|
أبحث عن حقي مع شركة FXDD وأرجو تفاعل الجميع
السلام عليكم ورحمة الله وبركاته سأطرح عليكم قصة حسابي مع شركة إف إكس دي دي تحت وكالة منتديات إف إكس أرابيا والسبب أنه تم حدوث خلاف بيني وبين الدعم الفني وادارة اف اكس أرابيا .. ففضلت أن يكون الحكم للجمهور .. لأنهم متمسكين برأيهم الخاطيء .. فحبينا نثبتلهم خطأه والحكم لكم جميعاً قمت بإيداع 2000 دولار.. وتداولت فتره .. ثم أودعت 4000 دولار أخري بحسابي ووصل البالانس عندي الى 12000 ، والاكويتي الي 540 بسبب وجود صفقات هيدج مفتوحه في الحساب .. الصفقات كانت بحجم 40 دولار شراء و 40 دولار بيع وهي مقسمه كالتالي : الاسترالي ين 15 شراء و15 بيع الباوند ين 14 شراء و 14 بيع الباوند دولار 5 شراء و 5 بيع اليورو ين 1 شراء و 1 بيع اليورو دولار 5 شراء و 5 بيع لي طريقه في العمل تعتمد علي الهيدج وفك الهيدج .. المهم قمت بعمل هيدج للصفقات لمدة أسبوع وتركت الحساب مهدج كما هو ولم أقترب منه وحدث ما حدث من تقلبات للسوق في هذه الفتره ولم تغلق الصفقات ولكنه في يوم 22 أكتوبر من عام 2013 ... الساعه 15:30 بتوقيت منصة FXDD ،تم إغلاق جميع الصفقات كما هو موضح بالصوره http://www.fx-arabia.com/vb/uploaded...1384516315.png وتم مراسلة الشركه للاستفسار عن ما حدث .. وكان الرد عامةً هو "آليات الهيدج للصفقات" أغلقت الحساب حيث ان في هذه الفتره كان هناك خبر قوي أدي إلي حدوث إتساع في الإسبريد "10 نقاط" "علي كل عمله " بالتساوي .. أي ان ال 5 أزواج اللي انا فاتح عليهم الصفقات كل زوج حصل له اتساع في الاسبريد زي التاني بالظبط وكان الإتساع 10 نقاط مما سيجعل حسابي يحتاج الي 800 دولار فري مارجن حتي يغطي تلك الصفقات ، مما أدي إلي إغلاق كافة الصفقات لعدم كفاية الفري مارجن في تلك اللحظه كلمت خدمة العملاء هنا وفتحت موضوع وتم نقله لقسم الدعم الفني .. وجاء الرد بأننا سنراسل الشركه ولما أرفقت لهم رد الشركه ، قالوا نفس الرد الشركه عندها حق وهو أن ما حدث هو ...... الخ قلنا نرجع لكبير العيله .. الدكتور أسامه عادل وكانت الردود كارثيه بكل ما في الكلمه من معنى .. حيث أنه عاملني علي أنني شخص جديد في الفوركس وحاول اللعب علي هذا الوتر مده ، ثم لعب علي وتر ان الاكويتي بالفعل 540 وانني خسرت وانتهت اللعبه بالنسبه لي .. مع اني وضحت له ان لي أسلوب عمل مختلف عن اي شخص في السوق كله .. ولم يتفهم الامر ولما تململ من اللعب علي هذا الوتر لأن هذه ليست المشكله أصلاً .. المشكله الاساسيه هي هل الخطأ مني أم من الشركه بدأ يفند بعض الحجج مثل الشركه .. وللأسف كانت الحجج علي غير المتوقع وكانت لا تسمن ولا تغني من جوع ولا تقنع شخص دخل الفوركس حتي من سنه واحده حتى كانت مشاكل الحساب والملاحظ فيه ونقاط الإعتراض عليه كالتالي يا حضرات أولاً هل من المعقول حدوث إتساع إسبريد خيالي علي الصفقات بفارق 10 نقاط لكل عمله .. يرجي مراعاة كلمة اتساع يعني الاسبريد اللي كان 3 نقاط .. بقي 13 ، واللي كان 4 بقي 14 ، واللي كان 5 بقي 15 كان رد الدكتور أسامه عادل .. نعم هذا شيء طبيعي ويحدث في حالة السيوله العاليه وما زاد الطين بله .. والمريض عله .. هو أنه في ملف الشركه المرفق .. كتبوا ان اتساع الاسبريد "20 نقطه" لكل صفقتي هيدج متقابلتين .. أي 10 لكل صفقه واحده والدكتور أسامه عادل اعتقد خطأً بأن الشركه تقول بأن الاسبريد اتسع 20 نقطه للصفقه الواحده .. وللأسف كان رده بأنه برر بأنه شيء طبيعي أن يتم إتساع الاسبريد بفارق "20 نقطه" للصفقه الواحده في حالة السيوله العاليه نتاجر بأسعار سياحيه يا دكتور ويا إف إكس ؟ :) وقال أيضاً بانه قد يكون هناك جاب وتستطيعون جميعاً الرجوع للمنصه فكان اقصي جاب في تلك الدقيقه هو 4 نقاط .. مش 10 ثانيا إذا حدث وصدقنا أن الاسبريد اتساع لمدة دقيقه مثلاً 10 نقاط .. وسلمنا لرأي الشركه ورأي الدعم هنا ورأي د أسامه هل من الممكن أن يتسع الاسبريد 10 نقاط علي 5 أزواج اللي أنا شغال عليهم بالتساوي ؟ من المعروف ان كل زوج له حركه تكون اقوي أو ابطأ من الزوج اللي قبله .. مختلفه عنه علي الأقل أليس من الغريب أن يكون في ملف الشركه المرفق ... أن يكون إتساع الاسبريد متساوي علي جميع العملات "10 نقاط" لاحظوا اختلاف الازواج اللي انا شغال عليها ثالثاً سنسلم بأن كل ذلك صحيحاً وأن الشركه أبداً لم تخطيء في مسألة الإسبريد وأن هذا من آليات الهيدج والتي تختلف عن آليات الهيدج في جميع شركات العالم لم يتوقف الأمر عند هذا الحد .. فقد قمت بفتح حساب تجريبي في الشركه "عمداً" قبل أحد الأخبار .. وقمت بعمل هيدج كبير للصفقات لألاحظ صحة آلية إغلاق الهيدج المزعومه من الشركه ومن د أسامه في الصفقات ولكن كانت النتيجه أن إغلاق الهيدج في الحساب التجريبي جه زي ما كلنا عارفين ودارسين ومذاكرين ومجربين قبل كدا أي أن الشركه تريد إقناعي أن آليات الهيدج في الحساب الحقيقي الخاص بي لشركة FXDD مختلفه عن آليات الهيدج في جميع شركات الفوركس في العالم ... ومختلفه عن آليات الهيدج في الحسابات التجريبيه لنفس الشركه ... أفلا تعقلون ؟ والصوره تحكم http://www.fx-arabia.com/vb/uploaded...1384516671.png رابعاً والكارثه الكبرى سأسلم بأن كل ما مضي مجرد إرهاصات .. وأنني مخطيء قالوا لي بأن الصفقات أغلقت بفعل الهيدج .. ولكن في تقرير الشركه المرفق لي وانا أراجع آلية إغلاق الصفقات لاحظت أن هناك أحد الصفقات وهي أول صفقه تم إغلاقها في الحساب مكتوب بجوارها سبب الاغلاق from# أي ان الصفقه تم إغلاقها يدوياً بفعل فاعل هذا هو معنى from# وبقية الصفقات مكتوب بجوارها closed by hedge & partial closed باستثناء تلك الصفقه وكان رد المحترم دكتور أسامه عادل علي في هذه النقطه "هذه مجرد إرهاصات" :) المصيبه أن هذه الصفقه وبالرغم من إغلاقها يدوياً من الشركه فلقد تم اغلاقها علي سعر بعيد جداً عن سعر السوق بفارق 410 نقطه .. دي ممكن تكون برده من آليات الهيدج وإحنا مش عارفين ؟ ، والصوره أمامكم http://www.fx-arabia.com/vb/uploaded...1384516746.png خامساً أنا كان في حسابي باقي 540 دولار فري مارجن واكويتي ، والصفقات كلها هيدج من أسبوع .. وفي الأسبوع ده جه أخبار والصفقات لم تغلق أبداً برغم من قوة بعض الأخبار لكن دلوقتي الصفقات أغلقت وعند إغلاق الصفقات تبقي في حسابي أكتر من 670 دولار طب إزاي ؟؟ المفروض إنه لما الإسبريد يتسع عليا .. رصيدي يقل مش يزيد أو يكون صفر أو يقترب من الصفر علي الأقل هذا دليل واضح للتلاعب في الحساب ولكن كان رد المحترم دكتور أسامه عادل هو "لو الفلوس الزيادة مضايقاك ممكن نطلب من الشركة تشيلها.." كوبي باست من الرساله بيننا .. آه والله احنا بنتكلم في وادي وهو بيرد في وادي تاني احنا بنقول ان دا دليل للتلاعب .. وهو ويكأنه يعترف ان الرصيد اتضافلي عمداً ويكأنه بيهدد إنه لو انا مبطلتش كلام في النقطه دي هيخصم الرصيد من الحساب ولأول مره في حياتي أسمع إن المنصات بتضيف فلوس وتخصم فلوس بمزاجها .. الظاهر إن دي من آليات الهيدج في شركة FXDD بس دوناً عن شركات العالم .. وفي الحسابات الحقيقيه فقط وليست التجريبيه لنفس الشركه سادساً الصفقه التي أغلقت كانت صفقة شراء علي الباوند ين بحجم 2 دولار .. أي انه 1- أصبح مفتوح عندنا صفقة بيع بحجم 2 دولار ... 2- والسعر إنطلق صعوداً بعد اغلاق الصفقه .. المفروض انه أصبح مفتوح عندي 1- صفقة بيع .. 2- والسعر صعد ..= أخسر فلوس ولكن يلاحظ أنه بعدها بلحظات تم إغلاق كل الصفقات وال 540 الفري مارجن أصبحوا 670 الظاهر إن آلية التجاره في الشركه برده مختلفه عن كل الدنيا ولأ يا دكتور أسامه متخصمش الفلوس الزياده دي .. محتاجينها:1 (114): سابعاً بما إن الحساب كان فيه 670 مثلاً علي كلام الشركه ولحماية الصفقات من المارجن "800 دولار" زي ما الباشا الدعم الفني بيقول ، كان يجب عند إغلاق صفقات تعادل سبريد 130 دولار وهو الفرق بين المطلوب والمتاح ، يعني كان المفروض إن فيه صفقات كانت تفضل لأن ليها مارجن وليها هامش متاح يقدر يشيل الصفقات الباقيه آه نسيت .. آليات الهيدج في FXDD مختلفه عن أي شركه في العالم ومختلفه عن الحسابات التجريبيه لنفس الشركه ثامناً وكما تلاحظون في الصوره بالأسفل وهي الصفقات المغلقه علي صفر ، حجم اللوت صفر ، مكسب الصفقه او خسارتها صفر ، والصفقات كلها مغلقه علي سعر غير سعر السوق وقت الإغلاق وعند سؤالي علي هذه الاصفار .. قال لي الدعم الفني هذه من آليات الهيدج :1 (66): .. تقريباً دي حجة كل حاجا .. آليات الهيدج ، وكأني أول مره في حياتي أشتغل بالهيدج وأضافوا "افتح حساب تجريبي وشوف بنفسك" ..صدقتهم ومشيت للآخر ولما فتحت حساب تجريبي وفتحت فيه صفقات بلوتات خياليه لكي أري آليات الهيدج وكانت النتيجه كما ترون بالصوره وزي ما كلنا عارفين ودارسين قبل كدا في اي شركه في العالم ولكن الموضوع يختلف مع FXDD و في الحسابات الحقيقيه ودي صوره للحساب الحقيقي والاصفار يلي فيه http://www.fx-arabia.com/vb/uploaded...1384516315.png ودي صوره للحساب التجريبي يا جماعه http://www.fx-arabia.com/vb/uploaded...1384516671.png ليه الآليه هنا مختلفه عن الآليه هناك !؟؟؟؟ وليه هنا stopout وهناك اغلاق بهيدج وغلق صفقه يدوي !!!! شوفوا وحكموا عقولكم وضمائركم مع كل تلك الاشياء التي لم يتم الرد عليها رد وافي إلا أنهم يعاندون ولا أعلم السبب ولا أعلم هل لأني لا أجيد النقاش والمجادله لا أحصل علي حقي الواضح وكان من منطلق إحترامي لشخصك يا د أسامه هو السبب الرئيسي لفتح حساب مع شركة FXDD تحت وكالة منتداك الكريم لأني كنت أعتبرك الأب الروحي للفوركس الذي دائماً لا يرضى بإضاعة حق ولكن إن كان لي حق سآخذه حتي لو سأدفع ضعف ما خسرتني الشركه ارجو اضافة آرائكم وردودكم وتفنيذ حجج الشركه لو اتفقتم معها حتي اقتنع .. وياريت يلي يفند حججها يفندها كلها وميعملش زي الدعم ينفد واحده وواحده لأ ويرد علي نقاط الاعتراض تباعا وسوف أقوم بنشر هذا الموضوع في أغلب المنتديات لكي أعرف آراء أغلب التجار أو المتداولين .. ولكي يعرف الجميع قصتي أيضاً مع الشركه تحياتي دكتور عمر |
رد: أبحث عن حقي مع شركة FXDD وأرجو تفاعل الجميع
أخى انا لن ادافع عن الشركة ولو مكانك هتنرفز جداااا
علما بان دى دى شركة قوية ولكن فعلا يعيبها ارتفاع الاسبريد بصورة مبالغ فيها اوقات الاخبار يمكنك التأكد من البنوك المزوده لشركة والله اعلم ولكن دفاعى سيكون عن دكتور اسامة اقسم لك يااخى بالله ان الراجل ده دائما مع الحق ولو كان تأكد ان العيب من الشركة كان هيرجع ليك حقك ووقف معايه ومع غيرى قبل كده لارجاع حقوقنا هذه كلمة حق يجب ان تقال فى حق هذا الرجل ويعلم الله انى ليست لى اى مصلحة فى هذه المشاركة |
رد: أبحث عن حقي مع شركة FXDD وأرجو تفاعل الجميع
دكتور عمر . واضح ان الموضوع كبير فعلا . والاهم انك فاهم جدا . وانك مش بتسمح لحد انه يقنعك بحاجه انت اصلا عارف ومقتنع انها غلط . وده واضح انه راجع لخبرتك وتجاربك الفوركسيه . ولكن انا عايز اقولك حاجه . انا بشتغل برده بالهيدج. ولكن مش بوصل اني افتح بوزيشنز كتيره كده وبلوتات عاليه غير لو لاقيت نفسي في مرحله المارجن كوول ومش قدامي حل غير اني يا اقفل الصفقات كلها علي خساره وارضي بالاكويتي بتاعي حاليا . يا اهدج كل الصفقات لحين ميسره .
