|
تلخيص لويبينار التحليل الاساسى من البداية الى الاحتراف
بسم الله الرحمن لرحيم بعد اذن استاذ احمد محمد body_king ده تلخيص لما ذكر فى ويبينار التحليل الاساسى لمن يحب المراجعه السريعه اتمنى يفيد الناس ويبينار التحليل الاساسي من البداية للاحتراف برعاية اف اكس ارابيا ويبينار التحليل الاساسي من البداية للاحتراف برعاية اف اكس ارابيا واتمنى استاذ احمد محمد يسمحلى به انا كاتب فى هذا الموضوع من خلال سماعى وفهمى لشرح استاذ احمد واى خطأ منى فى الكتابه او الفهم فهو وارد وارجو مراجعتى فيما ساكتب ان شاء الله مكونات الاقتصاد ايدى عاملة - مواد خام - رءوس اموال ------> يطلعوا انتاج --ثم استهلاكhttp://www.fx-arabia.com/vb/uploaded...1405268625.png المؤشرات الاقتصادية http://www.fx-arabia.com/vb/uploaded...1405268737.png الدورة الاقتصادية http://www.fx-arabia.com/vb/uploaded...1405268830.png معدلات الفائدة interest rates هو العائد على اقتراض الاموال هو أساس سوق العملات (خبر فى غاية الاهمية) فى الاقتصاد (هو نسبة بيحددها البنك المركزى عشان يدى قروض للبنوك الاستثمارية والتجارية اللى فى الدولة وياخد منها ايداعات ) معدلات الفايدة ثابته فى حالة القروض او الايداعات وظيفة البنك المركزى : يقرض وياخد ايدعات البنوك الاستثمارية والتجارية اللى فى الدولة الغرض من زيادة او خفض معدلات الفايدة : التحكم فى كمية الاموال المعروضة فى الدولة وبتختلف من دولة لاخرى على اساس السياسة النقدية اللى بتتبعها الدولة *معدلات الفايدة بتيجى كل شهر ملحوظة : لو عاوز تحترف التحليل الاساسى امسك كل المؤشرات على كل عملة فى خلال ست شهور وشوف كانت ماشيه ازاى السياسة النقدية هى الطريقة اللى بتمشى بيها الدولة عشان تحافظ على النشاط والاقتصاد وعشان* ماتقعش فى بعبع التضخم ودا من خلال التحكم فى [COLOR="Magenta معدلات الفايدةCOLOR] ]تنقسم الى 1 سياسة نقدية توسعية 2 سياسة نقدية انكماشية اولا السياسة النقدية التوسعية هى الطريقة اللى بيمشى عليها البنك المركزى فى حالة ركود وضعف الاقتصاد (يعنى لما بتكون المؤشرات اللى بتيجى على العملة بتكون بالاحمر او سلبية ) وسببها طبعا الخوف من مشاكل اقتصادية اهمها التضخم وده عن طريق تخفيض معدلات الفايدة بهدف زيادة الاقتراض بفايدة قليله وبالتالى زيادة الاموال الموجودة فى السوق وبالتالى يحصل نشاط للاقتصاد و رواج للعملة وترجع ترتفع مرة اخرى تاثير معدلات الفايدة فى السياسة النقدية التوسعية بتقل الفايدة -- هيشجع الناس انها تقلل الايداعات وتزود الاقتراض – وتعمل بالفلوس اللى بتقترضها مشاريع– وبكده هتشغل ناس وهيبقى فى انتاج واكيد هيبقى فى استهلاك– والناس اللى اشتغلو هيقبضو مرتبات وهيشترو منتجات – وبكده يحصل نشاط لاقتصاد الدولة – فتزيد العملة بس على مدى ثانيا السياسه النقديه الانكماشيه هى الطريقة اللى بيمشى عليها البنك المركزى فى حالة نشاط ورواج الاقتصاد (يعنى لما بتكون