|
أوفر طريقة لعمل حساب بنكي
بسم الله الرحمن الرحيم الاخوة اعضاء منتدى اف اكس اريبيا نظراً لاني ادين بالفضل لله اولا ثم لهذا المنتدى عامة والدكتور أسامة خاصة للفضل الكبير الذي اعطوه إلي من خلال تعلمي المتاجرة بالفوركس في اقل من شهر ورغم انني لا ازال امارس الفوركس بحساب وهمي الا انني ارى قدرتي على التحليل ولكن انا اتمهل حتى اصل الى مرحلة الاحتراف بالنسبة لموضوع عمل حساب في البنك للاشتراك عن طريقه في شركة وساطة على مرور الايام كان هذا هو شغل الشاغل اسأل في الكثير من المننتديات عن كيفية فتح حساب واقل مبلغ يمكن ان يوضع في الحساب وعن مصاريف التحويل من البنك للخارج والعمولات اللي بياخدوها وكنت اسمع كلام غريب اللي يقول 60 دولار مصاريف تحويل واقل مبلغ 1000 دولار واللي يقول 20 دولار عمولة عند السحب وحاجات غريبة لحد ما قلت لازم انزل واستفسر بنفسي المهم علشان منطولش عليكوا رحت البنك الاهلي واخذت رقم وانتظرت اكثر من ساعة لحد ما جه دوري دخلت سألت قالولي علشان تفتح حساب بالدولار اقل حاجة 1000 دولار ومصاريف التحويل 65 دولار وبياخدوا 100 جنيه مصاريف عمل الحساب مشيت وفضلت الف على البنوك البنك التجاري والاستثماري والاسكندرية وهذا البنك عاملوني وحش فيه والموظف يقولي حساب بالدولار ايه روح البنك الاهلي لو فتحت حساب عندنا هتدفع 2000 جنيه مصري والفلوس اللي هتتبعتلك ممكن متوصلش ومش عارف ايه في الاخر يأست لحد ملقيت بالصدفة افضل واحسن بنك وافضل معاملة بنك مصر فعلا هذا البنك اللي له تاريخ شوفوا الحساب فيه بيتفتح ازاي أولا مصاريف عمل الحساب : 30 جنيه مصري لاغير ثانيا ً الحساب حساب توفير واقل مبلغ 50 دولار بس يعني بما يعادل 300 جنيه مصري فعلا يا بلاش المفاجأة الكبيرة بقى مصاريف التحويل للخارج بياخدوا 3 % على الالف سألت يعني لو 100 دولار بتاخدوا عليهم كام البنت كتر خيرها حسبتهالي قالتلي 5 دولار بس سألتها 4 مرات علشان أتأكد قالت والله 5 دولار يعني 30 جنيه مصري بنفس اللفظ كدة قلتلها الفلوس دي هبعتهاشركة بردة قالتلي ولو في اي مكان في العالم بناخد 5 دولار بس قلتلها طيب لو اتبعتلي فلوس على الحساب بتاخدوا كام قالت ولا حاجة العمولة بتكون على التحويل من حسابك للغير بس لكن الحوالة اللي جيالك مبنخدش عليها حاجة المستندات المطلوبة صورة البطاقة و30 جنيه و50 دولار وبعدها يدولك رقم الحساب والسويفت كود وانت واقف انا خرجت بسرعة وانا مبسوط وقلت الحمد لله وقلت لازم افرح احبائي في المنتدى علشان يعرفوا الكلام ده اتمنى لكم كل صحة وتوفيق شكراً |
رد: أوفر طريقة لعمل حساب بنكي
جزاك الله خيرا فعلا موضوع رائع
|
رد: أوفر طريقة لعمل حساب بنكي
أيه دا ؟؟؟ أيه دا يا باشا ، والله العظيم أنت كدا :1 (21):
|
رد: أوفر طريقة لعمل حساب بنكي
تسلم يا حبيبي دعواتك بس
|
رد: أوفر طريقة لعمل حساب بنكي
لو الكلام دا بجد يبقي فعلا اقل مصاريف فتح حساب وتحويل انا البنك الاهلي سوستيه جنرال بياخد 8 دولار رسوم استقبال اي مبلغ لحسابك |
رد: أوفر طريقة لعمل حساب بنكي
لا يا نجم والله صح انا رحت وسألت البنك بنفسي بنك مصر وقالتلي مفيش رسوم بتتاخد على استقبال الاموال وتحويل الاموال للخهارج بياخدوا 3 % على الالف يعني على الميت دولار 5 دولار بس
|
رد: أوفر طريقة لعمل حساب بنكي
الله يكرمك يا باشا انا فعلاً كنت بفكر انزل اشوف ايه نظام البنوك و بطاقات الفيزا و الواحد يسحب امواله مباشرةً لانى زهقت من حكاية سحب الارباح و تقعد تدور على وسيط يكون اسعاره كويسة .. و بعدين يقولك مش معايا دلوقتى او يقولك خدهم رصيد مبيعات هو لازم يكون الحساب بالدولار ؟؟ يعنى مثلا لو بالجنيه و جالى تحويل عليه بالدولار هيترفض ؟؟ |
رد: أوفر طريقة لعمل حساب بنكي
لاء مش شرط يكون بالدولار لو بالمصري عادي
|
رد: أوفر طريقة لعمل حساب بنكي
انت ماشي على القاعدة التي تقول ان التجربة اكبر برهان نزلت وسئلت بنفسك وريحت دماغك بارك الله فيك على المعلومات |
رد: أوفر طريقة لعمل حساب بنكي
شكراً ليك وعلى حرصك لإعطاء المعلومة والإفادة ...
