|
وبعدين معو لموظف شركة الوساطة (مدير حسابي ، اكل راسي)
السلام عليكم ورحمة الله وبركاته .
تحيه طيبة وبعد ... يا اخوان ، انا بلشت اتعلم فوركس من شهرين تقريباً .. وفي يوم من الأيام غلطت ودخلت موقع من مواقع الخيارات الثنائية للي بعرفوهم منكو .. وغلطت كثير لما حطيت رقم تلفوني بالموقع بعد ما اشتركت فيه لداعي التجربة ، المهم ... ربع ساعة ولا في رقم دولي برن :1 (24): ،، انا قلت ممكن اخوي حبيبي بحكي معاي من بلاد الغربة ، ولا فجأة .. نط واحد بقلي .. السلام عليكم .. انا علي من شركة فلان الفولانية من قبرص ، ورح اكون مدير حسابك وانت بشو بتحب اتاجر وانت وكيف وليش .. بإختصار (اكل راسي) .. قلتلو يا اخي انا لساتني بتعلم ، وبدي وقت بس افهم السوق ، صار يقلي انت ما عليك انا رح اعملك كل اشي وانا رح اسويلك كل اشي .. قلتلو خليني افكر .. المهم .. والله يا اخوان صار زي المنبه ، او بلاش صار زي حبه الإنفلونزا ... مرتين باليوم .. مرة الصبح ومرة المسا ... وانا ما ارد عليه .. واحيانا افصل عليه .. واحيانا اسب على الساعة الي سجلت فيها بالموقع معاهم .. المهم قعدت فترة شهر ما رديت عليه .. وهو كل يوم كل يوم بضرب علي... بيوم كنت استنى تلفوني خارجي من الإمارات .. ورن التلفون .. ولو هو رقم دولي .. رديت الو مين ... ولا هو (علي) هههههههههههههه ، قلي استاذ وسيم .. وينك ما بتبين ؟؟؟ :D ... يا زلمة ليش ما بتسأل؟؟ ... انا صار شكلي هيك :1 (40): قلتيلو .. علي حبيبي .. انا ما بدي اتاجر بالفوركس .. انا ما عجبني الموضوع .. انا مش لهيك امور .. اسمي انساه .. ورقمي لا اترن عليه ... اشطبني من قاموس حياتك ... قال صار يعاتب فيّ .. قال مهو انت سجلت معانا .. قلتلو انا بعتذر على هذاك اليوم ... انا اصلاً شطبت الأنترنت من عندي .. وقريباً رح اشطب التلفون .. انت حل عني بس ... هذا الحكي كان من اسبوعين تقريباً . مش هون النهفة ... بعديها لليوم .... صار يرن علي ويسكر هههههههههههههههههههههههههههههههههههههههههه :D في حدا صار عندو نهفات مشابه من شركات غير محترمة زي هاي .. طبعاً يا اخوان الموضوع تعليمي انو الواحد ما يرد على هيك شركات .. لأنو لو شركة محترمة .. ما بتضله اترن عليك كل خمس دقائق .. ونأسف للإطاله .. |
رد: وبعدين معو لموظف شركة الوساطة (مدير حسابي ، اكل راسي)
اهلا اخي وسيم انت اردني ؟ هههههه سردك للقصه واضح جدا المهم كتير من هالشركات بتقرف الواحد يعني انا في شركه برطانيه يمكن استقيل من الاشراف وامرجن حسابي وابطل الفوركس كله عشان يرضوا بعدين انا صارلي سنتين ما سجلت بحساب ديمو او بموقع غير اف اكس دي دي كيف وليش ومن وين جابوا رقمي ما بعرف هناك شركات كثيره بتسرق او بتشتري قواعد بيانات من مواقع او منتديات المهم لو ظل يحكي معي من لهون لشهر او اكتر راقب موضوع الاستقاله هههه |
رد: وبعدين معو لموظف شركة الوساطة (مدير حسابي ، اكل راسي)
حصلت معي مرة شركة كانت بتكلمني :1 (24): كتير بس آخر ما زهت قلتلهم انا بطلت فوركس ومش هرجع ليه تاني :D ومن ساعتها متصلوش تاني
