|
~¤§¦ *الدايفيرجينس ببساطة*¦§¤~!
~¤§¦ *الدايفيرجينس ببساطة*¦§¤~!
شرح الدايفيرجينس Divergence كثير من المتداولين و خاصةالمبتدئين لا يستعملون الدايفيرجينس في متاجرتهم لاعتقادهم انه شئ صعب جدا و معقد.. و يصعب فهمه او انه اداة فقط للمحترفين .. و يحتاج نسبة عالية من الذكاء لفهمه ( و هو ليس اي من ما ذكر ) و هم في هذا يفتقدون اداة من اقوي الادوات في التحليل الفني و التي تعطي المتداول اسبقية في التحليل و توقع الحدث قبل الاخرين مما يعطيه الافضلية عن الاخرين و يزيد ايضا من نسبة نجاح صفقاته |
رد: ~¤§¦ *الدايفيرجينس ببساطة*¦§¤~!
معني Divergence في اللغة الانجليزية
Divergence تعني اختلاف ( اختلاف في : الحركة .... الشكل ... الاراء .. الثقافة ... الخ) تباعد ( تباعد : بين نقطتين .. في الحركة ... في الاراء .. وجهات النظر .. الخ ) ================================================ و عكسها Convergence و تعني تقارب ( تقارب : بين نقطتين ... في الاراء .. في الحركة .. في الشكل .. الخ ) التقاء ( التقاء : في الاراء ... بين نقطتين ... في وجهات النظر .. في الافكار .. الخ ) ================================== و ما يهمنا هنا من هذه المشاركة هو انه عندما تسمع كلمة دايفيرجينس ان تترجمها انها تعني وجود اختلاف |
رد: ~¤§¦ *الدايفيرجينس ببساطة*¦§¤~!
مثل ما كلنا عارفين ان القطار يتحرك علي قضيبين
و القضيبين مصمميين هندسيا انهم دائما يكونوا متوازيين و المسافة بينهم واحدة يعني ان القضيب العلوي لو متجه لاعلي حتلاقي القضيب السفلي متجه معاه لاعلي و لو القضيب العلوي متجه لاسفل ... حتلاقي القضيب السفلي متجه معاه لاسفل و دائما المسافة بينهم واحدة http://im32.gulfup.com/LPUn1.jpg طب لو حصل عند نقطة معينة و القضيب العلوي كان متجه لاعلي لكن القضيب السفلي كان متجه لاسفل يعني حصل اختلاف (تباعد ) ( دايفيرجينس ) بين مسار القضيبين ( واختلاف زي ما عرفناه باللغة الانجليزية يعني دايفيرجينس) و كان القطار قادم تفتكر حييحصل ايه للقطر؟ حينحرف القطار عن مساره و ممكن يحدث انقلاب للقطار http://im18.gulfup.com/y2Dv1.jpg طيب لو انت قاعد و شايف المكان اللي حصل فيه التباعد بين القضيبين حتقدر تتنبأ ان القطار القادم (لو فضل التباعد بين القضيبين موجود و لم يتم اصلاحه) ان القطار سوف ينحرف عن مساره و ممكن ينقلب |
رد: ~¤§¦ *الدايفيرجينس ببساطة*¦§¤~!
