|
متحدون ضد الفلول
|
رد: متحدون ضد الفلول
شاهدت الفيديو , قوي للغاية وفعلاً بنظري هذا ما يتداوله قيادات المجلس العسكري في الغرف المغلقه حيث تدار المؤامرات ضد الشعب .. الله يولي الصالح قولوا امين |
رد: متحدون ضد الفلول
اقتباس:
|
رد: متحدون ضد الفلول
المشكلة أن فى ناس عارفه ايه اللى بيحصل فيها بس عاملة نفسها مش واخذه بالها بيقولوا عايزين نخلص علشان الفل جاى جاى والفكره بس فى انه هيجيى بعد ما نخسر أد ايه وأهو برضه فل تعرفه أحسن من أخوانى متعرفهوش ياعينى على شباب الثورة اللى راح يارب ما تفلح مخطاطتهم والف شكر على الفيديو شُبرا باشا |
رد: متحدون ضد الفلول
والله مصر بلد تستاهل كل خير
اللهم احفظها من كل شر وحاسد وسائر بلاد المسلمين |
رد: متحدون ضد الفلول
كلام فارغ ولعب بعقول تعبانه فيديو واضح جدا..دعايه للاخوان الفشله الى ماعرفوش يعملو حاجه وتجريج واضح لشفيق لتشويه صورته الاخوان لو مسكو الحكم هيغرقو مصر وياريتكم تقراؤ تاريخهم الاسود الناس دى لو مسكت الحكم مش هتسيبه والى هينزل التحرير عشان يعترض عليهم هيدبح انا مش مع شفيق على فكره ولا مع الاخوان والاخوان لا يمثلون الاسلام والله لا اريد ان اقول ان الاسلام برىء منهم حتى لا تحسب على الله المستعان |
رد: متحدون ضد الفلول
اخي الفاضل اشكرك كثيرا جدا لقد نصرتني نصرا كبيرا دون ان تقصد و اقسم بالله اني لو حاولت جاهدا لمدة طويله جدا ان اجد ما يقنع المتحمسين للأخوان ما يبرر هجومي المتواصل علي الأخوان في اكثر من موضوع
وخاصة في موضوع في حب مصر لن اجد افضل من هذا الفيديو و الأن هل عرفتم لماذا و صفتهم بالغباء السياسي ان اصغر و احدث سياسي يعلم ما يخطط له كل من كان ضد الثوره سواء فلول او غيرهم و لكن الأخوان كانوا صما بكما لا يسمعون و لا يفقهون بل تنافروا مع كل القوة السياسيه اخي الفاضل اي ثوره مهما كانت قوتها لها بداية و نهاية و ثورتنا كانت بدايتها في 25 يناير بمجموعه من الشباب نعرف جميعا انتمائهم و لم يكن بينهم اي مسئول او ممثلا للأخوان او اي تيار اسلامي حتي ان بعض التيارات الأسلامية كانت تحرم التظاهر و هذه حقيقة ثابته و بعد اشتعال الثورة وذيادة عدد المشاركين لأعداد و ضح منها صعوبة سيطرة الأمن علي المظاهرات يومي 26و 27 انطلق الأخوان الي الميدان و من بعدهم التيارات الأخري .واعداد من الأخوان و التيارات الاسلامية الأخري انطلقت الي اماكن اخري ليس مجال الحديث عنها الأن هذا عن بداية الثوره انتهت الثورة في 11 فبراير وفاز الثوار باهم ثلاث مكاسب وهي خلع المخلوع من كرسي الرئاسه حل مجلس الشعب و الشوري حل مجلس الوزراء وكان من توابع الثوره القبض علي المخلوع و ابنائه و بعضا من عناصر نظامه كل هذا جميل ورائع وكان نتاج للمليونيات المتتابعه و كان وقتها لازال جميع الثوار يدا واحدة و مطالبهم واحدة وبعد ذلك كان لابد من التوجه للعمل السياسي فلن نغير نظام و لن نبني نهضه بمجرد اعتصامنا او تظاهرنا في ميدان التحرير والميادين الأخري ومن هنا ظهرت النوايا و من هنا ظهر الغباء السياسي تفرقت القوى وتبعثرت و ظهرت النعرات الأنتمائية و انشق الجميع بعضهم عن بعض و للأسف لم يكن هناك كبير او عاقل بينهم لتوحيد موقفهم وبداء عصر الخوازيق وكانت