|
استغلال الفجوات السعرية
بسم الله الرحمن الرحيم
وبه نستعين فى نهاية الاسبوع كثير من الناس تسأل وتتوقع عن حدوث الفجوات السعرية لعملة معينة فى بداية افتتاح السوق ولكن هل فكرت فى استغلال تلك الفجوات هى مجرد فكره خطرت ببالى ولما درستها حبيت اشارك بيها وهى فتح حسابين بس يكونوا بعيد عن الحساب الرئيسى وتكون الحسابات فى شركة بتقبل الايداعات الصغيرة زى انستا مثلا ويكون ليها رافعة مالية كبيرة 1:1000 وهى متوفرة برده فى انستا تعالوا ندخل فى الحسابات هنعمل حسابين كل حساب بقيمة 13 دولار وهو قيمة اللوت النقطة ب دولار برافعة مالية 1 : 1000 لعملة اليوروا / دولار وده طبعا فى اى وقت المهم الجاى هو اللى لازم يكون ليه وقت محدد وهو امتى نعمل الصفقات بنعمل فى حساب صفقة شراء بقيمة 1 دولار للنقطة بهدف 30 بوينت والحساب الاخر صفقة بيع بهدف 30 بوينت ايضا بس نفتح الصفقات دى فى اخر دقيقتين من اغلاق السوق وده طبعا عشان نحافظ على الرصيد ميتمرجنش قبل اغلاق السوق تعالوا نحسب الاحتمالات 1 - الاحتمال الاول ان السوق يفتح على فجوة سعرية لاعلى وتكون حجم الفجوة اكبر من ال30 بوينت وبالتالى هتلاقى حساب صفقة الشراء اصبح 43 دولار والحساب الاخر اتمرجن والنتيجة ربح 43-26 = 17 دولار اى اكتر من 50% من راس المال المودع فى الحسابين 2 - الاحتمال الثانى ان السوق يفتح على على فجوة سعرية لاسفل وتكون حجم الفجوة اكبر من ال30 بوينت وبالتالى هتلاقى حساب صفقة البيع اصبح 43 دولار والحساب الاخر اتمرجن والنتيجة هتكون نفس الربح 17 دولار 3- الاحتمال الثالث وهو ان السوق يفتح على فجوة صغيرة لاسفل او لاعلى ولاتصل الى ال30 نقطة او لايحدث فجوة من الاساس وبالتالى الصفقات مفتوحة بعد افتتاح السوق ونقوم فى هذا الوقت بالتحكم فى النفس واغلاق الصفقتيين فورا حتى لو كنا متاكدين من اتجاه العملة وهتكون خسارتنا هى عمولة الصفقتيين فقط لاغير ويكون خسارتنا صغيرة ويتم تعويضها فى مرات اخرى ارجوا ان اكون وفقت فى شرح فكرتى وان يوفق الجميع فى صفقاتهم موضوع ذات صله █ الفجوات السعريه / GAPS █ |
رد: استغلال الفجوات السعرية
لقد ذكر د/اسامة فى لقاء القاهرة...انه فى فترة الصيف ستجد ان السوق دائما يفتح على فجوة.....وهذا ما يحدث كا اسبوع
واما عن استغلال الفجوات المتوقعة .....فاعتقد ان وضع امرين معلقين احدهما باى استوب والاخر سيل استوب...فبل اغلاق السوق....فكرة جيدة بحيث اذا فتح السوق على جاب لاعلى يتفعل امر الشراء..والعكس لامر البيع واما عن الهدف يفضل ان يكون صغير وبلوت مناسب....والجلوس عند افتتاح السوق لالتقاط الربح واغلاق الصفقة الرابحة وحذف الصفقة التى لم تتفعل.... |
رد: استغلال الفجوات السعرية
اقتباس:
|
رد: استغلال الفجوات السعرية
نهاية اسبوع سعيدة وارباح مباركة
|
رد: استغلال الفجوات السعرية
الفكرة نظريا جيدة
بس هل انستا تقبل الايداعات الصغيرة مثل ال13$ ؟ |
رد: استغلال الفجوات السعرية
اقتباس:
|
رد: استغلال الفجوات السعرية
اولا انستا بتقبل اى ايداع بس لو انت كسبت اكتر من 10% من ايداعك عن طريق الجاب او عن طريق خبر مش من حقك تسحب الربح وعن تجربه شخصيه ياشباب
اما موضوع ان نعمل اوامر معلقه دى فهى افضل طريقه والامر هيتفعل على فكره وكان فى واحد هنا عمل نفس الحركه فى شركه جلورى وكسب منها كويس وعمل امر معلق وكان فى جاب كبير وسحب الارباح يعنى الامر هيتفعل بس ممكن يكون فى شركات مش بتفعله رخامه يعنى فقط مش اكتر |
رد: استغلال الفجوات السعرية
اقتباس:
|
رد: استغلال الفجوات السعرية