ولكن للامانه انا هقولك حاجه . انا شغال علي exness > . في مره حصلت انه قفلت صفقاتي علي الزيرو . وكانت هيدج ايضا واعتقدت انها بسبب الاسبريد ولكن مره تانيه قريب . الاكويتي بتاعي وصل للسالب مع زياده الاسبريد وكنت معتقده انه الصفقات هتقفل . ولكن مع اعتدال الاسبريد رجعت طبيعيه . |
رد: أبحث عن حقي مع شركة FXDD وأرجو تفاعل الجميع
اقتباس:
أخي الكريم ... المشكله ليست في الإسبريد الخيالي ولا إتساعه فقط ... المشكله أكبر من كدا بكتير ... راجع كل بنود الموضوع ولو فيه حاجا مش واضحه هاوضحهالك سمعة الدكتور أسامه هي اللي خليتني آجي افتح حساب في الشركه مع اني عارف إن إسبريدها مرتفع وفيه شركات تانيه أحسن بس قلت مش مشكله نيجي علي نفسنا في الاسبريد عشان خاطر السمعه المحترمه ، طب إستفدت أنا إيه من السمعه وأنا بحاول أقنعه بالكلام دا اللي أي حد هيقرأه هيفهم إني علي حق .. وهو كل ردوده إنتا غلطان .. دي مجرد إرهاصات .. يعني فيه صفقه مقفوله يدوي من الشركه وهو برده مش بيرد علي كل النقط .. بيرد علي نقطه ويسيب اللي علي مزاجه وأنا أتمني والله إنه يطلع عند حسن ظني زي ما طلع عند حسن ظن الجميع .. بس للأسف خاب أملي بشده بعد الرساله بيننا |
رد: أبحث عن حقي مع شركة FXDD وأرجو تفاعل الجميع
بصراحة شركة FXDD بقالها حوالى شهر بتخرف وبيحصل فيها حاجات غريبة ولما تراسلهم او تراسل خدمة العملاء هنا بالمنتدى تجد اجابات اغرب حصل معايا مشكلة من حوالى شهر وتم فتح موضوع هنا على العام وبعدها بدقيقة تم تحويل الموضوع لخدمة العملاء بحجة سرية البيانات المهم مالقيتش حل ولا تفسير للى حصل لان رد الشركة و خدمة العملاء كان غريب جدا وبعدها باسبوعين حصل مشكلة تانى ولسه الاولى ما كانت اتحلت او عرفت سببها لانها عكس قوانين الفوركس تماما .....و حتى الان ايضا لا يوجد اى حل ولا اى تفسير ومعايا صور لتاكيد المشكلتين بالتواريخ والارقام من الاخر الشركة بتعمل اللى عاوزه تعمله وتقولك اخبط دماخك فى الحيط وللاسف انا ايضا انصدمت لما لاقيت د عادل بياكد كلام الشركة وكاننا لا نعرف ما هى قوانين الفوركس ريحتك فاحت يا FXDD |
رد: أبحث عن حقي مع شركة FXDD وأرجو تفاعل الجميع
اقتباس:
اقتباس:
شكراً لمرورك العطر الموضوع فعلاً كبير يا غالي .. الغلط غلط ومحدش يرضى بيه فكرة البوزشينز الكتير دي حاجا أنا باشتغل بيها .. انا قلت ان أسلوب شغلي مختلف عشان أسلوب شغلي مش موضوع المناقشه هنا .. ومش حابب أخوض فيه تمام .. هنفترض إن صفقاتك اللي قفلت علي الزيرو دا شيء طبيعي .. ولو إنه عيب من الشركه ولكن هل كانت الصفقات دي قافله يدوي من الشركه ؟ يعني كان مكتوبلك جنبها في التعليق عليها from# زي الصفقه بتاعتي هنا ؟ ولو الشركه بعتتلك تقرير كان إيه سبب إغلاق الصفقه ؟ وهل الصفقه قفلت علي سعر بعيد عن سعر السوق في حينها 410 نقطه زي ما إتقفلت عندي كدا ؟ تقصد الفري مارجن وصل بالسالب .. الإكويتي مينفعش يبقي سالب يا غالي .. بيحصل كتير ان الفري مارجن بيكون بالسالب في شركات كتير جداً ودا أمر طبيعي ومعروف كويس ولكن النقاط اللي هنا مختلفه تماماً وأشد خطوره |
رد: أبحث عن حقي مع شركة FXDD وأرجو تفاعل الجميع
بصراحة الموضوع ده مهم جدا ونرجوا من ادارة الموقع الرد علي ذلك لان الراجل عنده حق في كل كلمة قالها وانا كنت خلاص هفتح حساب حقيقي مع بداية الاسبوع القادم في fxdd عن طريق وكالة اف اكس اريبيا وده بعد تفكيركبير لان انا عجباني شركة fxcmmena وانا شايف انها الافضل ومع ذلك قررت افتح في fxdd وذلك لثقتي الكبيرة في الدكتور اسامة فلابد من وجود رد من ادارة الموقع وبسرعة قبل ما يفقد ثقة ناس كتير وحتي لو الشركة غلطانة يقولوا لان ده مش عيب في ادارة الموقع ده عيب في الشركة ولكن التستر علي مثل هذه الالاعيب يعد جريمة لا نقبلها من هذا الموقع المحترم تقبلوا تحياتي |
رد: أبحث عن حقي مع شركة FXDD وأرجو تفاعل الجميع
تصدق خوفتنى من اف اكس دى دى رغم عدم متاجرتى بالهيدج
بس انصحك بالاسبريد الثابت بعد كده عشان مايبقاش الشركه ليها حجج والفرق نقطه او نقطتين وياده ... ورد الاخ فوركس 2012 ياريت ياجماعه لو فى شكوك عن شركه حتى لو تحت رعايه المنتدى ان يرد المسؤلين قدام الاعضاء عشان نطمئن بصحه الشكوي بالظبط فليست الشكوي للشخص بعينه ط بل لجميع الاعضاء لاننا كعرب بكفه واحده وشكرا والسلام عليكم |
رد: أبحث عن حقي مع شركة FXDD وأرجو تفاعل الجميع
اقتباس:
انا بالفعل حسابى اسبريد ثابت علشان اعرف اطلع اخطاء الشركة واعرف اراجع وراهم وما يكون فيه تعليق للمشاكل على شماعة الاسبريد ورغم ذلك لم اسلم من المشاكل |
رد: أبحث عن حقي مع شركة FXDD وأرجو تفاعل الجميع
تحيه طيبه على الجميع،
ان شاء الله يتم حل مشكلتك اخ/عمر، وجود الموضوع على العام،دون نقله او حذفه،يؤكد على شفافية المنتدى، ننتظر رد الشركه،وباذن الله يرجع لك حقك ف حال اثبات ذلك، همسه،/ انا بنافس حاليا ف مسابقه تبع منتدى اخر،والشركه الراعيه هى FXDD ،تفتكر اكمل المنافسه ولا اخرج منها ؟! :) الله يسترها على الجميع ،ويستر اموالكم من كل شر. بالتوفيق |