البداية بغزوة الخوازيق و التي حشدت لها كل القوة الأسلامية كل ما تستطيع من اموال و تضليل و استخدمت الجوامع للظفر بما تؤيده بنجاح التعديلات الدستورية ولكن للأسف فانهم اول من اكوى بنار الخوازيق .. اي منطق و اي سبب يجعلني شغوف بان اجلس علي كرسي برجل واحدة اي شغف يجعلني اوافق علي قانون انتخابات غير دستوري ما السبب الذي يجعلني اجلس في مجلس لابد ان يحل حتي لو سارت كل الأمور علي هوايا فبعد الدستور الجديد لابد من حل مجلس الشعب و لكن للأسف تم حل المجلس ختى قبل الدستور الجديد .......... الكل كان يعلم خطة الفلول و اعوانهم اين الحنكة السياسية لكي اضع خطة مضادة لتفويت الفرصة علي الفلول ولكن يبدوا انهم لم يكن لديهم وقت للتفكير فالنشوا بكراسي البرلمان انستهم ان لهم اعداء يتربصون بهم فاعمتهم عن كل نصيحة و اعمتهم عن شركائهم في الميدان بل ان الغرور اوهمهم انهم فائزون بكرسي الرئاسة بلا اي منافسه كل هذا يندرج تحت الغباء السياسي وعلي الشعب الذي صدم فيهم و علي الشباب الذين اصابهم الأحباط وعلي الفقراء الذين توسموا فيهم خيرا وعلي كل من وضع كل امالهم و احلاموا عليهم ان لا يندموا لان هذا درس قاسي جدا للمستقبل و علي الأخوان ان يعلمون ان هناك فرق كبير بين عمل الأحزاب و عمل الجماعات فالحزب لكل المصريين و لمصلحة مصر قبل اي اعتبار وهدفه الأول هو مصر قبل اي هدف اخر مهما كان هذا الهدف اما الجماعة فهي تهدف لمصلحتها فقط و تنفذ تعليمات قائدها فقط دون نقاش او جدال فالفرق كبيرا جدا بين العمل في لظلام والعمل في النور |
رد: متحدون ضد الفلول
ملحوظة اخري من يعتقد ان هذا الفيديو دفاعا عن الاخوان فهو مخطئ فهذا اكبر دليل علي ادانة الأخوان
لان ذلك الشئ ليس خفيا علي احد بل انها تكاد تكون مؤمرات معلنه فاذا لم يكن لديك القدرة علي حماية نفسك من المؤمرات العلنية فكيف تحمي البلاد من المؤمرات العاتية وبالطبع هنا ان تحمي نفسك بتصرفاتك السياسية و تكوين ائتلافات تذيدك قوة وشعبية و لاتكن لديك اوهام القوة السياسية الكاذبة يحضرني تشبيه قد يعتبره البعض في غير محله و لكن شديد الشبه بحال الاخوان فهم مثل فريق الزمالك الكروي الذي تخرج المشاكل دائما من داخله و بيد ابناءه ولكن بعد كل هزيمة او خسارة اي بطوله يعتقدون ان الدنيا كلها تأمرت عليهم و لا يعترفون باخطائهم لذا يفقدون البطوله تلو البطولة |
رد: متحدون ضد الفلول
اقتباس:
الله ينور عليك وده دليل انهم لا يصلحون لقياده مصر وخصوصا فى هذا الوقت يسيبو الناس الخبره فى السياسه ليقودو مصر على الاقل ليخرجوها من الازمه الحاليه |
رد: متحدون ضد الفلول
مقاطـــــــــــــــــــــــــع ولا اخوان ولا فلول البلد اتباعت خلاص |
رد: متحدون ضد الفلول
أفكرك برضه ان من غباؤهم السياسى
أنهم عادوا بتصريحاتهم قطاعات عريضة من الشعب هم فى أمس حاجة ليهم دلوقتى من سياحة و اعلام واسواق مال ....ناهيك عن الشرطة والجيش لكن هل ده معناه أن سياسى مخضرم فاسد قاتل بيٌحبك أدواته فى النصب لفترات تتجاوز الـ 30 سنة أفضل من سياسى غبى . |
رد: متحدون ضد الفلول
اقتباس:
|
رد: متحدون ضد الفلول
اقتباس:
|
رد: متحدون ضد الفلول
اقتباس:
اقتباس:
الشكر لله اخى اخى ابو ياسين انت من اكثر الناس التى تعجبنى ارائهم هنا وارائك دائما ارها معتدله ومستنيرة بارك الله فيك |
رد: متحدون ضد الفلول
اقتباس:
|
رد: متحدون ضد الفلول
ان بعض الظن اثم لماذا نلصق التهمه بالمجلس العسكري فهناك حزب وطني ببلطجيته ورجال الاعمال من مصلحتهم اثاره الفتن والايقاع بالجميع لان نحن لا نتصرف كثوار صح عايزين ندمرهم ولا نكون ثوار حق كما قال الشيخ الشعراوي بان لا نأخذ العاطل بالباطل وان نعامل الجميع بالعدل وان لا يكون هدفنا زي الاخوان سحق ودوس بالاقدام ناسين تعاليم الاسلام من تسامح وعفو عند المقدره فهم ايضا مصريين وربنا بيقبل التوبه ربما يكون يد خارجيه من مصلحتها هدم مصر وان لا تقوم لها قائمه هل من المنطقي ان نتهم العسكري فقط الذي ربما يكون منقذ لهذا الوطن جيشنا خير جنود الارض بقول رسولنا الكريم حرام نهدم نفسنا بنفسنا ونسلم انفسنا لجماعات لها مخططات اللهم احمي مصرنا وجيشنا الابطال الذين هم الوحدين الذين يحمون ارضنا وحدودنا وبيوتنا منذ قيام الثوره في كل مكان ونحن نتحدث رفاهيه في بيوتنا وهم نيام في الصحراء والحر للحفاظ علي وطننا نعم لشفيق لانه يقول مصر للجميع يقول لابد من الفعل وليس الكلام والانتقام من الماضي الذي سيدمر الاخضر واليابس وكل من يتحدث يعتبر نفسه الصح والاخرين خطأ ومبيفهموش حاجه لك الله يا مصر لك الله يامصر وهو خير ناصر وحامي |
رد: متحدون ضد الفلول
يبدو ان اكثركم يا اخوانى لم تفهموا الهدف الرئيسى لهذا الفديو وهو الأتحاد بين جميع فئات الشعب هذا هو الهدف ثم اقرأ الردود لأرى ان كل شخص يتكلم ويدافع عن ما يعتقد ويفسر الفديو على انه دعاية لأى جهة ارجو ان تفهموا هذا المقطع وتعيدوا مشاهدته مره اخرى انيروا قلوبكم |
رد: متحدون ضد الفلول
اقتباس:
الله ينور عليك اخى وينيير بصيرتك كمان وكمان واسأل الله ان ينير قلوبنا جميعا تحياتى لرد من اجمل الردود |
رد: متحدون ضد الفلول
فيلم فى منتهى السذاجه
هو الثوره المضاده بتعرف تخطط بالشكل ده .. ؟ لو كان الفلول بيخططوا بالبراعه دى ماكانش ده بقى حال البلد بعد 30 سنه من حكمهم!! الاخوان بدل ما يضعوا ايدهم فى ايد الثوار ويبقوا على الاسطوره المصريه محمد البرادعى ويكونوا وراه زى ماكانوا فى 2009 و2010، افتكروا ان الدنيا بقت بتاعتهم..وتركوا الكلاب تنهش فيه وهم راضون تفاوضوا مع البشرى ثم الغريانى ولما رفضوا الترشح .. نزلوا بالشاطر ثم مرسى ..اخخخخخخخخخخ وما يحدث الان ده جزاء كل طماع هانتخب محمد مرسى غدا وانا اشعر بمراره كمن يشرب دواء مرا لكى يتخلص من مرض عضال فأنا لا اخاف ان يسألنى الله لم لم تنتخب الاخوان؟ وانما اخاف ان يسألنى لم تركت رئيس وزراء الظالم "مبارك" يحكم مصر؟ |
رد: متحدون ضد الفلول
اقتباس:
فخدتهم العنجهيه لغاية لما المجلس باعلهم التروماى المشكلة ياباشا فى ان الكل بيخطأ وأحنا كل مره اللى بندفع الثمن اقتباس:
علشان الواحد ينام و ضميره مستريح |
رد: متحدون ضد الفلول
استأذنكم اريد الرد نصيحة كونوا يد واحدة و سيبكم من عقلية هذا ملتحي و هذا جهادي و ساذبح ان تكلمت اعدلوا و فكروا من له مصلحة من هذه الفتنة فتنة الدين اكبر مشكل و اقوى استراتيجية لقتل الشعوب كونوا يد واحدة جميع الفئات و فكروا في مستقبل مصر الله معكم |
رد: متحدون ضد الفلول