تابع- الدايفيرجنس
طييب ايه العلاقة بين القطار و القضيبين و الفوركس؟ تعالي نتخيل ان قضيب القطار العلوي هو السعر و قضيب القطار السفلي هو المؤشر و ان القطار هو حركة السعر او الترند الحالي يبقي طالما القضيبين العلوي و السفلي اللي هما هنا السعر و المؤشر ماشيين متوازيين مع بعض ( زي ما دايما نسمع جملة المؤشر يتبع السعر ) حتلاقي القطار اللي هو حركة السعر او الترند ماشي بسلاسة في اتجاهه(الترند الحالي) من غير مشاكل طيب لو عند نقطة معينة زي ما شرحنا في مثال القطار لو انحرف احد القضيبين عن الاخر مثلا القضيب العلوي اتتجه لاعلي و القضيب السفلي اتجه لاسفل يعني هنا السعر انحرف في مساره عن المؤشر مثلا تحرك السعر لاعلي و في نفس الوقت تحرك المؤشر لاسفل و زي ما قمنا بتسمية هذا التباعد او الاختلاف في مسار القضيبين دايفيرجينس بالمثل حنسمي اختلاف حركة السعر عن المؤشر دايقيرجينس و بالمثل زي ما قلنا في مثال القطار ان لو حصل تباعد بين القضيبين حيحصل انحراف لمسار القطار اللي هو هنا حركة السعر او الترند و ممكن ينقلب القطار بالمثل هنا لو حصل الانحراف و الاختلاف ( دايفرجينس )بين مسار المؤشر و السعر حتلاقي تغير او انقلاب في حركة السعر او االترند الحالي و بالمثل لو انت شايف الانحراف او الاختلاف في المسار بين السعر و المؤشر اللي هو الدايفيرجينس يبقي ممكن تتنبأ او تتوقع حدوث تغير في مسار حركة السعر او الترند الحالي قبل حدوثه |
رد: ~¤§¦ *الدايفيرجينس ببساطة*¦§¤~!
لو انت دلوقتي قاعد و شاشة الكمبيوتر امامك
حتلاقي السعر في النصف الاعلي من الشاشة ... و المؤشر في النصف الاسفل و حتشوف ان كل ما السعر يصعد لاعلي ... المؤشر يصعد معاه لاعلي و كل السعر لما يهبط ....ينزل معاه المؤشر لاسفل و هو ده الطبيعي ( زي ما بنسمع دائما .. ان المؤشر يتبع السعر ) |
رد: ~¤§¦ *الدايفيرجينس ببساطة*¦§¤~!
تابع-الدايفيرجينس
تعالي نغير الشارت من شموع يابانية الي Line chart حتلاقي تقريبا ان شكل السعر هو شكل المؤشر و انهم بيتحركوا مع بعض ( في معظم الوقت ) في نفس الاتجاه |
رد: ~¤§¦ *الدايفيرجينس ببساطة*¦§¤~!
يبقي اول نقطة واضحة لنا هنا انه المؤشر و السعر بيمشوا مع بعض ( ده المفروض )
1- بحيث اان السعر لما يعمل هاي ...يقوم المؤشر يعمل هاي مثله 2- و لما السعر يعمل لو..يقوم المؤشر يعمل لو مثله 3- وبعدين لما السعر يعمل هاي اعلي من الهاي الاولي للسعر( هاير هاي)... ييقوم المؤشر عامل هاي اعلي من الهاي الاولي للمؤشر( هاير هاي) 4- و بعدين للما السعر يعمل لو اعلي من اللوو الاولي للسعر ( هاير لو).. يقوم االمؤشر عامل لو اعلي من اللو الاولي للمؤشر(هاير لو) |
رد: ~¤§¦ *الدايفيرجينس ببساطة*¦§¤~!
العكس في حالة الترند الهابط
1- لما السعر يعمل لو ( قاع ) ... يقوم المؤشر يعمل لو ( قاع ) 2- و بعدين يرجع السعر يعمل هاي ... يقوم المؤشر عامل هاي 3- و لما يعود السعر يعمل لوور لو ( قاع اقل من القاع الاول ) عن اللو الاولي للسعر ... يقوم المؤشر عامل لوور لو عن اللو الاولي للمؤشر 4- و بعدين لما السعر يعمل لوور هايي ( هاي اقل من الهاي الاولي ) عن الهاي الاولي للسعر ... يقوم المؤشر عامل لوور هاي عن الهاي الاولي للمؤشر و هكذا |
رد: ~¤§¦ *الدايفيرجينس ببساطة*¦§¤~!
طالما هذا التوافق بين الهاي و اللو للسعر و المؤشر موجود
يببقي كل شئ سليم و الترند متوازن و مفروض يكمل السعر في الاتجاه اللي ماشي فيه لكن لو حصل اختلاف في حركة المؤشر و السعر يبقي هنا عندنا حالة الدايفيرجييننس |
رد: ~¤§¦ *الدايفيرجينس ببساطة*¦§¤~!