المؤشرات (اللى بتيجى على العملة بتكون بالاخضراو ايجابية وسببها برده الخوف من مشاكل اقتصادية اهمها التضخم وده عن طريق زيادة معدلات الفايدة بهدف تقليل الاقتراض وزيادة الايداعات لتقليل نشاط الاقتصاد ونشاط العملة عشان احافظ على الاقتصاد معتدل لا قوى اوى ولا ضعيف ولا ضعيف اوى التضخم باختصار ان العملة تكون موجوده بوفرة والانتاج والاستهلاك قليل فتقل قيمتها قدام المُنتج تاثير معدلات الفايدة فى السياسة النقدية الانكماشيه عكس التوسعية كيف تتوقع خفض أو رفع سعر الفائدة معدلات الفايدة بتتحد بناء على السياسة النقدية اللى بتتيعاها الدولة ** لو لقيت المؤشرات اللى جاية على العملة كلها ايجابية بالاخضر يبقى الدولة هتتبع سياسة نقدية انكماشية –بالتالى هتزود معدلات الفايدة **والعكس ولو لاقيت المؤشرات اللى جاية على العملة كلها سلبية بالاحمر يبقى الدولة هتتبع سياسة نقدية توسعية وبالتالى هتنخفض معدلات لفايدة التيسير الكمى quantitative easing QE يعنى طباعة فلوس وضخها فى الاسواق بتلجا ليه الدولة لما يكون الاقتصاد ضعيف و مش قادرة تقلل الفايدة عن قيمة معينة عشان لو قللتها عن القيمة دى هتاثر على الايداعات وعلى الاستثمار اللى جاى من الخارج فهتزود ضعف الاقتصاد فبدلا من تقليل الفايدة البنوك المركزية بتطبع فلوس وتضخها فى الاسواق عن طريق شراء سندات وديون من الشركات وبالتالى الشركات هتقدر تدد ديونها وتنتج من جديد وبالتالى هيبقى فى استهلاك وبيع وشراء وبكده تدعم الاقتصاد وتجبر البنوك العادية تقرض الناس عشان تعمل مشاريع بس فى عيب ان التيسير الكمى ممكن يسبب تضخم لو محققش الهدف منه السندات bond auction عبارة عن كوبونات أو شيكات عليها فوائد بتستخدمها الشركات والحكومات عشان 1-يسدو الديون اللى مطالبين بيها فى وقت معين 2- تنعش الاقتصاد وتخرجه من حالات الضعف بانهم يبيعوها وبفلوسها يسددو الديون فترة سداد السندات : 3 شهور او 6 شهور او سنة او 5 سنين او 10 سنين اقصى حاجة الشركات فقط هى التى تستخدم اسهم والحكومات لا يمكنها استخدام سندات لان السهم سعره متغير ومرتبط بمنتجات ** امريكا اكتر دولة بتعمل سندات ** "والصين اكتر دولة بتشتريها العائد على السندات (الفايدة) : كلما كان الاقتصاد قوى كلما كان العائد قليل او متوسط (لان الفلوس مضمونة انها ترجع فى وقتها) و كلما كان الاقتصاد ضعيف كلما كان العائد )" كبير (لان الفلوس مش مضمون انها ترجع فى وقتها وبالتالى الدولة بتضطر تزود العائد عشان تجذب الناش تشتريها) لتمنى يكون ملخص مفيد للويبينار الاول ان شاء الله الويبينار التانى فى الطريق اذا سُمح لى بالاستمرار |
رد: تلخيص لويبينار التحليل الاساسى من البداية الى الاحتراف