اسأل الله العظيم ان يولى على مصر الانسان الصالح الذى يتقى الله فينا ويقيم علينا حكم الله ارحم الراحمين و يوحد كل المصريين المخلصين على اختلاف اتجاهتهم وديناتهم السماويه للقضاء على النظام الفاسد السابق وتربيه الاجيال الجديدة على الاخلاق ونشوف مصر الدوله العظيمه المؤمنه النظيفه الحديثه الحرة دائما
|
رد: متحدون ضد الفلول
اقتباس:
أحلى دعوه والله العظيم والف شكر مره تانية يا شُبرا بس مش على الفيديو على إتاحة الفرصة للطرح الجميل |
رد: متحدون ضد الفلول
اقتباس:
اثارت انتباهي هذه الجزئية بمشاركتك اخي الحبيب انا لست اخواني ولا حتى مصري رغم انه يشرفني ان اكون مصري , لكن انت تتحدث عن الاخوان وكأنهم ليس جزء من الثورة ولا حتى من الثوار !! الاخوان جزء اصيل من الثورة المصرية وقدموا الشهداء والجرحى والمعاقين في هذه الثورة المباركة ولا احد يستطيع ان ينكر ذلك , اما التحدث بلغة استبعاد الاخوان عن الثورة وانهم جزء غريب عن الثورة هذه معادلة لا يرضاها اي انسان عادل .. ---------------- ثم تتحدث عن محمد البرادعي وانه اسطورة وووالخ.. البرادعي الذي عاش اغلب حياته في النمسا في اوروبا بعيداً عن بلده وهمومها منشغلاً بكتابة التقارير في الوكالة الذرية لضرب العراق , وجاء لمصر لكي يرشح نفسه ويحكم , بنظري هذا هو الانسان الطامع بالسلطة وهذا ما يقوله المنطق . |
رد: متحدون ضد الفلول
لا حول ولا قوة الا بالله
كل ده ولسه مفهمناش؟ومسكنا ف مين اللى عمل الفيديو والدعاية ونسينا محتوى الفيديو نفسه؟ *هل هناك من ينكر تلويث حركة 6 ابريل وتشويههم تماما رغم انها الحركة السياسية الوحيده التى لم تطمع فى منصب ورغم انها الحركة الوحيده اللى تنازلت عن ايدلوجيتها الليبرالية وايدت محمد مرسى صراحه لتقف جوار بارقه الامل الباقية للثورة؟ *هل تنكر ان المجلس الاعلى صاحب قوانين اللعبه وهو من يطعن على ىقوانينه هو ان لم تعجبه نتيجة الديموقراطية؟مش هو اللى عمل نظام القوائم وسمح بدخول الاحزاب فى مقاعد المستقل والان يحل المجلس لانه هاجمهمه؟ *هل تنكر ان الاعلام بقياده اراجوازات مبارك شوهوا البرادعى؟؟والاظرف الاقى واحد يتهم الاخوان انهم لم يساندوا البرادعى؟طيب وبالنسبة لاحمد شفيق شخصيا وعبيط القرية توفيق عكاشة لما شتموه علانية عادى؟ * هل تنكر ان وزارة الجنزورى شهدت حركة نهب وسلب لم تشهدها فى البلاد وقت الثورة نفسها واتسرق 8 مصارف فى اسبوع واحد واحداث بورسعيد والبنزين اسبوع موجود واسبوع الشاوارع تتقفل ومجلس الشعب يسحب الثق من الحكومة ولا استجابة وفى الاخر الاخوان يتشتموا بسبب ازمات البنزين والبوتاجاز؟ *كل اللى شفته فى الفيديو ده انه دعاية للاخوان رغم ان محتواه صحيح ولم ترى اى عيب لما المرشح يتهم الاخوان بتدبير وقائع موقعه الجمل رغم ان هو نفسه تشدق بالقبض على مجرمى هذا اليوم وكانوا جميعا من عينه فتحى سرور والشريف وعائشه عبد الهادى واتضح انهم برائه وان البلتاجى وحجازى هم محور الشر؟؟ *هل تنكر ان رؤساء المحليات وعمداء القرى ورجال الاعمال المستفيدين واعضاء الوطنى المنحل يدعمون شفيق بكل طاقتهم لاحياء النظام السابق؟هل تتوقع ان الفاسدين ورءساء الهيئات ومبارك واعوانه يتمنوا فوز مرشح الحرية والعدالة؟ *احكام المحكمة الدستورية والحكم فى قضية مبارك والبرائات التى ينالها قتله المتظاهرين الواحد تلو الاخر مفهمتكمش حاجه؟ *هل نسيتم شهداء النظام السابق وتعذيب امن الدولة وتتذكروا تاريخ الاخوان الاسود من 80 سنه لانهم اغتالوا وزير داخليه فى الثلاثينيات(بقرار فردى تبرأ منه البنا) اغرق المئات من طلاب الجامعات اللى هتفوا ضد الانجليز بفتح الكبارى من تحت اقداهم؟ *فاكرين بس للاخوان تصريحهم يوم 23 يناير انهم لن يشاركوا فى ثورة يناير ونسيتو كل تظاهراتهم قبل كده والالعن انكم نسيتو ان رجال الحزب الوطنى كانوا يقمعوا تلك الثورة؟يعنى عشان الاخوان قاطعوا 25 يناير اختار اللى قتل الثوار؟ده هذار ده؟ *طيب الاخوان اغبياء سياسيا وطماعين ومحتكرين وفيهم كل العبر...ايه باه اللى شوفناه عدل من النظام القديم؟اللجنه التأسيسية للدستور وحشة وتعديلات 2007 الفاضحة كانت حلوة؟ مهادنه الاخوان للجيش فى فترة وحشة ومهادنه الوطنى لاسرائيل حلوة؟ الدعاية الدينية وحشة والرشاوى والبلطجية وتسويد البطاقات واحيانا تغيير الصناديق حلوة؟ خلاص يعتبر التصويت انتهى والكلام ده لا طائل منه بس انا ادعو كل الناس اللى بهتم بيهم هنا فى المنتدى انه لو حصل اى حركات ثائرة فى الشارع متعبرهاش...هتبقه بلطجى وفوضوى وفى الاخر الناس هتختار نفس الراجل اللى قتلك بلا قرف |
رد: متحدون ضد الفلول
اقتباس:
الاخوان جزء اصيل وركن شديد من الثوره ولكنهم جروا وراء اطماعهم متناسين كل القوى الوطنيه محمد البرادعى هو فى مقام غاندى وفضله على مصر لا ينكره الا جاحد او جاهل ارجوك لا تقحم المنطق فى نقاشات كلانا يحسب انه اغزر علما من الاخر فيها |
رد: متحدون ضد الفلول
اقتباس:
يعنى خلاص أى حد مش شايف البرادعى غاندى هيبقى جاحد أو جاهل أنا معاك أن ده أول واحد مهم بدء الحراك السياسى فى مصر بس مع إحترامى مش معنى كده أنه غاندى يعنى المسئلة كلها تقديرية تختلف من شخص لاّخر مهما كان علمه . |
رد: متحدون ضد الفلول
اقتباس:
عموماً الاختلاف بالرأي لا يفسد للود قضية .. اشكرك على الرد تحيتي |
رد: متحدون ضد الفلول
طبعا ضد الفلول
وضد كل من قفز على الثوره وكل من يريد اهدار ثورتنا الشريفه الله يرحم كل شهيد دمائهم غاليه ويسقط حكم العسكر مــــقـــــاطـــــــــع |
رد: متحدون ضد الفلول
نداء الى كل فل من الفلول
- - - - - ثكلتك امك |
رد: متحدون ضد الفلول
اقتباس:
الاخوان وباقى قوى المعارضه احتموا به وبمكانته ومنعته الدوليه ثم تنكروا له بعد الثوره ولكننا نحن الذين فتح ظهوره امامنا دروبا من الحريه لن ننكر جميله علينا وعلى مصر |
رد: متحدون ضد الفلول
أه مش دة الفيديو اللى عامله الواد العبيط عمرو فراج الأخوانجى صاحب شبكة رصد الإخبارية هو ماسك ليه بندقية قناصة فى الصحراء ؟ سلفستر وللا أرنولد لأ ومتصور جنب مووووورسى يكنش هيبقى وزير الدفاع . http://www.fx-arabia.com/vb/uploaded/6_11339954296.jpg وجيش اللى معاك دول يا واد وللللا هدوم مفصلينها ...جتكوا نيلة . التصويت قرب يخلص وربنا يستر بقى على مصر. http://www.fx-arabia.com/vb/uploaded/6_11339954479.jpg |
رد: متحدون ضد الفلول
الصراحة انا رائى واحد ان كل واحد نزل فعلا فى الثورة و حس بيها و بقت من مبادئه واقف ضد الفلول.