انا علقت اوامر على اليورو دولار على بعد 8 نقط فوق وتحت وهشوف هتتفعل ولا لا بس انا شغال مع شركه نورد وهى ممتازه جدا بصراحه
هقولهم النتيجه يوم الحد بليل ان شاء الله |
رد: استغلال الفجوات السعرية
اقتباس:
نكرة انا مثلا؟!! |
رد: استغلال الفجوات السعرية
اقتباس:
بس معرفش اسمك ايه بالضبط بالرغم انى شوفتك فى اجتماع القاهره وشوفتك لما مشيت بسرعه انا وانت من اكتر الناس اللى بتهاجم انستا ياكبير :D هههههههههههههههه قولنا بقى ياكبير هى كل الشركات بتفعل الصفقات المتعلقه اثناء السوق يعنى انا معلق من عند 1.2570 مثلا والسوق فتح على 1.2600 هل لما يفتح السوق ايه وضع الصفقه هتبقى جايبه ربح ولا كانها لسه مفتوحه ؟؟؟ |
رد: استغلال الفجوات السعرية
السلام عليكم
بالنسبة لأخونا على صاحب الموضوع بداية أحييك على الفكرة وأحب أقولك أنى شغال فعلا بنفس الطريقة على الجابات وإليك شوية ملاحظات من خلال تجربتى يجب عليك مراعاة النقاط التالية عند التنفيذ: 1-إختيار الشركة طبعا الفكرة ناجحة أكثر لما تكون الرافعة عالية والأسبريد قليل والتنفيذ سريع والستوب اوت قليل وللأسف المواصفات دى مش هتلاقيها فى الشركات الكبيرة والمحترمة وللأسف هاتكون مضطر تروح لأحد البقالين علشان تنفذ وتخوش معاهم فى معركة على السحب ويمكنك متابعة موضوعى فى الأسبوع السابق كما أشار الأخ عمرو سمير فى المشاركة السابقة إلحقونى ياجماعة fx glory مش عارف أقفل الصفقات ملحوظة: إنستا فوركس بصفتها أحد أكبر البقالين هاتسيبك تقفل الصفقة على أى أرباح ثم بتلغى أرباحك من الجابات والأخبار مادام أكثر من 10% من الإيداع لكن هناك طريقة للتغلب على ذلك ولكنى لم أجربها وهى: أن لا تغلق العقد عند إفتتاح السوق وتقوم بعمل هيدج 100% وتغلق العقود بعد اغلاق الجاب على عشرة مراحل فى خلال 5 أيام ثم تطلب سحب الأرباح وبالتالى من المفترض أن تكون أرباحك الموجبة فى هذه الحالة ليست من الجاب وأما عقد الجاب فسيتم اغلاقه على خسائر اذن من المفترض ليس لهم حجة 2-طريقة وضع الأوامر: لا تضع أوامر معلقة إطلاقا حتى لا تدخل فى مشاكل مع البقالين لأنهم وارد أن يفعلوا الأوامر التى ضدك فقط ولا يفعلوا الأوامرالى فى صالحك أو ممكن يفعلوا الأستوب بسعر السوق لو ده هيخليك تمرجن أو يفعلوا الأستوب لو بسعر سابق لو الجاب جاى فى صالحك وهكذا ولا تضع أوامر عكس بعض فى نفس الحساب أفضل حل هو وضع أمر منفصل فى كل حساب على حدى بدون هدف أو ستوب قبل الاغلاق ب 3 دقائق فقط لا قبلها ولا بعدها لتفادى ارتفاع الأسبريد المفاجئ والحركات السريعة قبل الاغلاق والاسبايكى وساعات بيمنعك تاخد الأمر رغم السوق فاضله دقيقة او اثنين لكن يقولك لأ خلاص شطبنا فوت علينا بكرة قصدى يعنى يديك رسالة Market is closed رغم السوق لسة شغال 3-حجم العقد: دايما خلى الحساب متعلق فى 20-30 نقطة علشان الشركات وخصوصا الزبالة والنصابين بيحبوا يلكودا الزبائن قبل الأغلاق ويخلصوا منهم قبل مالسوق يقفل فممكن يوسع الاسبريد لحد 15 نقطة ويمرجنك والسوق يقفل عليك 4-الشركات والبنوك مش بيحبوا الشغل ده علشان تبقوا عارفين الجابات والأخبار خسارة مباشرة للشركة أو البنك ومكسب مضمون للعميل وأنا من خلال حديثى مع الشركات قالوا صراحة ايه يعنى لما نعلى الاسبريد وقت الاغلاق والافتتاح ونشارك العميل فى 15-20 نقطة من الأرباح ماهو بيكون كسبان أكثر من كدة ومدير احدى الشركات المحترمة قال بطريقة مباشرة : تخيل لو كل الناس عملت كدة والعميل مش هيتحمل أى مخاطرة و بالتالى البنوك وحدها فقط الى هاتفلس أحنا عاوزين الناس تشتغل عادى علشان والى داخل السوق عارف أنه نسبة ال 80% خسرانين فى الفوركس وقبل المخاطرة وربنا يسترها علينا من الفوركس وشركاته الله ياخدهم أنا متوقع وبتمنى الجاب تكون لتحت الأسبوع ده لأنها لو لفوق هاخوش فى خناقة تانية مع أحد البقالين وبالمناسبة ياريت يا جماعة تقولولنا رأيكم: هل الجاب القادم لفوق أم لتحت وحاد أم ضعيف ام لن يوجد جاب هذا الأسبوع؟ وبالتوفيق للجميع |