يبقي الدايفيرجيينس
هو اختلاف في الحركة ( الاتجاه ) بين السعر و المؤشر يبقي السعر بيعمل هاير هاي و طالع فوق (ترند صاعد) و المؤشر بيعمل لوور هاي و نازل عكس حركة السعر او السعر بيعمل لوور لو و نازل لتحت ( ترند هابط) و المؤشر بيعمل هاير لوو و طالع لفوق --------------------------------------------------------------- او العكس بالنسبة للسعر و للمؤشر يعني لو عكسنا اللي فوق ووضعنا المؤشر الاول و وضعنا اللسعر الثاني .. برضه حتبقي حالة دايفيرجينس كالاتي يبقي المؤشر بيعمل هاير هاي و طالع فوق و السعر بيعمل لوور هاي و نازل عكس حركة المؤشر او المؤشر بيعمل لوور لو و نازل لتحت و السعر بيعمل هاير لوو و طالع لفوق ------------------------------------------------------------------ و في الحالتين (بالعامية تلاقيي المؤشر ماشي عكس السعر) و لما يحدث هذه الحالة زي ما وصفناها بنسسميها دايفرجينس ---------------------------------- و مش لازم تحفظ الكلام ده باختصار شديد لما ترسم خطين كما سيتم شرحه و لقيتهم عكس بعض يبقي ده دايفيرجينس ================================ طريقة رسم خطوط الدايفيرجينس 1- نرسم خط من الهايات علي السعر 2- و نرسم خط اخر علي المؤشر من الهايات المقابلة للهايات اللي رسمنا منها الخط علي السعر او 1-او نرسم خط من اللوهات علي السعر- 2- ثم نرسم خط اخر علي المؤشر من اللوهات المقابلة للوهات اللي رسمنا منها الخط علي السعر ----------- ولو لقينا في اي حالة ان الخطين في اتجاه واحد يبقي ما فيش دايفيرجينس لكن لو كان الخطين في اتجاهين مختلفين ( ماشيين عكس بعض) يبقي هنا عندنا حالة دايفيرجينس ==================================== هام جدا عند رسم الخطين لابد ان يكونا من الهايات المتقابلة ( هاي المؤشر مع الهاي المقابلة لها علي السعر ) .. .. او اللوهات المتقابلة ( لو المؤشر مع اللو المقابلة لها علي السعر |
رد: ~¤§¦ *الدايفيرجينس ببساطة*¦§¤~!
ملخص سريع
ان شاء الله المفروض بعد هذا الشرح البسيط اللي فات اننا نكون قد عرفنا و فهمنا الاتي 1- ان الدايفيرجينس هي حالة بيمشي فيها السعر في اتجاه... و يمشي فيها المؤشر في اتجاه اخر ----------- 2- عندما نرسم خطوط الدايفيرجينس بنبحث عن قمم ..او .... قيعان... علي السعر ..و نوصل بينها ( القمم مع القمم ... او قيعان مع القيعان ) ثم نبحث عن القمم المماثلةعلي المؤشر ... للقمم اللي رسمنا منها علي السعر .. (لو كنت رسمت من القمم علي السعر9 و نوصل بينها او نشوف قيعان مماثلة علي المؤشر ... للقيعان اللي رسمنا منها علي السعر ( لو كنت رسمت من القيعان علي السعر ) و نوصل بينها ------------- 3- لو كان هناك اختلاف في اتجاه الخطين ( مثلا الخط علي السعر متجه لاعلي و الخط المماثل له علي المؤشر متجه لاسفل .. او العكس ) بنقول ان احنا عندنا حالة دايفيرجينس ( و طبعا احنا عرفنا معني كلمة دايفيرجينس بالانجليزي و معناه اختلاف) |
رد: ~¤§¦ *الدايفيرجينس ببساطة*¦§¤~!