التضخم هو ارتفاع فى مستوى الاسعار والخدمات مع اتخفاض القدرة الشرائية للنقودinflation يعنى (الفلوس بتشترى سلع وخدمات اقل) اسباب التضخم 1 الانتاج 2 الفلوس العمود الفقرى له هو قانون العرض و الطلب: -->الفلوس موجودة بكثرة ---- قيمتها هتقل -->الانتاج قليل بالنسبة للطلب عليه ---- قيمته هتزيد وبالتالى يؤدى الى ارتفاع الاسعار والتضخم نسب التضخم المعتدلة : لا تزيد عن 5 او 6 % ولا تصل الى الصفر http://www.fx-arabia.com/vb/uploaded...1405346838.png http://www.fx-arabia.com/vb/uploaded...1405346906.png http://www.fx-arabia.com/vb/uploaded...1405346935.png مؤشر اسعار المستهلكين بيقيس اسعار السلع والخدمات التى يستخدمها المستهلكين هو اللى بيحدد نسبة التضخم http://www.fx-arabia.com/vb/uploaded...1405347078.png حساب نسبة التضخم http://www.fx-arabia.com/vb/uploaded...1405347148.png مؤشر اسعار المنتجين هو اللى بيتحكم فى سعر مؤشر اسعار المستهلكين الناتج الاجمالى المحلى GDP *هو كل المنتجات والخدمات والفلوس المعروضة داخل حدود الدولة سواء من شركات اجنبية او تابعه للدولة *يقاس بالتريليون *كلما ارتفع الناتج الاجمالى المحلى كلما ارتفعت قيمة العملة كلما نمى الاقتصاد مع مراعاة نسب التضخم متكونش كبيرة حساب الناتج الاجمالى المحلى GDP http://www.fx-arabia.com/vb/uploaded...1405347460.png الناتج الاجمالى القومى *عكس الناتج الاجمالى المحلى *هو كل المنتجات والاسعار والخدمات التى تنتجها شركات تابعه للدولة ولكن خارج حدود الدوله مؤشر مبيعات التجزئة بيقيس القيمة اللى بيبيع بيها تجار التجزئة شبه مؤشر اسعار المستهلكين مؤشر الاستهلاك الشخصى بيقيس استهلاك كل شخص مؤشر ربع سنوى (كل 3 شهور) مؤشر الدخل الشخصى يشمل دخل الافراد من مرتبات و معاشات وايرادات مؤشر تقارير السلع المعمرة *المنتجات اللى بستخدمها اكتر من 3 سنين *ارتفاعه يدل على زيادة الطلب على العملة وان الدولة منفردة فى بيع السلع دى مع مراعاة نسب التضخم تكون معتدلة |
رد: تلخيص لويبينار التحليل الااى من البداية الى الاحتراف
يا ابن اللعيبة كمل كمل كمل علي هذه الخطي ولو في اي حاجة عايزة تتغير و تتصلح او في اي تعليقات انا معاك
بجد مجهود كبييير ولايك وممتاز تحياتي جيمي |
رد: تلخيص لويبينار التحليل الااى من البداية الى الاحتراف
ويبينار اكثر من رائع
|
رد: تلخيص لويبينار التحليل الااى من البداية الى الاحتراف
ممتاز جدا وجهد مشكور
|
رد: تلخيص لويبينار التحليل الاساسى من البداية الى الاحتراف
اقتباس:
دا بفضل الله وفضل حضرتك شكرا لدعم حضرتك اتمنى الجزء دا ميكونش فيه اخطاء كتير :) |
رد: تلخيص لويبينار التحليل الااى من البداية الى الاحتراف
جامد والله الله ينور عليك
ويبقي احلا بقي لو نزلته PDF |
رد: تلخيص لويبينار التحليل الااى من البداية الى الاحتراف
اقتباس:
اقتباس:
ان شاء الله الويبينار التالت هلخصه وانزله فى اسرع وقت وهنكمل ان شاء الله بدعم استاذ احمد body_king |
رد: تلخيص لويبينار التحليل الااى من البداية الى الاحتراف
اقتباس:
وان شاء الله هنزله pdf حالا انت تؤمر :) |
رد: تلخيص لويبينار التحليل الااى من البداية الى الاحتراف
اقتباس:
الموضوع pdf اتمنى يكون كويس http://www.fx-arabia.com/vb/uploaded...1405437546.pdf اسف على التاخير |
رد: تلخيص لويبينار التحليل الااى من البداية الى الاحتراف
اقتباس:
|
رد: تلخيص لويبينار التحليل الااى من البداية الى الاحتراف
شكرا لشرحك الكامل
|
رد: تلخيص لويبينار التحليل الااى من البداية الى الاحتراف
كفو على الشرح
|
رد: تلخيص لويبينار التحليل الااى من البداية الى الاحتراف
اقتباس:
وشرحك اللى ملوش مثيل وبسيط واى واحد يفهمه ها الويبينار التالت اترفع على النت ؟؟ |
رد: تلخيص لويبينار التحليل الااى من البداية الى الاحتراف
اقتباس:
اقتباس:
بس على ايه دا جزء بسيط من مجهود استاذ محمد body_king انا مجرد ناقل بس |
رد: تلخيص لويبينار التحليل الاساسى من البداية الى الاحتراف
جزاك الله خيرا مجهود اكثر من رائع
انا للأسف الشديد اتت الرياح معى بما لا أشتهيه الدرس التالت المحاضره اللى فاتت كنت مستنيه بفارغ الصبر بس للأسف معرفتش احضر والسبب كان غصب عنى أكيد كان فى حريق هائل جمب بيتنا النار أكلت سطح البيتين اللى جمبنا وكانت هتعدى على بيتنا بس الحمد لله ربنا ستر تشوف منظر النار وانا بطفى فى الوسط مع الناس وستر ربنا اتحرك من المكان اللى انا واقف فيه وكتله والعه من فوق تقع فى نفس المكان اللى كنت واقف فيه والحمد لله ربنا ستر (جرح بسيط فقط فى ايدى ) الحمد لله والمطافى كالعاده لم تأتى الا متأخر صراحه لو فضلت اقول الحمد لله من هنا للسنه الجايه مش هتكفى لأن لولا ستر ربنا كان زمان سطح بيتنا والع والنار كانت أكلت كل حاجه عندنا بس الحمد لله الحمد لله الحمد لله |
رد: تلخيص لويبينار التحليل الاساسى من البداية الى الاحتراف
اقتباس:
ودا العادي من المطافي دايما تيجي بعد خراب مالطا |
رد: تلخيص لويبينار التحليل الاساسى من البداية الى الاحتراف
اقتباس:
والحمد لله انك بخير انت قول بس انا لله وانا اليه راجعون اللهم أأجرنى فى مصيبتى واخلفنى خيرا منها وان شاء الله خير ومتقلقش انت بس شوف الفيديو اللى على النت وان شاء الله التلخيص هينزل النهاردة او بكره ان شاء الله بالكتير معلش كانت عندى شوية ظروف كده اخرتنى |
رد: تلخيص لويبينار التحليل الاساسى من البداية الى الاحتراف
بسم الله
الويبينار التالت مؤشر مديرى المشتريات purchasing manager manufactory (PMI (purchasing manager index ISM manufactory هو استفتاء بيتم لمديرى الشركات المساهمة فى الاقتصاد حوالى 500 شركه بيسألوهم عن 1 الطلبات الجديدة للشركات 2حجم الانتاج اللى عندهم 3 حجم المخزون 4 العمالة الموجودة 5 مدى حركة الاستيرد والتصدير ** لو جه اعلى من 50% يبقى فى تقدم ونشاط فى الصناعه ** لو جه من 40 : 50 % يبقى فى انتعاش فى الصناعه ** اقل من 40 % يبقى فى ضعف وانكماش فى الصناعة وركود فى الاقتصاد |
رد: تلخيص لويبينار التحليل الاساسى من البداية الى الاحتراف
ثلاث مؤشرات خاصة بالمنازل