رد: استغلال الفجوات السعرية
اقتباس:
بالمناسبة أنا أخوك أحمد بالنسبة لتفعيل الأوامر المفروض الأمر يتفعل عند سعرالأفتتاح وأى هدف أو أستوب برده يكون عند سعر الأفتتاح ولكن فى الواقع بنشوف حاجات عجيبة لدرجة مرة شوفت واحد ضربوا أستوب أمر بسعر الأفتتاح علشان كان الجاب ضده والأمر التانى خالوا الهدف بالسعر الى هو طلبه قبل الأفتتاح ويقولك هو كدة ومزود السيولة والأسعار مش بنتحكم فيها وأى أفلام بالمناسبة نورد فوركس أنا بفكر أجربها بس برده عارف أنهم من شركات القاع إيه رأيك فيهم الجماعة دول؟ |
رد: استغلال الفجوات السعرية
اتوقع جاب علوي وممكن يكون جاب كبير
|
رد: استغلال الفجوات السعرية
ان شاء الله الجاب على اليورو لأسفل هذا الاسبوع
هذا والله اعلى واعلم |
رد: استغلال الفجوات السعرية
اشكر الجميع على مشاركتهم والاستاذ احمد على شرحه للفكرة بطريقة تفصيلية
واود ان اوضح ان الفكرة ناجحة جدا معى خصوصا انى لااقوم بسحب الارباح عن طريق حسابى وانما اقوم بتحويل مبلغ من الحساب الرابح الى حساب اخر عن طريق محفظة الحساب وهو اسلم طريقة لسحب الاموال واحب ان يقوم بالتجربة اشخاص اخرين فى شركات مختلفة وابداء رأيهم فى الفكرة وماذا حدث معهم كى يستفيد الجميع |
رد: استغلال الفجوات السعرية
جربوها..فكرة معقولة..و من حيث التنفيذ حتمشى اعتقد..
تحتاج الى تجربة. تحياتى |
رد: استغلال الفجوات السعرية
موضوع جميل
لكن المشكله ان الاوامر المعلقه لا تمسك في فجوة اخر الاسبوع و كذلك الاستوب . هذا لو عملنا اوامر معلقه. و كلها سوف تفتح ليلة الاثنين بالسعر الحالي. انتبه الموضوع مجرب . بذات على منصة . mt4 لو احد عنده راي يخبرني . لاني بحثت كثير في هذا الموضوع. زمان كانت منصة الاف اكس تمسك . حتى كان بالامكان عمل اوامر معلقه يوميا. على بعض العملات مثل الدولار روبل و التي بتغلق يوميا. و غيره كثير ملاحضه الحساب التجريبي غير الحقيقي. التجريبي يمسك . اما الحقيقي لا |
رد: استغلال الفجوات السعرية
أحلى لايك |
رد: استغلال الفجوات السعرية
فعلاً التداول على الجابات مربح خاصة اذا المتداول بيعرف متى يفتح الصفقة ومتى يغلقها .. لكن لا انصح بالتداول على الجابات في الحسابات الصغيرة خاصةً عندما يكون الفرق (الجاب ) بنقاط كثير يعطيك العافية :) |
رد: استغلال الفجوات السعرية
ممكن اعرف التوقعات علي اليورو ين لو كان في جاب انت تتوقع تكون لفوق ولا تحت
|
رد: استغلال الفجوات السعرية
اقتباس:
والله بعد ماحدث بالاسواق من صعود لازواج الين مع ارتفاع شهية المخاطر وضح جدا ان تصريحات البنك المركزى اليابانى بالامس لها تأثير كبير جدا وان هناك سيولة ضخمة للشراء على اى حال انا لا اتوقع ان يكون هناك فجوه الى اسفل ممكن يكون هناك فجوه الا اعلى ولكن لا عتقد انها ستكون كبيرة بسبب الصعود الاخير الكبير جدااااا اتمنى الا تتاجر بتوقعات الفجوات وخاصة فى الين فى الوقت الحالى وبالتوفيق لك ياغالى :) |
رد: استغلال الفجوات السعرية
exness الرفعة 1:2000 لو انا هفتح حسابين كل واحد ب 50$ ينفع افتح عقد ب1 ستندري و اني احسن عملة
|
| الساعة الآن 10:17 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com