لكن اللى كان قاعد فى بيتهم يتابع على التلفزيون ولا الانترنت الثورة مأثرتش فيه.. صراحة مع كل احترامى لكل من سيعطى لشفيق سواء نادر فيليب او محمود او اوشى او غيرهم و كلهم افاضل و لكن تتملكهم الفزاعة.. انا نفسى عندى الفزاعة بس مش بنفس القدر. للاسف اى حد بيرشح شفيق معندوش اى دعاية غير الضرب فى الاخوان او الثورة او اى ضرب فى اى حاجة.. فى حين اللى بيرشح مرسى عنده اما مبادئ ثورية او حتى مبادئ عقائدية و عنده برنامج قوى و مشروع منظم.. و ده بيؤكد ان سلعة شفيق سلعة سيئة لان الدعاية لها دعاية سلبية عن اخرين و هو اسوء اساليب الدعاية و افقرها مصداقية. رغم نادر قال فى مشاركة سابقة ان اللى يصوت لغير شفيق يكون خاين للوطن و انا متوقعتش خالص منه الكلمة دى لانى اعرف انه متفتح كفاية فى النظر للامور. بصرف النظر ان الاخ نادر الاختيار لديه اصعب بسبب تيار الاسلام السياسى المرعب بالنسبة للاخوة الاقباط حاليا لكن التخوين ضربة فى مقتل لكل من نزل فى الثورة و عنده مبادئ تحترم.. الاخوان فصيل سياسى له اخطائه الفادحة على مر العصور و ليسوا اقوياء بادارة بلد مثل مصر.. و شفيق فل كبير و سيئ السمعة و مش واجهة و حكم عسكرى و قضايا فساد بالعشرات. الحقيقة ان شفيق هو اسوء و امر الاختيارات بالنسبة لى.. و من يقول غير ذلك ادعوه للنزول للواقع شوية :) او ادعوه بالصمت و ان لا يتحدث بلسان الثورة ولا الثوار مرة اخرى.. الاخ محمود موضوع الثورة خلصت يوم 11 فبراير ده كلام ممكن نقوله لناس قاعدة على مصطبة مش ناس متفتحين هنا فى المنتدى.. معنديش رد على الكلام ده سوى اقرا تاريخ الثورات السابقة لتعرف فين الطريق الصح! عامة مساء اليوم يكون لكل حادث حديث.. :) الله يولى من يصلح |
رد: متحدون ضد الفلول
اقتباس:
يله شكلها كبود لمرسي ههه . صدقني لحظة اعلان النتائج النهائية لو نجح مرسي اول شخص حفتكره انت يا باشا من كتر ما انت خايف من فوز الراجل ده .. |
رد: متحدون ضد الفلول
السلام عليكم
من الاخر الخطأ دا خطأ الثورة من البدايه لانها مش كانت ماشيه ع اساس ولا قرارات قويه لو كان في اساس من البدايه مش كان دا بقا حيبقي حالنا و كنا بقينا عارفين اهدافنا الحقيقيه وربنا عطالنا فرصه واحنا ضيعنا الفرصه دي كشعب جاهل سياسيا واعلام فاسد والدول الجميله البتحب مصر كل دا ضرب الهوا عندنا بفيرس اسمه فيرس التخوين ان كل واحد مش واثق ف كلام التاني وتبقي قابلني بقا |
رد: متحدون ضد الفلول
هل فعلا الموضوع يحتاج الى عقل للاختيار ؟!!!!!