مؤشر تصاريح بدء وبناء المنازل الجديدة بييجى كل شهر بيقيس عدد الوحدات السكنية التى 1 تم اخذ تصريح لبناءها 2تم بدء البناء فيها والوحدات 3المبنية جديد وتم تشطيبها والانتهاء منها **لو جه ايجابى دلالة على نمو وانتعاش الاقتصاد **ولو جه سلبى دلالة على ضعف الاقتصاد مؤشر مبيعات المنازل الجديدة لقياس عدد المنازل الجديدة التى تم انشاءها منازل جديدة يعنى : تشغيل عمالة فى التشييد والتشطيب وشرء للسلع المعمرة لذا فهو مؤشر هام مؤشر مبيعات المنازل القائمة المنازل القائمة يعنى المنازل المبنية من فترة كبيرة |
رد: تلخيص لويبينار التحليل الاساسى من البداية الى الاحتراف
اقتباس:
|
رد: تلخيص لويبينار التحليل الاساسى من البداية الى الاحتراف
مؤشرات مرتبطة بالتجارة
مؤشر التجارة الخارجية يعنى تبادل السلع والخدمات بين الدول بعضها البعض تنقسم لجزئين الواردات : هى السلع والخدمات التى يتم شرائها من خارج الدولة الصادرات :هى السل والخدكات التى يتم انتاجها داخل الدولة وبيعها للخارج مؤشر الميزان التجارى trade balance بيقيس الفرق بين الصادرات والواردات بينقسم لجزئين الفائض التجارى : لو حجم الصادرات اكبر من حجم الواردات ودا بيدعم الاقتصاد العجز التجارى : لو حجم الواردات اكبر من حجم الصادرات وهو مؤشر سلبى وغير جيد للاقتصاد ولكن فى حالة جميع المؤشرات الداخلية جيدة لا يضر العجز التجارى بالاقتصاد وهذا يسمى عجز الميزان التجارى السلبى ملحوظة : انخفاض سعر العملة مقابل العملة الاخرى يؤدى الى انخفاض تكلفة المنتجات والسلع مقابل الدول الاخرى مثال عشان نفهم : لو العملة سعرها منخفض زى الجنيه المصرى مقابل الدولار هتكون المنتجات المصرية تكلفتها قليلة بالنسبة للمنتجات الامريكية وبالتالى التجار هيفضلو استيراد المنتجات من مصر عن شراءها من امريكا ليس دعما للاقتصاد ولكن عشان العملة ضعيفه وبكده هيوفروا مؤشر الحساب الجارى يعنى الفلوس اللى داخلة للدولة هو مقياس لـ 1-ناتج الميزان التجارى 2-دخل الاستثمار للدولة (يعنى الفلوس اللى داخلة وخارجة من الدولة) 3-التحويلات احادية الجانب (يعنى الفلوس اللى بتخرج من الدولة بدون مقابل زى الاعانات ) لو جه ايجابى يكون كويس للعملة ولو جه سلبى بيكون مش كويس للعملة |
رد: تلخيص لويبينار التحليل الاساسى من البداية الى الاحتراف
مؤشرات مرتبطة بالبطالة والعمالة
مؤشر معدلات البطالة بيقيس عدد الاشخاص العاطلين عن العمل بشرط تكون بتدور على شغل او انفصلت من شغلها خلى بالك ** لو لو زادت معدلات البطاله دليل على ضعف الاقتصاد والبنك المركزى بيتبع سياسة نقدية توسعية ** لو انخفضت معدلات البطالة يبقى دليل على نمو وانتعاش الاقتصاد والبنك المركزى بيتبع سياسة نقدية انكماشية مؤشر طلبات اعانات البطاله بيقيس طلبات الاشخاص العاطلين عن العمل وبيدورو على شغل وبدل ما يسرقو بيطلبو من الدولة اعانات حتى يحصل على فرصة عمل تاثيره بالطبع زى معدلات البطالة بالضبط لو زاد يبقى تاثيرها سلبى ولو قل يبقى تاثيرها ايجابى مؤشر رواتب العاملين بالقطاعات الغير زراعية بيقيس التغير فى