بعد ما عرفنا معني الدايفيرجينس ...و قلنا انه هو حالة يحدث فيها اختلاف في اتجاه الحركة بين السعر و المؤشر
و قلنا كمثال انك تلاقي مثلا السعر يتحرك لفوق..... و تلاقي المؤشر يتحرك لتحت ... او العكس . =========================== و بعدين عرفنا ازاي نرسم الدايفيرجينس علي الشارت ... و قلنا اننا لو بنرسم خط علي الهايات علي السعر .. يبقي نرسم خط اخر من الهايات المقابلة له علي المؤشر . و لو بنرسم خط من اللوهات علي السعر .. يبقيي نرسم خط اخر من اللوهات المقابلة علي المؤشر و لو فيه اختلاف في الاتجاه يبقي عندنا حالة دايفيرجينيس |
رد: ~¤§¦ *الدايفيرجينس ببساطة*¦§¤~!
واحد دلوقتي ممكن يسالني. و يقول
. انت قلت ان الدايفيرجينس بيحدث نتيجة اختلاف الاتجاه بين حركة السعر و المؤشر صح ولا مش صح؟ فاحرد عليه و اقول له .. الله ينور عليك كلامك صح بالتاكيد ---------------- فحيقولي مش احنا دايما بنسمع جملة ان المؤشرات بتتبع السعر .. يعني السعر يطلع لفوق .. يطلع معاه المؤشر .. ينزل السعر لتحت ينزل معاه المؤشر لتحت .. تمام ده و لا مش تمام؟ حارد عليه و اقول له هو ده المفروض ----------------- حيقولي طب فهمني بقي ازاي المؤشر اللي مفروض بيتبع السعر ... بيمشي في انجاه عكس حركة السعر حاقول له .. لان المؤشر لا يقيس حركة السعر ....و لكن المؤشر بيقيس معدل سرعة التغير في السعر -------------------------- حيقولي .. بصراحة مش داخلة دماغي و مش قادر اتخيلها ممكن توضح اكثر حاقول له مافيش مشاكل .. انا برضه كنت مش فاهمها في الاول و مش متخيلها |
رد: ~¤§¦ *الدايفيرجينس ببساطة*¦§¤~!
تعال نشوف المثال ده
لو انت سايق العربية بتاعتك و مسافر من بلد في الجنوب و متجه الي بلد في الشمال مثلا و طلعت علي الطريق فانت حتاخد الاتجاه اللي متجه للشمال علشان توصل للبلد اللي انت رايح لها ----------------------------- و لو انت سايق و بتراقب عداد السرعة كل 15 دقيقة ( خايف من الرادار ) حتلاقي مثلا انك بدات الطريق بسرعة 50 كيلومتر/ساعة ..و بعدين و انت لسه نشيط و عايز توصل بسرعة فزودت السرعة .. و بعدها ب 15 دقيقة بصيت علي المؤشر و هو مؤشر السرعة لقيته ارتفع لفوق و بقيت السرعة 60 كيلومتر/ ساعة .. ---------------------------- رحت مزود السرعة . تاني .و بعدها ب 15 دقيقة .. رجعت بصيت علي مؤشر السرعة .. لقيته ارتفع من 60 كيلومتر/ ساعة و .. و بقي 70 كيلومتر/ساعة ----------------------------- المهم انت ابتديت تتعب او خايف من الرادار و بعد 15 دقيقة رجعت تبص علي مؤشر السرعة . ..لقيته رجع للخلف و نزل من 70 كيلومتر / ساعة الي 55 كيلومتر / ساعة خد بالك هنا انت لسة سايق في اتجاهك من الجنوب الي شمال ... لكن المؤشر رجع للوراء ( لان سرعة العربية قلت) -------------------------------- و بعدين تعبك زاد و قررت تهدي اكثر.... بس لسه ماشي في اتجاهك الي الشمال ..و بعد 15 دقيقة بصيت تاني للمؤشر ... .لقيته رجع للوراء مرة اخري ....من 55 كيلومتر/ساعة و نزل الي 45 كيلومتر/ساعة ----------------------- يعني المؤشر اللي بيقيس السرعة قاعد بيرجع للوراء .. علي الرغم من ان اتجاه الحركة ثابت و ما تغيرش ----------------------------- طب ليه المؤشر بيعمل كده لان المؤشر هنا ملهوش دعوة باتجاه الحركة من الجنوب الي الشمال و المؤشر هنا لايقيس اتجاه الحركة .. و لكن بيقيس فقط التغير في سرعة العربية لو لسه مش متخيلها قوي تعالي نحاول نقربها اكتر من كده |
رد: ~¤§¦ *الدايفيرجينس ببساطة*¦§¤~!