رد: أبحث عن حقي مع شركة FXDD وأرجو تفاعل الجميع
اهلا بك اخى العزيز عمر.. شكرا على فتحك لهذا الموضوع و ان كانت طريقة سرده لم ترق لى اطلاقا و لكن لا مانع من ان تكتب ما تريد فى اى وقت و علينا ان نتابع الامر فهذا هو عهدنا دائما مع الجميع و لو كنا كما تكتب كنا تجاهلناك من البداية و لكن ليست هذه طريقتنا او سمعتنا التى بنيناها فى سنين لقد قمت بالرد على كل ايميلاتك و مراسلاتك من ناحيتى و بالتواصل مع الشركة و تقديم كل المستندات التى طلبتها.. كان ايضا من الواجب ان تضيف ما ارسلته لك الشركة من تقرير الحساب و موضحا فيه سبب الخسارة و ايضا صورة من السيرفر التى ارسلتها لك فى المراسلات المتكررة لنا سويا حتى يكون الامر واضحا للجميع بدلا من ان يكون محاولة الحصول على ردود معينة فحتى تحصل على حكم ما من الاعضاء فعليك ان تضع كل شيئ امامهم.. خلينا نضع ايدينا امام الجميع اين هى المشكلة.. 1- حضرتك بتقول ان الشركة اغلقت صفقة يدويا من ناحيتها و اخبرتك ان هذا غير صحيح فلم يكن هذا ليحدث مع شركة مرخصة و لها اسمها و سمعتها و تراخيصها و لم يحدث هذا مع الالاف من العملاء على مر السنين و اخبرتك انه لا يوجد حرامى و اهبل بهذه الطريقة ان يغلق صفقة يدويا لتخسر حسابك اذا كان لديك ما هو دليل باغلاق الصفقة من قبل الشركة فقدمه لنا و اعدك بان نلغى الوكالة معهم فورا..و من الناحية الاخرى راجع تقرير الحساب الذى وصلك لتعرف لماذا اغلقت الصفقات.. 2- ان السبريد ارتفع بشكل كبير وقت الخبر انذاك و لا اعلم هل نلوم الشركة فى هذا ام نلوم البنك المزود للسيولة ام نلوم العميل صاحب العقود العالية على الحساب بما لا يتماشى مع اى اساسيات لادارة رأس المال. لا يوجد اى وتر العب عليه فلقد تواصلت مع المئات من الاخوة فى المنتدى فى الكثير من الاوقات و يعرفنى الكثير و انت نفسك فتحت حسابك بعد ما لمست الامر مننا و كيف نعامل الجميع و لكن فى بعض النقاط لا يوجد لنا حول ولا قوة..فلا نعتقد ان الشركة اخطئت و لا نعتقد ايضا ان العميل اخطأ و انذاك يكون الحكم ما هى قوانين السوق و كيف يدور.. لقد سالتك ما هو الذى يمكننى فعله حتى ترى ان المشكلة قد تم حلها و لكن للاسف لم اتلقى اجابة مقنعة تذكر و سالتك هل تود ان استفسر ان كان يمكننا اعادة العقود المهدجة مفتوحة مرة اخرى ام لا و لكن ايضا لم اتلقى ردا.. ما حدث مرة اخرى للجميع هو كالتالى.. - فى اثناء الاخبار ارتفع السبريد بما يساوى 20 نقطة فى ثانية الخبر ثم عاد مرة اخرى ادراجه..فى هذا الوقت كان الحساب خسر من 12 الف دولار الى حوالى 550 دولارا و لم يعد هناك مارجن كافى لابقاء الصفقات مفتوحة اما السبريد المرتفع فخرجت كل الصفقات على المارجن كول.. - تم تقديم شكوى من العميل بان الصفقات اغلقت من دون وجه حق. - تم التواصل مع الشركة و الحصول على تقرير الحساب بكل التفاصيل عن الصفقات المفتوحة و خسارتها و سبب الخسارة و السبريد اثناء اغلاق العقود و تم عمل حساب كامل للسبريد و المارجن و العقود. - تم ارسال صورة من سيرفر الشركة توضح السبريد القادم للشركة من البنك اثناء هذه الدقيقة. - لم يقتنع الدكتور عمر باليات تنفيذ العقود فى الميتاتريدر اثناء اغلاق المارجن كول متهما الشركة انه اغلقت العقود يدويا من جانبها لتسييل الحساب (اللى كان خسر للاسف اكثر من 90% بالفعل :( ) . حضرتك ان تقتنع ان هذه اليات تنفيذ الميتاكوتس و اليات اغلاق العقود من الميتاتريدر نفسها امر لن استطيع ان اجبرك عليه و لكن هذه هى الحقيقة و انت مقتنع انها حجج و اعتقد الاعضاء هنا لديهم خبرة فى هذا او من تعرض منهم للمارجن كول للاسف. للعلم مفيش اى شركة على الكرة الارضية حتبعتلك تقرير الصفقات و اسباب المارجن كول و صور السيرفر كما تم معك و ساعتها سيصح المثل الذى قاله الاخ اضرب دماغك فى الحيط و هو ما لم و لن يحدث معك او مع اى عميل لديه شكوى او استفسار.. اذن مرة اخرى اطلب منك..كيف يمكن حل هذه المشكلة من وجهة نظرك بعد ان تم ارسال التقارير من الشركة و صور اسعار السيرفر من الشركة ايضا و هى ما وضحت ما حدث و لا يمكننى وضعها هنا لانها اسرارك الشخصية و يمكنك وضعها اذا رغبت بذلك و لكن وجب التنويه. لقد شددت ان لا يأخذ الامر اتجاها شخصيا بين الافراد و لكن هاانت تقوم بشخصنة الموضوع اكثر و اكثر و تقوم بتفنيد ردودى حسب ما يترائى لك و بكل اسف :(..و لقد طلبت ان تفتح الموضوع فى المنتدى و كان لك هذا و تم التشديد على كل المشرفين بعدم التعامل مع الموضوع من اى نوع و اعطاء الفرصة لك و للجميع للسرد.. تقبل تحياتى و شكرا لفتح الموضوع و تاكد ان ما تطلبه و يكون منطقيا و حل لمشكلة سنسعى فيه اكثر منك كما فعلنا و نفعل دوما مع الجميع.. |
رد: أبحث عن حقي مع شركة FXDD وأرجو تفاعل الجميع
اقتباس:
شكرا على ردك الرقيق.. نحن سنقف مع الجميع لو رأينا انه يوجد خطأ ما من جانب الشركة و هو ما فعلناه اكثر من مرة معك او مع غيرك.. و سنظل نفعل هذا باستمرار فالشركات تتهافت للتعاقد مع اف اكس ارابيا و نحن نرفض الوكالات ليس ثقة فى اف اكس دى دى و حسب و لكن ايضا اننا نريد ان نقدم افضل ما لدينا و افضل خدمة للجميع. انا اتفهم تماما انزعاج الدكتور عمر مما حدث و لكن هذا هو السوق و بكل اسف تحدث اشياء كل يوم تعلمنا الجديد فلا يوجد تعليم مجانى فى عالم الفوركس.. شكرا مرة اخرى على ردك الرقيق.. اقتباس:
صراحة لا اعلم كيف علمت ان الاخ على حق :) و المهم هو اننا نسعى دائما للمحافظة على جميع العملاء و اى مشكلة تحدث من اف اكس دى دى فنحن اول من يكتبها و هو ما يسبب لنا مشاكل كثيرة معهم فى بعض الاحيان نظرا لشفافيتنا فى الامر.. و على اى حال تاكد اننا دائما نخاف ربنا و نراعيه فى الناس اولا.. اقتباس:
من حق اى فرد ان يشتكى او حتى يذهب للتقاضى و من حق اى شركة ان ترد بما لديها.. اى اساءة للشركة لا تعتبر اساءة لنا بالتبعة فنحن مستقلين اساسا و اختيار تعاوننا مع الشركة نابع من قرارنا الشخصى و من تعاملنا معهم لسنين.. و اول ما نرى انه يوجد شيئا ما غير جيد فى الافق سنكون اول المحذرين بالخروج منها و لكن للاسف فانه مع تجربة شيئ لم يمر على المتاجر من قبل فان اول ما يتبادر الى ذهنه هو انه يوجد شيئا ما خطأ من الشركة وواجبنا وواجب الشركة هو الشرح و التوضيح.. شكرا للجميع طيب مشاركاتهم و نتمنى ان تسهم المشاركات فى رفع التوعية لدى المتاجرين العرب و اليات عمل السوق و التعلم كدروس مستفادة مما يحدث.. الله كريم.., |
رد: أبحث عن حقي مع شركة FXDD وأرجو تفاعل الجميع
بالنسبه للنقطه اللي حضرتك أثرتها يا دكتور أسامه بخصوص الرساله وإنك سألتني ايه الحل من وجهة نظري وانا مجاوبتكش ممكن تفسرلي البرنت سكرين دي من الرساله بيني وبينك :1 (114): دا كان رسالتك اللي فعلاً طلبت فيها كدا http://www.fx-arabia.com/vb/uploaded...1384530572.png ودا كان ردي عليك باني عايز الحساب يرجع زي ماكان .. بس الظاهر حضرتك مأخدتش بالك أو كما أتمني :1 (114): http://www.fx-arabia.com/vb/uploaded...1384530741.png خد بالك المره الجايه كويس ياريت عشان ميتقالش كلام هنا يتفسر علي إنه كذب لأننا بنفترض حسن النيه دايماً من حضرتك |
رد: أبحث عن حقي مع شركة FXDD وأرجو تفاعل الجميع
د عادل حضرتك رديت على كل الردود اللى اتكتبت فى الموضوع ما عدا ردودى انا ...... افهم من كدا ايه ؟؟؟؟ ولا لازم يعنى انشر على العام بالصور المشاكل علشان حضرتك ترد عليا |
رد: أبحث عن حقي مع شركة FXDD وأرجو تفاعل الجميع
اقتباس:
اصل كلمة حسابك يرجع كما كان دى انا فمهتها لاصل الحساب فاستغربت كيف تطلب مثل هذا الطلب و لقد خسرته للاسف :( ارجو التاكيد على الامر و سوف اتواصل مع الشركة لاعلم امكانية هذا من عدمه على السيرفر لان التنفيذ قد تم فعلا.. |
رد: أبحث عن حقي مع شركة FXDD وأرجو تفاعل الجميع
اقتباس:
تحياتى |
رد: أبحث عن حقي مع شركة FXDD وأرجو تفاعل الجميع
اقتباس:
ياريت حضرتك توضحلى فين التهجم فى كلامى بالضبط علشان قولت ان الشركة بتخرف .... طيب ما هو دا تفسير اللى حصل معايا |
رد: أبحث عن حقي مع شركة FXDD وأرجو تفاعل الجميع
1 مرفق
اما بالنسبه لنقطة التقرير بتاع الشركه فهو مرفق في الرد ياريت تنزلوه وتتفرجوا وللإيضاح فدي يا جماعه برنت سكرين من تقرير الشركه ودي كلمة from # اللي مقفول عليها الصفقه دي وبقية الصفقات مقفوله closed by hedge & partial closed http://www.fx-arabia.com/vb/uploaded...1384531202.png ياريت يا دكتور أسامه تفهمني وتفهم الناس يعني ايه كلمة from# لأني مبفهمش حاجا والمحترفين هيدخلوا يقيموا ردك عالكلمه دي علي فكره :1 (114): ولو الشركه مقفلتش الصفقه .. مين اللي قفلها ؟ وياريت يا دكتور تطلب الأي بي اللي قفل الصفقه وتكتبه هنا في الموضوع أدام كل الناس عشان كل الناس تبقي شايفه الحقيقه فين بالظبط بعيداً عن الكلام المعسول اللي مبيوديش ولا يجيب في سوق أموال |
رد: أبحث عن حقي مع شركة FXDD وأرجو تفاعل الجميع
اقتباس:
شكرا للرد يا دكتور اسامة والتوضيح ولكن من حق اي احد كما تفضلت انت وقلت ذلك انه يعرض وجهة نظره وكلامنا عموما لا يتهم الموقع باي شئ وانا صدقت كل الكلام اللي حضرتك قلته نظرا لثقتي العمياء فيك فلا تغضب من مشاركتي ويعلم الله مدي تقديري الشخصي لمجهوداتك تقبل تحياتي:1 (58)::1 (58)::1 (58)::1 (58)::1 (58)::1 (58)::1 (58)::1 (58)::1 (58): |
رد: أبحث عن حقي مع شركة FXDD وأرجو تفاعل الجميع
اقتباس:
انا حجيبلك رد رسمى من الشركة و انسخه هنا مش رد شخصى عشان يكون مفيد معاك لو حبيت تمضى قدما فى تقديم شكوى مع جهات رقابية و سوف احصل لك على الاى بى كمان.. و هذا جيد عشان الناس تتعلم من اخطاء الاخرين :) اقتباس:
هذا هو ما نجنيه هو حب الناس لنا و هو ما يكفينا.. اما الاخ دكتور عمر فلا يمثل هذا الموضوع اى سوء من ناحيتى فكل شخص محق فيما يراه صحيحا وواجبنا هو التوضيح و تقديم ما يلزم من مساعدة للجميع.. |
