|
رسالة شكر لابد منها لدكتور أسامة
السلام عليكم ورحمه الله وبركاتة
زي ما شوفت كتير من المواضيع بتهاجم الشركة fxdd بسبب مشاكل في الصفقات وقت الاخبار بالذات قولت لازم افتح موضوع وابين مشكلتي وال حصل معايا وبالتغاضي عن نوع اي مشكلة ولو الجميع راجعوا العقود التي وقعوا عليها اثناء فتح الحساب هايفهموا ان الشركة مش عليها اي خطأ وان العميل المفروض يتحمل الخسارة كاملة ولكن دكتور اسامة جزاه الله خيرا متأخرش والجميع حصلوا على تعويضات سواء خطأهم او الخطأ من الشركة وكان من فترة ليا مشكلة ايضا وقت الاخبار بسبب توقف السرفير والشركة عوضتني بدون اي تأخير عن الخسارة وبالزيادة كمان والله :D لكن مشكلتي الاخيرة كانت يوم الجمعة قبل السابق كنت داخل على الذهب شراء بعقود كبيرة جدا 6 ميني وحسابي كله كان 580$ وكنت داخل عند الدعم الملعون 1525.65 وقلت هو من 2011 مكسرش الدعم ومش هايجي المره ديه وكنت حاطت استوب لوز قولت يا ادبل الحساب او اقفل يدوي اول ما يكسر وحطيت استوب لوز تحسب لاي ظروف وارتد قليلا وفي اقل من دقيقة اسرع مرجن كول كسر وسافر حسابي بقى -47$ لدرجة اعدت دقيقة تقريبا مش مستوعب ال حصل لحسابي وطبعا هو تخطى الاستوب بتاعي بعدد كبير والسعر اول نقطة توقف فيها حسابي كان سالب 47 وعلى كل المنصات كسر بعنف ده بدون توقف وطبعا راسلت الشركة من يومها وكلموني ولكن بدون نتيجة وكان ردهم ان السعر لو تعدى الاستوب او التيك بروفيت فيتم الخروج عند اول نقطة توقف بعدها وده بند في الاستمارة بنمضي عليه عند فتح الحساب يعني الصراحة الشركة معلهاش اي خطأ والحق معاها وانا كده المفروض مطالب للشركة ان اودع 47 دولار علشان اصفر حسابي بس نظرا من تقدير الشركة للحصل معايا قالوا احنا هنخلي حسابك صفر وهايتحملوا هما الخسارة الزيادة علشان لما اودع مرة اخرى في المستقبل وراسلت القسم الخاص بالشكاوي هنا فالمنتدى وكان ردهم نفس الشركة تقريبا وفقدت الامل تقريبا قولت ابعتلي مشكلتي للدكتور اسامة وعدني ان هيكلم الشركة وان شاء الله يوصل لنتيجة معاهم وفعلا وعد فااوفى والشركة عوضتني 250$ ماكنتش احلم بيهم بعد ماكنت مديون للشركة نص حسابي رجع وبشكر دكتور اسامة مرة تانية وقولت ماينفعش بس لما يبقى في مشكلة نتكب مواضيع ونهلل ولما الشركة تعمل موقف ايجابي منتكبش عنه والفضل طبعا يرجع لربنا ثم دكتور اسامة جزاك الله كل خير واقل شهادة ممكن اكتبها في حقك :) والاهم الدرس القاسي ال تعلمته طبعا ادراة رأس المال رغم اني كنت ماشي كويس وبكسب والحمد لله بادراة رأس المال لكن سبحان الله في الصفقة الوحيدة ال كنت واثق منها و طمعت فيها خسرت نص حسابي |
رد: رسالة شكر لابد منها لدكتور أسامة
اهلا فيك الله يعوض عليك ان شاءالله ومبروك عليك التعويض طبعا جميع المنتدى من مدير ومشرفين يرحبوا بجميع المشاكل وجميع الشكاوي ونحن وعدناكم ان نقوم بالمساعده قدر الاستطاعه شكرا لك على الموضوع |
رد: رسالة شكر لابد منها لدكتور أسامة
مبروك ياغالي
والتعويض بيبقى لناس ناس انا مشكلتي كانت أبسط من مشكلتك وكمان مكنتش غلطان والشركة ما عبرتنيش بالتوفيق وخلي بالك من ادارة رأس المال بالتووفيق |
رد: رسالة شكر لابد منها لدكتور أسامة
مبروك عليك التعويض با غالي :)
اقتباس:
هل راسلتنا في قسم الدعم ؟ |
رد: رسالة شكر لابد منها لدكتور أسامة
اقتباس:
ومفيش فايدة .. ومشكلتي ابسط من مشاكل ناس كتير ومع ذلك مفيش اي استجابة |
رد: رسالة شكر لابد منها لدكتور أسامة
اهلاً اخي حقيقه اشكرك على الموضوع والذي هو شهادة منك ، وكان واجب المنتدى الوقوف بجانب عملائه حتى انه تم تعويض من تضرر فعلاً او حتى ممن كان الخطأ منه مثل افاضلك ورغم ذلك تم تعويضه .. ولكن اخشى مستقبلاً ان يتم استغلال ذلك بشكل سلبي ، ويبدأ البعض بتحميل الشركة اخطائهم وخسائرهم في المتاجرة ويستغلوا هذا الموقف النبيل من اف اكس ارابيا وكذلك شركة fxdd بعد كل خسارة هم سبب فيها .. مبروك عليك الفلوس وتقبل تحيتي |
رد: رسالة شكر لابد منها لدكتور أسامة
السلام عليكم
كلمة حق و شهادة وقوة و جهد على فتح الموضوع اولا ربنا يعوضك ثايا مبروك البونص و التعويض من الشركة وان شاء الله تدبلهم وترجع راس مالك واكثر الدكتور اسامة فعلا يقوم بعمل كبير في الكواليس و ربنا يجازيه كل خير الناس كلها بتحبه :) وله فضل كبير علي ايضا تحياتي و +1 لايك |
رد: رسالة شكر لابد منها لدكتور أسامة
من لايشكر الناس لايشكر الله انا شخصيا تعاملت مع هذا الرجل ووجدت كل صدق وامانه وتعامل راقي جدا وصدقوني سر نجاح هذا الرجل الامانه وكلمته الواحده وحب مساعدة الغير بدون اي مقابل اتمنى لك التوفيق اخي الكريم صاحب المشكله وربنا يعوض عليك ويرزقك من فضله |
رد: رسالة شكر لابد منها لدكتور أسامة
اقتباس:
اقتباس:
اقتباس:
اقتباس:
اشكرك ياخالد على كلامك والله يبارك فيك و والله فرحتي بالموقف نستني اي خسارة وان شاء الله معوضة وابدأ من جديد اقتباس:
وانت ماتركتليش اي كلام اقوله للدكتور و اشكره ربنا يجزاه كل خير على افعاله وفعلا مبيتأخرش عن مساعدة اي حد لو في استطاعته واشكرك على كلامك العطر واتنمى لك التوفيق ايضا ويعوض على الجميع ان شاء الله شكرا لمرورك |
رد: رسالة شكر لابد منها لدكتور أسامة
مضبوط ياغالي
الشركة رفضت أمر شراء على الكيبل في خبر الفائدة بحجة ان السعر اتحرك 3 نقاط !! خبر الفائدة اللي بيحرك السعر 150 نقطة في ساعة يعني عارف لو نفذته على اقرب سعر مش هتفرق لانه خبر قوي لو رفض الامر كان بسبب ان السعر اتحرك 40 او 60 نقطة معقولة شوية السوق بيتحرك في كل ثانية نقطتين او تلاتة ازاي بقى هينفذوا الاوامر ؟؟ الله المستعان ... |
رد: رسالة شكر لابد منها لدكتور أسامة
السلام عليكم أولا مبروك عليك التعويض الذي تحصلت عليه و ان شاء الله تكون استفدت من خطأك و اعتبرت منه ثانيا أنا في وقت الأخبار لا أستطيع لا فتح صفقات أو حتى اغلاق اخرى مفتوحة و تظهر لي رسالة no quotes أو شيء من هذا القبيل اذا راسلت الشركة هل يمكن يعوضوا لي؟ أم ان هذا المشكل عادي؟ |
رد: رسالة شكر لابد منها لدكتور أسامة
اقتباس:
انا في صفقة الذهب ال خسرت فيها نفس ال حصل معاك كنت مستني السعر عند تقطة الدعم بالملي اول ماوصل حاولت اشتري اكتر 8 مرات ومكنش بيقف ثانية واحد كان عامل زي الزئبق ومكنش في اخبار وقتها وكل مرة يجلي اعادة تسعير فضل كده لحد ما ارتد وبعد عن الدعم شوية ودخلت متأخر ورغم كده كمل ارتداد لاعلى والصفقة كانت كسابة بس مخرجتش علشان موصلتش للهدفي لو كنت دخلت مكان الدعم بالملي زي ماكنت عاوز كان زماني خرجت بارباح ال انا عاوزها علشان انا كنت داخل اسكالب بلوت عالي جدا وعاوز اخرج في اقرب وقت على العموم الحمد لله على كل حاجة بس اكتر حاجة بتدايق منها لما اجي ادخل صفقة والسرفير يعلق والصفقة متفتحش وافضل مستني حوالي 10 ثواني ولا هو بيقولي اعادة تسعير ولا بيفتح الصفقة ولما اجي ادوس كنسل علشان اجرب اشتري تاني علشان الحق ادخل وبعد ما افتح الصفقة الاقيه فتحلي الصفقة القديمة ال علقت وكنستلها المفروض وبقيت متورط في صفقتين الموضوع ده حصل معايا كذا مرة وان شاء الله يعوضوك تابع معاهم انت بس وحاول بعد كده لو هاتشتغل على الاخبار تستخدم الاوامر المعلقة علشان الشراء اليدوي بيكون صعب جدا ومش هتعرف تدخل ولو دخلت الصفقة مش هتدخل مكان ما انت عاوز |
رد: رسالة شكر لابد منها لدكتور أسامة
اقتباس:
بالنسبة لمشكلتك انا افضل انك تسأل حد مختص سواء من الشركة او قسم الشكاوي ها في المنتدى بس انا على ما اعتقد ان الشركة مش بعتوض غير في حالة الخسارة الفعلية كان عندك صفقة مفتوحة وخسرت بسبب مشكلة حصلت معاك بس في حالتك ديه معتقدش لأن حتى لم تظهر لك رسالة اعادة تسعير و ببساطة اعكس الموقف يعني تخيل كنت داخل شراء وطلعتلك تلك الرسالة والسعر هبط بعدها هل الشركة سيكون لها حق خصم من حسابك ماهبطه السعر على الصفقة التي لم تتقعل على العموم اسأل برضوا وان شاء الله خير وبالتوفيق |
رد: رسالة شكر لابد منها لدكتور أسامة
اقتباس:
شكرا على رسالتك الرقيقة و لم نقم الا بواجبنا نحو اى عميل لدينا. للاسف الذهب مع كل الشركات و المنصات يقوم بحركات عنيفة جدا جدا اثناء اليوم و يقوم معه البنك بعدم التنفيذ من اى اسعار محددة و ينفذ من اسعار بعيدة و لقد لمسنا هذا مع عدة شركات اخرى من خلال تواصلنا معهم و مع اف اكس دى دى ايضا. حتى نحاول المساعدة قمنا بتقديم هذا الامر كحل بسيط لما حدث و نتمنى ان يراعى العملاء صعوبة الوقت الحالى للذهب و التنفيذ عليه.. شكرا على موضوعك الرقيق :) اقتباس:
اعتقد انى تحدثت معك فى الامر ووضحته لك عبر الرسائل الخاصة و مش عارف بتقول ليه محدش عبرك و مفيش استجابة :) الا اذا كانت الاستجابة من وجهة نظرك هو تنفيذ رأيك و قرارك . باختصار يا احمد انت فى عقد عندك متنفذش و انت عايزنا نكلم الشركة و نجبرها انها تحسب العقد انه اتنفذ و تاخد الربح عليه و طبعا الكلام ده لا يصلح فى سوق هائج مثل الفوركس و الا يجب ان تكون المعاملة بالمثل للجميع.؟ اضف الى ذلك ان السعر اساسا لم يصل لنقطتك بفارق ثلاثة نقاط و برضه عايزنا نعوضك عليه.. طيب لو كان العقد ده متنفذش بس نتيجته خسارة هل كنت حتراسلنا برضه عشان نكلم الشركة انها تحسبه اتنفذ و تسحب الفلوس و لا حتقول الحمد لله ربنا زاح عننا الخسارة ؟؟ زى ما ممكن تقول كده ممكن تقول برضه الحمد لله على كل شيئ مكسب و ربنا مقدروش ليك . احنا بنتدخل لما تحصل خسارة لعميل عشان ده واجبنا لكن مستحيل ادخل عشان اجيب ربح لعميل محققوش على ارض الواقع اصلا. و عيب تقول كلمة ناس و ناس لانى لا اعرفك ولا اعرف احمد اصلا و بنراعى ربنا و ضمائرنا قبل ما بنراعى العملاء :) تحياتى و ربنا يعوض على الجميع |
| الساعة الآن 12:11 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com