طيب لو جينا و رسمنا رسم بياني .. للمسافة المقطوعة.. بعد كل 15 دقيقة
و خلينا الخط الافقي يمثل الزمن .. و الخط الرأ سي يمثل المسافة المقطوعة و كل 15 دقيقة نرسم عمود رأسي يمثل المسافة المقطوعة ( لونه ازرق ) حنلاقي ان المنظر عامل زي السلم .. والعمود كل 15 دقيقة في ارتفاع و ان اتجاه الحركة لاعلي ( حركة السيارة ) ----------------------------------------- طب تعالي نرسم تحته رسم بياني يوضح سرعة العربية ...كل 15 دقيقة و يكون الخط الافقي برضه يمثل الزمن... و الخط الرأسي يمثل السرعة و كل 15 دقيقة نحط نقطة للسرعة و نمثلها بعامود رأسي ( لونه ازرق) فحنلاقي انه اول نقطة هي 50 وبعدها 60 وو بعدها 70 و بعدهها 55 و بعدها 45 وحنلاقي انه في الاول كان شكل سلم طالع .. و بعدين غير اتجاهه و بقي شكل السلم نازل ( لما السرعة قلت) ----------------------------------------------------------------- طب لو قارنا الشكلين ببعض حنلاقي انهم في الاول كان الاتجاه في الحركة واحد بينهم و بعدين حصل اختلاف في اتجاه الحركة بينهم و زي ما قلنا قبل كده ان اختلاف معناه ( دايفيرجينس) -------------------- يعني حصل اختلاف بين اتجاه حركة السيارة و بين اتجاه التغير في سرعة السيارة علي الرغم من ان السيارة لسة ماشية في اتجاهها و هو المطلوب اثباته |
رد: ~¤§¦ *الدايفيرجينس ببساطة*¦§¤~!
دلوقتي المفروض اننا نكون عرفنا
1- اننا بنستخدم مؤشرات المومينتم لاكتشاف الدايفيرجينس 2- و عرفنا ان مؤشرات المومينتم عاملة زي عداد السرعة في العرببة 3- و عرفنا انها بتقيس سرعة 4-و السرعة اللي بتقيسها هي سرعة التغير في قيمة السعر ----------------------------------- لو فهمنا كل ده ... نقدر دلوقتي نربط بين مثال العربية و الشارت و نفهم ليه مؤشر المومينتم ممكن احيانا انه يتاخر عن السعر و نفهم التاخر ده ...و و اختلاف الانجاه بين المؤشر و السعرمعناه ايه؟ و بعدها نفهم ازاي ممكن ان نستفيد من الحالة ديه و اللي اسمها الدايفيرجينيس |
رد: ~¤§¦ *الدايفيرجينس ببساطة*¦§¤~!
بعد ما شرحنا مثال العربية اللي ماشية في اتجاه معين .. و عداد او موشر السرعة اللي بيقيس السرعة
و شوفنا ان العداد او المؤشر ممكن يرجع للوراء ... علي الرغم من ان الحركة لسة مستمرة في نفس الاتجاه و شوفنا اننا لو رسمنا ده علي الرسم البياني حنلاقي ان اتجاه الرسم للسرعة كان في الاول في نفس اتجاه الحركة للعربية و خد بالك هنا لما السرعة قلت اتجاه السرعة عكس اتجاهه ... و بقي اتجاه مؤشر السرعة ..ماشي في اتجاه عكس حركة السيارة طب تعال نربط الكلام ده مع الشارت و الدايفيرجينس |
رد: ~¤§¦ *الدايفيرجينس ببساطة*¦§¤~!