رد: أبحث عن حقي مع شركة FXDD وأرجو تفاعل الجميع
اقتباس:
الرساله دي يا د أسامه كانت بيننا و إنتا يادكتور اسامة اتهمتنى انى مادتش الوقتى بتقول انك مافهمتش الرسالة طيب انا فعلا كنت بطلب الحساب يرجع زى ماكان على صفقاته مهدجة فى الكلام اللى كان بينك وبينى على الخاص لاكن دلوقتى انا مصر على ان اعرف يعنى اية كلمة فرومfrom# from# from# from# from# from# from# from# يا عاااااااااااااااااااالم فهموهاني وعايز أفهم برده ليه الحساب التجريبي اللي حضرتك والدعم الفني هنا والدعم الفني في الشركه طلبتوا مني أفتحه مقفلش الصفقات بآلية هيدج زي آلية هيدج الحساب الحقيقي ولية الشركة قفلت صفقاتى وضيعت عليا نقاط مهمة كنت منتظرها عشان افك عندها الهيدج ،،، |
رد: أبحث عن حقي مع شركة FXDD وأرجو تفاعل الجميع
وعايز أفهم حضرتك الحساب بتاعي كان فيه 540 علي فكره مش 550 المهم إزاي حضرتك يرتفع رصيدي وكل المؤشرات تشير إلي إن المفروض الرصيد ينخفض حسب تفسيراتك !! أولاً إزاي حضرتك لما يرتفع الاسبريد عليا يصبح الحساب بعد ماكان فيه 540 يصبح فيه 670 ؟؟؟ هوا لما الاسبريد بيرتفع أنا باكسب فلوس ولا إيه ؟؟؟؟؟ ثانياً وإزاي حضرتك يتقفل لي صفقة هيدج شراء ويصبح عندي متفعل صفقه بيع يعني فاتح صفقه بيع والسعر ينطلق صعوداً ورصيدي يرتفع ولا ينخفض ياريت حضرتك تفهمني النقطه دي حصلت إزاي ؟؟ وياريت حضرتك متطلبش الفلوس تتسحب من الحساب ولا حاجا لحد ما نفهم الموضوع دا حصل إزاي :1 (114): |
رد: أبحث عن حقي مع شركة FXDD وأرجو تفاعل الجميع
اهلا يا دكتور..
#from + رقم الصفقة ده اغلاق جزئى من الصفقة اللى مكتوب رقمها مش اغلاق يدوى.. انت تعتقد انها اغلاق يدوى من الشركة و ان الشركة سرقتك..الشركة مش حتسرقك و تسيبلك الدليل على البلاتفورم :) للاسف سياسة الميتاتريدر فى اغلاق الهيدج هى اللى مزعجة لنا فى الشرح قبل ان تكون مزعجة لك. الميتاتريدر يصفر العقود و يغلقها على سعر دخولها و يحمل باقى الخسارة على العقود الاخرى..طريقة غير لطيفة و لكن هكذا هى طريقة من برمجوه من البداية.. المشكلة ان كل ده بيكون موجود على السيرفر انت داخل من اسعار كام و كام و متوسطات الدخول كام و السبريد كان كام ساعتها ده اللى انا مش بقدر احصل عليه لان معنديش صلاحيات الدخول للسيرفر و معرفة هذه الامور.. اما بخصوص الفلوس الزيادة فده برضه من السيرفر لان السبريد كان وصل ل 20 نقطة و طلعك مارجن كول و بعد كده رجع تانى حسب الصورة التى ارسلتها لك من سيرفر الاسعار الوارد للشركة.. اذا يوم الاثنين او الثلاثاء على اقصى تقدير سوف احضر لك ردا رسميا من القسم الفنى للشركة لشرح ما حدث من خلال الاطلاع على السيرفر.. هذا الموضوع و فتحه مفيد للغاية ففور اتمام الامر سوف نقوم بعمل شرح وافى لالية اغلاق المارجن كول على الميتاتريدر حتى يتعلم منها الجميع.. تحياتى و القاك فى الاسبوع الجديد ان شاء الله.. |
رد: أبحث عن حقي مع شركة FXDD وأرجو تفاعل الجميع
انا فى يوم من الايام كان حسابى فى fxdd تحت راعيه احد الاشخاص وبعد ماكتب هذا الكلام من يوميها وانا قولت توبه الى الله من fxdd واحنا ياجماعه بنحزر الناس من انهم يضعو فلوسهم فى قبرص ما بالك ب مالطا افلا تعقلون انا عن نفسى موجود هنا لشخصيه الدكتور اسامه المحترم اللى استفدت منه الكثير فى هذا المجال والهجوم ليس موجه لشخصه المحترم السلام عليكم و رحمه الله و بركاته الحمد لله رب العالمين و الصلاه السلام علي أشرف الخلق سيدنا رسول الله و علي أله و صحبه و سلم إلي يوم الدين أما بعد فقد إسترعي إنتباهي موضوع مهم و علي درجة عالية من الخطوره ألا و هو موضوع فيه تحذير من شركة fxdd و لأنني أي بي ( وكيل معتمد ) للشركة و أقوم بتوجية الناس إلي أن تفتح حسابات حقيقية بها فقد إسترعي إنتباهي الموضوع و نتيجة للمسؤلية التي أنا وضعت نفسي فيها أمام العملاء الذين وضعوا ثقتهم بي فقد كان واجبا عليا أن أتحقق من ما تم نشرة علي هذا المنتدي و للأسف تأكدت تماما من صحة ما تم نشره من أن الشركة مشبوهة تماما و تقوم بالالتفاف علي العملاء و علي القانون و تقوم بالنصب المباشر علي المنصة و بدون أن يشعر العميل بذلك وأصبحت في حيره من أمري فكيف أواجة عملائي و أقول لهم إسحبوا أموالكم من تلك الشركة بعد أن كنت أقول الشعر عنهم و عن ثقتي فيهم و أدركت أنني كنت مخطئا تماما أنني لم أتحقق من مصداقية الشركة و كنت قد أنتجت مجموعه سيديهات تعليمية و أوضح فيها الفروق بين الشركات و هذا كان بداية تحرياتي عن إف إكس دي دي المهم مطولش عليكم .. قررت مواجهة الشركه بما لدي و ما حصلت علية من الانترنت فكانت المفاجأه الكبري |
رد: أبحث عن حقي مع شركة FXDD وأرجو تفاعل الجميع
السلام عليكم
مع احترامى للجميع بس فجأة الكل بقى يشكى من الشركة وعنده مشاكل وعيوب وكمان مفاجات ؟؟؟ |
رد: أبحث عن حقي مع شركة FXDD وأرجو تفاعل الجميع