عدد العاملين بكل القطاعات ما عدا العاملين بالقطاعات الزراعية بناء على رواتبهم من الاكبر الى الاصغر مثل عمال وموظفين القطاع الحكومى والاعمال الخاصة والمؤسسات الخيرية الغير هدفة بيضم حوالى 85% من الكتلة المكونة للاقتصاد تاثيره قوى على العملة لو جه مرتفع يبقى تاثيره ايجابى على العملة (بيرفعها حوالى 50 او 60 نقطة) وعلى العكس لو قل يبقى تاثيره سلبى على العملة . المزيد قادم ان شاء الله واتمنى يكون مفيد للناس |
رد: تلخيص لويبينار التحليل الاساسى من البداية الى الاحتراف
اقتباس:
والله كتير عليا اهتمام حضرتك ومتابعتك السريعه ليا :) |
رد: تلخيص لويبينار التحليل الاساسى من البداية الى الاحتراف
متميز دائما يا بطل انا بجد فرحان اني في ناس في المنتدي غيري بقت علي علم ودراية بالتحليل الاساسي ودي حاجة تشرفني تحياتي لك يا يسري مرة اخري |
رد: تلخيص لويبينار التحليل الااى من البداية الى الاحتراف
اقتباس:
حبيبي ربنا يخليك ميرسي لزوقك تحياتي |
رد: تلخيص لويبينار التحليل الاساسى من البداية الى الاحتراف
اقتباس:
كله بفضل الله وبفضل حضرتك من اكتر الحاجات اللى زعلتنى انتهاء الويبينار وانى مش هسمع صوتك تانى شكرا لحضرتك |
رد: تلخيص لويبينار التحليل الااى من البداية الى الاحتراف
اقتباس:
|
رد: تلخيص لويبينار التحليل الاساسى من البداية الى الاحتراف
ربنا يجعلو ف ميزان حسناتك انت ودكتور اسامة يارب وكل المنتدى
|
رد: تلخيص لويبينار التحليل الااى من البداية الى الاحتراف
اقتباس:
تسلم والله وبجد مجهود رائع ومتميز عن الجميع لك منى افضل تحيه |
رد: تلخيص لويبينار التحليل الاساسى من البداية الى الاحتراف
مش الاستاذ احمد كان بيقول فى ورشه هتتفتح بعد الويبينار يا جماعه
عن التحليل الاساسى هتتفتح امته الورشه وليه متفتحتش لحد دلوقتى |
رد: تلخيص لويبينار التحليل الاساسى من البداية الى الاحتراف
اقتباس:
لاتقلق قريبا جدا ياسمعه وكل عام وانت طيب تحياتي |
رد: تلخيص لويبينار التحليل الااى من البداية الى الاحتراف
السلام عليكم اشكرك علي المجهود الذي تقوم به وان شاء الله يجعله في حسناتك وارجو ان تكمل لنا تلخيصك الجميل في اقرب وقت مع التوفيق |
رد: تلخيص لويبينار التحليل الاساسى من البداية الى الاحتراف
رائع رائع بجد الف شكر ليك علي التلخيص الرائع دة وجزاك الله كل خير وبردوة الف شكر لاستاذ احمد وكان ويبنار موفق ومتاز |
رد: تلخيص لويبينار التحليل الاساسى من البداية الى الاحتراف
اقتباس:
بس حضرتك وحشتنا والله علشان كده الورشه بمشاركاتك هتصبرنا شويه وكل سنه وحضرتك طيب |
رد: تلخيص لويبينار التحليل الاساسى من البداية الى الاحتراف
رائع جدااا
أسلوب في الكتابه فعلا يستاهل لايك لك مني 10 مشاركات فعاله احسنت واستمر ولا تبخل علينا بجديدك |
رد: تلخيص لويبينار التحليل الاساسى من البداية الى الاحتراف
شكرا موضوع قيم جدا احلى لايك
|
| الساعة الآن 08:07 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com