طيب احنا قلنا اننا بنستخدم مؤشرات المومينتم لاكتشاف الدايفيرجينس
و قلنا ان مؤشرات المومينتم بتقيس معدل سرعة التغير في السعر و خلينا نقول انها بتقيس سرعة الحركة الحالية او الترند الحالي ------------------------- يبقي السيارة و هي ماشية .. هي بالنسبة لنا هي الترند الحالي و اتجاه حركة السيارة من الجنوب الي الشمال ... هو اتجاه الترند الحالي يعني نقول هنا انه ترند صاعد و مؤشر المومينتم بالنسبة لنا ....هو عداد السرعة في العربية يعني مؤشر المومينتم بيقيس لنا مجازا سرعة الترند او الحركة الحالية ---------------- يبقي الخلاصة اننا حنتصور ان الترند هو العربية ... و موشر المومينتم هو عداد السرعة |
رد: ~¤§¦ *الدايفيرجينس ببساطة*¦§¤~!
لو السعر ( اللي هو العربية) ماشي في اتجاه معين .... مثلا في ترند صاعد (من الجنوب للشمال في مثال العربية)
و موشر المومينتم ( عداد السرعة في العربية ) ...بيقيس معدل تغير السعر . . يعني مجازا بيقيس سرعة الترند ( زي عداد السرعة اللي بيقيس سرعة حركة العربية) و بدأ الترند الحركة ... و احنا اخترنا فريم ال 15 دقيقة ...( مثل العربية لما بتبص علي عداد السرعة كل 15 دقيقة) و بعد 15 دقيقة و الترند متجه لاعلي ...راح مؤشر المومينتم عمل حسبته و قاس سرعة الترند و كانت 50 مثلا .... و راح راسم نقطة عند 50 علي الشارت ---------------------------------- راح الترند ( الترند فيه نشاط و حيوية ) .. اتحرك لفوق بسرعة و عمل قمة اعلي .. و بعد 15 دقيقة اخري .. راح مؤشر المومينتم قايس السرعة للترند ..لقاها 60 ..راح راسم المؤشر نقطة اخري عند 60 ( اللي هي فوق ال 50 ) .. ووصل المؤشر بين النقطة اللي قبلها عند 50 ... و نقطة ال 60 . . فظهر لنا خط اتجاهه لاعلي .. يعني عمل المؤشر قمة لاعلي .. مثل السعر لما عمل قمة لاعلي .. |
رد: ~¤§¦ *الدايفيرجينس ببساطة*¦§¤~!
راح الترند شادد حيله تاني ( لسة شباب ) .. و طلع لفوق اكثر من الاول .. يعني عمل هاير هاي
. و راح المؤشر بعد 15 دقيقة اخري ..راح قايس سرعة الترند ولقاها 70 .. راح موشر المومينتم راسم نقطة ثانية عنند 70 علي الشارت .. وهي بالطبع اعلي من النقطة اللي قبلها عند 60 .. و بعدين راح المؤشر وصل بينها و بين النقطة اللي قبلها عند 60 . . فظهر لنا خط المؤشر متجه لاعلي ...و عمل قمة اعلي من اللي قبلها ( هاير هاي ) لحد دلوقتي مافيش مشكلة .. كل ما السعر يرتفع و يعمل هاير هاي ...يروح المؤشر مقلده و يعمل هاير هاي يعني احنا في ترند صاعد |
رد: ~¤§¦ *الدايفيرجينس ببساطة*¦§¤~!
دلوقتي خد بالك هنا قوي ....لان هي ديه اهم نقطة...
و اللي حتفرق معانا كثيييير في فهم الدايفيرجينس و حتخلينا نتخيل اللي بيحصل و نبقي فاهمين .. مش حافظين ---------------------- الترند لسة ماشي لفوق .. بس تعب حبتين فهدي من سرعته .. بس لسة ماشي لفوق ...يعني عمل هاير هاي و بعد 15 دقيقة .. راح مؤشر المومينتم قايس سرعة الترند لقاها 55 ( الترند تعب و هدي من سرعته ) ....راح المؤشر راسم نقطة عند 55 ...و النقطة دي اكيد تحت النقطة اللي قبلها عند 70.. و كالعادة راح المؤشر موصل النقطة ديه باللي قبلها .. . راح الخط اللي بيرسمه المؤشر نازل لتحت .. و عمل لوور هاي ...( عكس السعر اللي عمل هاير هاي) -------------------------------------- فلما تيجي حضرتك تبص علي الشارت حتلاقي ان السعر طالع لفوق .. . و فيي نفس الوقت المؤشر نازل لتحت و ساعتها لو رسمت خط علي السعر ..من اعلي قمتين للسعر ( اخر قمتين) و خط اخر علي المؤشر ... من القمتين المقابلتين له علي للسعر حتلاقي ان فيه اختلاف في اتجاه الخطين الخط اللي علي السعر متجه لاعلي و الخط اللي علي المؤشر متجه لاسفل يعني حصل دايفيرجينس ----------------- و اكيد دلوقتي انك حتبقي عارف ليه حصل الدايفيرجينس .. و ليه المؤشر ماشي في عكس الاتجاه للترند لانك عارف ان السبب في حدوث الاختلاف ده اللي بنسميه دايفيرجينس هو ان سرعة الترند الحالي بدت تقل و ممكن يكون ده معناه ان الترند تعب و اجهد |
رد: ~¤§¦ *الدايفيرجينس ببساطة*¦§¤~!