على كدا بقى احنا نعمل موضوع نجمع فيه كل مشاكل FXDD ليكون عبرة لكل الناس ونحذر بعضنا من الاعيبهم وشكرا يا عادل يا صاحب الموقع على ذوقك العالى و على وصفى بالتهجم و على عدم الرد عليا بتوضيح فين هو التهجم فى كلامى بس تقريبا كدا علشان مافيش اسباب مقنعة لمشاكلى فحضرتك تهربت من الرد عليا وقولت انك مش بترد على الناس اللى بتتهجم بالكلام عموما انا كمان حفتح موضوع لمشاركة الاعضاء بالمشاكل اللى حصلت معايا |
رد: أبحث عن حقي مع شركة FXDD وأرجو تفاعل الجميع
اقتباس:
لا وانتى صادقة الشركة هى اللى بقت فجأة كدا كلها مشاكل وبتخرف ..... انا عن نفسى اول مشكلة لى كانت بتاريخ 11/10/2013 والمشكلة التانية كانت بتاريخ 7 /11 /2013 وكنت بتابع مع خدمة العملاء و الشركة نفسها لحد لما تعبت من اجابتهم الغير مقنعة ولاقيت الموضوع دا فى وشى وقريت ما حصل لصاحبنا الله يكون بعونه |
رد: أبحث عن حقي مع شركة FXDD وأرجو تفاعل الجميع
اقتباس:
لقد قام فريق الدعم الفنى بالرد على رسالتك فعلا فى موضوعها الخاص, و لقد اثرت عدم الرد عليك لانه لم يتم ذكر المشكلة و اننا كنا كلنا مسافرين نحن و طاقم الشركة للسعودية و فور عودتنا قمنا بعمل اللازم و تم الرد عليك.. للاسف مشكلة التنفيذ اثناء الاخبار و السيولة العالية هى المشكلة السائدة بين الشركة و العملاء فالشركة تقول انها تنفذ كما تاتيها الاسعار من البنوك و لا حيلة لها فى هذا و العملاء يؤكدون ان الشركة عليها ان تنفذ من السعر المطلوب.. لقد كتبنا مرارا عن هذا الامر ان التنفيذ فى سوق الفوركس يخضع للعرض و الطلب و يخضع لتسعيرات البنوك و السيولة القادمة.. هذا الامر مع كل الشركات التى تتعامل مع البنوك و ليس شركات التى لا يوجد لديها تنفيذ فعلى مع البنك.. و ان كان من وجهة نظرك الافضل فى التعامل مع شركات ديلنج ديسك فعليك ان تجرب هذا الامر فعلا لترى ايهم الافضل و اين امان الاموال انذاك.. تقبل تحياتى.. |
رد: أبحث عن حقي مع شركة FXDD وأرجو تفاعل الجميع
اقتباس:
يا باشا انا ما بقولش ان الشركة لازم تنفذ من السعر المطلوب لانى عارف وفاهم كويس الية عمل البنوك والشركات واوقات كتير تغلق الصفقات عندى سواء هدف او استوب على اسعار غير المطلوبة منى سواء بالناقص او بالزيادة وهذا شئ لم اتذمر عليه ابدا لانه حسب السعر اللى جاى من البنك وزى ما هو شئ ضدى فى بعض الاوقات فهو شئ فى صالحى فى بعض الاوقات الاخرى لحد هنا متفقين مع بعض فى الكلام لكن السعر اللى جاى من البنك للشركة لازم يكون ظاهر امامى على الشارت بالتوقيت الفعلى .... مش يتم اغلاق الصفقة على سعر ليس موجود على الشارت اصلا ... هذا هو الشئ اللى مش مقبول |
رد: أبحث عن حقي مع شركة FXDD وأرجو تفاعل الجميع
هذا ما يسمى ال Tick
اسعار العملات تتحرك بسرعة كبيرة و ليس كل سعر امامك على الشارت هو سعر البنك فالامر يختلف حسب سياسة العرض و الطلب و التنفيذ فقط ترى السعر و عندما تطلبه يحدث ريكوت او قد ترى ان الشمعة بالفعل مرت على الاسعار و لكن فى الحقيقة انها جابات و تكون واضحة فقط مع اغلاق السوق..لكن فى التنفيذ الحقيقى فالامر يختلف عنه عن الديمو.. فى اتفاقية اى شركة فوركس ستجد ان التنفيذ مضمون بنسبة 99% و تبقى ال 1% هى العالقة اثناء الاخبار عاتية السيولة او الجابات و هو ما حدث مع مشكلتك للاسف اثناء التنفيذ مع خبر الفائدة الاوروبى.. و لقد تم الاشارة لهذا فى عدة موضوعات و فى فيديوهات تعليم الفوركس فى الموقع فى اكثر من مرة.. على اى حال وصلنا طلبك بالكشف عن لوج السيرفر و الحصول على صورة التنفيذ اثناء هذا الخبر و سوف تصلك فى الاسبوع الجديد.. و سعيد بالتواصل معك فى اى وقت :) تقبل تحياتى |
رد: أبحث عن حقي مع شركة FXDD وأرجو تفاعل الجميع
السلام عليكم د. عمر فعلا شي سيء ما حصل معك لكن لكن انت تشتغل بالاسبريد متحرك و فاتح هيدج و عدد كبير من الصفقات و بي لوت عالي ودي نقطة ضعف في طريقة عملك ممكن اي شركة مهما كانت سمعتها جيدة و مصداقيتها تستغل مسألة الاسبريد المتحرك مع الهيدج اسوء استغلال و تعلق اي مشكل خارج عن سيطرة الشركة وقت صدور اي اخبار قوية او تلاعب عن قصد من الشركة دائما جواب الدعم الفني لشركات هو الاسبريد ارتفع دقيقة صدور الخبر . ان شاء الله د . اسامة يقدر يقنع الشركة و يرجع لك الحساب زي مكان الراجل ده تمام سؤال لي د. اسامة #from + رقم الصفقة ده اغلاق جزئى طب مين السبب في الاغلاق الجزئي ده العميل او الشركة او المنصة بشكل اتوماتيكي ؟؟ سؤال للاخkosha66 ياريت تخبرنا هي ايه المفاجئة الكبرى الي حصلت لك لما وجهت الشركة ؟؟ و تخبرنا عن التلاعبات الشركة الي حصلت مع العملاء |
رد: أبحث عن حقي مع شركة FXDD وأرجو تفاعل الجميع
ربنا يعوض الاخ صاحب الموضوع خيرا ان شاء الله
