000 جنية ومزودش
ولما تتكلم معاهم عن الفوركس طبعا هيخوفك منة
بس الموظف بى لسانة قالى اقل من 10 الف دولار سحب مفيش مشكلة
اكتر من 10 الف دولار هيبعتك للبنك المركزى
وبالنسبة للتحويل مش هتقدر تعمل حوالة بنكية لشركة فوركس عن طريق البنك
انا بعمل الايداع عن طريق الفيزا والرسوم حوالى 2.8 على حد علمى

faridns

01-08-2014 04:28 AM

رد: استفسار شباب بخصوص افضل بنك يصدر ديبيت كارد يتعامل في الفوركس

اقتباس:

المشاركة الأصلية كتبت بواسطة sheto (المشاركة 728973)

وبالنسبة للتحويل مش هتقدر تعمل حوالة بنكية لشركة فوركس عن طريق البنك

بالنسبة للنقطة دية و هي مهمة جدا

هل رحت و حاولت تعمل التحويل و رفض الموظف يخليك تملا الطلب و تبعت الفلوس؟؟

faridns

01-08-2014 04:32 AM

رد: استفسار شباب بخصوص افضل بنك يصدر ديبيت كارد يتعامل في الفوركس

خد بالك موضوع ال 10 الاف دولار دة علي كل بنوك مصر ,, بس دة مش الاستقبال ,, دة الارسال ,, يعني لو حتستقبل مليون دولار هو ملوش انو يقولك حاجة لانة عارف مصدرهم ,, بس انك تخرج الفلوس برة مصر البنك المركزي مدي تعليمات للبنوك ان اقصي مبلغ شهري يطلع في تحويلات بنكية 10 الاف دولار و في السنة 100 الف دولار ,, دية مجرد ملاحظة و منتظر ردك علي النقطة السابقة

ابو بياس

01-08-2014 05:42 AM

رد: استفسار شباب بخصوص افضل بنك يصدر ديبيت كارد يتعامل في الفوركس

موضوع مهم جداا

ياريت الشباب الي بالاردن يفيدونا بالنسبه لنفس الموضوع

بصراحه هيك اسهل واريح بس هل هذا موجود ببنوك الاردن

ارجوا المساعده ..؟؟؟؟

الساعة الآن 04:33 PM