إنت فعلاً برنس يا طرزان ... |
رد: أوفر طريقة لعمل حساب بنكي
جزاك الله خرا أخي أتمنى يكون عندنا حل متل هدا في المغرب بس دا حلم بالنسبة لنا |
رد: أوفر طريقة لعمل حساب بنكي
اتمنى ان يكون كلام الموظفه هذه صادق
لان اكثر من عضو ذكر فيما سبق ان العموله الخاص بالتحويل او السحب فى بنك مصر مرتفعه عمتا هنجرب البنك ونشوف |
رد: أوفر طريقة لعمل حساب بنكي
الف شكر
وجزاك الله خيراً |
رد: أوفر طريقة لعمل حساب بنكي
اقتباس:
|
رد: أوفر طريقة لعمل حساب بنكي
اقتباس:
|
رد: أوفر طريقة لعمل حساب بنكي
اقتباس:
ويتم خصم هذه العمولات من المبلغ المسحوب واغلب البنوك تخصم من 10-15 دولار تحياتى ياغالى |
رد: أوفر طريقة لعمل حساب بنكي
ان شاء الله هفتح بنك مصر
شكرا على المجهود اللى بزلته .. جزاك الله خيرا |
رد: أوفر طريقة لعمل حساب بنكي
ملحوظه يا غالى
هناك ما يعرف برسم السويفت وهو مبلغ معين وفى معظمى الاحوال يتراوح ما بين 15/20دولار بالاضافه الى نسبه ع كل الف دولار ستجدها فى معظم البنوك ما بين تلاته او خمسه دولار والموظفه فعلا صادقه ولكنها نسيت رسوم السويفت ومن الممكن ان يكون نظام البنك خصمه من المرسل اليه وهو ما يحدث معى فى ويسترن يينون فمثلا بنوك بيريوس وباركليز والعربى الافريقى ....يتم خصم مبلغ تلاته دولار ع كل الف دولار بحد ادنى خمسه دولار بالاضافه الى عشرين دولار رسوم سويفت البنك الاهلى المصرى يتم خصم مبلغ خمسه دولار بالاضافه خمسة عشر دولار رسوم السويفت.... مع ملاحظه (انه فى اوقات كثيره يتم تغيير هذه الحدود ولكن لا تتجاوز ال 2 دولار) اتمنى من كل شخص ان يضع تجربته مع كل بنك تعامل معه لتعم الفائده للجميع |
رد: أوفر طريقة لعمل حساب بنكي
طيب ايه رأيك ان شركة IronFX بتفتح حساب بنكي للعميل (وهو حساب خاص) في بنك أوربي ولك حرية الاختيار بحيث ممكن يكون الحساب باليورو أو بالدولار
وده حصل معايا فعلا واستلم منهم بطاقة فيزا وامكانية استخدام الحساب عبر الانترنت وانا حاليا بتداول معاهم وبسحب أرباحي على حسابي البنكي الخاص وبسحب الفلوس من أي صراف الي والشركة بتفتح الحساب البنكي للعميل على نفقتها الخاصة وبترسل بطاقة الفيزا وأوراق الحساب بالبريد السريع DHL على نفقتها الخاصة برضو وكده ممكن العميل يعمل ايداع من أي مكتب صرافة الى حسابه البنكي ومش هيدفع مصاريف التحويل دي كلها الي حضرتك بتتكلم عنها |
رد: أوفر طريقة لعمل حساب بنكي
طيب انا معايا ماستر كارد بس بالمصرى ينفع ولا لازم يكون بالدولار
|
| الساعة الآن 07:44 PM |
Powered by vBulletin® Copyright ©2000 - 2025
جميع الحقوق محفوظة الى اف اكس ارابيا www.fx-arabia.com