نصيحيت الشخصية لك توجه مباشرة للهيئات الرقابية و باذن الله حقك هيرجع, و اعتقد ان اف اكس دي دي تعرضات لغرمات من الهيئات الرقابية قبل كدا بسبب مخلفات سابقة و تم تغريمها مبالغ كبيرة لكني مش متذكر التفاصيل حقيقية عموما انا شخصيا قبل ما بفتح حساب في اي شركة بطلب منهم يرسلوا لي تاريخ مخالفاتهم من الهيئات الرقابية و في نفس الوقت ببعت ايميل للهيئة الراقبية اسئل عن المخلفات.. يعني مثلا انا عملت كدا مع سوليوشن و هما قالوا معليناش ولا مخالفة و الهيئة الراقبية قالت انهم معليهومش ولا مخالفة فاطمانيت و فتحت حساب معاهم اسف لتدخلي فالموضوع و ربنا يوفقنا جميعا للخير |
رد: أبحث عن حقي مع شركة FXDD وأرجو تفاعل الجميع
اقتباس:
أحييك على سؤالك للدكتور أسامة بس سؤالك للأخ كوشا أعتقد أنه ملوش لزمة لأن والله أعلى وأعلم "شكله بيصطاد في الميه العكره" من باب أولى لو الشركة زي مبيقول يخلص العملاء بتوعه بدل ما يدي نصايح هنا :1 (58)::1 (58)::1 (58): |
رد: أبحث عن حقي مع شركة FXDD وأرجو تفاعل الجميع
اقتباس:
السلام عليكم احيك ياغالى على سؤالك الجوهرى والذى هو فعلا لب الموضوع سؤالك للدكتور اسامة صريح وواضح وهو مالاحظت ان الدكتور عمر فى كل ردودر يسأل عن هذا السؤال ولم يجد الرد الواضح وانا اضم صوتى لنفس سؤالك وارجوا الاهتمام بحل هذة المشكلة فى اسرع وقت ولا نسمح ابدا ان تكون امولانا عرضة لمثل هذة الشركات طبعا كل الناس هنا داخلة على سمعة المنتدى ولابد ايضا ان تحافظ الشركة على المنتدى ولا نزايد على الدكتور اسامة لاكن عندما نشاهد فى موضوع واحد عدة مشاكل من اشخاص مختلفة يبقى اكيد فى حاجة غلط ولازم نشوف الغلط فين وان شاء الله اتمنى ان الموضوع دة ينتهى فى اقرب وقت |
رد: أبحث عن حقي مع شركة FXDD وأرجو تفاعل الجميع
اقتباس:
أنا لحد الآن يا دكتور أسامه لم أقم بنشر الموضوع في منتدي آخر وذلك حفاظاً علي سمعة المنتدى وليس سمعة الشركه وهاستني لما أشوف آخر الموضوع هنا وساعتها هاقرر أعمل إيه مع المنتديات التانيه أما بالنسبه لموضوع الهيئات الرقابيه فحالياً بكتابة دعوه يقوم بكتابتها متخصصين .. وسوف أقوم برفعها هنا أيضاً قبل إرسالها للهيئات الرقابيه عشان كل حاجا تكون أدام الناس |
رد: أبحث عن حقي مع شركة FXDD وأرجو تفاعل الجميع
اقتباس:
بالنسبه للإغلاق الجزئي دا يا دكتور أسامه from# زي ما بتسميها .. أنا برده عايز أعرف مين أغلق الإغلاق الجزئي .. وسبب الإغلاق الجزئي دا إيه اللي أنا اعرفه ان الاغلاق الجزئي هو partial closded أما كلمة from# هو إغلاق الصفقه مباشرة ويا دكتور أسامه تسمي from# إغلاق جزئي أسميها إغلاق يدوي تتسمي إغلاق مباشرة .. مش هنختلف عالمسميات ولكن اللي حصل هو ان from# يعني تم إغلاق الصفقه دي مباشرة بفعل فاعل وهو ما أدي إلي مرجنة الحساب .. أنا بقي عايز أعرف مين الفاعل ؟؟؟؟!!!! أما بالنسبه إن هتسرقني وتسيبلي دليل .. الحاجات دي يا دكتور أسامه بتبقي من عند ربنا .. مفيش حاجا كامله .. الكمال لله وحده بالنسبه للفلوس الزياده في الحساب يعني يا دكتور أسامه طالما إن السرفر حنين علينا أوي كدا وزود 130 دولار من جيبه وخلى ال 540 .. 670 .. مكنش يقدر يبقي حنين ويبحبح إيده حبتين كمان شويه ويخليهم 800 عشان الصفقات دي متقفلش ؟ :1 (114): |
رد: أبحث عن حقي مع شركة FXDD وأرجو تفاعل الجميع
اقتباس:
أنا كنت متأكد إني مش لوحدي بواجه المشكله دي وكنت عارف إن الناس بتتكلم علي إستحياء ومحدش واثق إنه علي الحق لأن ردود الشركه والاداره هنا مراوغه جداً ومش سهل يتاخد منها حق ولا باطل إن شاء الله كل المشاكل تتحل وكل واحد ياخد حقه |
رد: أبحث عن حقي مع شركة FXDD وأرجو تفاعل الجميع
حجم اللوت كان كام سنت لكل 100 دولار ؟؟و كنت بتستخدم رافعه كام ؟؟
|
رد: أبحث عن حقي مع شركة FXDD وأرجو تفاعل الجميع
إلي إدارة المنتدى الكرام يا جماعه إحنا متفقين إن الموضوع هيتفتح مش هيتم حذف أي حاجا منه وفيه ردود إتحذفت ومعنى كدا إن الردود اللي بتتحذف دي إتحذفت خصيصاً لكي لا تؤكد كلامي بالنسبه لتلاعب الشركه طبعاً انا عامل حسابي وعارف ان الكلام دا كله هيحصل .. وواخد برنت سكرين لكل الردود وهنا إحنا إتفقنا إن الموضوع يكون بكل شفافيه فين الشفافيه ؟!!!! أرجو من الإداره عدم حذف الردود حفاظاً علي حقوق الجميع |
رد: أبحث عن حقي مع شركة FXDD وأرجو تفاعل الجميع
تذكرني بكرا بس ياخدو منك شرفية لأن فتحك للموضوع هون غلط وبيستعمل ضدك الموضوع بينشر بالمنتدى بعد الدعوة للجهة الرقابية والحكم وارضى بنصيبك لأن بالنهاية كل صفقاتك كانت غلط لا تواخذني بس هالشي صار معي شخصياً وقتها ارتفع السبريد على الذهب تصور 15 دولار ورضيت بنصيبي بالنهاية ولا قدمت شكوى لأن بالنهاية كان الغلط غلطي بدخول هيدج مع هامش امان صغير لأ وكيف اذا بتعرف انه السبريد بهالشركة مرتفع , وافترضنا بكرا فتحت حسابك لقيتو متل ما كان قبل شو بدك تعمل تسكر الباي 15 أو 20 نقطة طلوع طلعت برا ما بدنا نضحك على بعض ونصيحة إذا بدك تشتغل هيدج وتترك الصفقات سنين مو شهور ما إلك غير شركة بتستخدم برنامج تريد ستيشن وليس ميتا تريدر
|
| الساعة الآن 06:26 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com