اف اكس ارابيا..الموقع الرائد فى تعليم فوركس Forex - اصبح الفوركس وهما لايمكن تصديقه

- منتدى تعليم الفوركس (https://fx-arabia.com/vb/forumdisplay.php?f=3)

- - اصبح الفوركس وهما لايمكن تصديقه (https://fx-arabia.com/vb/showthread.php?t=17168)

اصبح الفوركس وهما لايمكن تصديقه

تعلمت أساسيات الفوركس ودرست ودفعت قد كده ..........
عرفت يعنى ايه مقاومه عرفت يعنى ايه دعم .........
عرفت معظم المؤشرات وغيره وغيره ..........
عملت ديمو وحققت عليه كام صفقة .... دأنا بقالى اسبوع بس وعامل 200 نقطة
احسب بقي ياعم 200 نقطة بقي ولو انا عامل اللوت بتاعي 50 يسلاااااااااااام دا اسبوع عملت فيه بس 10000 دولار !!!!!!!!!!!!
لاااااااا انا مستنى ايه انا هعمل حساب من بكره الصبح
قشطه كده فكك بقي بلا ديمو بلا غيره .... الواحد كان الاول بيتعب في نفسه على ارقام ويسهر لها انما دلوقت يسهر علشان حاجه تستاهل
وتعبه يبقي في مقابل ليه هم الناس اللى بيشتغلو وعملو ملايين دول اذكى منى مثلا ؟؟؟؟
وادي اول خبطه نستهدي بقي كده علشان دي فلوووووس يامعلم مش ارقام يامعلم
نخلى اللوت بقي 50 علشان نحس بالفرق والمكسب خليها تلعب
تمااااااااااااااااااااام اوى وادي اول خبطه يامعلم 50 نقطة يعنى 2500 دولار يسلام ايوه كده
نخش ع اللي بعده
وب 50 اللوت برده خليها تشتغل بقي
حلو 20 نقطه يلا بقي ياعم الشارت خليهم يوصلوا 50
ايه ده هو ماله الشموع بتقلب كده ليه
هو في خبر ولا ايه
لالالالالالالالا ايه ده ده رايح ناحية الستوب
اما اشيله بسرعه احسن يقفل الصفقة انا عارفه هيحك فيها ويرجع تانى
ايه ده دا انا خسران لغاية دلوقت 70 نقطة ايه هقفل على كده ولا ايه
طيب حد بقي من المحللين يرد عليا هو ايه اللى بيحصل ده
ينهاااااااااااااااااااااااااار
لا انا هعمل ايه بقي
انا هضحك على الشارت وهقفل الصفقة دي واعمل صفقة على الزوج بس عكسها علشن اخد الجابات دي
ايه ياااااااااااااااعم هو انت مش راضي تكمل ليه يادي النيله
اجيلك كده تجيلي كده ؟؟؟؟؟
انا هقوم اعمل شاي واسيب الشارت اللى زهقنى ده
ياااااااااه ضربت ستوب كمان ومارجن كوووووووول !!!!!!!!!!!!!!!!!!!
الله يخرب بيت اللى قالى ع الفوركس واللى عرفنى عليه
الفلوس راحت وانا اللى كنت فاكرها هتزيد
طب اعمل اكونت جديد ولا ايه
لااااااااااااااااااااااااااا ويتمرجن تانى ياعم انا خلينى ف شغلى انا ايه اللى يخلينى اضيع فلوسي تانى
ولو حد سألنى ع الفوركس ده هعمل فيه خير واقوله ياعم
.................الفوركس ده وهم لايمكن تصديقه .......................

هو دا حال المضارب الجديد اللى مبيصبرش
فاحذر اخى من التسرع فى عمل حساب حقيقي
واعلم ان كل شئ بالصبر والعلم
وايااااااااااااك والطمع فهو عدو الفوركس اللدود
ومن هو اعلم منك ليس اذكى منك بل لانه قد بدأ قبلك ومر بكل ما مررت به من مراحل ولكنه أصر على ان يتعلم اولا وليس على ان يربح اولا

على فكره انا مبتدئ يعنى بقالى 4 اسابيع بس ف السوق
وأخدت قرص كمان
بس اللى عايز اقوله بقي ان اللى انا اتعلمته من الممارسه ولا مليون كورس كان هيعلمهولى
اهمهم الاحساس بالسوق
يعنى لما تبص للشارت تحس انك شفته قبل كده لما بجد اصبر واول ماتحس انك كل ماتفتح المنصة وتبص للشارت وتحس انك شفته وانه بيتكرر هتعرف انه لازم تتعب كمان اكتر واكتر علشان مش بس تحس انك عارفه لا هتعرف بالظبط هو هيروح فين كمان شويه وده اللي نفسي اوصله بجد مااااااااااااااا أروع التحليل الفنى ومأ اروع ان تتوقع اتجاه الشارت هتحس انه بالبلدي كده جي على هواك

معذرة ان كنت قد أطلت لكن باختصار اريد ان اقول
الفوركس ليس وهما او خيالا لمن لديه عقل ويحسن استخدامه
ادعوووووووووولى
ويارب يوفق الجميع ويرزقهم من حيث لا يحتسبوا