|
رد: وبعدين معو لموظف شركة الوساطة (مدير حسابي ، اكل راسي)
اقتباس:
اهلين أخي معاذ .. نعم انا اردني .. اعتقد يا اخ معاذ انو في ناس من القرف الي بصير فيهم من كثرة التلفونات بشتركو معاهم .. يعني علشان بس يحلو عنهم .. علشان هيك هذول عصابة بتضلها اتزهق الواحد يا انو يبطل فروكس ويسافر لساحل العاج .. يا انو يشترك معاهم ... المهم انا رح اعطي رقم تلفونك لعلي .. شب مرتب وعلى كيف كيفك .. :D ... بتصير تتسلى انت وياه .. سدقني انو نهفه ههههههههههه اذا قررت الإستقاله .. احسب حسابي بورقة بيضة .. تحياتي .. وشكراً لردك ع الموضوع . اقتباس:
غريب .. لو انو علي .. كان اتصل فيك يطمن عليك او يرن ويفصل ههههههههههههه تحياتي يا عزيزي وشكراً لردك ع الموضوع ... |
رد: وبعدين معو لموظف شركة الوساطة (مدير حسابي ، اكل راسي)
شكرا استاذ وسيم .. فعلا فى شركات قمة فى الازعاج ومافيش عندهم اى احساس
بس اكيد بنعرف انها مش شركة ذات سمعة طيبة .. وعلى اى حال لو حصل معى الموقف لو قالى : الو , استاذ احمد كيفك الرد بتاعى : لا والله مش انا الاستاذ أحمد .. انا مدحت :1 (16):..وسرقت تلفون الاستاذ أحمد :) الله يكون فى العون وشكرا لموضوعك :) |
رد: وبعدين معو لموظف شركة الوساطة (مدير حسابي ، اكل راسي)
لا هو مش مدير حسابك , وانما الملكف بالنصبة عليك هههههه شركات الفوركس النصابة ( forex scam) كيف تنجح بسرقة اموالنا ... ؟!وتكرار الاتصالات احد اهم صفات شركات السكام عل فكرة كتبت موضوع بخصوص هذا الشيئ بامكانك تطلع غليه من الرابط ادناه |
رد: وبعدين معو لموظف شركة الوساطة (مدير حسابي ، اكل راسي)
اقتباس:
هههههههههههههه :) احسن رد |
رد: وبعدين معو لموظف شركة الوساطة (مدير حسابي ، اكل راسي)
اقتباس:
شكراً على تعليقك الرائع .. اقتباس:
وموضوعك جداً رائع ... شكراً لتعميم الفائدة .. اقتباس:
تحياتي |
رد: وبعدين معو لموظف شركة الوساطة (مدير حسابي ، اكل راسي)
نفس القصة برضه كل ما اسجل ديمو على شركة من الشركات الاقى التليفونات زى المطرة ياعم انا لسه بتعلم .... يا عم هبقى اراسلك لو نويت اشتغل معاكم ولا هو هنا كل شوية اتصالات انا ريحت دماغى ... بقيت اعمل حساب ديمو واى رقم دولى مش برد عليه والارقام الدولية اللى بكلمها ببقى عارف الكود بتاعها عشان اريح دماغى والحمد لله زهقوا منى وبطلوا يرنوا بقالهم اسبوع يمكن :1 (77): |
رد: وبعدين معو لموظف شركة الوساطة (مدير حسابي ، اكل راسي)
انا فعلا قرئت شكاوى فى النت عن مثل هذه الشركات وانها فى الاخر بتسرق فلوسك بس انا الحمد الله اشتريت خط موبايل خاص فقط بتعاملات الانترنت ومبردش على اى نمرة تتصل
|
رد: وبعدين معو لموظف شركة الوساطة (مدير حسابي ، اكل راسي)
اقتباس:
هم مسلين احياناً :1 (37): ... هو هاد برضو حل رائع .. لا ترد عليه .. افصل عليه .. استمتع بالفصل عليه ... تحياتي اقتباس:
شكراً لمرورك ... |
| الساعة الآن 06:18 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com