تعالي نكمل المثال
المهم بعد ما حصل اللي حصل فضل الترند برضه يطلع بس بالراحة و ببطأ لانه بقي تعبان قوي والترند لسه بييطلع فعمل هاي جديدة .. اعلي من اللي قبلها يعني عمل هاير هاي و بعد 15 دقيقة راح مؤشر المومينتم قايس سرعة الترند لقاها 45 .. يعني كما اقل من السرعة اللي قبلها . راح مؤشر المومينتم راسم نقطة عند 45 تحت النقطة اللي قبلها عند 55 و بعدين وصل خط بينهم .. و بالتاكيد الخط متجه لاسفل يعني المؤشر عمل لوور هاي ( بدلا من هاير هاي زي السعر) ----------------------------- طيب تفتكر لو احنت وصلنا بين اخر هايين علي السعر بخط و اخر هايين علي المؤشر بخط حنلاقي ايه؟ تمام ...حنلاقي اختلاف في اتجاه الخطين .. خط السعر متجه لاعلي ... و خط الموشر متجه لاسفل ----------------------- طب تقدر تقولي ده معناه ايه ؟ برافو عليك ... معناه دايفيرجينس ------------------- طب تقدر تفسر لي.. هو ليه حصل الدايفيرجينس؟ ما شاء الله برافو عليك .. انت دلوقتي بقيت استاذ بالضبط ... حصل لان سرعة الترند بتقل .. علي الرغم من ان الترند لسه ماشي في اتجاهه ---------------------- طب سؤال اخر مش من المنهج ... تفتكر ده لما يحصل بيدل علي ؟ لا ياعم مش معقول كده .. ما شاء الله عليك .. انا مش حاكمل الموضوت .. ده انت مفروض انت اللي تيجي تشرح بالضبط .. ده بيدل علي ان الترند بيضعف من الداخل و اجهد |
رد: ~¤§¦ *الدايفيرجينس ببساطة*¦§¤~!
المفروض من اللي فات ده اننا نكون عرفنا
1- ليه ان المؤشر احيانا بيتأخر عن السعر 2- و عرفنا ايضا ليه المؤشر احيانا بيمشي في اتجاه عكس السعر -------------------------- و السبب في الحالتين من غير ما نستخدم الكلام العلمي الصعب و نقول ان السبب هو ان معدل تغير سرعة السعر ... لا يتناسب مع سرعة و حركة الترند حانقول بالعامية ان سرعة الترند بتبطأ و عداد السرعة ... اسف .. قصدي مؤشر المومينتم ... بيفضح الترند .. و يبين ان سرعته قلت ------------------ يبقي عايزيين اول ما نشوف دايفيرجينس .. نفكر ان سرعة الحركة الحالية قلت و بطأت يعني ممكن نقول ان الترند تعب و اجهد حبتين !! و هو من بره بيحاول يخدعنا ...و يورينا انه لسه بصحته ..و لسه ماشي في اتجاهه بس الاشاعة الطبية اللي احنا عملناها له باستعمال مؤشر المومينتم اثبتت ان فيه نزيف داخلي مش باين من بره و ان الترند الحالي مريض و عيان و مجهد و بينزف داخليا و علشان كده سرعته بتقل منقول للإفادة |
| الساعة الآن 03:51 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com