انتم تختارون بين اثنين : مرسى : بيننا وبينه خلاف سياسى وفكرى شفيق : بيننا وبينه دماء الشهداء والملايين المسروقة مرسى : لو مشتغلش بذمة هتمشيه بسهولة لان العالم والجيش والشرطة والاقباط والمسلمون الخائفون من فزاعة الدولة الدينية والفلول ضده شفيق : قابلنى لو فضل شخص حى او مش معتقل علشان يعارضه وطبعا الجيش والشرطة والفلول معه مرسى : عايز يطبق العدالة والقانون على القوى قبل الضعيف شفيق : عليه 36 قضية فساد وعايز يطلع مبارك وحاشيته من السجن مرسى : لم نسمع عنه او عن جماعته انهم حرامية او قتلة شفيق : ابو الحرامية والقتلة مرسى : احد اعضاء جماعة اسلامية سياسية شفيق : احد اعضاء الحزب الوطنى مرسى : رجل مدنى شفيق : رجل عسكرى مرسى : قال لن ننسى القدس وفلسطين فى دمائنا شفيق : لا يمكن ان نعتبر ان اسرائيل عدو لنا مرسى : هيحافظ على تعاليم الاسلام شفيق : هيلغى الأيات القرأنية او يحفظ اولادنا نصوص الانجيل ولو فرضنا زى مابيقول الاعلام الفاسد ان مرسى هيلبس الحريم طرح والرجالة جلابيب قصيرة !!!!!! انا متأكد ان شفيق هيلبس الرجالة طرح والحريم جلابيب قصيرة قوى قوى !!! ولو عاجبك شفيق !!! يعنى عاجبك امن الدولة واحتقار الانسان عاجبك السرقة وانهيار الاخلاق عاجبك امتهان الكرامة والطغيان العسكرى عاجبك السلبية اللى انت عايش فيها عاجبك براءة القتلة وفساد القضاء اذن اعتقد ان شهداء مصر والثوار فى غنى عن صوتك http://www.fx-arabia.com/vb/uploaded...1339967461.jpg |
رد: متحدون ضد الفلول
متزعلوش الرئيس القادم لا بيحل ولا بيربط شرابة خرج مع تحيات ......... ~المجلس العسكري~ |
رد: متحدون ضد الفلول
اقتباس:
بعض الرد بالأقتباس يرجى قرائته . الله يولى من يصلح . وشكرا لتعليقك عن كلامى حتى يتم التوضيح وإزالة اللبس أو التعجب من الكلام. اقتباس:
اقتباس:
مودتى للجميع,,, |
رد: متحدون ضد الفلول
اقتباس:
تمام أ.نادر ربنا يحمي مصر ونفوق احنا بقا شويه |
رد: متحدون ضد الفلول
أ نادر اعتذر ان كان كلامى ضايقك
عموما لكى اكون اكثر وضوحا... *من كان امامه 13 مرشحا واختار شفيق فرأيى واعتقادر الشخصى "اللى لا ذنب لى فيهم" انه خائن..لانه اختار مصالح شخصية على حساب المصلحة العامة واستخف بكل اللى ضحوا فى الثورة. *المسيحيين اللى اختاروا شفيق فى جولة الاعادة التمس لهم كل العذر لانهم كانوا بلا اختيارات تقريبا واتفهم تخوفهم من الاخوان المسلمين. *المسلمين اللى اختاروا شفيق فى الاعادة ولم يكن هو اختيارهم فى الجولة الاولى مقجرش اقول عليهم خونة بصريح العبارة لكن الحقيقة لا اتعاطف معهم ابدا. --- اعذرنى فهذه هى قناعاتى الشخصية بغض النظر عن امكانيات كلا المرشحين انما هى مسألة مبدأ فى الاساس مش برامج انتخابيه او ايدلوجية او كاريزما والكلام ده,انا اعتبر نفسى كنت بلا اختيارات ايضا وتصرفت كما اتخيل ان يتصرف كل من ثار على الظلم فى 25 يناير... |
| الساعة الآن 02:53 AM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com